ஜார்க்கண்ட் முதற்கட்ட தேர்தல் வாக்குப் பதிவு நிறைவு

ஜார்க்கண்ட் மாநிலத்தில் உள்ள 81 சட்டமன்ற தொகுதிகளில் முதற்கட்டமாக 43 தொகுதிகளுக்கு இன்று வாக்குப்பதிவு நடைபெற்றது. காலை 7 மணிக்கு வாக்குப்பதிவு தொடங்கி விறுவிறுப்பாக நடைபெற்றது. 43 தொகுதிகளில் மொத்தம் 683 வேட்பாளர்கள் போட்டியிடுகின்றனர்.

முன்னாள் முதல்வர் சம்பாய் சோரன் மற்றும் முன்னாள் எம்.பி. கீதா கோரா ஆகியோர் களத்தில் உள்ளனர். வாக்குப்பதிவு தொடர்பாக மாவோயிஸ்டுகள் எச்சரிக்கை விடுத்த போதிலும், வாக்காளர்கள் அதிக அளவில் வந்து வாக்கு செலுத்தினர்.

முதற்கட்ட வாக்குப் பதிவு நிறைவடைந்த நிலையில், மாலை 5 மணி நிலவரப்படி 64.86 சதவீதம் வாக்குகள் பதிவாகி உள்ளதாக தேர்தல் ஆணையம் தெரிவித்துள்ளது. மொத்த வாக்குகள் பதிவானது பற்றிய முழு தகவல் இன்னும் வெளியிடப்படவில்லை.