ஸ்ரீதேவி பாடலுக்கு நடனம் ஆடி பாலிவுட் கனவை நிறைவேற்றிய பெண்- வீடியோ வைரல்
- ஆவி வடேகர் என்ற அந்த பயனர் வெளியிட்ட வீடியோ மணாலி பகுதியில் எடுக்கப்பட்டுள்ளது.
- வைரலான வீடியோ 10 லட்சத்திற்கும் அதிகமான பார்வைகளை பெற்றுள்ளது.
சினிமாவில் நடிக்க வேண்டும் என்பது பல பெண்களின் கனவாகவே இருக்கிறது. வயது கடந்தாலும் அவர்களின் ஆசைகள் நிறைவேறுவதற்காகவும், சினிமா வாய்ப்புக்காகவும் தவம் கிடக்கின்றனர்.
அந்த வகையில் பாலிவுட் சினிமாவில் நடிக்க வேண்டும் என்ற கனவுடன் இருந்த பெண் ஒருவர் சமீபத்தில் இமாச்சல பிரதேசத்தின் அழகிய மலை பகுதிக்கு தனது மகனுடன் சுற்றுலா சென்ற போது ஸ்ரீதேவியின் பாடலுக்கு அவரை போன்றே நடனம் ஆடி தனது தீராத பாலிவுட் கனவை தீர்த்து கொண்டதாக அவரது மகன் வெளியிட்ட வீடியோ இன்ஸ்டாகிராமில் வைரலாகி வருகிறது.
ஆவி வடேகர் என்ற அந்த பயனர் வெளியிட்ட வீடியோ மணாலி பகுதியில் எடுக்கப்பட்டுள்ளது. அதில், ஆவி வடேகரின் தாயார் 1989-ம் ஆண்டு யாஷ்சோப்ராவின் 'சாந்தினி' திரைப்படத்தில் ஸ்ரீதேவி மற்றும் ரிஷிகபூர் ஆகியோர் நடனம் ஆடிய 'தேரே மேரே...' பாடலுக்கு ஸ்ரீதேவி போலவே நடனம் ஆடும் காட்சிகள் உள்ளது.
இந்த வீடியோ தனது தாய்க்கு மறக்க முடியாத தருணம் ஆக இருந்ததாக குறிப்பிட்டுள்ள ஆவி வடேகர் தனது பதிவில், வயது என்பது உங்கள் கனவை நிறைவு செய்வதற்கான ஒரு எண் என்று அதற்கு சொல்லுங்கள் என பதிவிட்டுள்ளார். வைரலான இந்த வீடியோ 10 லட்சத்திற்கும் அதிகமான பார்வைகளை பெற்றுள்ளது.