சாலையில் நடனமாடி 'ரீல்ஸ்' தயாரித்த இளம்பெண்- வீடியோ
- குறுகிய சாலையில் பெண் நடனம் ஆடும் போது பின்னால் 2 மோட்டார் சைக்கிள்களில் வாலிபர்கள் வருகின்றனர்.
- வீடியோவை பார்த்த பயனர்கள் பலரும் பெண்ணின் செயலை விமர்சித்து பதிவிட்டனர்.
சமூக வலைதளங்களில் புகழ் பெறுவதற்காக இளைஞர்களும், இளம்பெண்களும் 'ரீல்ஸ்' வீடியோக்களை உருவாக்கி வெளியிடுகின்றனர். திரைப்பட பாடல்களுக்கு நடனம் ஆடுவது தொடங்கி சாகசங்கள் செய்வது வரை ஏராளமான 'ரீல்ஸ்' வீடியோக்கள் இணையத்தில் பகிரப்பட்டு வருகிறது.
அந்த வகையில் தற்போது வலைதளங்களில் வைரலாகி வரும் ஒரு வீடியோவில், இளம்பெண் ஒருவர் நடுரோட்டில் நின்று கொண்டு பாடல் வரிகளுக்கு ஏற்ப நடனம் ஆடி 'ரீல்ஸ்' தயாரிக்கும் காட்சிகள் உள்ளது. குறுகிய சாலையில் பெண் நடனம் ஆடும் போது பின்னால் 2 மோட்டார் சைக்கிள்களில் வாலிபர்கள் வருகின்றனர். அவர்களுக்கு வழிவிடாமல் அந்த பெண் தொடர்ந்து நடனம் ஆடுகிறார்.
எனவே அவர் மீது மோதாமல் இருப்பதற்காக வாகன ஓட்டிகள் தங்களது மோட்டார் சைக்கிளை நிறுத்தும் போது, ஒரு வாகன ஓட்டி தடுமாறி கீழே விழுகிறார். அப்போது அந்த பெண் தொடர்ந்து நடனம் ஆடும் காட்சிகள் உள்ளது. இந்த வீடியோவை பார்த்த பயனர்கள் பலரும் பெண்ணின் செயலை விமர்சித்து பதிவிட்டனர்.