சமைக்கும்போது சூடான எண்ணெயில் விழுந்த செல்போன் வெடித்து சிதறியதால் இளைஞர் உயிரிழப்பு

மத்திய பிரதேசத்தில் சூடான எண்ணெயில் செல்போன் தவறி விழுந்து பேட்டரி வெடித்து சிதறியதில் சந்திர பிரகாஷ் என்பவர் பரிதாபமாக உயிரிழந்தார்.

சமைத்துக் கொண்டே செல்போன் பயன்படுத்திய போது இந்த விபத்து நடந்துள்ளது.

செல்போனின் பேட்டரி வெடித்ததில் படுகாயமடைந்த அவரை மருத்துவமனைக்கு அழைத்து செல்லும் வழியில் போக்குவரத்து நெரிசல் ஏற்பட்டதால் பாதி வழியிலேயே உயிர் பிரிந்துள்ளது.

ஆம்புலன்ஸ் தாமதமாக வந்ததே உயிரிழப்புக்கு காரணம் என்று உயிரிழந்தவரின் குடும்பத்தினர் குற்றம் சாட்டினர்.

உயிரிழந்த சந்திர பிரகாஷ்-க்கு திருமணமாகி 14 வயதில் ஒரு மகளும், 8 வயதில் ஒரு மகனும் உள்ளனர் என்பது குறிப்பிடத்தக்கது.