இந்தோனேஷிய மாஸ்டர்ஸ் பேட்மிண்டன் - இரண்டாவது சுற்றுக்கு முன்னேறினார் பி.வி.சிந்து

பாலி:

இந்தோனேசிய மாஸ்டர்ஸ் சூப்பர் 750 பேட்மிண்டன் தொடர் இந்தோனேசியாவில் நடந்து வருகிறது. 

இத்தொடரில் நேற்று நடைபெற்ற பெண்கள் ஒற்றையர் பிரிவு போட்டியில் இந்தியாவின் பி.வி.சிந்துவும், தாய்லாந்தின் சுபநிதா கடேதாங்கும் மோதினர்.

இதில், பி.வி.சிந்து 21-15, 21-19 எனும் செட் கணக்கில் சுபநிதா கடேதாங்கை வீழ்த்தினார். இதன்மூலம் அவர் இரண்டாவது சுற்றுக்கு முன்னேறினார்.

அடுத்த சுற்று போட்டியில் ஸ்பெயினின் கிளேரா அசர்மெண்டிசை சிந்து எதிர்கொள்கிறார். 

இதேபோல், ஆண்கள் ஒற்றையர் பிரிவில் இந்திய வீரர் லக்‌ஷயா சென் உலகின் 10-ம் நிலை வீரரான ஜப்பானின் கண்டா சுநேயாமாவை வீழ்த்தி அடுத்த சுற்றுக்கு முன்னேறினார்.

அடுத்த போட்டியில் 2 முறை உலக சாம்பியனான ஜப்பானின் கெண்டோ மொமோடாவை எதிர் கொள்ள உள்ளார் என்பது குறிப்பிடத்தக்கது