மிஸ்டர் பீஸ்ட் வீடியோவில் விராட் கோலி?

உலக அளவில் மிகப்பெரிய யூடியூபர்களான மிஸ்டர் பீஸ்ட், லோகன் பால மற்றும் கேஎஸ்ஐ இந்தியா வந்துள்ளனர். இந்த மூவரின் பிரான்டுகள்- ஃபீஸ்டபில் மற்றும் பிரைம் ஆகியவற்றை இந்தியாவில் வெளியிடுவதற்காக அவர்கள் இந்தியா வந்துள்ளனர்.

மிஸ்டர் பீஸ்ட் இந்தியா வந்ததில் இருந்து அவர் பற்றிய தகவல்கள் தொடர்ச்சியாக வெளியாகி வருகின்றன. அதன்படி இன்ஸ்டாகிாமில் இந்திய கிரிக்கெட் அணியின் நட்சத்திர வீரர் விராட் கோலி அவரது மனைவி அனுஷ்கா ஷர்மா ஆகியோரை ஃபாளோ செய்த மிஸ்டர் பீஸ்ட்-இடம் ரசிகர் ஒருவர் கேள்வி எழுப்பினார்.

அப்போது உங்கள் வீடியோவில் விராட் கோலியை எதிர்பார்க்கலாமா என்று கேட்டிருந்தார். அதற்கு கமென்ட் செய்த மிஸ்டர் பீஸ்ட், "உங்களுக்கு மிஸ்டர் பீஸ்ட் வீடியோவில் விராட் கோலி இடம்பெறுவதை பார்க்க வேண்டுமா?" என்று குறிப்பிட்டார். இவரது இந்த கமென்ட் சமூக வலைதளங்களில் அதிகம் பகிரப்படுகிறது.