Video: முடிஞ்சா ரன் அவுட் செஞ்சி பாரு.. ஆஸ்திரேலிய வீரருக்கு போக்கு காட்டிய ஜெய்ஸ்வால்
- 2 ஆவது இன்னிங்சில் இந்தியா அணி 1 விக்கெட் இழப்பிற்கு 275 ரன்கள் அடித்துள்ளது.
- முதல் இன்னிங்சில் டக்அவுட் ஆன ஜெய்ஸ்வால் 2-வது இன்னிங்சில் சதம் அடித்தார்.
இந்தியா- ஆஸ்திரேலியா இடையிலான முதல் டெஸ்ட் பெர்த்தில் நடைபெற்று வருகிறது. டாஸ் வென்று முதலில் பேட்டிங் செய்த இந்தியா 150 ரன்னில் சுருண்டது.
பின்னர் முதல் இன்னிங்சை தொடங்கிய ஆஸ்திரேலியா இன்றைய 2-வது ஆட்டத்தில் 104 ரன்கள் எடுத்து ஆல்அவுட் ஆனது. பும்ரா 5 விக்கெட் வீழ்த்தினார்.
பின்னர் இந்தியா 2-வது இன்னிங்சை தொடங்கியது. ஜெய்ஸ்வால் மற்றும் கே.எல். ராகுல் ஆகியோர் தொடக்க வீரர்களாக களம் இறங்கினர். முதல் இன்னிங்சில் டக்அவுட் ஆன ஜெய்ஸ்வால் 2-வது இன்னிங்சில் சிறப்பாக விளையாடி சதம் அடித்து அசத்தினார்.
இந்நிலையில், நேற்றைய ஆட்டத்தில், முடிந்தால் ரன் அவுட் செய் என்பதுபோல ஜெய்ஸ்வால் கிரீஸ்-க்கு வெளியே நின்றுகொண்டு ஆஸ்திரேலிய வீரர் மார்னஸ் லபுஷேனுக்கு போக்கு காட்டினார். இது தொடர்பான வீடியோ இணையத்தில் வைரலானது.
2 ஆவது இன்னிங்சில் இந்தியா அணி தற்போது வரை 1 விக்கெட் இழப்பிற்கு 275 ரன்கள் அடித்து 321 ரன்கள் முன்னிலை பெற்றுள்ளது.