ஒருநாள் கிரிக்கெட் தரவரிசை: முதலிடம் பிடித்து அசத்திய பாகிஸ்தான் வீரர்கள்

ஒருநாள் கிரிக்கெட் போட்டிக்கான புதிய தரவரிசைப் பட்டியலை சர்வதேச கிரிக்கெட் கவுன்சில் இன்று வெளியிட்டது.

ஒருநாள் போட்டிக்கான பேட்ஸ்மேன் தரவரிசை பட்டியலில் பாகிஸ்தானின் பாபர் அசாம் மீண்டும் முதல் இடம் பிடித்துள்ளார். ரோகித் சர்மா 2-ம் இடமும் சுப்மன் கில் 3-ம் இடமும் விராட் கோலி 4-ம் இடமும் பிடித்துள்ளனர்.

ஒருநாள் போட்டிக்கான பந்துவீச்சாளர் தரவரிசை பட்டியலில் பாகிஸ்தானின் ஷாஹீன் அப்ரிடி முதல் இடம் பிடித்துள்ளார். ஆப்கானிஸ்தானின் ரஷீத் கான் 2-ம் இடமும் தென் ஆப்பிரிக்காவின் கேஷவ் மகராஜ் 3-ம் இடமும் இந்தியாவின் குல்தீப் யாதவ் 4-ம் இடமும் பிடித்துள்ளார். இந்த பட்டியலில் பும்ரா 6-ம் இடமும் முகமது சிராஜ் 8-ம் இடமும் பிடித்துள்ளனர்.