புஜ்ஜி பாபு தொடர்: நரைன் ஸ்டைலில் பந்து வீசிய ஷ்ரேயாஸ் - வைரல் வீடியோ

புஜ்ஜி பாபு கிரிக்கெட் தொடர் தமிழ்நாட்டில் 4 இடங்களில் நடைபெற்று வருகிறது. இதில் மத்திய பிரதேசம், டெல்லி, ஹரியானா, உள்ளிட்ட 12 அணிகள் மோதுகிறது. இந்த போட்டிகள் திருநெல்வேலி, சேலம், கோயம்புத்தூர் ஆகிய மாவட்டங்களில் நடைபெறுகிறது.

இந்நிலையில் மும்பை மற்றும் டிஎன்சிஏ லெவன் அணிகள் மோதி வருகிறது. இந்த போட்டியில் மும்பை அணியில் விளையாடும் ஷ்ரேயாஸ் அய்யர் பந்து வீசும் போது சுனில் நரைன் ஸ்டைலில் பந்து வீசி அசத்தி உள்ளார். இது தொடர்பான வீடியோ சமூக வலைதளங்களில் வைரலாகி வருகிறது.

ஷ்ரேயாஸ் அய்யர் மற்றும் சுனில் நரைன் கொல்கத்தா அணிக்காக விளையாடி வந்தனர் என்பது குறிப்பிடத்தக்கது.