புரோ கபடி லீக்: உ.பி, டெல்லி அணிகள் வெற்றி

நொய்டா:

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் இரண்டாம் கட்ட லீக் ஆட்டங்கள் உத்தர பிரதேசத்தின் நொய்டாவில் நடந்து வருகிறது.

இதில் இன்று இரவு 8 மணிக்கு நடைபெற்ற ஆட்டத்தில் தமிழ் தலைவாஸ், உ.பி. யோதாஸ் அணிகள் மோதின. இந்த ஆட்டத்தில் உ.பி. யோதாஸ் அணி தொடக்கம் முதல் சிறப்பாக விளையாடியது.

இறுதியில் உ.பி. யோதாஸ் அணி 40-24 என்ற புள்ளிக்கணக்கில் வெற்றி பெற்றது.

மற்றொரு ஆட்டத்தில் தபாங் டெல்லி அணி, ஜெய்ப்பூர் பிங் பாந்தர்ஸ் அணியை 35-21 என்ற புள்ளிக்கணக்கில் வீழ்த்தியது.