தமிழகத்தில் அரசியல் பிரமுகர்கள், பெண்கள், யாருக்கும் பாதுகாப்பு இல்லை - எடப்பாடி பழனிசாமி

தூத்துக்குடி:

தூத்துக்குடி விமான நிலையத்தில் அதிமுக பொதுச்செயலாளர் எடப்பாடி பழனிசாமி செய்தியாளர்களுக்கு பேட்டி அளித்தார். அப்போது அவர் கூறியதாவது:

* கடலூரில் அதிமுக பிரமுகர் படுகொலை செய்யப்பட்டுள்ளார்.

* தமிழகத்தில் கொலை நடக்காத நாளே இல்லை.

* தமிழகம் கொலை மாநிலமாக மாறி உள்ளது கவலை அளிக்கிறது.

* தருமபுரி தொப்பி வாப்பா பிரியாணி கடைக்குள்ளேயே புகுந்து இளைஞரை கொலை செய்துள்ளனர்.

* மனிதர்களை கசாப்பு கடையில் ஆடுகளை வெட்டுவது போல் வெட்டுவது அதிகரித்துள்ளது.

* காவல்துறைக்கு முழு சுதந்திரம் கொடுத்து சட்டம் ஒழுங்கு சீர்குலைவை தடுக்க வேண்டும்.

* தமிழகத்தில் போதையால் கொலைகள் அதிகரித்து வருகின்றன.

* அரசியல் பிரமுகர்கள், பெண்கள் என யாருக்குமே பாதுகாப்பு இல்லை.

* தமிழக மக்களின் கோபத்தை மறைக்கவே மத்திய அரசுக்கு எதிராக திமுக போராட்டம் நடத்தியது.

* திமுக மீது தமிழக மக்கள் கடும் கோபத்தில் இருக்கிறார்கள் என்று தெரிவித்தார்.