தங்கம் விலை சவரனுக்கு ரூ.560 குறைந்தது

சென்னை:

தங்கத்தின் விலை கடந்த 2 மாதங்களாக கடுமையாக உயர்ந்தது. அவ்வப்போது குறைந்தாலும் இதுவரை இல்லாத அளவுக்கு அதிகரித்து அதிர்ச்சி அடைய வைத்தது. இம்மாதம் 3- வது முறையாக நேற்று தங்கம் புதிய உச்சத்தை தொட்டு கிராம் ரூ.5,720-க்கும்,பவுன் ரூ. 45,760-க்கும் விற்பனை ஆனது.

இந்த நிலையில் இன்று சற்று ஆறுதல் அளிக்கும் வகையில் தங்கம் கிராம் ரூ. 70-ம் பவுன் ரூ.560-ம் குறைந்து இருக்கிறது. கிராம் ரூ.5,650-க்கும், பவுன் ரூ. 45,200-க்கும் விற்பனை ஆகிறது. நாளை ஞாயிற்றுக்கிழமை என்பதால் இந்த விலையில் மாற்றம் இருக்காது. நாளை மறுநாள் மீண்டும் அதிகரிக்குமா? அல்லது குறையுமா? என்பது தெரியவில்லை.

தங்கத்தை போலவே வெள்ளி விலையும் குறைந்து இருக்கிறது. கிராம் ரூ.83-ல் இருந்து 81.50 ஆகவும், கிலோ ரூ.83 ஆயிரத்தில் இருந்து ரூ81,500 ஆகவும் குறைந்து விற்பனை ஆகிறது.