செய்திகள் (Tamil News)
பாகிஸ்தானுக்கு எதிரான லீக் ஆட்டம்- இங்கிலாந்து அணி டாஸ் வென்று பீல்டிங் தேர்வு
உலக கோப்பை கிரிக்கெட் தொடரில், இன்று நடைபெறும் லீக் ஆட்டத்தில் இங்கிலாந்து அணி டாஸ் வென்று பீல்டிங்கை தேர்வு செய்தது. இதையடுத்து பாகிஸ்தான் முதலில் பேட்டிங் செய்கிறது.
நாட்டிங்காம்:
உலகக் கோப்பை கிரிக்கெட் தொடரில் இன்று, நாட்டிங்காமில் நடைபெறும் 6வது லீக் ஆட்டத்தில் பாகிஸ்தான் மற்றும் இங்கிலாந்து அணிகள் விளையாடுகின்றன. இந்த போட்டியில் டாஸ் வென்ற இங்கிலாந்து அணி பந்து வீச்சு தேர்வு செய்தது. இதையடுத்து பாகிஸ்தான் அணி பேட்டிங் செய்து வருகிறது. துவக்க வீரர்களாக இமாம் உல் ஹக்- பகார் ஜமான் களமிறங்கினர்.
இப்போட்டியில் விளையாடும் இரு அணிகளின் வீரர்கள் வருமாறு:
இங்கிலாந்து
ஜாசன் ராய், ஜானி பேர்ஸ்டோ, ஜோ ரூட், மோர்கன் (கேப்டன்), பென் ஸ்டோக்ஸ், ஜோஸ் பட்லர், மொயீன் அலி, கிறிஸ் வோக்ஸ், ஜோஃப்ரா ஆர்ச்சர், அடில் ரஷித், மார்க் வுட்
பாகிஸ்தான்
ஃபகார் ஜமான், இமாம் உல் ஹக், பாபர் ஆசம், முகமது ஹபீஸ், சர்பராஸ் அகமது (கேப்டன்), சோயிப் மாலிக், ஆசிப் அலி, ஷதாப் கான், ஹசன் அலி, வஹாப் ரியாஸ், முகமது அமீர்.