நீட் தேர்வுக்கு எதிரான கையெழுத்து இயக்கம்

புதுச்சேரி:

கோட்டக்குப்பத்தில் அமைச்சர் உதயநிதி ஸ்டாலின் பிறந்தநாள் விழா நேற்று கொண்டாடப்பட்டது. தி.மு.க. நகர செயலாளரும், கோட்டக் குப்பம் நகர் மன்ற தலை வரு மான எஸ்.எஸ் ஜெயமூர்த்தி தலைமையில் பல்வேறு இடங்களில் நலத்திட்ட உதவிகள் வழங்கும் நிகழ்ச்சிகள் நடந்தது.

இதன் ஒரு பகுதியாக கோட்டகுப்பம் அரசு மேல்நிலைப்பள்ளி எதிரே 'நீட் விலக்கு நம் இலக்கு' கையெழுத்து இயக்கம் நிகழ்ச்சி நடந்தது. இதில் விழுப்புரம் மாவட்ட தி.மு.க. மருத்துவரணி துணை அமைப்பாளர் டாக்டர் வினோபாரதி முன்னிலை யில் மருத்துவம் படிக்கும் மாணவ-மாணவி கள், அரசு பள்ளி மாணவ மாணவிகள் தமிழ்நாட்டில் நீட் விலக்கு வேண்டி ஜனாதிபதிக்கு கடிதம் அனுப்பும் கையெழுத்து இயக்க பெட்டியில் தங்களுடைய ஆதரவை தெரிவித்தனர்.