null
அசத்தல் சலுகையுடன் விற்பனைக்கு கிடைக்கும் பிக்சல் 7
- கூகுள் நிறுவனத்தின் பிக்சல் 7 ஸ்மார்ட்போனிற்கு ப்ளிப்கார்ட் தளத்தில் அசத்தல் சலுகை வழங்கப்படுகிறது.
- கடந்த ஆண்டு அக்டோபர் மாதம் அறிமுகம் செய்யப்பட்ட பிக்சல் 7 விலை ரூ. 59 ஆயிரத்து 999 என நிர்ணயம் செய்யப்பட்டது.
இந்திய சந்தையில் கூகுள் நிறுவனத்தின் பிக்சல் 7 ஸ்மார்ட்போன் கடந்த ஆண்டு அக்டோபர் மாதம் அறிமுகம் செய்யப்பட்டது. இதன் விலை ரூ. 59 ஆயிரத்து 999 என்று நிர்ணயம் செய்யப்பட்டு இருந்தது. போட்டி நிறுவன மாடல்களுடன் ஒப்பிடும் போது பிக்சல் 7 விலை சற்று அதிகமாகவே இருக்கிறது. இந்த நிலையில், ப்ளிப்கார்ட் தளத்தில் பிக்சல் 7 மாடலுக்கு அசத்தல் சலுகைகள் அறிவிக்கப்பட்டு இருக்கிறது.
பிக்சல் 7 (8 ஜிபி ரேம், 128 ஜிபி மெமரி) மாடல் விலை ரூ. 59 ஆயிரத்து 999 என்று நிர்ணயம் செய்யப்பட்டு இருந்த நிலையில், தற்போது ப்ளிப்கார்ட் தளத்தில் இதன் விலை ரூ. 56 ஆயிரத்து 999 என்று மாறி இருக்கிறது. இதுதவிர அமெரிக்கன் எக்ஸ்பிரஸ், எஸ்பிஐ, ஹெச்டிஎப்சி, ஐசிஐசிஐ மற்றும் ஆக்சிஸ் வங்கி கிரெடிட் மற்றும் டெபிட் கார்டுகளை பயன்படுத்தும் போது ரூ. 7 ஆயிரம் வரை உடனடி தள்ளுபடி வழங்கப்படுகிறது.
இதன் மூலம் பிக்சல் 7 விலை ரூ. 49 ஆயிரத்து 999 என்று மாறிவிடுகிறது. இதுதவிர தேர்வு செய்யப்பட்ட ஸ்மார்ட்போன்களை எக்சேஞ்ச் செய்யும் போது ரூ. 30 ஆயிரம் வரை தள்ளுபடி வழங்கப்படுகிறது. கூகுள் பிக்சல் 7 ஸ்மார்ட்போன் ஸ்னோ, அப்சிடியன் மற்றும் லெமன்கிராஸ் போன்ற நிறங்களில் கிடைக்கிறது.
கூகுள் பிக்சல் 7 அம்சங்கள்:
6.3 இன்ச் FHD+ AMOLED டிஸ்ப்ளே, 90Hz ரிப்ரெஷ் ரேட்
கூகுள் டென்சார் G2 பிராசஸர்
8 ஜிபி ரேம், 128 ஜிபி மெமரி
8 ஜிபி ரேம், 256 ஜிபி மெமரி
ஆண்ட்ராய்டு 13 ஒஎஸ்
இன் டிஸ்ப்ளே கைரேகை சென்சார்
50MP பிரைமரி கேமரா
12MP அல்ட்ரா வைடு கேமரா
11MP செல்ஃபி கேமரா
5ஜி, 4ஜி எல்டிஇ, ப்ளூடூத்
யுஎஸ்பி டைப் சி போர்ட்
4700 எம்ஏஹெச் பேட்டரி
30 வாட் ஃபாஸ்ட் சார்ஜிங்