நெல்லை:
டி.என்.பி.எல். கிரிக்கெட் தொடரில் இன்று நெல்லையில் நடைபெற்ற லீக் ஆட்டத்தில் சேலம் ஸ்பார்டன்ஸ், திண்டுக்கல் டிராகன்ஸ் அணிகள் விளையாடின. டாஸ் வென்ற திண்டுக்கல் பந்துவீச்சை தேர்வு செய்தது.
முதலில் பேட் செய்த சேலம் அணி 20 ஓவரில் 6 விக்கெட்டுக்கு 160 ரன்கள் சேர்த்தது. அதிரடியாக ஆடிய சன்னி சந்து 39 பந்துகளில் 2 பவுண்டரி, 4 சிக்சர்களுடன் 57 ரன்கள் விளாசினார். அரவிந்த் 26 ரன்கள், கவின் 25 ரன்கள், மோகித் ஹரிஹரன் 21 ரன்கள் சேர்த்தனர்.
திண்டுக்கல் சார்பில் வருண் சக்கரவர்த்தி, சுபோத் பதி தலா 2 விக்கெட் எடுத்தனர்.
இதையடுத்து 161 ரன்கள் எடுத்தால் வெற்றி என்ற இலக்குடன் திண்டுக்கல் அணி களமிறங்கியது. கேப்டன் பாபா இந்திரஜித் அதிரடியாக ஆடினார். அவர் 50 பந்தில் 3 சிக்சர், 9 பவுண்டரி உள்பட் 83 ரன்கள் விளாசினார். அவருக்கு விமல் குமார் நன்கு ஒத்துழைப்பு கொடுத்து 42 ரன்னில் அவுட்டானார்.
இறுதியில், திண்டுக்கல் அணி 3 விக்கெட்டுக்கு 163 ரன்கள் எடுத்து அபார வெற்றி பெற்றது.
