சன்னி சந்து அபாரம்.. திண்டுக்கல் அணிக்கு எதிராக 160 ரன்கள் குவித்தது சேலம் ஸ்பார்டன்ஸ்

நெல்லை:

டிஎன்பிஎல் கிரிக்கெட் தொடரில் இன்று நெல்லையில் நடைபெறும் லீக் ஆட்டத்தில் சேலம் ஸ்பார்டன்ஸ், திண்டுக்கல் டிராகன்ஸ் அணிகள் விளையாடுகின்றன. டாஸ் வென்ற திண்டுக்கல் அணி பந்துவீச்சை தேர்வு செய்தது.

முதலில் பேட்டிங் செய்த சேலம் அணியின் கவுசிக் காந்தி 7 ரன்னில் வெளியேறினார். அரவிந்த் 26 ரன்கள், கவின் 25 ரன்கள், மோகித் ஹரிஹரன் 21 ரன்கள் சேர்த்தனர். அதிரடியாக ஆடிய சன்னி சந்து 39 பந்துகளில் 2 பவுண்டரி, 4 சிக்சர்களுடன் 57 ரன்கள் விளாசி நம்பிக்கை அளித்தார். இதனால் 20 ஓவர் முடிவில் சேலம் அணி 6 விக்கெட் இழப்பிற்கு 160 ரன்கள் சேர்த்தது.

திண்டுக்கல் தரப்பில் வருண் சக்கரவர்த்தி, சுபோத் பதி தலா 2 விக்கெட் எடுத்தனர்.

இதையடுத்து 161 ரன்கள் எடுத்தால் வெற்றி என்ற இலக்குடன் திண்டுக்கல் அணி களமிறங்குகிறது.