கர்நாடகா

கர்நாடக மாநிலம் பெல்லாரியில் பார்பர் ஷாப்பில் ஹெட் மசாஜ் செய்து கொண்ட 30 வயது இளைஞர் பக்கவாதம் ஏற்பட்ட சம்பவம் அதிர்ச்சியை ஏற்படுத்தியுள்ளது. பெல்லாரியை சேர்ந்த ராஜ்குமார் என்ற 30 வயது நபர் கடந்த 2 மாதங்கள் முன்பு வழக்கமாக முடிவெட்டிக்கொள்ளும் சலூனில் இலவசமாக ஹெட் மசாஜ் செய்துகொள்ள முற்பட்டுள்ளார். அந்த பார்பர், ராஜ்குமாரின் தலையை ஹெட் மசாஜ் என்ற பெயரில் கடுமையாக மீண்டும் மீண்டும் திரும்பியுள்ளார்.

இதனால் அசவுகர்யமாக உணர்ந்த ராஜ்குமார் அதன்பின் வலியை கண்டுகொள்ளாமல் வீடு திரும்பி சாதாரணமாக வேலைகளில் ஈடுபட்டுள்ளார். ஆனால் சில மணி நேரங்களிலேயே தனது உடலின் இடது பக்கத்தில் கடுமையான வலியை உணரத்தொடங்கிய ராஜ்குமார் பேசுவதற்கும் சிரமப்பட்டுள்ளார். தனது உடலில் எதோ தவறாக நடக்கிறது என்பதை உணர்ந்து உடனே மருத்துவமனைக்குச் சென்றார்.

ராஜ்குமாரைப் பரிசோதித்த மருத்துவர்கள் அவருக்குப் பக்கவாதம் ஏற்பட்டுள்ளதை கண்டறிந்தனர். ஹெட் மசாஜ்  விவரத்தை அறிந்த மருத்துவர்கள் ராஜ்குமாரின் கழுத்து கடுமையாக திருப்பப்பட்டத்தில் மூளைக்கு ரத்தம் அனுப்பும் கரோடிட் ஆர்டரி [carotid artery] சேதமானதால் அவருக்கு பக்கவாதம் ஏற்பட்டதை கண்டறிந்தனர்.

இதனை தொடர்ந்து ரத்தம் உறைதலை சரி செய்ய கடந்த 2 மாத காலமாக அவருக்கு மருத்துவர்கள் சிகிச்சை அளித்து தேற்றியுள்ளனர். இந்த சம்பவம் தற்போது வெளிச்சத்துக்கு வந்துள்ள நிலையில் வல்லுநர்கள் அல்லாமல் ஹெட் மசாஜ் செய்து கொள்வதில் உள்ள ஆபத்தைக் குறித்து மருத்துவர்கள் எச்சரிக்கை விடுத்துள்ளனர். 

தேர்தல் பத்திரங்கள் மூலம் மிரட்டிப் பணம் பறித்த புகாரில் நிதியமைச்சர் நிர்மலா சீதாராமன் மீது பெங்களூரு திலக் நகர் காவல் நிலையத்தில் வழக்குப்பதிவு செய்யபட்டுள்ளது.

நிதியமைச்சர் நிர்மலா சீதாராமனுக்கு எதிராக பெங்களூரு குற்றவியல் நடுவர் நீதிமன்றத்தில் ஜனாதிகாரா சங்கர்ஷ பரிஷத் அமைப்பின் துணைத்தலைவர் ஆதர்ஷ் ஐயர் மனுதாக்கல் செய்தார்.

அவரது மனுவில், "நிர்மலா சீதாராமன், ஜெ.பி.நட்டா உள்ளிட்ட பாஜக தலைவர்கள் மற்றும் அமலாக்கத்துறை அதிகாரிகள் தேர்தல் பத்திரங்கள் மூலம் மிரட்டி பணம் பறித்ததாக குற்றம் சாட்டியுள்ளார்.

இந்த வழக்கை நேற்று விசாரித்த நீதிமன்றம், மத்திய நிதியமைச்சர் நிர்மலா சீதாராமன் மீது வழக்குப்பதிவு செய்து விசாரிக்க உத்தரவிட்டது.

இதன் அடிப்படையில் நிர்மலா சீதாராமன், ஜே.பி.நட்டா, கர்நாடக முன்னாள் பாஜக தலைவர் நளின் குமார், கர்நாடக பாஜக தலைவர் பி.ஒய்.விஜயேந்திரா மற்றும் அமலாக்கத்துறை அதிகாரிகள் மீது பெங்களூரு திலக் நகர் காவல் நிலையத்தில் வழக்குப்பதிவு செய்யப்பட்டுள்ளது.

அரசியல் கட்சிகள் நன்கொடை பெறுவதற்காக மத்திய பா.ஜ.க. அரசு கடந்த 2018-ம் ஆண்டு தேர்தல் பத்திரம் திட்டத்தைக் கொண்டு வந்தது. கடந்த பிப்ரவரி மாதம் தேர்தல் பத்திரம் திட்டத்தை உச்சநீதிமன்றம் ரத்து செய்தது குறிப்பிடத்தக்கது.

கர்நாடகாவில் 'முடா' நில முறைகேடு தொடர்பாக முதலமைச்சர் சித்தராமையா மீது வழக்கு பதிவு செய்து விசாரணை நடத்துமாறு லோக் ஆயுக்தாவிற்கு சிறப்பு நீதிமன்றம் உத்தரவிட்டுள்ளது.

இந்த விவகாரத்தில் 3 பேர் அளித்த புகாரின் பேரில் நீதிமன்ற வழிகாட்டுதலின்படி சித்தராமையாவுக்கு எதிராக மைசூரு லோக் ஆயுக்தா போலீசார் வழக்குப்பதிவு செய்துள்ளனர்.

ஊழல் புகாரில் வழக்கு பதிவு செய்யப்பட்டதால் முதல்வர் பதவியை சித்தராமையா ராஜினாமா செய்ய வேண்டும் என்று பாஜகவினர் வலியுறுத்தி வருகின்றனர்.

இந்நிலையில், தேர்தல் பத்திரங்கள் மூலம் மிரட்டி பணம் பறித்த புகாரில் மத்திய நிதியமைச்சர் நிர்மலா சீதாராமன் மீது வழக்குப்பதிவு செய்து விசாரிக்க பெங்களூரு குற்றவியல் நடுவர் நீதிமன்றம் அதிரடி உத்தரவு பிறப்பித்துள்ளது.

இந்த விவகாரம் தொடர்பாக சித்தராமையா தனது எக்ஸ் பக்கத்தில் பதிவிட்டுள்ளார். அவரது பதிவில், "தேர்தல் பத்திரங்கள் மூலம் மிரட்டி பணம் பறித்த புகாருக்கு பிரதமர் மோடி, மத்திய நிதியமைச்சர் நிர்மலா சீதாராமன் மற்றும் நில ஒதுக்கீடு புகாரில் ஜாமினில் உள்ள மத்திய அமைச்சர் குமாரசாமி ஆகியோர் முதலில் பதவி விலக வேண்டும். அவர்கள் பதவி விலகினால், நானும் முதலமைச்சர் பதவியில் இருந்து விலகத் தயார்" என்று தெரிவித்துள்ளார்.

தேர்தல் பத்திரங்கள் மூலம் மிரட்டி பணம் பறித்த புகாரில் மத்திய நிதியமைச்சர் நிர்மலா சீதாராமன் மீது வழக்குப்பதிவு செய்து விசாரிக்க பெங்களூரு குற்றவியல் நடுவர் நீதிமன்றம் அதிரடி உத்தரவு பிறப்பித்துள்ளது.

ஜனாதிகாரா சங்கர்ஷ பரிஷத் அமைப்பின் துணைத்தலைவர் ஆதர்ஷ் ஐயர் தொடர்ந்த வழக்கில் இந்த உத்தரவு பிறப்பிக்கப்பட்டுள்ளது.

ஆதர்ஷ் தனது புகார் மனுவில், "நிர்மலா சீதாராமன், ஜெ.பி.நட்டா உள்ளிட்ட பாஜக தலைவர்கள் மற்றும் அமலாக்கத்துறை அதிகாரிகள் தேர்தல் பத்திரங்கள் மூலம் மிரட்டி பணம் பறித்ததாக" குற்றம் சாட்டியுள்ளார்.

அரசியல் கட்சிகள் நன்கொடை பெறுவதற்காக மத்திய பாஜக அரசு கடந்த 2018-ம் ஆண்டு தேர்தல் பத்திரம் திட்டத்தைக் கொண்டு வந்தது. கடந்த பிப்ரவரி மாதம் தேர்தல் பத்திரம் திட்டத்தை உச்சநீதிமன்றம் ரத்து செய்தது குறிப்பிடத்தக்கது.

கர்நாடகாவில் 'முடா' நில முறைகேடுதொடர்பாக முதல்-மந்திரி சித்தராமையா மீது ஊழல் வழக்கு தொடர சமூக ஆர்வலர்கள் கவர்னர் தாவர்சந்த் கெலாட்டை நேரில் சந்தித்து மனு கொடுத்தனர். அதனை பரிசீலித்த கவர்னர், கடந்த மாதம் 17-ந் தேதி சித்தராமையா மீது வழக்கு தொடர அனுமதி வழங்கி உத்தரவிட்டார்.

இதையடுத்து முதல்-மந்திரி சித்தராமையா, கவர்னரின் உத்தரவை ரத்து செய்ய கோரி கர்நாடக ஐகோர்ட்டில் மனு தாக்கல் செய்தார்.

நீதிபதி நாகபிரசன்னா முன்னிலையில் அந்த மனு மீது விரிவாக விசாரணை நடைபெற்றது. அனைத்து தரப்பு வாதங்களும் நிறைவடைந்த நிலையில் நேற்று நீதிபதி நாகபிரசன்னா, சித்தராமையாவின் மனு நிராகரிக்கப்படுவதாகவும், கவர்னரின் உத்தரவு செல்லும் என்றும் பரபரப்பு தீர்ப்பு வழங்கி உத்தரவிட்டார்.

இந்நிலையில் முடா ஊழல் தொடர்பாக முதல்வர் சித்தராமையா மீது வழக்கு பதிவு செய்து விசாரணை நடத்துமாறு லோக் ஆயுக்தாவிற்கு சிறப்பு நீதிமன்றம் உத்தரவிட்டது.

இந்நிலையில், இந்த விவகாரத்தில் 3 பேர் அளித்த புகாரின் பேரில் நீதிமன்ற வழிகாட்டுதலின்படி சித்தராமையாவுக்கு எதிராக மைசூரு லோக் ஆயுக்தா போலீசார் வழக்குப்பதிவு செய்துள்ளனர்.

அதன்படி, இந்த வழக்கில் முதல் குற்றவாளியாக சித்தராமையாவும், 2வது குற்றவாளியாக அவரது மனைவி பார்விதியும் சேர்க்கப்பட்டுள்ளனர்.

தொடர்ந்து, 3வது குற்றவாளியாக சித்தராமையாவின் மைத்துனர் மல்லிகார்ஜூன சுவாமி, 4வது குற்றவாளியாக தேவராஜ் என்பவரும் சேர்க்கப்பட்டுள்ளனர்.

முடா மோசடி தொடர்பாக கர்நாடக மாநில முதலமைச்சர் மீது வழக்குப்பதிவு செய்ய கவர்னர் அளித்த உத்தரவு செல்லும் என கர்நாடக மாநில உயர்நீதிமன்றம் உத்தரவிட்டது. அதனைத் தொடர்ந்து முறைகேடு தொடர்பாக லோக்ஆயுக்தா விசாரணை நடத்த உத்தரவிடப்பட்டுள்ளது.

இதனால் சித்தராமையா தனது முதல் பதவியை ராஜினாமா செய்ய வேண்டும் என பா.ஜ.க. வலியுறுத்தி வருகின்றன. இந்த நிலையில் சித்தராமையா பதில் அளித்து கூறியதாவது:-

நான் முதல்வர் பதவியை ராஜினாமா செய்யமாட்டேன். ஹெச்.டி. குமாரசாமி மந்திரியாக உள்ளார். அவருக்கு எதிராக எஃப்.ஐ.ஆர். பதிவு செய்யப்பட்டப் பிறகு அவர் ஜாமின் பெற்றுள்ளார். அவர் பிரதமர் மோடியின் மந்திரி சபையில் இடம் பிடித்துள்ளார்.

இதெல்லாம் நமது அரசியலை சீர்குலைப்பதற்கான அரசியல் வேலை. அதை அவர்கள் செய்து கொண்டிருக்கிறார்கள். லோட்டஸ் ஆபரேசனை முயற்சி செய்தார்கள். அது தோல்வியடைந்தது. ஏனென்றால் எங்களிடம் 136 எம்.எல்.ஏ.-க்கள் உள்ளனர்.

ஆட்சி அமைப்பதற்கான எம்.எல்.ஏ.-க்கள் எண்ணிக்கை இல்லாமல் இரண்டு முறை ஆட்சி அமைத்தார்கள். எடியூரப்பா வெற்றி பெற்றாரா? நாங்கள் சட்டப்பூர்வமாக போரிடுவோம்.

இவ்வாறு சித்தராமையா தெரிவித்தார்.

பெங்களூரு:

கர்நாடகா மாநிலம் பெங்களூருவில் ஏராளமான குடியிருப்புகள், தொழில் நிறுவனங்கள், ஐ.டி. கம்பெனிகள் செயல்பட்டு வருகிறது. இங்கு இந்தியாவின் பல்வேறு மாநிலங்களை சேர்ந்தவர்களும், வெளி நாடுகளை சேர்ந்தவர்களும் தங்கி வேலைப்பார்த்து வருகின்றனர்.

இங்கு வசிக்கும் பொதுமக்களுக்கு பெங்களூரு மாநகராட்சி சார்பில் குடிநீர் வினியோகம் செய்யப்பட்டு வருகிறது. இந்த நிலையில் இந்த ஆண்டின் தொடக்கத்தில் பெங்களூரு மாநகரில் குடிநீர் பிரச்சனை தலைவிரித்தாடியது. குடிநீருக்காக பொதுமக்கள் பல மணி நேரம் கேனுடன் காத்திருக்கும் சூழ்நிலை நிலவியது. இதனால் ஏராளமான நிறுவனங்கள் தங்களது தொழிலாளர்களை வீட்டில் இருந்தே வேலைப்பார்க்க அறிவுறுத்தினர். இதே போல் சில பள்ளிகளிலும் ஆன்லைன் வகுப்புகள் நடத்தப்பட்டது. பெங்களூருவில் நிலவிய குடிநீர் பிரச்சனையால் பலர் சொந்த ஊருக்கு திரும்பினர்.

இந்த நிலையில் பருவமழை கைகொடுத்ததால் பெங்களூரு மாநகராட்சி நிலைமையை சமாளித்தது. இதனால் குடிநீர் பிரச்சனை நீங்கியது. இருந்தாலும் பெங்களூரு மாநகராட்சிக்குட்பட்ட மகாதேவபுராவில் உள்ள காமதேனு லேஅவுட் பகுதியில் வசிக்கும் பொதுமக்கள் கடுமையான குடிநீர் பிரச்சனையில் தற்போதும் சிக்கி தவித்து வருகிறார்கள். இந்த பகுதியில் கடந்த சில மாதமாக தண்ணீர் பற்றாக்குறையால் தவித்து வரும் பொதுமக்கள் அன்றாட தேவைகளை பூர்த்தி செய்யக்கூட தண்ணீர் லாரிகளை நம்பி இருக்க வேண்டிய கட்டாயத்தில் உள்ளனர்.

இது குறித்த அந்த பகுதியை சேர்ந்தவர்கள் கூறியதாவது:-

இந்த பகுதியில் பெரும்பாலும் ஐ.டி. நிறுவனத்தில் வேலைப்பார்ப்பவர்கள் வசித்து வருகிறார்கள். சமைப்பதற்கு, குடிப்பதற்கு, குளிப்பதற்கு, துணி துவைக்க என அனைத்து தேவைக்கும் டேங்கர் லாரியை எதிர்பார்த்து காத்து கொண்டு இருக்க கூடிய நிலை இருக்கிறது. இதனால் தண்ணீர் லாரிகள் வந்தாலும் ஏலம் போட்டு அதிக விலை கொடுப்பவர்களுக்கே தண்ணீர் கொடுத்து செல்கின்றனர். 5 ஆயிரம் லிட்டர் தண்ணீர் ரூ. 1500 முதல் ரூ.4 ஆயிரம் வரை கொடுத்து வாங்க வேண்டிய நிலை உள்ளது.

இதனால் ஒவ்வொரு குடும்பத்துக்கும் மாத, மாதம் தண்ணீருக்காக ரூ. 10 ஆயிரம் முதல் ரூ. 25 ஆயிரம் வரை செலவு ஆகிறது என்றனர். மேலும் வயதானவர்கள், ஓய்வு பெற்றவர்கள் தண்ணீருக்காக எங்களது சேமிப்பே கரைகிறது என்று ஆதங்கத்துடன் தெரிவித்தனர். இது குறித்து தண்ணீர் டேங்கர் உரிமையாளர் ஒருவர் கூறும் போது, மகாதேவபுரா பகுதிக்கு தண்ணீர் சப்ளை செய்வதில் பல்வேறு சவால்கள் உள்ளது. இங்கு தண்ணீர் தேவை அதிக அளவில் உள்ளது. மேலும் அனைவரின் தேவையையும் பூர்த்தி செய்வது எங்களுக்கு கடினமாக உள்ளது. நாங்கள் நியாயமான கட்டணத்தை வசூலிக்கிறோம் என்றார். இது குறித்து பெங்களூரு மாநகராட்சி அதிகாரிகள் கூறியதாவது:-

காவிரியில் 5-வது கட்ட நீர் திறப்பு பணிகள் நிலுவையில் உள்ளது. எனவே இந்த பணிகள் இன்னும் சில வாரங்களில் முடிவு பெறும். பின்னர் காமதேனு லேஅவுட் மற்றும் 110 கிராமங்களுக்கு குடிநீர்விநியோகம் செய்யப்படும் என்றனர்.

வேலையை முடித்துவிட்டு வந்ததும் வீட்டு வேலைகள், குடும்ப பொறுப்பு என தூங்குவதற்கே நேரம் இல்லாமல் பலர் அல்லாடுகின்றனர். ஆனால் தூங்குவதே வேலையாக இருந்து அதற்கு சம்பளமும் கிடைத்தால் எவ்வளவு நன்றாக இருக்கும் என்ற ஏக்கம் பலருக்கு வந்திருக்கலாம். ஆனால் நடைமுறையில் இதெல்லாம் சாத்தியமா என்ற கேள்வி அந்த ஏக்கத்தை மட்டுப்படுத்திவிடும். இதை பொய்யாகும் விதமாக தூங்குவதற்கான இண்டர்ன்சிபில் சேர்ந்து அதிலிருந்து ரூ.9 லட்சம் வருமானம் ஈட்டியுள்ளார் பெங்களூரைச் சேர்ந்த பெண் சைஸ்வாரி பாட்டீல்.

ஸ்லீப் இன்டர்ன்ஷிப் என்பது தூங்குவதில் உள்ள சிரமங்களைப் பற்றி ஆராய்வதற்காக ஏற்படுத்தப்பட்ட ஒரு வேலையாகும். ஒவ்வொரு இரவும் 8 மணி நேரம் முதல் 9 மணி நேரம் வரை தூங்குவதுதான் இந்த வேலையின் சேர்பவர்கள் செய்ய வேண்டிய வேலை. இதில் எல்லா இன்டர்ன்களுக்கும் வசதியான படுக்கையுடன் தூக்கத்தைக் கண்காணிக்கும் ஸ்லீப் டிராக்கர்கள் வழங்கப்படும்.

அந்த டிராக்கர்கள் மூலம் இன்டர்ன்களின் தூக்கச் சுழற்சி மற்றும் தன்மை கண்காணிக்கப்படும். இதற்கு தேர்ந்தெடுக்கப்படுவதற்கு விண்ணப்பிப்போர் தூங்குவதின் மேல் தங்களுக்கு இருக்கும் ஆர்வத்தைப் பற்றி வீடியோ ரெசியூம் ரெடி செய்து அனுப்ப வேண்டும். அதன்பின் இன்டர்வியூ நடத்தப்பட்டு அதிலிருந்து தேர்வு செய்யப்படுவார்கள். இந்த வேலையை உருவாகியுள்ளது Wakefit என்ற இந்தியாவைச் சேர்ந்த மெத்தை [mattress] தயாரிப்பு நிறுவனம் ஆகும்.

இந்தியாவில் பாதிக்கும் மேற்பட்டவர்கள் சரியான தூக்கம் இல்லாமல் சோர்வுடனே எழுந்துகொள்கின்றனர் என்று கிரேட் இந்தியன் ஸ்லீப் ஸ்கொர்போர்டு 2024 என்ற ஆய்வின் புள்ளிவிவரங்கள் கூறுகின்றன என்றும் இதனால் தூக்கத்தை மேம்படுத்த வேண்டிய அவசியம் கருதி ஸ்டைபண்ட் உடன் இந்த இன்டர்ன்ஷிப் வேலையே உருவாக்கியதாகவும் அந்நிறுவனத்தில் மார்க்கெட்டிங் தலைவர் கூறுகிறார்.

இந்த வேலைக்கு பெங்களூரை சேர்ந்த சைஸ்வாரி பாட்டீல் என்ற வங்கி ஊழியர் விளையாட்டாக அப்பளை செய்த நிலையில் தேர்தெடுக்கப்பட்ட 12 பேரில் அவரின் பெயரும் வந்தது குறித்து ஆச்சரியம் அடைந்தார். தொடர்ந்து அந்த இன்டர்ன்ஷிப் மூலம் ஸ்டைபண்ட் ஊதியமாக ரூ.9 லட்சத்தை அவர் ஈட்டியுள்ளார்.

கர்நாடகாவில் 'முடா' நில முறைகேடு தொடர்பாக முதல்-மந்திரி சித்தராமையா மீது ஊழல் வழக்கு தொடர சமூக ஆர்வலர்கள் கவர்னர் தாவர்சந்த் கெலாட்டை நேரில் சந்தித்து மனு கொடுத்தனர். அதனை பரிசீலித்த கவர்னர், கடந்த மாதம் 17-ந் தேதி சித்தராமையா மீது வழக்கு தொடர அனுமதி வழங்கி உத்தரவிட்டார்.

இதையடுத்து முதல்-மந்திரி சித்தராமையா, கவர்னரின் உத்தரவை ரத்து செய்ய கோரி கர்நாடக ஐகோர்ட்டில் மனு தாக்கல் செய்தார்.

நீதிபதி நாகபிரசன்னா முன்னிலையில் அந்த மனு மீது விரிவாக விசாரணை நடைபெற்றது. அனைத்து தரப்பு வாதங்களும் நிறைவடைந்த நிலையில் நேற்று நீதிபதி நாகபிரசன்னா, சித்தராமையாவின் மனு நிராகரிக்கப்படுவதாகவும், கவர்னரின் உத்தரவு செல்லும் என்றும் பரபரப்பு தீர்ப்பு வழங்கி உத்தரவிட்டார்.

இந்நிலையில் முடா ஊழல் தொடர்பாக முதல்வர் சித்தராமையா மீது வழக்கு பதிவு செய்து விசாரணை நடத்துமாறு லோக் ஆயுக்தாவிற்கு சிறப்பு நீதிமன்றம் உத்தரவிட்டுள்ளது.

மேலும் சித்தராமையா மீதான புகார் தொடர்பாக வழக்கு பதிவு செய்து 3 மாதங்களுக்குள் அறிக்கை தாக்கல் செய்ய வேண்டும் என்று லோக் ஆயுக்தாவிற்கு சிறப்பு நீதிமன்றம் உத்தரவு பிறப்பித்துள்ளது.

சிறப்பு நீதிமன்றத்தின் உத்தரவு தொடர்பாக முதல்வர் சித்தராமையா தனது எக்ஸ் பக்கத்தில் பதிவிட்டுள்ளார்.

அவரது பதிவில், "என்னை விசாரிக்க லோக் அயுக்தாவிற்கு சிறப்பு நீதிமன்றம் உத்தரவிட்டுள்ளதாக ஊடகங்கள் மூலம் தெரிந்து கொண்டேன். நீதிமன்ற உத்தரவின் முழு நகலையும் படித்துவிட்டு விரிவாக பதில் அளிக்கிறேன்.

விசாரணையை எதிர்கொள்ள, சட்டப்போராட்டம் நடத்த தயாராக இருக்கிறேன். விசாரணைக்கு நான் அஞ்சப்போவதில்லை. அனைத்தயும் எதிர்கொள்ள தயாராக இருக்கிறேன். அடுத்தகட்ட நடவடிக்கை குறித்து சட்ட நிபுணர்களுடன் ஆலோசித்து முடிவெடுப்பேன்" என்று தெரிவித்துள்ளார்.

பெங்களூரு:

கர்நாடகாவில் 'மூடா' நில முறைகேடு தொடர்பாக முதல்-மந்திரி சித்தராமையா மீது ஊழல் வழக்கு தொடர சமூக ஆர்வலர்கள் கவர்னர் தாவர்சந்த் கெலாட்டை நேரில் சந்தித்து மனு கொடுத்தனர். அதனை பரிசீலித்த கவர்னர், கடந்த மாதம் 17-ந் தேதி சித்தராமையா மீது வழக்கு தொடர அனுமதி வழங்கி உத்தரவிட்டார்.

இதையடுத்து முதல்-மந்திரி சித்தராமையா, கவர்னரின் உத்தரவை ரத்து செய்ய கோரி கர்நாடக ஐகோர்ட்டில் மனு தாக்கல் செய்தார்.

நீதிபதி நாகபிரசன்னா முன்னிலையில் அந்த மனு மீது விரிவாக விசாரணை நடைபெற்றது. அனைத்து தரப்பு வாதங்களும் நிறைவடைந்த நிலையில் நேற்று நீதிபதி நாகபிரசன்னா, சித்தராமையாவின் மனு நிராகரிக்கப்படுவதாகவும், கவர்னரின் உத்தரவு செல்லும் என்றும் பரபரப்பு தீர்ப்பு வழங்கி உத்தரவிட்டார்.

இந்த தீர்ப்பு அறிவிக்கப்பட்ட பிறகு காணொலி மூலம் ஆஜராகி இருந்த சித்தராமையாவின் வக்கீல் அபிஷேக் மனு சிங்வி, இந்த தீர்ப்புக்கு 2 வாரங்கள் தடை விதிக்குமாறு கோரினார்.

இதை ஏற்க மறுத்த நீதிபதி, நான் வழங்கிய தீர்ப்புக்கு நானே தடை விதிக்க முடியாது என்று கூறிவிட்டார்.

தீர்ப்பு அறிவிக்கப்பட்ட நேரத்தில் முதல்-மந்திரி சித்தராமையா ஒரு ஓட்டலில் நடந்த நிகழ்ச்சியில் பங்கேற்று இருந்தார். தீர்ப்பு பற்றி தெரியவந்ததும் அவர் உடனடியாக தனது காவேரி இல்லத்துக்கு புறப்பட்டார். மேலும் மூத்த மந்திரிகள் மற்றும் காங்கிரஸ் தலைவர்களும் சித்தராமையாவை சந்தித்து பேசினர்.

முதல்-மந்திரி சித்தராமையா ஐகோர்ட்டு தீர்ப்பு மற்றும் அடுத்தக்கட்ட நடவடிக்கைகள் குறித்து மந்திரிகள் மற்றும் சட்ட நிபுணர்களுடன் ஆலோசனை நடத்தினார். மேலும் மூத்த வக்கீல் அபிஷேக் மனுசிங்வியுடன் தொலைபேசியில் தொடர்பு கொண்டு ஆலோசனை நடத்தினார்.

இதற்கிடையே முதல்-மந்திரி சித்தராமையா பதவி விலக கோரி எதிர்கட்சிகள் விலியுறுத்தி வருகின்றனர். இதற்கு பதில் அளித்த முதல்-மந்திரி சித்தராமையா பா.ஜனதாவினர் சமூகநீதி, ஏழை மக்களுக்கு எதிரானவர்கள். அரசுக்கு அவப்பெயரை ஏற்படுத்த வேண்டும் என்பது தான் அவர்களின் நோக்கம்.

ஐகோர்ட்டு வழங்கிய தீர்ப்பின் நகலை நான் முழுமையாக வாசிக்கவில்லை. அதை படித்து பாா்த்த பிறகு நான் விரிவாக உங்களுடன் பேசுகிறேன். பா.ஜனதாவினர் எனக்கு எதிராகவும், எனது அரசுக்கு எதிராகவும் சதி செய்கிறார்கள்.

நான் எந்த தவறும் செய்யவில்லை. ஐகோர்ட்டு விசாரணைக்கு அனுமதி வழங்கிய காரணத்தால் நான் தவறு செய்துவிட்டேன் என்று அர்த்தம் இல்லை. ஐகோர்ட்டு ஊழல் தடுப்பு சட்டத்தின் 17ஏ பிரிவின்படி மட்டுமே விசாரணை நடத்த அனுமதி வழங்கியுள்ளது. எனக்கு எதிராக முழு விசாரணைக்கு அனுமதி வழங்கவில்லை.

நான் எதற்காக ராஜினாமா செய்ய வேண்டும்?. நான் ராஜினாமா செய்யும் பேச்சுக்கே இடமில்லை. இதை நான் சட்ட ரீதியாக எதிர்கொள்வேன். மத்திய மந்திரி குமாரசாமி மீது வழக்குப்பதிவு செய்யப்பட்டு அது நிலுவையில் உள்ளது. அவர் ராஜினாமா செய்துவிட்டாரா?. இது அவருக்கு பொருந்தாதா?. இதுகுறித்து அவரிடம் போய் கேளுங்கள். இவ்வாறு அவர் கூறினார்.

கர்நாடக மாநிலம் மைசூரு நகர்ப்புற மேம்பாட்டு ஆணையம் (மூடா) சார்பில் மைசூருவில் முதல்-மந்திரி சித்தராமையா மனைவி பார்வதிக்கு முந்தைய பா.ஜ.க. ஆட்சியில் கடந்த 2021-ம் ஆண்டு 14 வீட்டுமனைகள் ஒதுக்கப்பட்டன. இதில் முறைகேடு நடந்துள்ளதாக பாஜக குற்றம்சாட்டி வருகிறது.

இது தொடர்பாக சித்தராமையா மீது வழக்கு தொடர அனுமதி வழங்குமாறு சமூக ஆர்வலர்கள் ஆளுநர் தாவர்சந்த் கெலாட்டிடம் மனு கொடுத்தனர். சித்தராமையா மீது வழக்கு தொடரலாம் என கவர்னர் உத்தரவிட்ட நிலையில் தன் மீது வழக்கு தொடர அனுமதி வழங்கிய கவர்னரின் உத்தரவை ரத்து செய்ய கோரி கர்நாடக உயர்நீதிமன்றத்தில் சித்தராமையா மனு தாக்கல் செய்தார். இந்நிலையில் மூடா முறைகேடு தொடர்பாக சித்தராமையாவை விசாரிக்க தடையில்லை என்று உயர்நீதிமன்றம் இன்று தீர்ப்பு வழங்கியுள்ளது. எனவே லோக்அயுக்தா போலீசார் சித்தராமையா மீதான குற்றச்சாட்டு குறித்து விசாரணை நடத்த உள்ளனர். இதற்கிடையே சித்தராமையா பதவி விலக வேண்டும் என்று பாஜக  போராட்டம் படப்பிறகு வருகிறது.

இந்நிலையில் விசாரணையை எதிர்கொள்வதில் எனக்கு தயக்கம் ஏதும் இல்லை என்று சித்தராமையா தெரிவித்துள்ளார். இதுகுறித்து மேலும் அவர் கூறியதாவது, மேற்கொண்டு என்ன செய்வது என்பது குறித்து நிபுணர்களுடன் சட்ட ஆலோசனை நடத்துவேன் என்றும். விசாரணை நடத்துவதற்கான உத்தரவு ரத்தாகும். இந்த போராட்டத்தில் மக்கள் என் பக்கம் உள்ளனர். அரசியலமைப்பு எனக்கு நம்பிக்கை உள்ளது.

இந்த போராட்டத்தில் உண்மை ஜெயிக்கும். நான் ஏன் பதவி விலக வேண்டும். ஜாமினில் உள்ள குமாரசாமி பதவி விலகினாரா? என்று கேள்வி எழுப்பியுள்ளார். மேலேயும் தன்மீதான வழக்கு விசாரணை ஆரம்ப நிலையிலேயே உள்ளதால் அதை தான் எதிர்கொள்வேன் என்று தெரிவித்துள்ளார். இதற்கிடையே இந்த விவகாரத்தில் சித்தராமையா அடுத்த காட்டமாக உச்சநீதிமன்றத்தில் மேல்முறையீடு செய்வார் என்று எதிர்பார்க்கப்படுகிறது.

அபார்ட்மெண்ட் வீட்டில் குடியிருப்பது சில நேரங்களில் உதவியாகவும் சில நேரங்களில் உபத்திரவமாகவும் இருப்பது வழக்கம். அந்த வகையில் பெங்களூரில் உள்ள அபார்ட்மெண்ட் ஒன்றில் நடந்த சம்பவம் பலரின் கண்டனங்களைக் குவித்து வருகிறது. கேரளாவில் பிரதானமாக கொண்டாடப்படும் ஓணம் பண்டிகை தமிழகம் உட்படத் தென் இந்திய மாநிலங்களிலும் சமீபகாலமாக அதிகம் கொண்டாடப்பட்டு வருகிறது.

கர்நாடக மாநிலம் பெங்களூரில் சம்பீஹள்ளி போலீஸ் எல்லைக்கு உட்பட்ட தானிசன்ட்ரா ஹெக்டே நகரில் மோனார்க் செரினிட்டி அபார்ட்மெண்ட் உள்ளது. இங்கு வசிக்கும் குடும்பங்கள் ஒன்றிணைத்து ஓணம் பண்டிகை கொண்டாட்டங்களில் ஈடுபட்டுள்ளனர்.

ஒரு பகுதியாக அபார்ட்மெண்ட் பொது தளத்தில் உள்ள பகுதியில் சிறுவர் சிறுமிகள் ஒன்றிணைத்து வரைந்த பூக்கோலத்தை அபார்ட்மெண்ட் குடியிருப்பில் வசித்து வந்த நடுத்தர வயது பெண் ஒருவர் காலால் அளித்துள்ளார். கோலம் போடுவோர், அவரவர் வீட்டில் போட்டுக்கொள்ள வேண்டியது தானே, பொது இடத்தில் ஏன் போட வேண்டும் என்று கேட்டு அவர் கோலத்தை அழிக்கும் வீடியோ இணையத்தில் வைரலான நிலையில் அவர் மீது போலீசார் வழக்குப்பதிவு செய்துள்ளனர்.