மணிப்பூர்

மணிப்பூரில் ஒரே குடும்பத்தைச் சேர்ந்த 6 பேர் ஆயுதமேந்திய கிளர்ச்சியாளர்களால் கடத்தி கொல்லப்பட்ட பின்னர் அங்கு மக்கள் போராட்டம் வெடித்துள்ளது. கடந்த வாரம் முதலே அதிகரித்து வரும் வன்முறைச் சம்பவங்களைக் கட்டுப்படுத்த பாதுகாப்புப் படை திணறி வருகிறது. மத்தியிலிருந்து கூடுதலாக ஆயுதக் காவல் படையினர் மணிப்பூருக்கு அனுப்பி வைக்கப்பட்டுள்ளனர்.

இந்நிலையில் கடந்த வருடம் நாடு முழுவதும் மணிப்பூர் கலவரம் அதிர்வலையை ஏற்படுத்தியதை போல தற்போதைய மணிப்பூர் சூழல் மீண்டும் விஸ்வரூபம் எடுத்துள்ளது. மணிப்பூர் பற்றி எரிவதை பா.ஜ.க. விரும்புகிறது என்றும் ஜனாதிபதி இந்த பிரச்சினையில் தலையிட வேண்டும் என்றும் காங்கிரஸ் கமிட்டி தலைவர் மல்லிகார்ஜுன கார்கே வலியுறுத்தியுள்ளார்.

அதிமுக பொதுச்செயலாளர் எடப்பாடி பழனிச்சாமி உட்பட நாடு முழுவதிலும் அரசியல் தலைவர்கள் மணிப்பூர் கலவரம் குறித்து கவலை தெரிவித்துள்ளனர். இதற்கிடையே முன்னாள் நிதியமைச்சரும் காங்கிரஸ் மூத்த தலைவருமான ப. சிதம்பரம் மணிப்பூர் குறித்து  எக்ஸ் பக்கத்தில்  பதிவு ஒன்றை வெளியிட்டார்.

தனது பதிவில், மணிப்பூர் சூழலுக்கு முதல்-மந்திரி பைரோன் சிங் திறமையின்மைதான் காரணம் என்றும் தற்போது 5000 துணை ராணுவத்தினர் அனுப்பப்பட்டதையும் விமர்சித்து இருந்தார்.

இதற்கு மணிப்பூர் முதல்-மந்திரி பைரோன் சிங் கடும் கண்டனம் தெரிவித்தார். மேலும் மணிப்பூரில் தற்போது ஏற்பட்டுள்ள சூழலுக்கு ப.சிதம்பரத்தின் முந்தைய செயல்பாடுகளே காரணம் என்றும் குற்றம் சாட்டியுள்ளார்.

காங்கிரஸ் ஆட்சியின் போது ப.சிதம்பரம் உள்துறை மந்திரியாக இருந்தார். அப்போது மணிப்பூரில் இபோபிசிங் முதல்வராக இருந்தார். அப்போது ப.சிதம்பரம் மியான்மரை சேர்ந்த வெளிநாட்டவரான தங்கலியன் பாவ் கைட் என்பவரை அழைத்து வந்தார். அந்த நபர் மியான்மர் நாட்டில் தடை செய்யப்பட்ட ஜோமி மறு ஒருங்கிணைப்பு ஆர்மி என்ற இயக்கத்தின் தலைவர் ஆவார்.

தற்போது மணிப்பூரில் பதற்றமான சூழல் நிலவுவதற்கு அடிப்படை காரணமே சட்ட விரோதமாக மியான்மரில் இருந்து குடியேற்றங்கள் நடந்ததுதான். இதற்கு காரணமாக இருந்தது ப.சிதம்பரம்தான். அவர் தடை செய்யப்பட்ட அந்த இயக்க தலைவரை சந்தித்த புகைப்பட ஆதாரமும் இருக்கிறது என்று மணிப்பூர் முதல்வர் குற்றம்சாட்டினார்.

இதற்கிடையில் முன்னாள் காங்கிரஸ் முதல்-மந்திரியான ஒக்ராம் இபோபி சிங்கும் ப.சிதம்பரத்தின் கருத்துக்கு எதிர்ப்பு தெரிவித்ததோடு கார்கேவிடமும் புகார் கூறினார். இதையடுத்து கார்கேவும் தலையிட்டார். எனவே ப.சிதம்பரம் தனது பதிவை நீக்கினார். 

மணிப்பூர் மாநிலத்தில் தொடர் வன்முறை காரணமாக கடந்த மூன்று நாட்களாக முடக்கப்பட்டு இருந்த பிராட்பேண்ட் இணைய சேவைகள் நிபந்தனையுடன் நீக்கப்படுவதாக அம்மாநில அரசு தெரிவித்துள்ளது. சாமானிய மக்கள், சுகாதார வசதிகள், கல்வி நிறுவனங்கள் மற்றும் பிற அலுவலகங்கள் எதிர்கொள்ளும் சிரமங்களைக் கருத்தில் கொண்டு இந்த முடிவு எடுக்கப்பட்டு இருப்பதாக தெரிவிக்கப்பட்டுள்ளது.

தற்போது பிராட்பேண்ட் சேவைகள் மட்டும் வழங்கப்படும் நிலையில், மொபைல் இணைய சேவைகள் தொடர்ந்து முடக்கப்பட்ட நிலையிலேயே உள்ளது. வன்முறை அதிகரித்து வரும் நிலையில், நவம்பர் 16 ஆம் தேதி ஏழு மாவட்டங்களில் இணைய கட்டுப்பாடு குறித்த உத்தரவை நிர்வாகம் விதித்தது.

"இணையத் தடை காரணமாக முக்கிய அலுவலகங்கள், நிறுவனங்கள் மற்றும் வீட்டிலிருந்து வேலை செய்பவர்களின் செயல்பாடுகள் பாதிக்கப்பட்டுள்ளது. சாமானிய மக்களின் துன்பங்களைக் கருத்தில் கொண்டு, மாநில அரசு பிராட்பேண்ட் சேவைகளின் விஷயத்தில் இடைநீக்கத்தை நிபந்தனையுடன் நீக்கும் முடிவை எடுத்துள்ளது" என்று கூறப்பட்டுள்ளது.

ஒரு சந்தாதாரர் அனுமதிக்கப்பட்ட இணைப்பைத் தவிர வேறு எந்த இணைப்பையும் ஏற்க மாட்டார், மேலும் வைஃபை அல்லது ஹாட்ஸ்பாட்கள் அனுமதிக்கப்படாது. மேலும் மொபைல் இணைய சேவைகள் தொடர்ந்து முடக்கப்பட்ட நிலையிலேயே இருக்கும்.

இம்பால்:

வடகிழக்கு மாநிலங்களில் ஒன்றான மணிப்பூர் மாநிலத்தில் மைதேயி இன மக்கள் பெரும்பான்மையாக உள்ளனர். இவர்கள் தங்களுக்கு பழங்குடியின மக்கள் என்ற அந்தஸ்து வேண்டும் என்ற கோரிக்கையை வலியுறுத்தி வருகிறார்கள்.

இதற்கு மணிப்பூரில் வாழும் பாரம்பரிய குகி பழங்குடியின மக்கள் கடும் எதிர்ப்பு தெரிவித்தனர். இரு இன மக்களுக்கும் சிறு சிறு மோதல்கள் நடந்து வந்த நிலையில் கடந்த ஆண்டு மே மாதம் மிகப்பெரிய கலவரம் ஏற்பட்டது.

இந்த வன்முறையில் 250-க்கும் மேற்பட்டவர்கள் உயிரிழந்தனர். 2 ஆயிரத்துக்கும் மேற்பட்டவர்கள் காயம் அடைந்தனர்.

இந்த நிலையில் கடந்த 11-ந்தேதி மீண்டும் வன்முறை வெடித்தது. அன்று இரவு குகி பழங்குடியினத்தை சேர்ந்த 10 பேரை பாதுகாப்பு படையினர் சுட்டுக் கொன்றனர்.

இதையடுத்து குகி பழங்குடியின மக்கள் ஆத்திரம் அடைந்து தொடர்ந்து வன்முறையில் ஈடுபட்டு வருகிறார்கள்.

ஜிரிபாம் மாவட்டத்தில் வன்முறை சம்பவங்களை கட்டுப்படுத்தஇயலவில்லை. சமீபத்தில் 3 பெண்கள், 3 குழந்தைகளை கடத்தி சென்றனர். அவர்களை சுட்டுக்கொன்று உடல்களை வீசினார்கள்.

இதனால் பல இடங்களில் வன்முறைகள் வெடித்தன. நேற்று இரவும் கலவரம் நீடித்தது. இன்று காலை பொதுமக்கள் பல இடங்களில் சாலை மறியலில் ஈடுபட்டனர். இதனால் மணிப்பூரில் அமைதி திரும்பாமல் பதட்டம் ஓயாத நிலை ஏற்பட்டுள்ளது.

குகி பழங்குடியின மக்கள் இன்று (செவ்வாய் கிழமை) சவப்பெட்டி ஊர்வலம் நடத்துவதாக அறிவித்தனர். கடந்த 11-ந் தேதி பாதுகாப்பு படையினரால் சுட்டுக் கொல்லப்பட்ட 10 பேரின் உடல்கள் பழங்குடியின மக்கள் வசம் ஒப்படைக்கப்பட்டுள்ளது.

அந்த உடல்களை தகனம் செய்ய அவர்கள் இன்று சவப்பெட்டி ஊர்வலம் நடத்துவதாக அறிவித்தனர். இதில் பள்ளி, கல்லூரிகளில் படிக்கும் மாணவர்கள் மற்றும் இளைஞர்கள் கருப்பு சட்டை அணிந்து பங்கேற்க வேண்டும் என்று அழைப்பு விடுத்தனர்.

அதை ஏற்று மணிப்பூரில் இன்று ஆயிரக்கணக்கான இளைஞர்கள் கருப்பு சட்டை அணிந்து திரண்ட னர். இதனால் மணிப்பூரில் தொடர்ந்து பதற்றம் நிலவுகிறது.

தற்போது வரை அங்கு 218 சி.ஏ.பி.எப். பிரிவுகள் நிலைநிறுத்தப்பட்டுள்ளன. மத்திய ரிசர்வ் காவல் படை தலைமை இயக்குநர் ஏ.டி.சிங் உள் ளிட்ட மூத்த அதிகாரிகள் மாநிலத்தில் முகாமிட்டுள்ள னர்.

இதையடுத்து, மணிப்பூரில் வன்முறையைக் கட்டுப் படுத்த மேலும் 50 படைப் பிரிவுகளைக் கொண்ட 5,000 துணை ராணுவப் படையினரை விரைவில் அனுப்ப உள்துறை அமைச்ச கம் முடிவெடுத்துள்ளது.

மேற்கு இம்பால் மாவட்டத்தில் உள்ள தலைமைத் தேர்தல் அலுவலகம், பொருளா தாரம் மற்றும் புள் ளியியலுக்கான இயக்கு னரகம் உள்ளிட்ட அரசு அலுவலகங்களுக்கு பூட்டு போட்டு, மணிப்பூர் ஒருமைப்பாட்டுக்கான ஒருங்கிணைப்புக் குழு நேற்று போராட்டத்தை தொடங்கியது.

குகி பழங்குடியினர் மீது ராணுவ நடவடிக்கை மேற் கொள்ள வேண்டும் என வலியுறுத்தி காலவரை யற்ற மறியல் போராட்டத்தையும் அந்தக் குழு மேற்கொண்டு வருகிறது. தலைநகர் இம்பால் முழு வதும் மைதேயி போராட்டக்காரர்களால் எரிக்கப்பட்ட பொருள்கள் சிதறிக் கிடக் கின்றன.

தொடர்ந்து பதற்றம் நிலவுவதால், அசாம் ரைபிள்ஸ் படையினர் எல்லை பாதுகாப்புப் படையினர், மாநில காவல் துறையினர் ஆகியோர் தீவிர கண்காணிப்பில் ஈடுபட்டுள்ளனர்.

இம்பால் கிழக்கு, இம்பால் மேற்கு விஷ்ணுபூர், தெனபால், காக்சிங் ஆகிய 5 பள்ளத்தாக்கு மாவட்டங்களில் காலவரையற்ற ஊரடங்கு பிறப்பிக்கப் பட்டுள்ளது. இம்பால் பள்ளத்தாக்கு, காங்போக்பி மற்றும் சூர்சந்த்பூர் ஆகிய மாவட் டங்களில் இணைய மற்றும் கைபேசி சேவைகளுக்கு நாளை வரை மணிப்பூர் அரசு தடை விதித்துள்ளது.

மாநிலத்தின் சட்டம்-ஒழுங்கு நிலவரம் குறித்து பிரேன் சிங் தொடர்ந்து ஆலோசனை நடத்தி வருகிறார்.

மணிப்பூரில் கடந்த வாரம் ஆறு பேர் கொடூரமாக கொலை செய்யப்பட்டனர். குகி கிளர்ச்சிக்குழு பெண்கள் மற்றும் குழந்தைகளை கடத்திச் சென்று 7 நாட்களில் ஆறு பேரையும் கொலை செய்தது. இதனால் மணிப்பூரில் தற்போது மீண்டும் வன்முறை வெடித்துள்ளது. இது தொடர்பாக அமித் ஷா உயர்மட்ட ஆலோசனை மேற்கொண்டார். மூன்று வழக்குகளை என்.ஐ.ஏ. விசாரணைக்கு எடுத்துக் கொண்டது.

மாநில மந்திரிகள், எம்.எல்.ஏ.-க்கள் வீடுகள் தீ வைத்து கொளுத்தப்பட்டன. இந்த நிலையில் மணிப்பூரில் பா.ஜ.க. தலைமையிலான என்.டி.ஏ. எம்.எல்.ஏ-க்கள் கூட்டம் நடைபெற்றது. இதில் 27 எம்.எல்.ஏ.-க்கள் கலந்து கொண்டனர்.

இந்த கூட்டத்தில் குகி கிளர்ச்சியாளர்களுக்கு எதிராக கடுமையான நடவடிக்கை (mass operation) எடுக்கப்பட வேண்டும். குகி கிளர்ச்சிக்குழுவை சட்டவிரோத அமைப்பாக அறிவிக்க வேண்டும் உள்ளிட்ட தீர்மானங்கள் நிறைவேற்றப்பட்டன.

நவம்பர் 14 தேதியிட்ட உத்தரவின்படி AFSPA உடனடியாக நடைமுறைக்கு வரும் வகையில் மத்திய அரசு ஆய்வு செய்ய வேண்டும். குறிப்பிட்ட காலவரையறைக்குள் இந்த தீர்மானத்தில் குறிப்பிட்டவை நடைமுறை படுத்தப்படவில்லை என்றால் மணிப்பூர் மக்களுடன் ஆலோசனை நடத்தி அதன்பின் உரிய நடவடிக்கை எடுப்போம் எனவும் தெரிவித்துள்ளனர்.

மணிப்பூரில் அமைதி மற்றும் இயல்பு நிலையை உறுதிப்படுத்த தேவையான அனைத்து நடவடிக்கைகளையும் மத்திய அரசும் மாநில அரசும் விரைவில் எடுக்கும் அறிக்கை வெளியிட்டுள்ளது. அத்துடன் மந்திரிகள் மற்றும் எம்.எல்.ஏ.-க்கள் சொத்துகள் சேதப்படுத்தப்பட்டதற்கு கண்டனம் தெரிவித்துள்ளது.

இந்த கூட்டத்தில் ஏழு எம்.எல்.ஏ.-க்கள் மருத்துவம் தொடர்பான காரணங்களை கூறி கலந்து கொள்ளவில்லை. 11 எம்.எல்.ஏ.க்கள் காரணம் ஏதும் கூறாமல் கலந்து கொள்ளவில்லை. அவர்களுக்கு நோட்டீஸ் அனுப்பப்பட்டுள்ளது.

இம்பால்:

மணிப்பூரில் பழங்குடியின அந்தஸ்து வழங்கும் விவகாரத்தில் மெய்தி மற்றும் குகி இன மக்களுக்கு இடையே நிலவி வந்த மோதல் தொடர்ந்து நீடிக்கிறது. கடந்த ஆண்டு மே மாதம் ஏற்பட்ட பெரும் கலவரத்திற்கு பிறகு, பாதுகாப்பு படைகள் குவிக்கப்பட்டு வன்முறை ஓரளவு தணிந்தது. எனினும் குகி மற்றும் மெய்தி இனத்தை சேர்ந்த குழுக்கள் பரஸ்பரம் தாக்குதல்களில் ஈடுபடுவதால் மாநிலத்தில் சட்டம்-ஒழுங்கு கடுமையாக பாதிக்கப்பட்டுள்ளது.

ஜிரிபம் மாவட்டத்தில் சமீபத்தில் நடந்த படுகொலைகளைத் தொடர்ந்து மாநிலம் முழுவதும் பதற்றம் அதிகரித்துள்ளது. வன்முறையை கட்டுப்படுத்த தவறியதாக கூறி, மாநில அரசுக்கு எதிராக மக்கள் போராட்டத்தில் குதித்தனர். இந்த போராட்டத்தில் வன்முறை வெடித்தது. மந்திரி, எம்.எல்.ஏ.க்களின் வீடுகளுக்கு போராட்டக்காரர்கள் தீ வைத்தனர். வன்முறை மற்ற மாவட்டங்களுக்கும் பரவத் தொடங்கிய நிலையில், ஊரடங்கு உத்தரவு பிறப்பிக்கப்பட்டது.

இம்பால் பள்ளத்தாக்கில் உள்ள இம்பால் கிழக்கு மற்றும் மேற்கு, பிஷ்னுபூர், தவுபால் மற்றும் காக்சிங் மாவட்டங்களில் காலவரையற்ற ஊரடங்கு உத்தரவு பிறப்பிக்கப்பட்டு பாதுகாப்பு பலப்படுத்தப்பட்டது. பாதுகாப்பிற்காக கூடுதலாக மத்திய பாதுகாப்பு படையினர் ஈடுபடுத்தப்பட்டனர். இம்பால் பள்ளத்தாக்கில் உள்ள 5 மாவட்டங்கள் மற்றும் காங்போப்கி, சுராசந்த்பூர் மாவட்டங்களில் இணையதளம், மொபைல் டேட்டா சேவை நிறுத்தப்பட்டுள்ளது. ஆனால் ஊரடங்கு உத்தரவையும் மீறி இன்று ஆங்காங்கே போராட்டத்தில் ஈடுபட்டனர்.

இந்நிலையில் மத்திய உள்துறை மந்திரி அமித் ஷா, மணிப்பூரில் நிலவும் பாதுகாப்பு நிலைமை மற்றும் பாதுகாப்பு படையினரின் நிலைநிறுத்தம் குறித்து தொடர்ந்து இரண்டாவது நாளாக ஆய்வு செய்தார். மேலும் அங்கு கூடிய விரைவில் அமைதி மற்றும் சட்டம்ஒழுங்கை மீட்டெடுப்பதில் கவனம் செலுத்துமாறு உயர் அதிகாரிகளுக்கு அமித் ஷா உத்தரவிட்டதாக தகவல்கள் வெளியாகி உள்ளன.

இதனிடையே வடகிழக்கு மாநிலத்தின் தற்போதைய "கொந்தளிப்பான" சூழ்நிலையை கையாள்வதில் மாநில அரசுக்கு உதவுவதற்காக சுமார் 5 ஆயிரம் துணை ராணுவப் படையினரை மத்திய உள்துறை அமைச்சகம் மணிப்பூருக்கு அனுப்பியுள்ளது குறிப்பிடத்தக்கது.

மணிப்பூரில் கடந்த வாரம் முதல் ஆயுதமேந்திய கிளர்ச்சியாளர்களால் வன்முறைச் சம்பவங்கள் அதிகரித்துள்ளன. கடந்த நவம்பர் 7 ஆம் தேதி ஜிர்பாம் மாவட்டத்தில் ஆசிரியை எரித்துக் கொல்லப்பட்டார்.

தொடர்ந்து கடந்த திங்கள்கிழமை தலைநகர் இம்பாலில் இருந்து 220 கிலோமீட்டர் தொலைவில் உள்ள ஜிர்பாம் மாவட்டத்தின் போரோபெக்ரா பகுதியில் மெய்தேய் சமூகத்தைச் 2 முதியவர்கள் முதியவர்கள் உயிருடன் எரிக்கப்பட்டனர். 6 பேரை குக்கி கிளர்ச்சியாளர்கள் துப்பாக்கி முனையில் கடத்திச் சென்றனர்.

அவர்கள் 6 பெரும் அவர்களால் கொலை செய்யப்பட்டதை அரசுத் தரப்பு அதிகாரிகள் நேற்று உறுதி செய்தனர். கடத்தப்பட்டவர்கள், நிவாரண முகாமில் தங்கியிருந்த லைசாராம் ஹெரோஜித் என்பவரது குடும்பத்தினர் ஆவர். அவரது 2 குழந்தை, மனைவி, மாமியார், மனைவியின் சகோதரியும் அவரது மகளும் கடத்தப்பட்ட 6 பேர் ஆவர். மணிப்பூர் அசாம் எல்லைப்பகுதிக்கு இவர்கள் கடத்தப்பட்டனர்.

கடத்தப்பட்டவர்களில் மூன்று பேரின் உடல்கள் கடந்த வெள்ளிக்கிழமை கண்டெடுக்கப்பட்டது. அது லைசாராமின் 8 மாத குழந்தை, அவரது மனைவியின் சகோதரியும் அவரது 8 வயது மகள் ஆகியோரது உடல்கள் ஆகும். லைசாராம் மனைவியின் உடல் இன்னும் தேடப்பட்டு வருகிறது. கொல்லப்பட்டது தனது குடும்பத்தினர் தான் என லைசாராம்  உறுதிப்படுத்தியுள்ளார்.

மேலும் தலை இல்லாத 2 வயது குழந்தை மற்றும் அரை நிர்வாணமாக அழுகிய நிலையில் மூதாட்டி [லைசாராம் மாமியார்] உடல்கள் ஜிர்பாம் அருகில் உள்ள ஆற்றில் மிதந்தன என்று போலீஸ் இன்று தெரிவித்துள்ளது.

லைஸாராம் 2 வயது குழந்தையின் தலை இல்லாத உடல் உடைந்த மரக்கிளைகளில் குத்தி வைக்கப்பட்ட நிலையில் ஆற்றில் மிதந்ததாக நேரில் கண்டவர்கள் கூறியதாக என்டிடிவி களத் தகவல்கள் கூறுகின்றன. குழந்தைகியின் கைகள் உடலில் இருந்து தொலைந்துள்ளதாக அவர்கள் தெரிவித்தனர்.

இந்நிலையில் 6 பேரும் கொல்லப்பட்ட செய்தி நேற்று மணிப்பூர் பள்ளத்தாக்கு முழுவதும் பரவியதால் போராட்டங்கள் வெடித்துள்ளன. முதலமைச்சர் வீடு முற்றுகை இடப்பட்டது. 2 அமைச்சர்கள், பாஜக எம்எல்ஏக்கள் 3 பேரின் வீடுகள் சூறையாடப்பட்டன. 5 மாவட்டங்களில் ஊரடங்கு பிறப்பிக்கப்பட்டுள்ளது.

தொடர் வன்முறையால் பாதிக்கப்பட்டுள்ள மணிப்பூரில் பா.ஜ.க. தலைமையிலான அரசுக்கு வழங்கி வந்த ஆதரவை வாபஸ் பெறுவதாக தேசிய மக்கள் கட்சி (NPP) அறிவித்தது. நெருக்கடியை தவிர்க்கவும், இயல்பு நிலையை மீட்டெடுக்கவும் பிரேன் சிங் ஆட்சி முழுமையாக தவறிவிட்டது என தேசிய மக்கள் கட்சி தெரிவித்துள்ளது.

60 உறுப்பினர்களைக் கொண்ட மணிப்பூர் சட்டசபையில் தேசிய மக்கள் கட்சிக்கு 7 எம்.எல்.ஏ.க்கள் உள்ளனர். கடந்த சில நாட்களில், மணிப்பூரில் நிலைமை மேலும் மோசமடைந்து, பல அப்பாவி உயிர்கள் பலியாகியுள்ளன.

மாநிலத்தில் உள்ள மக்கள் "பெரும் துன்பங்களுக்கு ஆளாகியுள்ளனர்" என்று தேசிய மக்கள் கட்சி பா.ஜ.க. தலைவர் ஜே.பி. நட்டாவுக்கு எழுதியிருக்கும் கடிதத்தில் கூறியுள்ளது.

"பிரேன் சிங் தலைமையிலான மணிப்பூர் மாநில அரசு நெருக்கடியைத் தீர்க்கவும், இயல்பு நிலையை மீட்டெடுக்கவும் முற்றிலும் தவறிவிட்டது என்பதை நாங்கள் உறுதியாக உணர்கிறோம்."

"தற்போதைய சூழ்நிலையை மனதில் கொண்டு, தேசிய மக்கள் கட்சி மணிப்பூர் மாநிலத்தில் பிரேன் சிங் அரசுக்கு அளித்து வந்த ஆதரவை உடனடியாக வாபஸ் பெற முடிவு செய்துள்ளது" என்று அந்த கடிதத்தில் கூறப்பட்டுள்ளது.

மணிப்பூரில் கடந்த வாரம் முதல் வன்முறை சம்பவங்கள் மீண்டும் அதிகரிக்கத்தொடங்கியுள்ளன. ஜிர்பாம் மாவட்டத்தில் கிராமங்களில் உள்ள வீடுகள் ஆயுதமேந்திய கிளர்ச்சியாளர்களால் தீ வைத்து எரிக்கப்பட்டன. 31 வயதான ஆசிரியை ஒருவர் கடந்த நவம்பர் 7 ஆம் தேதி உயிருடன் எரித்துக் கொல்லப்பட்டார்.

தொடர்ந்து கடந்த திங்கள் கிழமை ஜிர்பாமில் மெய்த்தேய் இனத்தை சேர்ந்த எரித்துக் கொல்லப்பட்ட 2 முதியவர்களின் உடல்கள் கண்டெடுக்கப்பட்டன. மேலும் அன்றைய தினம் ஒரே குடும்பத்தைச் சேர்ந்த 3 குழந்தைகள் மற்றும் 3 பெண்கள் என 6 பேர் மயமாகினர்.

அவர்கள் கடத்தப்பட்டிருக்கலாம் என்று சந்திக்கப்பட்ட நிலையில் நேற்று முன்தினம் 6 உடல்கள் கண்டெடுக்கப்பட்டது. இது மாயமானவர்களின் உடல்கள் என்று சந்தேகிக்கப்படும் நிலையில் இந்த செய்தி காட்டுத் தீயாக மணிப்பூர் முழுவதும் பரவியது. இதனால் கொதித்தெழுந்த மக்கள் போராட்டங்களில் ஈடுபட்டு வருகின்றனர். இம்பால் பள்ளத்தாக்கில் 5 மாவட்டங்களில் மக்கள் போராட்டம் வெடித்துள்ளது.

நேற்றைய தினம் முதல்வர் பைரன் சிங்கின் மருமகன், அமைச்சர்கள் இருவர் மற்றும் 3 எம்எல்ஏக்கள் வீடுகள் சூறையாடப்பட்டன. சொத்துக்கள் தீ வைத்து எரிக்கப்பட்டன. மேலும் பா.ஜ.க. எம்.எல்.ஏ சபம் கொஞ்சகேசு, சபம் நிஷிகந்தா, ஆர்.கே.லிமோ ஆகியோரின் வீடுகளும் சூறையாடப்பட்டன.

நிலைமையை கட்டுப்படுத்த 5 மாவட்டங்களிலும் ஊரடங்கு அமல்படுத்தப்பட்டது. கண்ணீர் புகைகுண்டுகளை வீசி போலீஸ் போராட்டக்காரர்களை கலைக்க முயற்சிக்கிறது. இந்த சூழலில் முதல்-மந்திரி பைரன் சிங்கின் வீட்டை   போராட்டக்காரர்கள் முற்றுகையிட முயற்சித்தது.

இதனால், பாதுகாப்பு படையினர் அந்த பகுதியில் குவிக்கப்பட்டனர். அவர்கள், ஆர்ப்பாட்டக்காரர்களை கட்டுப்படுத்தும் பணியில் ஈடுபட்டனர்.  

மேலும் மாநிலத்தில் ஆறு காவல்நிலையத்தில் மீண்டும் அமல்படுத்தப்பட்ட ஆயுதப் படை சிறப்பு அதிகாரச் சட்டத்தை [AFSPA] திரும்பப்பெற பரிசீலனை செய்யுமாறு மத்திய அரசுக்கு, மாநில அரசு வேண்டுகோள் விடுத்துள்ளது.

இதற்கிடையே மணிப்பூரில் மீண்டும் ஏற்பட்டிருக்கும் பதற்றம் மற்றும் போராட்டம் மிகவும் கவலை அளிப்பதாக மக்களவை எதிர்க்கட்சித் தலைவர் ராகுல் காந்தி தெரிவித்துள்ளார். பிரதமர் மோடி மணிப்பூருக்கு சென்று அங்கு சட்ட ஒழுங்கு மற்றும் அமைதி ஏற்பட நடவடிக்கை எடுக்க வேண்டும் என்றும் வலியுறுத்தியுள்ளார்.

மணிப்பூரில் கடந்த வருடம் தொடங்கிய கலவரத்தின் நீட்சியாக கடந்த வாரம் முதல் வன்முறை சம்பவங்கள் அதிகரித்து வருகிறது. தலைநகர் இம்பாலில் இருந்து 120 கிலோமீட்டர் தொலைவில் உள்ள ஜிர்பாம் மாவட்டத்தில் மார் பழங்குடி சமூகத்தினர் அதிகம் வசிக்கும் அரமாய் தெங்கோல் பகுதியில் உள்ள கிராமத்தில் கடந்த நவம்பர் 7 ஆம் தேதி புகுந்த கிளர்ச்சியாளர்கள் வீடுகளுக்கு தீ வைத்தனர்.

31 வயது ஆசிரியை ஒருவரை உயிருடன் தீ வைத்து எறிந்தனர். தொடர்ந்து கடந்த திங்கள் கிழமை அன்று ஜிர்பாம் 3 குழந்தைகள் உட்பட 6 பேர் மாயமாகினர். தீ வைத்து எரிக்கப்பட்ட 2 மெய்த்தேய் முதியவர்கள் உடல்கள் கண்டெடுக்கப்பட்டுள்ளன. மாயமானவர்கள் தேடப்பட்டு வந்த நிலையில் போரோபெக்ராவில் இருந்து 16 கி.மீ. தொலைவில் ஒரு பெண் மற்றும் 2 குழந்தைகளின் உடல்கள் நேற்று இரவு கண்டுபிடிக்கப்பட்டன.

இன்றைய தினம் மேலும் 3 பேரின் உடல்கள் கண்டெடுக்கப்பட்டதாக உள்ளூர் போலீஸ் அதிகாரி தெரிவித்தார். இந்த 6 உடல்களும் மாயமானவர்களின் உடல்கள் என்று கருதப்படுகிறது. இதுபற்றி போலீசார் விசாரணை நடத்தி வரும் நிலையில் இந்த செய்தி பரவியதால் உயிரிழந்தவர்களுக்கு நீதி கேட்டு 5 மாவட்டங்களில் போராட்டம் வெடித்துள்ளது. மாவட்டங்களில் உள்ள பள்ளி மற்றும் கல்லூரிகளுக்கு இன்று விடுமுறை அறிவிக்கப்பட்டு கூடுதல் காவல்துறையும், துணை ராணுவப் படையினரும் குவிக்கப்பட்டுள்ளனர்.

இம்பால் பள்ளத்தாக்கு பகுதியில் போராட்டம் நடைபெற்று வருகிறது., இம்பாலில் உள்ள வணிக நிறுவனங்கள் மற்றும் மார்க்கெட்டுக்கு செல்லும் சாலைகளை மறித்து பெண்கள் போராட்டத்தில் ஈடுப்பட்டனர். 2 அமைச்சர்கள் மற்றும் 3 எம்.எல்.ஏக்களின் வீடுகளை முற்றுகையிட்டு போராட்டக்காரர்கள் சூறையாடியுள்ளனர்.

இதனைத்தொடர்ந்து பா.ஜ.க. எம்.எல்.ஏ சபம் கொஞ்சகேசு, சபம் நிஷிகந்தா, ஆர்.கே.லிமோ ஆகியோரின் வீடுகள் சூறையாடப்பட்டன. நிலைமை கட்டுப்படுத்த முடியாமல் உள்ளதால் இம்பால் மேற்கு மாவட்டத்தில் மீண்டும் காலவரையற்ற ஊரடங்கு உத்தரவு பிறப்பிக்கப்பட்டுள்ளது.

இனக்கலவரத்தால் துண்டாடப்பட்டு வரும் மணிப்பூரில் ஒரு வருடம் ஆகியும் இயல்பு நிலை திரும்பவில்லை. குக்கி மற்றும் மெய்தேய் இனத்தைச் சேர்ந்த ஆயுதமேந்திய கிளர்ச்சியாளர்கள் அங்குள்ள கிராமங்களை எரித்தும் மக்களை கொலை செய்தும் கடத்திச் செல்வதுமாக வன்முறை வெறியாட்டங்களில் ஈடுபட்டுள்ளனர்.

கடந்த வாரம் முதல் தலைநகர் இம்பாலில் இருந்து 120 கிலோமீட்டர் தொலைவில் உள்ள ஜிர்பாம் மாவட்டத்தில் வன்முறை சம்பவங்கள் அதிகரித்து வருகின்றன. ஜிர்பாமில் மார் பழங்குடி சமூகத்தினர் அதிகம் வசிக்கும் அரமாய் தெங்கோல் பகுதியில் உள்ள கிராமத்தில் கடந்த நவம்பர் 7 ஆம் தேதி புகுந்த கிளர்ச்சியர்கள் வீடுகளுக்கு தீ வைத்தனர்.

மேலும் மூன்று குழந்தைகளுக்கு தாயான 31 வயது ஆசிரியை ஒருவரை சித்ரவதை செய்து உயிருடன் எரித்த சம்பவம் பரபரப்பை ஏற்படுத்தியது. தொடர்ந்து கடந்த திங்களன்று ஜிர்பாம் பகுதியில் மெய்த்தேய் இனத்தைச் சேர்ந்த 3 குழந்தைகள் உட்பட 6 பேர் காணாமல் போயினர். உயிருடன் எரிக்கப்பட்ட இரண்டு மெய்த்தேய் முதியவர்களின் சடலமும் அன்றைய தினம் கண்டெடுக்கப்பட்டது.

இந்நிலையில் அவர்கள் கடத்தப்பட்டு 5 நாட்கள் கழித்து, காணாமல் போனவர்கள் என சந்தேகிக்கப்படும் 3 பேரின் உடல்கள் மணிப்பூர்-அசாம் எல்லையின் ஜிரி நதி மற்றும் பராக் நதி சங்கமிக்கும் இடத்தில் கண்டெடுக்கப்பட்டுள்ளதாக அதிகாரிகள் இன்று தெரிவித்துள்ளனர். அவர்களின் உடல்கள் பிரேதப் பரிசோதனைக்காக நேற்று இரவு அசாம் சில்கார் அரசு மருத்துவமனைக்கு அனுப்பி வைக்கப்பட்டுள்ளது.

இதற்கிடையே சில்கார் மருத்துவமனைக்கு 3 பெண்களின் உடல்களும், மேலும் 1 பெண் மற்றும் 2 குழந்தைகளின் உடல்களும் கொண்டுவரப்பட்டுள்ளதாக என்டிடிவி களத் தகவல் தெரிவிக்கிறது. அழுகிய நிலையில் உள்ள உடல்களை அடையாளம் காணும் பணி நடந்து வருவதாக கூறப்படுகிறது.

கடத்தப்பட்ட 6 பேரில் லாய்ஷராம் ஹெரோஜித் என்ற மாநில அரசு கீழ்நிலை ஊழியரின் மனைவி, 2 குழந்தைகள், மாமியார் மற்றும் மனைவியின் சகோதரி ஆகியோர் அடங்குவர். எனவே உடல்களை அடையாளம் காண அவர் விரைத்துள்ளார் என்று தகவல் தெரிவிக்கிறது. இவர்கள் அனைவரும் மெய்த்தேய் இனத்தைச் சேர்ந்தவர்கள் என்பது குறிப்பிடத்தக்கது. 

அதிகரித்து வரும் வன்முறை சம்பவங்களை கட்டுப்படுத்த மத்திய அரசு கூடுதலாக 2000 மத்திய ஆயுதக்காவல் படை வீரர்களை மணிப்பூருக்கு அனுப்பி வைத்துள்ளது.

மேலும் மணிப்பூரில் உள்ள அனைத்து பாதுகாப்பு படையினரும் நிலைமையை கட்டுப்படுத்த முடுக்கி விடப்பட்டுள்ளனர் என்றும் அமைதியை மீட்டெடுக்க தேவையான நடவடிக்கை எடுக்குமாறு அவர்ளுக்கு அறிவுறுத்தப்பட்டுள்ளதாகவும் மத்திய அரசு இன்று அறிக்கை வெளியிட்டுள்ளது.

மணிப்பூரில் 6 மாவட்டங்களில் எந்த தடையும் இன்றி பாதுகாப்பு படை சோதனை நடத்தி நடவடிக்கை எடுக்க அதிகாரம் வழங்கும் AFSPA சட்டம் அமல் படுத்தப்பட்டுள்ளது

மணிப்பூர் கலவரம் 

ஒரு வருட காலமாக கலவரத்தால் துண்டாடப்பட்டு வரும் மணிப்பூரில் சமீப நாட்களாகத் தாக்குதல் சம்பவங்களும் உயிரிழப்புகளும் அதிகரித்த வண்ணம் உள்ளன. பெண்கள் நிர்வாணமாக ஊர்வலம் நடத்திச் செல்லப்படுவது, பாலியல் வன்கொடுமை சம்பவங்கள், கொலைகள் என சுமார் 240 பேர் கொல்லப்பட்டனர். 60 ஆயிரத்துக்கும் மேற்பட்ட மக்கள் முகாம்களில் தஞ்சம் அடைந்தனர்.

இந்நிலையில் குக்கி மற்றும் மெய்தேய் ஆகிய இரு சமூகங்களைச் சேர்ந்த ஆயுதமேந்திய கிளர்ச்சியாளர்கள் கடந்த வாரம் முதல் தொடர் தாக்குதலில் ஈடுபட்டு வருகின்றனர். மணிப்பூர் தலைநகர் இம்பால் -இல் இருந்து 120 கிலோமீட்டர் தொலைவில் உள்ள ஜிர்பாம் மாவட்டத்தில் வன்முறைச் சம்பவங்கள் அரங்கேறி வருகின்றன.

வன்முறைச் சம்பவங்கள்

அப்பகுதியில் உள்ள கிராமங்களில் நுழைந்து வீடுகளுக்குத் தீ வைப்பது, கிராமத்தினரைச் சித்திரவதை செய்து கொல்வது என வெறிச்செயல்களில் ஈடுபட்டு வருகின்றனர். நிலைமையைச் சமாளிக்க முடியாமல் பாதுகாப்புப் படை திணறி வருவதால் கூடுதலாக 2000 மத்திய ஆயுதக் காவல் படையினரை மணிப்பூருக்கு அனுப்ப மத்திய அரசு உத்தரவிட்டுள்ளது. இதுவரை 11 கிளர்ச்சியாளர்களைப் பாதுகாப்பு [படை கொன்றுள்ளது.

கடந்த திங்களன்று ஜிர்பாம் பகுதியில் இரண்டு முதியவர்கள் உயிருடன் தீ வைத்து எரிக்கப்பட்டனர். மூன்று குழந்தைகள் உட்பட 6 பேர் காணாமல் போயினர். முன்னதாக ஜிர்பாமில் பகுதியில் குகி-ஜோ சமூகத்துடன் தொடர்புடைய மார் பழங்குடி சமூகத்தினர் அதிகம் வசிக்கும் அரமாய் தெங்கோல் பகுதியில் கடந்த நவம்பர் 7 ஆம் தேதி கிளர்ச்சியாளர்கள் புகுந்து அங்கிருந்த வீடுகளை தீ வைத்து எரித்தனர்.

ஆசிரியை 

இந்த வன்முறைக்குப் பின்னர் அன்றைய இரவு மார் சமூக பெண்ணான ஜொசாங்கிம் (வயது 31) என்பவரின் உடல் நேற்றிரவு கண்டெடுக்கப்பட்டது. டியூ ஆங்கில ஜூனியர் உயர்நிலை பள்ளியில் ஆசிரியையாக பணியாற்றி வந்திருக்கிறார். இவருக்கு 3 குழந்தைகள் உள்ளனர்.

வீட்டுக்குள் ஆயுதங்களுடன் வந்த மெய்தி கிளர்ச்சிக்குழுவை சேர்ந்த சிலர் தன்னுடைய மனைவியை பாலியல் பலாத்காரம் செய்து நள்ளிரவு 9 மணியளவில் உயிருடன் தீ வைத்து கொளுத்தி விட்டு வீட்டில் இருந்த பொருட்களை கொள்ளையடித்ததாக ஆசிரியையின் கணவர் போலீசில் புகார் அளித்திருந்தார். 

பயங்கரவாத குழுவை சேர்ந்த சிலர், அவருடைய மனைவியை பாலியல் பலாத்காரம் செய்து, நேற்றிரவு 9 மணியளவில் உயிருடன் தீ வைத்து கொளுத்தி விட்டனர். அவர்களுடைய வீட்டில் வைத்து நடந்த இந்த சம்பவத்திற்குப் பின்னர், அந்த குழுவினர், வீட்டில் இருந்த பொருட்களைக் கொள்ளையடித்து விட்டு, தீ வைத்து கொளுத்தி விட்டு சென்றது என எப்.ஐ.ஆரில் தெரிவித்து உள்ளார். மர்ம கும்பல், வீட்டுக்கு தீ வைத்து தப்பி செல்லும் வீடியோவும் இணையத்தில் பரவியது.

இந்நிலையில் உயிரிழந்த ஆசிரியையின் பிரேத பரிசோதனை அறிக்கையின்மூலம் உறைய வைக்கும் உண்மைகள் வெளிவந்துள்ளன. அவரின் உடல் அசாமில் உள்ள சில்சார் [Silchar] மருத்துவக்கல்லூரி மருத்துவமனையில் வைத்து பிரேத பரிசோதனைக்கு உட்படுத்தப்பட்டது.

 போஸ்ட் மார்ட்டம் 

அதன்படி ஆசிரியையும் உடலில் 99 சதவீதம் தீக்காயங்கள் இருந்தன. எலும்பு பகுதிகள் எரிந்தும்,உடைந்தும், முகத்தின் ஒரு பகுதியும் சில பகுதிகள் தொலைந்தும் உள்ளது. கையின் மேல் வலது மூட்டு மற்றும் கீழ் மூட்டு காணாமல் போயுள்ளது. அவரது மண்டை ஓடு கடுமையாக எரிந்தும் உடைந்து நொறுங்கி தனியாக பிரிந்த நிலையிலும் காணப்பட்டுள்ளது.

கழுத்து திசுக்கள் கருகியுள்ளன. அவர் சித்திரவதை செய்யப்பட்டதற்கு சாட்சியாக வலது தொடையின் பின்புறத்தில் 1 cm x 0.75 cm அளவில் தொடங்கும் துளைவலது தொடையின் மேல்பகுதி வழியாக 2 cm x 1 cm அளவில் திறந்து முடிகிறது.

இடது தொடையில் இறக்கப்பட்ட 5 cm நீளமான இரும்பு ஆணி கண்டெடுக்கப்பட்டுள்ளது. மூன்றாம் டிகிரி தீ காயங்கள் அதிர்ச்சியில் அவரது உயிர் பிரிந்துள்ளது. உடல் எரிந்தும் சில பாகங்கள் தொலைந்தும் உள்ளதால் ஆசிரியை பாலியல் வன்கொடுமை செய்யப்பட்டாரா என்பதை உறுதிப்படுத்த முடியவில்லை

ஒரு வருட காலமாக கலவரத்தால் துண்டாடப்பட்டு வரும் மணிப்பூரில் சமீப நாட்களாக தாக்குதல் சம்பவங்களும் உயிரிழப்புகளும் அதிகரித்த வண்ணம் உள்ளன. குக்கி மற்றும் மெய்தேய் இனக்குழுக்களிடையே அரசின் பழங்குடியின அந்தஸ்து முடிவால் வெடித்த சண்டை கடந்த வருடம் மே மாதம் கலவரமாக மாறியது.

கிறிஸ்தவர்கள் அதிகம் உள்ள குக்கி சமூகத்தைச் சேர்ந்த இரண்டு பெண்கள் நிர்வாணமாக ஊர்வலம் அழைத்துச்செல்லப்பட்ட வீடியோ வெளியாகி நாட்டையே உலுக்கியது. தொடர்ந்து பாலியல் வன்கொடுமை சம்பவங்களும் கொலைகளும் அரங்கேறின. 200 க்கும் அதிகமான மக்கள் கொல்லப்பட்டனர்.

கலவரத்தால் பெரும்பாலான மக்கள் தங்கள் வீடுகளை விட்டு வெளியேறி தற்காலிக முகாம்களில் தஞ்சம் அடைந்தனர். ஒன்றரை வருடத்திற்கு நூலாகியும் இன்னும் மணிப்பூரில் இயல்பு நிலை திரும்ப வில்லை. இந்நிலையில் இரு சமூகங்களைச் சேர்ந்த ஆயுதமேந்திய கிளர்ச்சியாளர்கள் தொடர் தாக்குதலில் ஈடுபட்டு வருகின்றனர்.

நேற்றைய தினம் ஜிர்பாம் பகுதியில் 13 பேர் நேற்று மாயமானதாகவும், இதில் ஐந்து பேர் கண்டுபிடிக்கப்பட்டு உள்ளதாகவும் மூன்று குழந்தைகள் உட்பட ஆறு பேரை இன்னும் காணவில்லை என்றும் கூறப்படுகிறது. மெய்தேய் இனத்தைச் சேர்ந்த முதியவர்கள் இருவர் உயிருடன் எரித்து கொலை செய்யப்பட்டதாகவும் கூறப்படுகிறது.

அவர்களின் உடல்கள் தற்போது கைப்பற்றப்பட்டுள்ளன. இதற்கிடையே பாதுகாப்புப் படையினருக்கும் கிளர்ச்சியாளர்களும் இடையே துப்பாக்கி சண்டை நடந்துள்ளது. இதில் கிளர்ச்சியாளர்கள் குழுவைச் சேர்ந்த 10 பேர் உயிரிழந்துள்ளனர்.

எனவே நிலைமை கையை மீறியுள்ளதால் கூடுதலாக 20 மத்திய ஆயுதக் காவல்படை [CAPF] கம்பெனிகளை மணிப்பூருக்கு அனுப்ப மத்திய அரசு உத்தரவிட்டுள்ளது. இதில் சுமார் 2000 வீரர்கள் இடம்பெற்றுள்ளனர். உடனடியாக இவர்களை மணிப்பூர் அனுப்ப நேற்று இரவு இந்த அவசர உத்தரவை பிறப்பித்ததாக மத்திய உள்துறை அமைச்சக வட்டாரங்கள் தெரிவிக்கின்றன.