திருப்பத்தூர்

ஆம்பூர்:

திருப்பத்தூர் மாவட்டம் ஆம்பூர் பகுதியை சேர்ந்த 17 வயது சிறுமிக்கு உடல்நலம் பாதிக்கப்பட்டு நேற்று ஆம்பூர் அரசு மருத்துவமனைக்கு சிகிச்சைக்காக வந்தார்.

அப்போது டாக்டர் பரிசோதனை செய்த போது அந்த சிறுமி 6 மாதம் கர்ப்பம் என தெரியவந்தது. இது குறித்து ஆம்பூர் அனைத்து மகளிர் காவல் நிலையம் இன்ஸ்பெக்டர் கவிதாவிடம் புகார் அளித்தார்.

இது குறித்து அதே பகுதியை சேர்ந்த திருநாவுக்கரசு மகன் விக்னேஷ் (வயது 19) கல்லூரி மாணவன் மீது வழக்குபதிவு செய்து விசாரித்து வருகின்றனர்.

ஆலங்காயம்:

திருப்பத்தூர் மாவட்டத்தில் நிர்வாக காரணத்திற்காக 3 தாசில்தார்களை பணியிட மாற்றம் செய்து கலெக்டர் பாஸ்கர பாண்டியன் உத்தரவிட்டுள்ளார்.

அதன்படி வாணியம்பாடி தாசில்தாராக பணியாற்றி வந்த சாந்தி, திருப்பத்தூர் நிலங்கள் மற்றும் கோவில் தனி தாசில்தாராகவும், இவருக்கு பதிலாக ஏலகிரிமலை தனி தாசில்தார் மோகன் வாணியம்பாடி தாசில்தாராகவும், திருப்பத்தூர் கோவில் நில எடுப்பு பிரிவு தனி தாசில்தார் சம்பத் ஏலகிரி மலை வருவாய், கோவில் மற்றும் பின் தொடர்பணி தனி தாசில்தராகவும் மாற்றம் செய்யப்பட்டுள்ளனர்.

திருப்பத்தூர்:

திருப்பத்தூர் அருகே பொம்மிகுப்பம் பகுதியை சேர்ந்த சிறுமிக்கு இன்று வெள்ளிக்கிழமை திருமணம் நடைபெற இருந்தது. இது தொடர்பாக கலெக்டர் அலுவலகத்துக்கு ரகசிய தகவல் கிடைத்தது.

இது தொடர்பாக, விசாரித்து நடவடிக்கை எடுக்க திருப்பத்தூர் அனைத்து மகளிர் போலீசாருக்கு, கலெக்டர் பாஸ்கர பாண்டியன் உத்தரவிட்டார்.

அதன்பேரில் போலீசார் நேற்று அந்தப் பகுதிக்குச் சென்று விசாரணை நடத்தியதில் 14 வயது சிறுமிக்கும், அதே பகுதியைச் சேர்ந்த வாலிபருக்கும் திருமணம் நடைபெற இருந்தது தெரிய வந்தது. இதையடுத்து போலீசார் 2 வீட்டாரையும் அழைத்து அறிவுறித்தி திருமணத்தைத் தடுத்து நிறுத்தினர்.

இதேபோல், வாணியம்பாடி அடுத்த மல்லகுண்டா ஊராட்சி அண்ணா நகர் பகுதியைச் சேர்ந்த 17 வயது சிறுமிக்கும், கிருஷ்ணகிரி மாவட்டம், பர்கூர் பகுதியைச் சேர்ந்த வாலிபருக்கும் இன்று திருமணம் செய்ய ஏற்பாடு செய்தனர்.

தகவலை அறிந்த குழந்தைகள் நலக் குழு மற்றும் சமூக நலத்துறை அதிகாரிகள் திம்மாம்பேட்டை போலீ சாருடன் மல்லகுண்டா பகுதிக்குச் சென்று சிறுமியின் திருமணத்தைத் தடுத்து நிறுத்தினர்.

மீறி திருமணம் நடத்தினால் போக்சோ சட்டத்தில் வழக்குப் பதிவு செய்யப்படும் என எச்சரிக்கை செய்தனர்.

திருப்பத்தூர்:

அரசுப் பள்ளி மாணவ, மாணவிகளின் பன்முகத் திறமைகளை வெளிக்கொண்டு வரும் வகையில் கலைதிரு விழாக்கள் நடத்தப்பட்டு வருகிறது.

அதன்படி திருப்பத்தூர் மாவட்டத்தில் பள்ளி மற்றும் வட்டார அளவிலான போட்டிகள் நடத்தி முடிக்கப்பட்டு, மாவட்ட அளவிலான கலைதிருவிழா திருப்பத்தூர் மீனாட்சி அரசு மகளிர் மேல்நிலைப்பள்ளியில் நேற்று தொடங்கியது.

கலெக்டர் பாஸ்கரபாண்டியன் தலைமை தாங்கி விழாவை தொடங்கி வைத்தார். எம்.எல்.ஏ.க்கள் க.தேவராஜி, அ.நல்லதம்பி ஆகியோர் முன்னிலை வகித்தனர். மாவட்ட முதன்மைக் கல்வி அலுவலர் முனிசுப்ராயன் வரவேற்றார்.

விழாவில் கலெக்டர் பேசியதாவது:-அரசுப் பள்ளி மாணவர்களின் திறமைகளை வெளிக்கொண்டு வர இந்த கலைத்திருவிழா கட்டாயம் உதவும்.

தமிழர்களின் வாழ்வில் கூத்தும், இசையும் இணைந்த ஒன்றாகவே உள்ளது. தொல்காப்பியத்தில் இசை 24 வகையில் கையாளப்பட்டுள்ளது.

அது போக, ஒவ்வொரு கருவிகளையும் எப்போது இசைக்க வேண்டும் என்பது உள்பட விதியாக வகுத்துள்ளனர். உங்களுடைய தனித்திறமை வெளிப்பட வேண்டும். இப்போது சொந்த மரபில், இசையில் பாடும் நபர்கள் குறைந்து விட்டனர். அனைவரும் உலக இசையை நம் இசைக்கு மாற்றி செய்கின்றனர்.

ஆனால் நம் மண் மனத்துடன் இசையை கொண்டு சென்றால்தால்தான் பேரும், புகழும் நமக்கு கிடைக்கும். இதற்கு இந்த கலைத்திருவிழா மாணவர்களுக்கு மிகவும் உதவியாக இருக்கும்.

மாவட்ட அளவில் வெற்றி பெறும் மாணவ, மாணவிகள் மாநில அளவில் சாதனை படைத்து மாவட்டத்திற்கு பெருமை சேர்க்க வேண்டும். இவ்வாறு அவர் கூறினார்.

விழாவில் மாவட்டம் முழுவதும் இருந்து ஏராளமான மாணவ, மாணவிகள் கலந்து கொண்டு தங்கள் திறமைகளை வெளிப்படுத்தினர்.

அப்போது அரசு பள்ளி மாணவிகள் தவில் இசைக்க, நாதஸ்வரம் வாசித்து அனைவரின் கவனத்தையும் ஈர்த்தனர்.

அவர்களுக்கு கலெக்டர் மற்றும் அதிகாரிகள் பாராட்டு தெரிவித்தனர். மேலும் வெற்றி பெறும் மாணவர்கள் மாநில அளவிலான போட்டிக்கு தேர்ந்தெடுக்கபடுவார்கள். முடிவில் மாவட்ட கல்வி அலுவலர் (தொடக்கப்பள்ளி) அமுதா நன்றி கூறினார்.

ஜோலார்பேட்டை:

ஜோலார்பேட்டையில் உள்ள இடையம்பட்டி மசூதி தெரு பகுதியை சேர்ந்தவர் பார்த்திபன் (வயது 48). பெட்டிக்கடை வைத்துள்ளார்.

இவர் தடை செய்யப்பட்ட புகையிலை பாக் கெட்டுகள் விற்பனை செய்வதாக ஜோலார்பேட்டை போலீ சாருக்கு தகவல் கிடைத்தது. அதன்பேரில் சப்-இன்ஸ்பெக்டர் பிரபு மற்றும் போலீசார் சென்று பெட்டிக்கடையில்சோதனை செய்தனர்.

அப்போது தடை செய்யப்பட்ட புகையிலை பாக்கெட்டு கள் விற்பனைக்கு வைத்திருந்தது தெரியவந்தது. இதனைய டுத்து கடை உரிமையாளர் பார்த்திபனை கைது செய்து, அவரிடம் இருந்து 10 புகையிலை பாக்கெட்டுகளை பறிமுதல் செய்தனர்.

திருப்பத்தூர்:

திருப்பத்தூர் தண்டபாணி கோயில் தெருவைச் சேர்ந்தவர் ராம உத்தர் மகன் லல்லி (23). இவர் திருப்பத்தூரில் பானிபூரி வியாபாரம் செய்து வருகிறார்.

இந்த நிலையில் கடந்த திங்கள்கிழமை திருப்பத்தூரைச் சேர்ந்த சஹில் ரகுமான் (31) என்பவர், லல்லியிடம் பானிபூரி வாங்கி சாப் பிட்டுள்ளார்.பின்னர் சஹில் ரகுமானிடம் லல்லி பணம் கேட்டுள்ளார். ஆனால் அவர் பணம் தர மறுத்து தனக்கு எப்போதும் இலவசமாக பானிபூரி தரவேண்டும் என சஹில்ரகுமான் தெரிவித்தாராம்.

இதனால் 2 பேருக்கும் இடையே வாக்குவாதம் ஏற்பட்டுள்ளது. அப்போது சஹில் ரகுமான் தான் மறைத்து வைத்திருந்த கத்தியால் லல்லியை குத்தியுள்ளார்.

இதுகுறித்து லல்லி அளித்த புகாரின்பேரில், திருப்பத்தூர் நகர போலீஸார் வழக்குப்பதிந்து, சஹில் ரகுமானை கைது செய்தனர்.

ஆலங்காயம்:

திருப்பத்தூர் மாவட்டம் வாணியம்பாடி அடுத்த பெருமாள்பேட்டை பகுதியைச் சேர்ந்தவர் கமலகண்ணன்(வயது 42). தி.மு.க. மாவட்ட மாணவரணி அமைப்பாளராக பொறுப்பு வகித்து வந்தார்.

மேலும் இவர் வட்டிக்கு பணம் கொடுக்கும் தொழிலும் செய்து வந்தார். இதில் கமலக்கண்ணன் முன்விரோதம் காரணமாக

கடந்த 2011-ம் ஆண்டு, ஜூன் மாதம் 5-ந் தேதி வாணியம்பாடி பைபாஸ் சாலையில் உள்ள சக்தி நகரில் வெட்டி கொலை செய்யப்பட்டார்.

இந்த கொலை வழக்கில் நேதாஜி நகரை சேர்ந்த சுதாகர்(வயது 31), விஸ்வநாதன்(23) ஆகிய 2 பேர் கைது செய்யப்பட்டனர். இந்த வழக்கில் ஜாமீனில் வெளியே வந்த விஸ்வநாதன் நீதிமன்றத்தில் ஆஜராகாமல் தலைமறைவாகினார்.

இவரைப் பிடிக்க கடந்த 2015-ம் ஆண்டு ஆகஸ்டு மாதம் வாணியம்பாடி கோர்ட்டு பிடி வாரண்டு பிறப்பித்து போலீசாருக்கு உத்தரவிட்டது.

இதைத்தொடர்ந்து தலைமறைவாக இருந்த விஸ்வநாதனை பிடிக்க வாணியம்பாடி துணை போலீஸ் சூப்பிரண்டு விஜயகுமார் தலைமையில் தனிப்படை அமைக்கப்பட்டு போலீசார் தேடி வந்தனர்.

இந்த நிலையில் ஆந்திரா மாநிலம் திருப்பதியில் விஸ்வநாதன் வசித்து வந்த நிலையில் மீண்டும் போலிஸ் தன்னை தேடுவதை அறிந்த அவர் கர்நாடகா மாநிலத்திற்கு தப்பி ஓடி விட்டார்.

பின்னர் கர்நாடகவில் பதுங்கியிருந்த விஸ்வநாதனை தனிப்படை போலீசார் வளைத்து பிடித்து கைது செய்தனர். அவரை கோர்ட்டில் ஆஜர்படுத்தி வேலூர் மத்திய ஜெயிலில் அடைத்தனர்.

இது குறித்து போலீசார் கூறியதாவது:-

விஸ்வநாதனிடம் நடத்திய விசாரணையில் பல்வேறு திடுக்கிடும் தகவல்கள் தெரியவந்தது.

ஜாமினில் வெளியே சென்றவர் ஆந்திரா மாநிலம் சித்தூர் மாவட்டம் திருப்பதியில் தஞ்சம் அடைந்தார்.

அங்கு தன் பெயர், விலாசம் மற்றும் ஆதார் அட்டை உள்ளிட்டவற்றை மாற்றி கொண்டு, வாய் பேசாத லட்சுமி என்ற பெண்ணை திருமணம் செய்து வாழ்ந்து வந்துள்ளார்.

இவருக்கு 12 வயதில் மகன் உள்ளான். நாங்கள் திருப்பதி வருவதை அறிந்த விஸ்வநாதன், கர்நாடகாவுக்கு தப்பி சென்றார். அவரை பின் தொடர்ந்து சென்று கைது செய்தோம்.

இவ்வாறு அவர்கள் கூறினார்.

ஆலங்காயம்:

திருப்பத்தூர் மாவட்டம் ஆலங்காயம் அடுத்த வெள்ளக்குட்டை கிராமத்தை சேர்ந்தவர் ராமமூர்த்தி, விவசாயி. இவர் நிலத்தகராறு காரணமாக கடந்த 2022-ம். ஆண்டு டிசம்பர் மாதம் கொலை செய்யப்பட்டார்.

இது தொடர்பாக 14 வயது சிறுவன் உட்பட 8 பேரை போலீசார் கைது செய்தனர்.

கொலை சம்பவம் நடைபெற காரணமாக இருந்த பிரச்சனைக்குரிய அந்த நிலத்தை கண்காணிக்க கொலை செய்யப்பட ராமமூர்த்தியின் மகன் தினேஷ்குமார்(31) ஆங்காங்கே கண்காணிப்பு கேமராக்களை பொருத்தியுள்ளார்.

இந்த நிலையில் கடந்த 23-ந் தேதி இரவு அங்கு பொருத்தபட்டிருந்த கண்காணிப்பு கேமராக்களை மர்ம நபர்கள் உடைத்து சேதப்படுத்தி திருடிச் சென்றனர்.

இது குறி்த்து தினேஷ்குமார் ஆலங்காயம் போலீஸ் நிலையத்தில் புகார் அளித்தார்.

அதன்பேரில் போலீசார் வழக்கு பதிவு செய்து, ராமமூர்த்தி கொலை வழக்கில் கைதான 15 வயது சிறுவன், சிறுவனின் தந்தை மகேந்திரன்(40), பார்த்திபன்(23), விமல்குமார்(22) உள்ளிட்ட 4 பேரை கைது செய்து விசாரணை நடத்தி வருகின்றனர்.

ஆலங்காயம்:

வாணியம்பாடி தர்மராஜபுரம் பகுதியில் உள்ள ஒரு வீட்டில் 5 அடி நீளமுள்ள சாரை பாம்பு புகுந்தது. இதுகுறித்து வீட்டின் உரிமையாளர் ஆலங்காயம் தீயணைப்பு துறையினருக்கு தகவல் தெரிவித்தனர்.

அதன்பேரில் தீயணைப்பு வீரர்கள் அங்கு விரைந்து சென்று சாரைபாம்பை பிடித்தனர். அதேபோல் ஆலங்காயம் அடுத்த மிட்டூர் பகுதியில் மெக்கானிக் கடையில் புகுந்த 7 அடி நீளம் உள்ள சாரை பாம்பு மற்றும் ஆலங்காயம் படகுப்பம் வண்ணாங்குட்டை பகுதியில் வீட்டின் அருகில் இருந்த 8 அடி நீளம் உள்ள மலைப்பாம்பையும் தீயணைப்பு துறையினர் பிடித்தனர்.

பிடிபட்ட 3 பாம்புகளும் ஆலங்காயம் வனத்துறையினர் ஒப்படைக்கப்பட்டு, காப்பு காட்டில் விடப்பட்டது.

ஆலங்காயம்:

திருப்பத்தூர் மாவட்டம், வாணியம்பாடி அடுத்த சென்னாம்பேட்டை பகுதியில் பாண்டுரங்கன் கோவில் உள்ளது.

இந்த கோவிலில் நவராத்திரி விழாவை முன்னிட்டு பொதுமக்கள் மற்றும் மகளிர் குழுக்கள் சார்பில் கொலு பொம்மைகள் வைக்கப்பட்டு கடந்த 9 நாட்களாக பூஜைகள் நடந்தது.

அதன்படி நவராத்திரி விழா கடைசி நாளான நேற்று பெண்கள் பாடல்கள் பாடி, சரஸ்வதி தேவியின் அருள்பெற வேண்டியும் சிறப்பு வழிப்பாடுகள் நடத்தினர்.

ஆம்பூர்:

ஆம்பூரில் உள்ள பல்வேறு தோல் தொழிற்சா லைகள், காலணி தொழிற்சாலைகளின் தலைமை அலுவலகங்கள் சென்னையில் அமைந்துள்ளது.

அதனால் ஆம்பூரிலி ருந்தும் சென்னைக்கு ரெயில் மூலம் பணியாளர்கள் சென்று வருகின்றனர். அதே போல வியாபார நிமிர்த்தமாக ஆம்பூரிலிருந்து, வெளியூர்க ளுக்கும், வெளியூரிலிருந்து ஆம்பூருக்கும் வரும் வியாபாரிகள் ரெயில் சேவையையே அதிகம் பயன்படுத்துகின்றனர்.

மேலும், ஆம்பூரை சேர்ந்த கல்லூரி மாணவர்கள் பல்வேறு ஊர்களில் உள்ள கல்லூரிகளுக்கு ரெயில் மூலம் சென்று வருகின்றனர்.

கடந்த கொரோனா பொது முடக்கத்தின் போது ரெயில், பஸ் சேவைகள் நிறுத்தப்பட்டன. பிறகு படிப்படியாக பொது போக்குவரத்து சேவைகள் மீண்டும் தொடங்கப்பட்டன.

ஆம்பூர் ரெயில் நிலையத்தில் தடை செய்யப்பட்ட திருப்பதி-மைசூர் ரெயில் சேவை மீண்டும் தொடங்கப்பட்டது.

அதன்படி திருப்பதி -மைசூர் செல்லும் ரெயில் நேற்று இரவு முதல் ஆம்பூர் ரெயில் நிலையத்தில் நின்று செல்கிறது. இதனால் பயணிகள் மற்றும் பொது மக்கள் மகிழ்ச்சி அடைந்தனர்.

ஆம்பூர்:

திருப்பத்தூர் மாவட்டம், ஆம்பூர் டவுன் குற்ற பிரிவு போலீசார் நேற்றிரவு சான்றோர்குப்பம் தேசிய நெடுஞ்சாலையில் ரோந்து பணியில் ஈடுபட்டனர்.

அப்போது அந்த வழியாக வந்த 3 பேர் போலீசாரை பார்த்து பைக் நிறுத்தி விட்டு தப்பி ஓட்டம் பிடித்தனர்.

அவர்களை போலீசார் சினிமா பாணியில் விரட்டி சென்று பிடித்து விசாரணை நடத்தினர். இதில் அவர்கள் வேலூர் மாவட்டம் பேர்ணாம்பட்டு அருகே உள்ள கோட்டைகாலனி பகுதியை சேர்ந்த நிரஞ்சன் (வயது18), வல்லரசன் (24), அரவிந்தன் (20) என்பதும், இவர்கள் பல்வேறு இடங்களில் தொடர்ந்து பைக் திருட்டில் ஈடுபட்டு வந்ததும் தெரிந்தது.

இதனையடுத்து போலீசார் 3 பேரையும் கைது செய்து அவர்களிடமிருந்து 10 பைக்குகள் பறிமுதல் செய்தனர்.

மேலும் இது குறித்து ஆம்பூர் டவுன் போலீசார் வழக்கு பதிவு செய்து விசாரணை நடத்தி வருகின்றனர்.