ஐபிஎல் தொடரில் கொல்கத்தா அணிக்காக விளையாடி வரும் ரிங்கு சிங் குஜராத் வீரர் யஷ் தயாள் வீசிய கடைசி ஓவரில் தொடர்ந்து 5 சிக்சர்கள் அடித்து அணியை வெற்றி பெற வைத்தார். இந்த போட்டி தான் ரிங்கு சிங்கின் வாழ்க்கையையே மாற்றியது.
இதன் பின் இந்திய டி20 அணியில் அறிமுகமாகி சிறப்பாக விளையாடினார். தற்போது ஐபிஎல் 2025 தொடரில் கொல்கத்தா அணிக்காக 13 கோடி ரூபாய் கொடுத்து ரிங்கு சிங் தக்கவைக்கப்பட்டுள்ளார்.
இந்நிலையில், இந்திய கிரிக்கெட் வீரர் ரிங்கு சிங் உத்தரபிரதேச மாநிலம் அலிகாரில் ரூ.3.5 கோடி மதிப்பிலான வீட்டை வாங்கியுள்ளார். இது தொடர்பான புகைப்படங்கள் இணையத்தில் வைரலாகி வருகிறது.
நீச்சல் குளம், 6 படுக்கையறை கொண்ட இந்த பிரம்மாண்ட வீட்டில் தொடர்ந்து 5 சிக்ஸர்கள் அடித்த கிரிக்கெட் பேட்டை வைத்துள்ளார்.
ஏழ்மையான குடும்பத்தில் பிறந்து வளர்ந்து தனது திறமையால் முன்னுக்கு வந்து பிரம்மாண்ட வீட்டை வாங்கியுள்ள ரிங்கு சிங்கிற்கு பலரும் வாழ்த்து தெரிவித்து வருகின்றனர்.
