நீங்கள் தேடியது "காங்கிரஸ் நிர்வாகிகள்"

திருவனந்தபுரம்:

கேரள மாநிலம் காசர்கோடு மாவட்டம் பெரியா பகுதியை சேர்ந்தவர்கள் சரத்லால் மற்றும் கிருபேஷ். இளைஞர் காங்கிரஸ் தொண்டர்களான இவர்கள் இருவரும் கொலை செய்யப்பட்டனர். இந்த இரட்டை கொலை சம்பவம் கேரளா முழுவதும் பரபரப்பை ஏற்படுத்தியது.

இந்த இரட்டை கொலை வழக்கின் 13-வது குற்றவாளி பாலகிருஷ்ணன். இவரது மகன் திருமணம் பெரியா பகுதியில் உள்ள கலையரங்கில் கடந்த 7-ந்தேதி நடந்தது. அந்த திருமணத்தில் காங்கிரஸ் கட்சியை சேர்ந்த நிர்வாகிகள் கலந்துகொண்டதாக தகவல் வெளியாகியது.

இளைஞர் காங்கிரஸ் தொண்டர்கள் கொலை வழக்கு குற்றவாளியின் மகன் திருமணத்தில் காங்கிரஸ் நிர்வாகிகள் கலந்து கொண்ட விவகாரத்தால் கட்சிக்குள்ளேயே விமர்சனங்கள் எழுந்தன. இதனால் இந்த விவகாரம் தொடர்பாக ஆய்வு செய்வதற்காக 2 பேர் கொண்ட விசாரணை கமிஷனை மாநில காங்கிரஸ் தலைவர் சுதாகரன் அமைத்தார்.

விசாரணை கமிஷனில் இடம் பெற்றிருந்த காங்கிரஸ் கட்சியின் மாநில பொதுச்செயலாளர் நியாஸ், அரசியல் விவகாரக்குழு உறுப்பினர் சுப்பிரமணியன் ஆகியோர் விசாரணை நடத்தினர். மேலும்தங்களின் விசாரணை அறிக்கையை மாநில தலைவரிடம் சமர்ப்பித்தனர்.

இரட்டை கொலை வழக்கு குற்றவாளியின் மகனின் திருமணத்தில் பங்கேற்று மாநில காங்கிரஸ் கட்சி உறுப்பினர் பால கிருஷ்ணன், முன்னாள் தொகுதி தலைவர்கள் ராஜன், பிரமோத், ராம கிருஷ்ணன் ஆகிய 4 பேரும் பெரிய தவறிழைத்து விட்டதாக அதில் தெரிவிக்கப்பட்டிருந்தது. இதையடுத்து 4 பேரையும் கட்சியின் முதன்மை உறுப்பினர் பதவியில் இருந்து மாநில தலைவர் சுதாகரன் நீக்கினார்.

திருவனந்தபுரம்:

காங்கிரஸ் முன்னாள் தலைவர் ராகுல்காந்தி கடந்த பாராளுமன்ற தேர்தலில் கேரள மாநிலம் வயநாடு தொகுதியில் போட்டியிட்டு வெற்றி பெற்றார். தற்போது நடந்து முடிந்த பாராளுமன்ற தேர்தலிலும் அவர் வயநாட்டில் களமிறங்கி வெற்றி பெற்றார். அதேநேரம் உத்தரப்பிரதேச மாநிலம் ரேபரேலி தொகுதியிலும் வென்றுள்ளார்.

இதையடுத்து வயநாடு, ரேபரேலி தொகுதி மக்களை சந்தித்து நன்றி தெரிவிக்க ராகுல்காந்தி முடிவு செய்தார். அதன்படி நேற்று ரேபரேலி தொகுதிக்கு ராகுல்காந்தி, அவரது சகோதரி பிரியங்கா காந்தி ஆகியோர் சென்று மக்களுக்கு நன்றி தெரிவித்தனர்.

இந்தநிலையில் ராகுல் காந்தி, தனக்கு வாக்களித்த மக்களுக்கு நன்றி செலுத்துவதற்காக இன்று வயநாடுக்கு வந்தார். இன்று காலை கோழிக்கோடு விமான நிலையத்தில் வந்திறங்கிய அவரை கேரள மாநில காங்கிரஸ் நிர்வாகிகள், தொண்டர்கள் வரவேற்றனர்.

பின்னர் அவர் மலப்புரம் மாவட்டம் எடவண்ணாவுக்கு புறப்பட்டு சென்றார். அப்போது அவர் ரோடு ஷோ நடத்தினார். சாலைகளின் இருபுறமும் திரண்டிருந்த பொதுமக்களுக்கு கையசைத்தவாறு ராகுல்காந்தி சென்றார். அவருக்கு பொதுமக்கள் உற்சாக வரவேற்பு அளித்தனர். அப்போது தனக்கு வாக்களித்து வெற்றிபெற வைத்ததற்காக நன்றி தெரிவித்தார்.

பின்னர் எடவண்ணாவில் நடந்த பொதுமக்கள் உடனான கலந்துரையாடல் நிகழ்ச்சியில் ராகுல்காந்தி கலந்துகொண்டு பேசினார். அவர் பேசியதாவது:-

தாயின் மறைவிற்கு பிறகே தான் கடவுளால் அனுப்பப்பட்டவர் என்பதை உணர்ந்ததாக பிரதமர் மோடி கூறினார். நான் எந்த முடிவும் எடுப்பதில்லை, என்னை பூமிக்கு அனுப்பிய பரமாத்மாவே அனைத்து முடிவையும் எடுப்பதாக கூறினார்.

அவர் கூறிய பரமாத்மா விசித்திரமான பரமாத்மா. அனைத்து முடிவுகளையும் அதானிக்கும், அம்பானிக்கும் சாதகமாகவே எடுக்குமாறு மோடியின் பரமாத்மா கூறுகிறது.

நான் சாதாரண மனிதன், மோடியை போல் பரமாத்மாவால் அனுப்பப்பட்டவர் அல்ல. துரதிருஷ்டவசமாக பிரதமர் மோடியை போல் நான் கடவுளால் வழிகாட்டப்படுபவன் அல்ல.

ரேபரேலி எம்.பி.யாக தொடர்வதா அல்லது வயநாட்டின் எம்.பி.யாக தொடர்வதா என மக்களை கேட்டு முடிவு செய்வேன். எந்த தொகுதி எம்.பி.யாக தொடர்வது என்பதை முடிவு செய்ய தர்மசங்கடமாக உள்ளது.

இவ்வாறு அவர் கூறினார்.

நாகர்கோவில்:

பாராளுமன்ற தேர்தலோடு ஏப்ரல் 19-ந்தேதி குமரி மாவட்டம் விளவங்கோடு சட்டமன்ற தொகுதிக்கும் இடைத்தேர்தல் நடைபெற உள்ளது. காங்கிரஸ்-கம்யூனிஸ்டு கட்சிகள் செல்வாக்கு பெற்ற இந்த தொகுதியில் கடந்த 3 தேர்தல்களில் வெற்றி பெற்று எம்.எல்.ஏ.வாக தேர்வு செய்யப்பட்டவர் காங்கிரசை சேர்ந்த விஜயதரணி.

இவர் சமீபத்தில் பாரதிய ஜனதா கட்சியில் இணைந்தார். அதோடு தனது எம்.எல்.ஏ. பதவியையும் ராஜினமா செய்தார். இதனை தொடர்ந்தே இந்த தொகுதிக்கு இடைத்தேர்தல் நடக்கிறது. தி.மு.க. கூட்டணியில் இந்த தொகுதி மீண்டும் காங்கிரசுக்கே ஒதுக்கப்படும் என தெரிகிறது.

இதனை கருத்தில் கொண்டு தொகுதியில் போட்டியிட காங்கிரஸ் நிர்வாகிகள் காய் நகர்த்தி வருகின்றனர். காங்கிரஸ் சார்பில் இங்கு யார் நிறுத்தப்பட்டாலும் வெற்றி உறுதி என கூறப்படுகிறது. அதன் காரணமாகவே மாவட்டத்தின் முக்கிய தலைவர்கள் டெல்லி மற்றும் சென்னையில் முகாமிட்டு முக்கிய தலைவர்களின் ஆதரவை பெற முயன்று வருகின்றனர்.

காங்கிரஸ் சார்பில் குமரி மேற்கு மாவட்ட தலைவர் டாக்டர் பினுலால் சிங், ஜவகர்பால் மஞ்ச் அமைப்பின் அகில இந்திய ஒருங்கிணைப்பாளர் சாமுவேல் ஜார்ஜ் உள்ளிட்ட பலரும் சீட் பெறுவதில் முனைப்பு காட்டி வரு கின்றனர். இதற்கிடையில் கடந்த சில நாட்களுக்கு முன்பு மார்த்தாண்டத்தில் நடைபெற்ற கூட்டத்தில் பங்கேற்று பேசிய மாநில தலைவர் செல்வப்பெருந்தகை, இந்த தொகுதியில் மகளிர் வேட்பாளர் போட்டியிட வாய்ப்பு உள்ளதாக கூறியிருந்தார்.

எனவே விளவங்கோடு தொகுதியில் மீண்டும் பெண் வேட்பாளர் களம் இறக்கப்படுவார் என்றும் கூறப்படுகிறது. மாவட்ட மகளிர் அணி தலைவியும் மாவட்ட பஞ்சாயத்து கவுன்சிலருமான சர்மிளா ஏஞ்சல் உள்ளிட்ட பலரும் தேர்தல் களத்தில் உள்ளனர். தி.மு.க. கூட்டணியில் காங்கிரஸ், கம்யூனிஸ்டு கட்சிகளும் உள்ளதால் விளவங்கோடு தொகுதியில் வெற்றி உறுதி என்பதால், காங்கிரஸ் நிர்வாகிகள் தொகுதியை பெறுவதில் மல்லுக்கட்டி வருகின்றனர்.

கடந்த தேர்தலில் அ.தி.மு.க.-பாரதிய ஜனதா இணைந்து இந்த தொகுதியில் போட்டியிட்டன. இந்த முறை கூட்டணி இல்லாததால் 2 கட்சிகளும் தனித்து களம் காண்கின்றன. பாரதிய ஜனதா சார்பில் கடந்த முறை போட்டியிட்ட ஜெயசீலனே மீண்டும் போட்டியிடுவார் என தெரிகிறது. அ.தி.மு.க. சார்பில் நாஞ்சில் டொமினிக் போட்டியிட வாய்ப்பு உள்ளதாக கூறப்படுகிறது.

கன்னியாகுமரி :

பொன்மனை நகர காங்கிரஸ் கமிட்டி சார்பாக குளச்சவிளாகத்தில் காங்கிரஸ் நிர்வாகிகள் ஆலோசனை கூட்டம் பொன்மனை பேரூராட்சி தலைவர் அகஸ்டின் தலைமையில் நடைபெற்றது.

கூட்டத்தில் முன்னாள் வட்டார தலைவர் காஸ்டன் கிளிட்டஸ், மாவட்ட காங்கிரஸ் பொதுச்செ யலாளர் மோகன்தாஸ் ஆகியோர் முன்னிலை வகித்தனர். சிறப்பு விருந்தினராக விஜய்வசந்த் எம்.பி. கலந்து கொண்டார். பின்னர் அவர் கட்சி நிர்வாகிகளுக்கு பல்வேறு ஆலோசனைகள் வழங்கினார். வருகிற பாராளுமன்ற தேர்தலில் கன்னியாகுமரி தொகுதியில் காங்கிரஸ் கட்சி வேட்பாளர் வெற்றிபெற அனைவரும் பாடுபட வேண்டும், அனைத்து வார்டுகளிலும் பூத் கமிட்டி உடனே அமைக்க வேண்டும், மீண்டும் மத்தியில் காங்கிரஸ் ஆட்சி அமைக்க அனைத்து கட்சி நிர்வாகிகளும் முழு மூச்சாக பணியாற்ற வேண்டும் என்று கூறினார். அதைத்தொ டர்ந்து திற்பரப்பு, குலசேகரம், பேரூராட்சிகள் மற்றும் பேச்சிப்பாறை, சுருளோடு, அயக்கோடு ஆகிய ஊராட்சிகளிலும் சுற்றுப்பயணம் செய்து கட்சி நிர்வாகிகளிடம் கோரிக்கை மனுக்களையும் பெற்றார்.

கூட்டத்தில் அகில இந்திய காங்கிரஸ் காரிய கமிட்டி உறுப்பினர் ரெத்தி னகுமார், குலசேகரம் பேரூராட்சி தலைவர் ஜெயந்தி ஜேம்ஸ், திற்பரப்பு பேரூ ராட்சி தலைவர் பொன்.ரவி, வட்டார பொருளாளர் ஜேம்ஸ்ராஜ், வட்டார துணை தலைவர் கமாருதீன், மாநில இளைஞர் காங்கிரஸ் பொதுச்செயலாளர் பினிஷ், திற்பரப்பு நகர தலைவர் எட்வின் மற்றும் கட்சி நிர்வாகிகள் பலர் கலந்துகொண்டனர்.

சென்னை:

தமிழக காங்கிரஸ் பிற்பட்டோர் துறையின் மாநில தலைவர் டி.ஏ.நவீன் பரிந்துரையின் பேரில் அகில இந்திய தலைவர் தமர்வாஜ்சாகு புதிய நிர்வாகிகளை நியமித்துள்ளார். தமிழக காங்கிரஸ் தலைவர் திருநாவுக்கரசர் ஒப்புதலுடன் புதிய நிர்வாகிகள் பட்டியலை நவீன் வெளியிட்டுள்ளார்.

துணை தலைவர்களாக எஸ்.ஜெயச்சந்திரன், டி.காமராஜ், ஜோஷ்வா சுரேஷ், ஏ,தனராஜ், ஆவடி விஸ்வநாதன், ஏ.மஸ்தான், கே.பரந்தாமன், ஐஸ்அவுஸ் தியாகு, நாஞசில். எம்.சதீஷ், ஆர்.குணசேகரன், எஸ்.தீனா, ஜி.அனிதா ஸ்வீட்டி, இ.ஆர். ரவிச்சந்திரன், கே.ஏ.எம்.ரகுராமராஜ், பி.வி.செந்தில் ஆகியோர் நியமிக்கப்பட்டுள்ளனர்.

பொதுச் செயலாளர்களாக ஏ.திலகராஜன், பி.பிரகாசம், மில்டன் தன்ராஜ், எஸ்.எஸ்.கணேஷ், பி.‌ஷபீர்அகமது, பி.பி.எம். ஜஸ்கர்ராஜா, ஒய்.பெரோஸ், பி.எம்.கே.செந்தில்குமார், ஜி.ஜான்கென்னடி, எம்.ஜி.எத்திசன் அரசன், லெவிடைட்டஸ், புரசை கீதா, விஜயேந்திரன், எஸ்.ராஜ்கண்ணு, முத்துகிருஷ்ணன், சாமுவேல், சந்தோஷ், ராஜா முகம்மது, மகேந்திரபாபு, சரவணன், எம்.கந்தசாமி, பட்டு எல்.கிரிபாபு, பி.ராஜ்குமார், ரமேஷ் கிருஷ்ணா, எம்.குணாளன், விருகை ஏ.ஜே.சந்திரன், ஆண்ட்ரூ அலெக்ஸ் ஆகியோரும் பொருளாளராக ரஹமத் அலிகானும் நியமிக்கப்பட்டுள்ளார்கள்.

செயலாளர்களாக சக்கரை பாண்டியன், எஸ்.முருகேசன், விவேக் வெள்ளையா, அப்துல் மஜித் உள்பட 78 பேரும் நியமிக்கப்பட்டுள்ளனர்.

மாவட்ட தலைவர்களாக ஏழுமலை (வடசென்னை), பி.எஸ்.ராமு (சென்னை கிழக்கு), சிவகுமார் (தென்சென்னை) ஸ்ரீதர் (திருவள்ளூர் வடக்கு), வரதராஜன் (திருவள்ளூர் மத்தி), ராஜேஷ் பாபு (காஞ்சி வடக்கு) தணிகாசலம் (காஞ்சி மேற்கு) உள்பட அனைத்து மாவட்டங்களுக்கும் மாவட்ட தலைவர்களும் நியமிக்கப்பட்டுள்ளார்கள்.