நீங்கள் தேடியது "கொடநாடு கொள்ளை"

கோவை:

கோவை அவினாசி சாலையில் போலீஸ் பயிற்சி மைதானம் உள்ளது. இங்கு போலீஸ் பயிற்சி பள்ளி, துப்பாக்கி சுடும் பயிற்சி நடைபெறும் இடம், ஆயுதப்படை பிரிவு, மாவட்ட ஆயுதப்படை பிரிவு, ஆயுத கிடங்கு, குதிரைப்படை, போலீஸ் வாகனங்கள் என போலீஸ் துறை சம்பந்தப்பட்ட முக்கிய பலவும் இங்கு உள்ளன. இதுதவிர இங்குள்ள போலீஸ் குடியிருப்பில் ஏராளமான போலீசார் தங்களது குடும்பத்துடன் வசித்து வருகிறார்கள்.

மேலும் மிக முக்கிய வழக்குகள் சம்பந்தமாக முக்கிய நபர்களை போலீசார் இங்கு அழைத்து வந்து விசாரணை நடத்துவது வழக்கம். அது போன்று நேற்று கொடநாடு கொலை, கொள்ளை வழக்கு சம்பந்தமாக எஸ்டேட் மேலாளர் நடராஜனிடம் தனிப்படை போலீசார் காலை முதல் மாலை வரை விசாரணை நடத்தினர். மாலையில் விசாரணை முடிந்ததும் அவர் அங்கிருந்து சென்று விட்டார்.

இந்த நிலையில் நேற்று நள்ளிரவு 12 மணியளவில் கோவை மாநகர போலீஸ் கட்டுப்பாட்டு அறைக்கு ஒரு போன் வந்தது.

அதில் பேசிய நபர், கோவை போலீஸ் பயிற்சி மைதானத்தில் வெடிகுண்டு இருப்பதாகவும், அது இன்னும் சில நொடிகளில் வெடித்து விடும் என கூறிவிட்டு தனது இணைப்பை துண்டித்து விட்டார்.

இதையடுத்து கட்டுப்பாட்டு அறையில் இருந்த போலீசார், ரேஸ்கோர்ஸ் போலீசார் மற்றும், வெடிகுண்டு நிபுணர்களுக்கு தகவல் கொடுத்தனர். ரேஸ்கோர்ஸ் போலீசார் மற்றும் வெடிகுண்டு நிபுணர்கள் போலீஸ் பயிற்சி மைதானத்திற்கு விரைந்து சென்றனர். மோப்ப நாயும் அங்கு வரவழைக்கப்பட்டது.

போலீசார் மற்றும் வெடிகுண்டு நிபுணர்கள் நவீன கருவிகளுடன் போலீஸ் பயிற்சி வளாகத்தில் உள்ள மைதானம், ஆயுதப்படை பிரிவு, ஆயுத கிடங்கு, போலீஸ் குடியிருப்பு உள்ளிட்ட அனைத்து பகுதிகளிலும் தீவிர சோதனை மேற்கொண்டனர்.

சுமார் 3 மணி நேரத்திற்கும் மேலாக சோதனை மேற்கொண்டும் வெடிகுண்டு எதுவும் கண்டு பிடிக்கப்படவில்லை. இதனால் இது வெறும் புரளி என்பது தெரியவந்தது.

உடனடியாக போலீசார் வெடிகுண்டு மிரட்டல் விடுத்த நபர் யார்? எந்த பகுதியை சேர்ந்தவர் என்பதை கண்டுபிடிக்கும் பணியில் இறங்கினர். கட்டுப்பாட்டு அறைக்கு வந்த போன் நம்பரை வைத்து அது எங்கிருந்து வந்தது என ஆராய தொடங்கினர். இதில் அந்த போன் நம்பர் புலியகுளம் பகுதியில் இருந்து வந்தது கண்டுபிடிக்கப்பட்டது.

தொடர்ந்து நடத்திய விசாரணையில் வெடிகுண்டு மிரட்டல் விடுத்தது புலியகுளத்தை சேர்ந்த மோகன்காந்தி(46) என்பது தெரியவந்தது.

இதையடுத்து ரேஸ்கோர்ஸ் போலீசார் இன்று அதிகாலை புலியகுளத்தில் உள்ள மோகன்காந்தியின் வீட்டிற்கு விரைந்து சென்று அவரை கைது செய்தனர்.

பின்னர் அவரை போலீஸ் நிலையத்திற்கு அழைத்து வந்து விசாரித்தனர் விசாரணையில், அவர் குடிபோதையில் போலீஸ் கட்டுப்பாட்டு அறைக்கு போன் செய்து வெடிகுண்டு இருப்பதாக கூறியது தெரியவந்தது. தொடர்ந்து அவரிடம் போலீசார் விசாரணை நடத்தி வருகிறார்கள்.

நள்ளிரவு நேரத்தில் போலீஸ் பயிற்சி பள்ளி மைதான பகுதியில் வெடிகுண்டு இருப்பதாக பரவிய தகவல் காரணமாக கோவையில் பெரும் பரபரப்பு ஏற்பட்டது.

ஊட்டி:

நீலகிரி மாவட்டம் கோத்தகிரி அடுத்த கொடநாடு எஸ்டேட்டில் நடந்த கொலை, கொள்ளை தொடர்பாக தனிப்படையினர் மறு விசாரணை நடத்தி வருகின்றனர். மேலும் இந்த வழக்கில் முக்கிய குற்றவாளியான விபத்தில் இறந்த கனகராஜ் வழக்கும் மறுவிசாரணை செய்யப்பட்டு வருகிறது.

இதற்கிடையே இந்த வழக்கில் ஆதாரங்கள், சாட்சியங்களை அழித்ததாக கனகராஜ் சகோதரர் தனபால், உறவினர் ரமேஷ் ஆகியோரை போலீசார் கைது செய்தனர்.

2 பேரையும் தனிப்படையினர் காவலில் எடுத்து பல்வேறு கேள்விகளை கேட்டு முக்கிய தகவல்களை பதிவு செய்தனர். இந்த நிலையில் தனபாலின் காவல் நேற்றுடன் முடிவடைந்த நிலையில் போலீசார் அவரை ஊட்டி கோர்ட்டில் ஆஜர்படுத்தி கூடுதல் அவகாசம் கேட்டனர்.

நீதிபதி தனபாலுக்கு மேலும் 5 நாள் போலீஸ் காவலை நீட்டித்து உத்தரவிட்டார்.

இதையடுத்து தனிப்படையினர் அவரை ரகசிய இடத்தில் வைத்து தொடர்ந்து பல்வேறு கேள்விகளை கேட்டு வருகிறார்கள்.

மேலும் செல்போனில் நடந்த தகவல் பரிமாற்றங்களை அழித்தது தொடர்பாக தனபாலை, கோவை, சேலத்திற்கு அழைத்து வந்து விசாரணை நடத்த உள்ளனர். அப்போது பல்வேறு முக்கிய தகவல்கள் இந்த வழக்கில் கிடைக்க வாய்ப்புள்ளதாக கூறப்படுகிறது. இதனால் இந்த வழக்கு மீண்டும் பரபரப்பை ஏற்படுத்தியுள்ளது.

சென்னை:

இந்தியா முழுவதும் 7 கட்டங்களாக பாராளுமன்ற தேர்தல் நடைபெறுகிறது.  கடந்த 11-ந்தேதி 91 பாராளுமன்ற தொகுதிகளுக்கு முதல் கட்ட தேர்தல் முடிவடைந்த நிலையில் வருகிற 18-ந்தேதி இரண்டாம் கட்ட தேர்தல் நடைபெற்ற உள்ளது.  இதில் தமிழகத்தில் உள்ள 39 பாராளுமன்ற தொகுதிகள் மற்றும் 18 சட்டமன்ற தொகுதிகளுக்கான இடைத்தேர்தல் ஆகியவற்றுக்கான வாக்கு பதிவு நடைபெறுகிறது.

இந்த தேர்தலில் அ.தி.மு.க. கூட்டணி மற்றும் தி.மு.க. கூட்டணி கட்சிகளுக்கு இடையே கடும் போட்டி நிலவுகிறது.  ஒவ்வொரு கட்சியின் தலைவரும் தங்கள் கட்சியின் வேட்பாளர்களுக்காக தீவிர பிரசாரம் மேற்கொண்டு வருகின்றனர்.

வழக்கை விசாரித்த நீதிமன்றம், மு.க.ஸ்டாலின் நேரில் ஆஜராக உத்தரவு பிறப்பித்தது. இதைத்தொடர்ந்து அவதூறு வழக்கை ரத்து செய்யக்கோரி மு.க. ஸ்டாலின் சென்னை ஐகோர்ட்டில் வழக்கு தொடர்ந்தார். வழக்கை விசாரித்த ஐகோர்ட், மு.க. ஸ்டாலின் மீதான அவதூறு வழக்கு விசாரணைக்கு தடை விதித்தது.

இந்த தடையை நீக்கக்கோரி தமிழக அரசு தரப்பில் சென்னை ஐகோர்ட்டில் மனு தாக்கல் செய்யப்பட்டது.

இதன்மீது சென்னை உயர்நீதிமன்றத்தில் இன்று விசாரணை நடைபெற்றது.  இதில், கொடநாடு விவகாரம் குறித்து முதல்-அமைச்சர் பழனிசாமி, தி.மு.க. தலைவர் மு.க. ஸ்டாலின் ஆகிய இருவரும் பேசக்கூடாது என நீதிமன்றம் தடை விதித்து இந்த மனு முடித்து வைக்கப்பட்டு உள்ளது.  இந்த தடையை மீறி பேசினால் நீதித்துறையில் தலையிடுவதாக கருதப்படும் என தெரிவித்து உள்ளது. #MadrasHC #EdappadiPalaniswami #MKStalin

குன்னூர்:

நீலகிரி தொகுதி அ.தி.மு.க வேட்பாளரை ஆதரித்து முதல்-அமைச்சர் எடப்பாடி பழனிசாமி குன்னூரில் வேனில் இருந்தவாறு பிரசாரம் செய்தார். அப்போது அவர் பேசியதாவது:-

இந்தியாவின் நிரந்தர பிரதமராக மோடி வர வேண்டும். எதிர்கட்சியாக இருக்கும் போதே தி.மு.க. அராஜகத்தில் ஈடுபட்டு வருகிறது. அவர்கள் ஆட்சிக்கு வந்தால் என்ன செய்வார்கள் என்பது உங்களுக்கு தெரியும்.

அம்மா ஆட்சி தான் உங்களுக்கு பாதுகாப்பாக அமைந்துள்ளது. பெண்களுக்கு மிகவும் முக்கியமாக பாதுகாப்பு அளிக்கும் ஆட்சியாக உள்ளது.

இந்த தொகுதியில் தி.மு.க. வேட்பாளராக ஆ. ராசா நிறுத்தப்பட்டு உள்ளார். அவர் 2ஜி வழக்கில் சிறை சென்றவர். கடந்த 2009-ம் ஆண்டு நிலச்சரிவு ஏற்பட்ட போது அவர் பாதிக்கப்பட்ட மக்களுக்கு ஒன்றும் செய்யவில்லை. வழக்கு சம்பந்தமாக அவர் கோர்ட்டுக்கு செல்லவே நேரம் சரியாக இருந்தது. அவர் ஊழல் பெருச்சாளி. அவர் பற்றி உங்களுக்கெல்லாம் தெரியும். அவர் மீது இன்னும் வழக்கு உள்ளது. அவர் மீண்டும் சிறைக்கு செல்வார். அவருக்கு ஏன் ஓட்டுப் போடுகிறீர்கள். அவர் இங்கு நின்று என்ன செய்ய போகிறார். மக்களை காக்கும் ஒரே அரசு அம்மாவின் அரசு.

தி.மு.க. தேர்தல் அறிக்கை பொய்யானது. கருணாநிதி இருக்கும் வரை மு.க. ஸ்டாலின் செயல் தலைவராகதான் இருந்தார். அவரால் தலைவராக முடியவில்லை. கருணாநிதி உயிர் பிரிந்த பிறகுதான் மு.க. ஸ்டாலின் தலைவராகி உள்ளார்.

2ஆண்டு காலமாக கருணாநிதியை வெளியே அனுப்பாமல் வீட்டிலேயே சிறைவைத்து விட்டு அதன் பின் தி.மு.க. தலைவராக ஸ்டாலின் பொறுப்பேற்றுக் கொண்டது குறித்து விசாரணை மேற்கொள்ளப்படும்.

கொடநாடு கொலையாளிகளுக்கு உதவி செய்தவர் மு.க. ஸ்டாலின். சிறைக்கு சென்று வந்த கொலையாளிகளுக்கு உதவியவர் மு.க. ஸ்டாலின். அவர் எங்களை பார்த்து தவறாக சொல்லி வருகிறார். நாங்கள் எந்த தவறும் செய்யவில்லை.

கொடநாடு பிரச்சனையில் எனக்கு தொடர்பு இருப்பதாக மு.க.ஸ்டாலின் கூறுவது பச்சை பொய்.

குன்னூர் மக்களின் தேவைக்காக 3-ம் குடிநீர் திட்டம் கொண்டு வரப்பட்டு மக்கள் தேவை பூர்த்தி செய்யப்பட்டு உள்ளது. குன்னூர் டேன்டீ தொழிலாளர்களுக்கு சம்பளம் உயர்த்தப்பட்டு உள்ளது.

குன்னூர் முக்கிய சுற்றுலா பகுதியாக விளங்க அனைத்து நடவடிக்கைகளும் மேற் கொள்ளப்பட்டு வருகிறது.

அம்மா உயிருடன் இருந்த போது நீலகிரி மாவட்டத்தின் அனைத்து பிரச்சனைகளையும் உன்னிப்பாக கவனித்து தன்னுடைய சொந்த தொகுதி போல் கருதி பாராளுமன்ற உறுப்பினர்கள், சட்ட மன்ற உறுப்பினர்களை அழைத்து அனைத்து திட்டங்களையும் செய்து முடிக்க உத்தரவிட்டார். தற்போது அதே போன்று சட்டமன்ற உறுப்பினர்களை அழைத்து நீலகிரி மக்கள் பிரச்சனைகளை தீர்க்க நானும் ஆணையிட்டு உள்ளேன்.

குன்னூர் பஸ்நிலையம் பகுதியில் லெவல் கிராஸ் மேம்பாலம் அமைக்க பரிசீலனை செய்யப்பட்டு வருகிறது. செக்‌ஷன் 17-ல் வசிக்கும் மக்களை வெளியேற்றுவதாக தவறான பிரசாரம் செய்யப்பட்டு வருகிறது.

இதனை நம்ப வேண்டாம். அவர்களுக்கு வீட்டு மனை பட்டா வழங்க அரசு பரிசீலனை செய்து வருகிறது. டான்டீ தொழிலாளர்களுக்கு நிலுவை தொகை வழங்க நடவடிக்கை மேற்கொள்ளப்பட்டு வருகிறது.

அ.தி.மு.க. வேட்பாளர் இந்த பகுதியை சேர்ந்தவர். அவரிடம் குறைகளை எப்போது வேண்டுமானாலும் கூறலாம். இதற்காக அவர் பாராளுமன்றத்தில் குரல் கொடுப்பார்.

இவ்வாறு எடப்பாடி பழனிசாமி பேசினார். #Loksabhaelections2019 #edappadipalaniswami

சென்னை:

அ.தி.மு.க. செய்தி தொடர்பாளரும், முன்னாள் அமைச்சருமான வைகைச் செல்வன் வெளியிட்டுள்ள அறிக்கையில் கூறி இருப்பதாவது:-

முதல்-அமைச்சர் எடப்பாடி பழனிசாமி மீதும், துணை முதல்-அமைச்சர் ஓ.பி.எஸ். மீதும் களங்கம் சுமத்தும் நோக்கில், தி.மு.க.வின் அரசியல் பின்னணியோடு, கொடநாடு எஸ்டேட் விவகாரத்தில், தெகல்கா பத்திரிகை திட்டமிட்டு உண்மைக்குப் புறம்பான செய்திகளை வெளியிட்டது.


நல்லாட்சி நடத்திக் கொண்டிருக்கும் அ.தி.மு.க.வின் மீது களங்கம் சுமத்தும், தி.மு.க.வின் கபட நாடகங்கள் வெளிச்சத்திற்கு வந்துவிட்டது.

கொடநாடு எஸ்டேட் கொலை வழக்கில் சம்மந்தப்பட்ட இரண்டு கிரிமினல் குற்றவாளிகளும், கேரளாவில் உள்ள ஒருவரை சந்தித்து தாங்கள் தப்பிப்பதற்கு வழி சொல்ல வேண்டும் என உதவி கேட்பதும், அதற்கு அந்த நபர், இருவரிடமும், தமிழக முதல்வருக்கு இந்த சம்பவத்தில் தொடர்பு இருப்பதாக கூறினால் மட்டுமே, உங்களை இந்த வழக்கில் இருந்து தப்பிக்க வைக்க முடியும் என ஆலோசனை சொல்கிற விதமாக, வீடியோ பதிவுகள் வெளியாகி இருப்பது, தமிழக மக்களிடையே அதிர்ச்சியை ஏற்படுத்தியுள்ளது.

தி.மு.க.வின் அதிகாரமும், வன்முறையும் எல்லை கடந்து போனதால்தானே நடைபெற்ற அத்தனை தேர்தல்களிலும் மக்கள் தூக்கியெறிந்து விட்ட நிலையில், எதிரிகளும், துரோகிகளும் கூட்டுச் சேர்ந்து கொண்டு, கழக அரசை கவிழ்த்தி விடத் துடிக்கும் தி.மு.க.வின் பகல் கனவு ஒரு போதும் பலிக்காது.

கொடநாடு எஸ்டேட் விவகாரத்தில், தெகல்கா பத்திரிகையாளரைப் பயன்படுத்தி உண்மைக்குப் புறம்பான குற்றச்சாட்டுகளை முன் வைத்து ஆட்சியை கவிழ்க்க வேண்டும் என்கிற ஒரே நோக்கத்தோடு, தூத்துக்குடி, பொள்ளாச்சி சம்பவங்களுக்கும், ஆளுகின்ற அ.தி.மு.க அரசே காரணம் என பழி சுமத்தி, ஆட்சியை கவிழ்த்து விடத் துடிக்கிறார்கள்.

ஆயிரம் பொய் சொல்லி, அ.தி.மு.க அரசை கவிழ்க்க முடியாது. உண்மைகள் ஒரு போதும் தூங்குவதுமில்லை, பொய்கள் ஒரு போதும் வாழ்ந்ததுமில்லை.

இவ்வாறு அதில் கூறப்பட்டுள்ளது. #ADMK #EdappdiPalaniswami #KodanadEstate #VaigaiChelvan

சென்னை:

கொடநாடு கொலை- கொள்ளை சம்பவம் தொடர்பாக சென்னை ஐகோர்ட்டில், முதல்- அமைச்சர் எடப்பாடி பழனிசாமி தாக்கல் செய்த மனுவில் கூறியிருப்பதாவது:-

‘தமிழக முதல்-அமைச்சராக கடந்த 2017-ம் ஆண்டு பிப்ரவரி 16-ந்தேதி பதவி ஏற்றேன். என்னுடைய கடினமான உழைப்பினால், அரசு எந்திரம் சிறப்பாக செயல்பட்டு வருகிறது. ஒரு அரசியல்வாதியாக எந்த ஒரு குற்றச்சாட்டுக்கும் ஆளாகாமல் பணியாற்றி வருகிறேன்.

இந்த நிலையில், வருகிற ஏப்ரல், மே மாதங்களில் பாராளுமன்ற தேர்தலும், 20 சட்டசபை தொகுதிகளுக்கு இடைத்தேர்தலும் நடைபெற உள்ளது. இந்த சூழ்நிலையில், எனக்கு கெட்ட பெயர் ஏற்படுத்த அவதூறு தகவல் மக்கள் மத்தியில் பரப்பப்படுகின்றன.


தேர்தல் நெருங்கும் நேரத்தில், அவதூறான, ஆதாரமற்ற குற்றச்சாட்டுகள் எனக்கு எதிராக சுமத்தப்படுகிறது. எனவே, என்னை பற்றி அவதூறான செய்தி வெளியிடவும், பேட்டிக் கொடுக்கவும் நாரதா நியூஸ் செய்தி நிறுவனத்தின் ஆசிரியர் மேத்யூ சாமுவேல் உள்பட 7 பேருக்கு தடை விதிக்கவேண்டும்’ என்று கூறியிருந்தார்.

இந்த வழக்கை கடந்த 23-ந்தேதி விசாரித்த நீதிபதி கே.கல்யாணசுந்தரம், முதல்அமைச்சர் குறித்து அவதூறு செய்தி வெளியிட இடைக்கால தடை விதித்தார். மேத்யூ சாமுவேலுக்கு நோட்டீசு அனுப்பும்படி நீதிபதி உத்தரவிட்டிருந்தார்.

இந்த நிலையில், இந்த வழக்கு நீதிபதி முன்பு இன்று காலையில் மீண்டும் விசாரணைக்கு வந்தது. அப்போது, இந்த வழக்கின் நோட்டீசு மேத்யூ சாமுவேலுக்கு சென்றடையவில்லை என்று கூறப்பட்டது.

இதையடுத்து, இந்த வழக்கு விசாரணையை 4 வாரத்துக்கு தள்ளிவைத்த நீதிபதி, அதுவரை முதல்அமைச்சர் குறித்து செய்தி வெளியிட விதிக்கப்பட்ட இடைக்கால தடையை நீட்டித்து உத்தரவிட்டார். #MathewSamuel #MadrasHC #Kodanadissue

மாமல்லபுரம்:

அம்மா மக்கள் முன்னேற்ற கழக துணை பொதுச்செயலாளர் டி.டி.வி. தினகரன் மக்கள் சந்திப்பு சுற்றுபயணமாக நேற்று இரவு கல்பாக்கம் வந்தார். அப்போது நிருபர்களிடம் கூறியதாவது:-

கொடநாடு கொலை, கொள்ளை சம்பவத்தை திசைதிருப்பும் நோக்கில் தான் இதுவரை இந்த அரசு ஜாக்டோ-ஜியோ அமைப்பினரை அழைத்து பேச மறுத்து வருகிறது. இது அரசுக்கு ஆரோக்கியமானது அல்ல.

வரும் பாராளுமன்ற தேர்தலில் இந்த அரசுக்கு முடிவு கட்டப்படும். தேர்தலில் கூட்டணி குறித்து எங்களிடம் சில கட்சிகள் பேசி வருகிறார்கள் விரைவில் நல்ல முடிவை அறிவிப்போம்.

இவ்வாறு அவர் கூறினார். #TTVDhinakaran #KodanadIssue

கோவை:

நீலகிரி மாவட்டம் கொடநாடு கொலை, கொள்ளை வழக்கில் சம்பந்தப்பட்ட ‌சயான், மனோஜ் ஆகியோர் ஜாமீனில் வெளியே உள்ளனர்.

அவர்களின் ஜாமீனை ரத்து செய்யகோரி அரசு சார்பில் கடந்த 16-ந்தேதி அரசு வக்கீல் நந்தகுமார் ஊட்டியில் உள்ள மாவட்ட நீதிமன்றத்தில் மனு தாக்கல் செய்தார். அந்த மனுவை நீதிபதி வடமலை விசாரித்து ‌சயான், மனோஜ் ஆகியோர் 24 -ந்தேதி நீதிமன்றத்தில் ஆஜராக வேண்டும் என கூறி சம்மன் அனுப்பினார்.

ஆனால் கடந்த 24-ந்தேதி இருவரும் நீதிமன்றத்தில் ஆஜராக வரவில்லை. அவர்கள் சார்பில் வக்கீல் செந்தில்குமார் மனு தாக்கல் செய்தார். அதில் ‌சயான், மனோஜ் ஆகியோர் ஆஜராக போதிய அவகாசம் கிடைக்காததால் ஆஜராக முடியவில்லை.

எனவே அவகாசம் நீடித்து தர வேண்டும் என்று கூறினார். அதன் படி அவர்களின் கால அவசாகத்தை இன்று (29-ந்தேதி) வரை நீதிபதி வடமலை நீடித்தார்.

இதற்கிடையே இந்த சம்மனை ரத்து செய்யக்கோரி ‌சயான்,மனோஜ் ஆகியோர் சார்பில் சென்னை ஐகோர்ட்டில் மனு தாக்கல் செய்யப்பட்டது. அதில் ஏற்கனவே 20 முறைக்கு மேல் இந்த வழக்கிற்காக நேரில் ஆஜராகி உள்ளதால் ஊட்டி கோர்ட்டு அனுப்பிய சம்மனை ரத்து செய்ய வேண்டும் என அதில் கூறப்பட்டு இருந்தது.

இதனை ஏற்க மறுத்த ஐகோர்ட்டு நீதிபதி ஆனந்த வேங்கடேசன் விசாரணைக்கு அழைக்கும் போது நேரில் ஆஜராவதாக கூறி ஜாமீன் பெற்றதை சுட்டிக்காட்டி கோரிக்கையை விசாரணை நீதிமன்றத்தின் முன் வைக்குமாறு கூறி மனுவை தள்ளுபடி செய்தார்.

இதனை தொடர்ந்து மனுவை நேற்று திரும்ப பெற்றுக் கொண்டு ‌சயான், மனோஜ் இருவரும் இன்று ஊட்டி மாவட்ட நீதிமன்றத்தில் ஆஜரானார்கள்.

அவர்களை வருகிற 2-ந்தேதி ஆஜராகும் படி நீதிபதி வடமலை உத்தரவிட்டார். அன்று கொடநாடு கொலை , கொள்ளை வழக்கு விசாரணைக்கு வர உள்ளது. #Kodanadissue #Sayan #Manoj

சென்னை:

மறைந்த முதல்-அமைச்சர் ஜெயலலிதாவுக்கு சொந்தமான கொடநாடு பங்களாவில் நடந்த காவலாளி கொலை, அதில் தொடர்புடையவர்கள் என்று குற்றம் சாட்டப்பட்டவர்களின் மரணம் ஆகியவை குறித்து நாரதா நியூஸ் என்ற ஆன்-லைன் செய்தி நிறுவனம், கடந்த 11-ந்தேதி ஆவணப்படம் ஒன்றை வெளியிட்டது.

இதையடுத்து அந்த செய்தி நிறுவனத்தின் ஆசிரியர் மேத்யூ சாமுவேல் உள்பட பலர் மீது போலீசார் வழக்குப்பதிவு செய்தனர்.

இந்த வழக்கை ரத்து செய்யக் கோரி சென்னை ஐகோர்ட்டில், மேத்யூ சாமுவேல் வழக்கு தொடர்ந்தார். இந்த வழக்கு நீதிபதி என்.ஆனந்த் வெங்கடேஷ் முன்பு கடந்த வாரம் விசாரணைக்கு வந்தது.

அப்போது, அரசு தரப்பில் மாநில தலைமை குற்றவியல் அரசு வக்கீல் ஏ.நடராஜன், மனுதாரர் சார்பில் மூத்த வக்கீல் என்.ஆர்.இளங்கோ ஆகியோர் ஆஜராகி வாதிட்டனர்.

இதையடுத்து இந்த வழக்கு விசாரணைக்கு ஏற்பதா? வேண்டாமா? என்பது குறித்து தீர்ப்பு அளிப்பதாக கூறி நீதிபதி வழக்கை தள்ளிவைத்தார். இந்த நிலையில், இந்த தீர்ப்பை இன்று காலையில் நீதிபதி ஏ.ஆனந்தவெங்கடேஷ் பிறப்பித்தார்.

அதில், ‘தன் மீதான வழக்கை ரத்து செய்யக் கோரி மேத்யூ சாமுவேல் தாக்கல் செய்த மனுவை விசாரணைக்கு எடுத்துக் கொள்கிறேன். மேத்யூ சாமுவேல் தாக்கல் செய்துள்ள இந்த வழக்கிற்கு ஒரு வாரத்துக்குள் சென்னை போலீஸ் கமி‌ஷனர் பதில் அளிக்க வேண்டும். அதுவரை, மேத்யூ மீது பதிவு செய்யப்பட்டுள்ள வழக்கின் விசாரணைக்கு தடை விதிக்கிறேன்’ என்று நீதிபதி கூறியுள்ளார். #MathewSamuel #MadrasHC #Kodanadissue