நீங்கள் தேடியது "பேட்டரி திருட்டு"

திண்டுக்கல்:

திண்டுக்கல் மாவட்டம் சின்னாளப்பட்டி அருகே உள்ள கருணாநிதி நகரில் வீட்டு முன்பு நிறுத்தி இருந்த ஒரு காரின் பேட்டரியை சிறுவர்கள் சிலர் திருட முயன்றனர். இதை பார்த்த அப்பகுதி மக்கள் அவர்களை பிடிக்க முயன்ற போது 3 பேர் தப்பி ஓடி விட்டனர்.

ஒருவரை மட்டும் பிடித்து சின்னாளப்பட்டி போலீசில் ஒப்படைத்தனர். விசாரணையில் அவர் செம்பட்டி அருகே உள்ள எஸ்.பாறைப்பட்டியைச் சேர்ந்தவர் என்றும் சின்னாளப்பட்டி பகுதியில் உள்ள ஒரு தனியார் பள்ளியில் பிளஸ்-2 படித்து வரும் 17 வயது மாணவர் என்பதும் தெரிய வந்தது.

போலீசார் விசாரணையில் அந்த மாணவன் பல்வேறு திருட்டு வழக்குகளில் சம்மந்தப்பட்டு இருப்பது தெரிய வந்தது. திருடிய பொருட்கள் அனைத்தையும் தனது அக்காள் வீட்டில் மறைத்து வைத்திருப்பதாக மாணவன் தெரிவித்தார். இதனையடுத்து அந்த வீட்டில் போலீசார் சோதனையிட்டனர்.

அப்போது அங்கு பேட்டரி உதிரி பாகங்கள், கரி மருந்து, திரி என ஏராளமான வெடி பொருட்கள் குவியல் குவியலாக கிடந்ததை பார்த்து அதிர்ச்சியடைந்தனர். தன்னுடன் சேர்ந்து மேலும் சில மாணவர்கள் திருட்டில் ஈடுபட்டதாக அவர் தெரிவித்தார். இதனையடுத்து போலீசார் அவர்களையும் பிடித்து போலீஸ் நிலையத்துக்கு கொண்டு வந்தனர்.

கைப்பற்றப்பட்ட வெடி பொருட்களை திண்டுக்கல் குற்றப்பிரிவு டி.எஸ்.பி. ஜஸ்டின் பிரபாகரன், வெடிகுண்டு தடுப்பு பிரிவு இன்ஸ்பெக்டர் குணசேகரன் ஆகியோர் திண்டுக்கல் சீலப்பாடி ஆயுதப்படை மைதானத்துக்கு கொண்டு வந்து சோதனை நடத்தினர்.

சோதனையில் கைப்பற்றப்பட்ட வெடி பொருட்கள் கோவில் விழா மற்றும் திருவிழா காலங்களில் வெடிக்க பயன்படுத்தக்கூடியவை என தெரிய வந்தது. இதனையடுத்து கைப்பற்றப்பட்ட பொருட்கள் அனைத்தையும் புறநகர் பகுதிக்கு கொண்டு சென்று அளித்தனர்.

பிடிபட்ட 4 மாணவர்களிடமும் போலீசார் தொடர்ந்து விசாரணை நடத்தி வருகின்றனர். இவர்களுக்கு பின்புலமாக வேறு யாரேனும் இருக்கலாம் என போலீசார் சந்தேகித்துள்ளனர். ஏனெனில் பணத்துக்காக திருட்டு தொழிலில் ஈடுபடும் மாணவர்கள் வெடி பொருட்களை திருடுவதற்கான வாய்ப்பு இல்லை. எனவே இவர்களை இயக்குவது யார்? என்பது குறித்து போலீசார் தீவிர விசாரணை நடத்தி வருகின்றனர்.

பெரியபாளையம்:

வெங்கல் அருகே உள்ள கரிகலவாக்கம் கிராமத்தில் தனியார் செல்போன் டவர் உள்ளது. இதில் இருந்த சுமார் ரூ. 1 லட்சம் மதிப்புள்ள 10 பேட்டரிகளை கடந்த சில நாட்களுக்கு முன்பு மர்ம நபர்கள் திருடி சென்றனர்.

இதுகுறித்து வெங்கல் போலீஸ் இன்ஸ்பெக்டர் ஜெயவேல் வழக்கு பதிவு செய்து விசாரணை செய்து வந்தார்.

இந்த நிலையில் செல்போன் டவரில் பேட்டரிகளை திருடியது அம்பத்தூர் டீச்சர்ஸ் காலனியை சேர்ந்த கிருஷ்ணராஜ், அரும்பாக்கம், எம்.எம்.டி.ஏ. காலணி கமலா நகரை சேர்ந்த மணிகண்டன், புதுக்கோட்டை மாவட்டம் கொரும்பட்டி கிராமம் நல்லுசாமி, அரும்பாக்கம், என்.ஜி.ஓ. காலனி ஷேக்தா வூத், அசோக்நகர் 11-வது தெருவை சேர்ந்த ஸ்ரீதர் ஆகியோர் என்பது தெரிந்தது.

இதையடுத்து அவர்கள் 5 பேரையும் போலீசார் கைது செய்தனர். அவர்கள் கொடுத்த தகவலின்படி பேட்டரிகளை கைப்பற்றினர். மேலும் திருட்டுக்கு பயன் படுத்திய காரும் பறிமுதல் செய்யப்பட்டது.

கைதான 5 பேரும் திருவள்ளூர் கோர்ட்டில் ஆஜர் படுத்தப்பட்டு சிறையில் அடைக்கப்பட்டனர்.

ராயபுரம், ஆக. 10-

வண்ணாரப்பேட்டை, ராயபுரம் பகுதியில் கடந்த 2-ந்தேதி 2 ஏ.டி.எம். மையங்களில் பேட்டரிகள் திருட்டு போனது. இதுகுறித்து போலீசார் வழக்குப்பதிவு செய்து கண்காணிப்பு கேமிராவில் பதிவான காட்சிகளை வைத்து விசாரணை நடத்தினர்.

இதுதொடர்பாக ராயபுரம், செட்டித்தோட்டம், பகுதியை சேர்ந்த ரமேஷ், விவேக் ஆகிய 2 பேரை கைது செய்தனர். அவர்கள் பல்வேறு இடங்களில் உள்ள ஏ.டி.எம். மையங்களில் கைவரிசை காட்டி இருப்பது தெரிந்தது. அவர்களிடம் இருந்து பேட்டரிகள், ரூ.2 ஆயிரம் பறிமுதல் செய்யப்பட்டது.

தஞ்சாவூர்:

தஞ்சை பள்ளியக் ரகாரம் பகுதியில் இன்று காலை சில லாரிகள் நிறுத்தி வைக்கப்பட்டிருந்தன. அதன் டிரைவர்கள் அருகில் உள்ள கடைக்கு சென்றுள்ளனர்.

இந்த நிலையில் அவர்கள் திரும்பி வந்து பார்த்த போது சந்தேகம்படும்படி 3 பேர் நின்று கொண்டிருந்தனர். அவர்களை லாரி டிரைவர்கள் நீங்கள் யார்? எந்த பகுதியை சேர்ந்தவர்கள் என்று கேட்டனர். அதற்கு அந்த 3 பேரும் முன்னுக்கு பின் முரணாக பதில் அளித்துள்ளனர்.

பின்னர் அவர்கள் 3 பேரும் அவர்கள் வந்த லோடு ஆட்டோவில் ஏறி அங்கிருந்து சென்றனர். இதனால் சந்தேகம் அடைந்த லாரி ஓட்டுனர்கள் அவர்களை பின்தொடர்ந்து சென்று பிடித்தனர்.

அப்போது அவர்கள் ஓட்டி சென்ற லோடு ஆட்டோவில் லாரிகளின் பேட்டரிகள் இருந்தன. இதனால் அதிர்ச்சியடைந்த அவர்கள் 3 பேரையும் பிடித்து தஞ்சை கிழக்கு போலீஸ் நிலையத்துக்கு கொண்டு சென்று ஒப்படைத்தனர்.

அவர்களிடம் போலீசார் நடத்திய விசாரணையில் அவர்கள் கரந்தை பகுதியை சேர்ந்த பிரகாஷ் (வயது 30), பழைய மீன்மார்க்கெட் பகுதியை சேர்ந்த மற்றொரு பிரகாஷ் (19), ஒத்தகார தெருபகுதியை சேர்ந்த செல்வா (31) என்பது தெரியவந்தது.

அவர்களிடம் தொடர்ந்து போலீசார் விசாரணை நடத்தி வருகின்றனர். #robberycase