நீங்கள் தேடியது "மின்சார ரெயில்கள்"

வங்கக்கடலில் உருவாகியுள்ள காற்றழுத்த தாழ்வு பகுதி காரணமாக தமிழகத்தில் நேற்று முன்தினம் முதல் தொடர்ந்து மழை பெய்து வருகிறது. சென்னையிலும் பல்வேறு பகுதிகளில் நேற்று முன்தினம் இரவு முதலே இடியுடன் கூடிய கனமழை பெய்து வருகிறது.

சென்னையில் காற்றுடன் தொடர்ச்சியாக மழை பெய்து வந்ததால் சில பகுதிகளில் சாலையின் அருகில் உள்ள மரங்கள் சரிந்து விழுந்தது. இதனை அகற்றும் பணியில் மாநகராட்சி ஊழியர்களும், தீயணைப்பு வீரர்களும் ஈடுபட்டனர். இதனால் சிறிது நேரம் போக்குவரத்து பாதிக்கப்பட்டது.

தொடர்ந்து பெய்த கனமழையால் எழும்பூர், தாம்பரம், பேசின்பிரிட்ஜ் மற்றும் வியாசர்பாடி உள்ளிட்ட சில ரெயில் நிலையங்களில் தண்டவாளங்களில் மழைநீர் தேங்கியது. மழைநீரை மோட்டார் பம்புகள் மூலம் ரெயில்வே ஊழியர்கள் அகற்றினர்.

இந்நிலையில் பேசின்பிரிட்ஜ் மற்றும் வியாசர்பாடி இடையே தண்டவாளத்தில் தேங்கியிருந்த வெள்ள நீர் முழுமையாக அகற்றப்பட்டது.

சென்ட்ரலில் இருந்து இயக்கப்படும் ரெயில்கள் மாற்று ரெயில் நிலையங்களில் இருந்து இயக்கப்படும் என ஏற்கனவே அறிவிக்கப்பட்டிருந்தது.

தண்டவாளங்களில் தேங்கியிருந்த மழைநீர் வடிந்ததால் சென்னையில் ரெயில் இயக்கம் சீரானது. வழக்கம்போல் சென்ட்ரலில் இருந்தே ரெயில்கள் இயக்கப்படும் என அறிவிக்கப்பட்டுள்ளது.

சென்னை:

தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

சென்னை கடற்கரை பணிமனையில் பராமரிப்பு பணிகள் நடைபெறுவதால் இன்று(திங்கட்கிழமை) மற்றும் நாளை(செவ்வாய்க்கிழமை) இரவு நேர மின்சார ரெயில்கள் ரத்து செய்யப்படுகிறது.

அதன்படி, சென்னை கடற்கரையில் இருந்து இன்று இரவு 8.25, 8.55, 10.20 மணிக்கு புறப்பட்டு, தாம்பரம் செல்லும் மின்சார ரெயில் முழுவதுமாக ரத்து செய்யப்படுகிறது. அதே தேதியில், சென்னை கடற்கரையில் இருந்து திருவள்ளூர் செல்லும் ரெயிலும், திருவள்ளூரில் இருந்து சென்னை கடற்கரை வரும் மின்சார ரெயிலும் ரத்து செய்யப்படுகிறது.

சென்னை கடற்கரையில் இருந்து கும்மிடிப்பூண்டி செல்லும் மின்சார ரெயிலும், கும்மிடிப்பூண்டியில் இருந்து சென்னை கடற்கரை வரும் ரெயிலும் முழுவதுமாக ரத்து செய்யப்படுகிறது. சென்னை கடற்கரையில் இருந்து நாளை அதிகாலை 4.05 மணிக்கு அரக்கோணம் செல்லும் மின்சார ரெயில் ரத்து செய்யப்படுகிறது.

அதே போல, சென்னை கடற்கரையில் இருந்து இன்று இரவு 11.05, 11.30, 11.59 மணிக்கு புறப்பட்டு தாம்பரம் செல்லும் மின்சார ரெயில் பகுதிநேரமாக சென்னை கடற்கரை-எழும்பூர் இடையே ரத்து செய்யப்படுகிறது. அதே தேதியில் கூடுவாஞ்சேரியில் இருந்து இரவு 10.10, 10.40, 11.15 மணிக்கு புறப்பட்டு, சென்னை கடற்கரை வரும் மின்சார ரெயில் பகுதிநேரமாக தாம்பரம்-சென்னை கடற்கரை இடையே ரத்து செய்யப்படுகிறது.

செங்கல்பட்டில் இருந்து இரவு 9.10, 10.10, 11 மணிக்கு புறப்பட்டு, சென்னை கடற்கரை வரும் மின்சார ரெயில் பகுதிநேரமாக எழும்பூர்-சென்னை கடற்கரை இடையே ரத்து செய்யப்படுகிறது. திருமால்பூரில் இருந்து இரவு 8 மணிக்கு புறப்பட்டு, சென்னை கடற்கரை வரும் மின்சார ரெயில் பகுதிநேரமாக எழும்பூர்-சென்னை கடற்கரை இடையே ரத்து செய்யப்படுகிறது.

சென்னை கடற்கரையில் இருந்து நாளை அதிகாலை 3.50 மணிக்கு புறப்பட்டு செங்கல்பட்டு செல்லும் மின்சார ரெயில், பகுதிநேரமாக சென்னை கடற்கரை-எழும்பூர் இடையே ரத்து செய்யப்படுகிறது.

இவ்வாறு அதில் கூறப்பட்டுள்ளது.

சென்னை:

தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

விநாயகர் சதுர்த்தியை முன்னிட்டு, நாளை (7-ந்தேதி) பொது விடுமுறை என்பதால் மின்சார ரெயில்கள் ஞாயிற்றுக்கிழமை கால அட்டவணைப்படி இயக்கப்படும்.

அதன்படி சென்னை சென்டிரல் - அரக்கோணம், சென்னை சென்டிரல் - கும்மிடிப்பூண்டி, சென்னை சென்டிரல் - சூலூா்பேட்டை மற்றும் சென்னை கடற்கரை - செங்கல்பட்டு இடையேயான மின்சார ரெயில்கள் ஞாயிற்றுக்கிழமை அட்டவணையின் படி இயக்கப்படும்.

இவ்வாறு அதில் கூறப்பட்டுள்ளது.

சென்னை:

சென்னை கடற்கரை - விழுப்புரம் வழித்தடத்தில் கடற்கரை - எழும்பூர் ரெயில் நிலையங்களுக்கு இடையே இன்று (வியாழக்கிழமை) இரவு 10.30 மணி முதல் நாளை (30-ந்தேதி) காலை 4.30 மணி வரையில் பராமரிப்பு பணி மேற்கொள்ள இருப்பதால் சில மின்சார ரெயில்கள் முழுவதுமாகவும், சில மின்சார ரெயில்கள் பகுதி நேரமாகவும் ரத்து செய்யப்படுவதாக தெற்கு ரெயில்வே தெரிவித்துள்ளது.

இதுகுறித்து, தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

* சென்னை கடற்கரையில் இருந்து இன்று இரவு 9.10, 9.30 ஆகிய நேரங்களிலும், நாளை காலை 4.15 மணிக்கும் புறப்பட்டு தாம்பரம் செல்லும் மின்சார ரெயில்கள் ரத்து செய்யப்படுகிறது. இதேபோல, தாம்பரத்தில் இருந்து இன்று இரவு 10.40, 11.20, 11.40 ஆகிய நேரங்களில் புறப்பட்டு சென்னை கடற்கரை வரும் மின்சார ரெயில்களும் ரத்து செய்யப்படுகிறது.

* சென்னை கடற்கரையிலிருந்து நாளை காலை 4.05 மணிக்கு புறப்பட்டு அரக்கோணம் செல்லும் மின்சார ரெயில் ரத்து செய்யப்படுகிறது.

* சென்னை கடற்கரையிலிருந்து இன்று இரவு 7.50 மணிக்கு புறப்பட்டு திருவள்ளூர் செல்லும் மின்சார ரெயிலும், மறுமார்க்கமாக, திருவள்ளூரில் இருந்து இன்று இரவு 9.35 மணிக்கு புறப்பட்டு சென்னை கடற்கரை வரும் மின்சார ரெயிலும் ரத்து செய்யப்படுகிறது.

* கும்மிடிப்பூண்டியிலிருந்து இன்று இரவு 9.25 மணிக்கு புறப்பட்டு சென்னை கடற்கரை வரும் மின்சார ரெயிலும், மறுமார்க்கமாக, சென்னை கடற்கரையிலிருந்து இன்று இரவு 10.45 மணிக்கு புறப்பட்டு கும்மிடிப்பூண்டி செல்லும் மின்சார ரெயிலும் ரத்து செய்யப்படுகிறது.

* சென்னை கடற்கரையிலிருந்து இன்று இரவு 11.05, 11.30, 11.59 ஆகிய நேரங்களில் புறப்பட்டு தாம்பரம் செல்லும் மின்சார ரெயில்கள் சென்னை கடற்கரை - எழும்பூர் இடையே பகுதி நேரமாக ரத்து செய்யப்பட்டு, எழும்பூரில் இருந்து இயக்கப்படும்.

* சென்னை கடற்கரையிலிருந்து இன்று இரவு 10.40 மணிக்கும், நாளை காலை 3.55 மணிக்கும் புறப்பட்டு செங்கல்பட்டு செல்லும் மின்சார ரெயில்கள் சென்னை கடற்கரை - எழும்பூர் இடையே பகுதி நேரமாக ரத்து செய்யப்பட்டு, எழும்பூரில் இருந்து இயக்கப்படும்.

* செங்கல்பட்டிலிருந்து இன்று இரவு 8.45, 9.10, 10.10, 11 ஆகிய நேரங்களில் புறப்பட்டு சென்னை கடற்கரை வரும் மின்சார ரெயில்கள் சென்னை எழும்பூர் - கடற்கரை இடையே பகுதி நேரமாக ரத்து செய்யப்பட்டு, எழும்பூரில் நிறுத்தப்படும்.

* திருமால்பூரில் இருந்து இன்று இரவு 8 மணிக்கு புறப்பட்டு சென்னை கடற்கரை வரும் மின்சார ரெயில் சென்னை எழும்பூர் - கடற்கரை இடையே பகுதி நேரமாக ரத்து செய்யப்பட்டு, எழும்பூரில் நிறுத்தப்படும்.

இவ்வாறு அதில் கூறப்பட்டுள்ளது.

சென்னை:

சென்னை கடற்கரை- விழுப்புரம் பிரிவில் கடற்கரை-எழும்பூர் இடையே இன்று இரவு 10.30 மணி முதல் நாளை 25-ந் தேதி அதிகாலை 4.30 மணி வரை பராமரிப்பு பணிகள் நடைபெறுகிறது.

இதன் காரணமாக 11 மின்சார ரெயில்கள் முழுவதும் 10 ரெயில்கள் பகுதியும் ரத்து செய்யப்பட்டுள்ளன. அதன் விவரம் வருமாறு:-

கடற்கரையில் இருந்து இன்று இரவு 9.10 மணிக்கு புறப்பட்டு தாம்பரம் செல்லும் மின்சார ரெயில் முழுவதும் ரத்து.

கடற்கரை-தாம்பரம் இடையே இரவு 9.30 மணிக்கு புறப்படும் மின்சார ரெயில்.

தாம்பரம்-கடற்கரை இரவு 10.40 மணி மின்சார ரெயில், இரவு 11.20 மணி தாம்பரம்-கடற்கரை ரெயில், இரவு 11.40 மணி தாம்பரம்-கடற்கரை ரெயில். திருவள்ளூரில் இருந்து கடற்கரைக்கு இரவு 9.35 மணிக்கு புறப்படும் மின்சார ரெயில். கடற்கரையில் இருந்து திருவள்ளூருக்கு இரவு 7.50 மணிக்கு புறப்படும் ரெயில்.

இரவு 9.20 மணி கடற்கரை-கும்மிடிப்பூண்டி மின்சார ரெயில், இரவு 9.55 மணி கும்மிடிப்பூண்டி-கடற்கரை மின்சார ரெயில், கடற்கரையில் இருந்து அரக்கோணத்திற்கு நாளை அதிகாலை 4.05 மணிக்கு புறப்படும் மின்சார ரெயில்,

கடற்கரையில் இருந்து தாம்பரத்திற்கு நாளை அதிகாலை 4.15 மணிக்கு புறப்படும் ரெயில் ஆகிய ரெயில்கள் முழுவதும் ரத்து செய்யப்பட்டுள்ளன.

இரவு 8.45 மணிக்கு செங்கல்பட்டு-கடற்கரை இடையே இயக்கப்படும் மின்சார ரெயில் எழும்பூர்- கடற்கரை நிலையம் இடையே மட்டும் ரத்து செய்யப்பட்டுள்ளது. இரவு 9.10 மணிக்கு செங்கல்பட்டு - கடற்கரை இடையே இயக்கப்படும் மின்சார ரெயில் எழும்பூர்-கடற்கரை நிலையம் இடையே ரத்து. திருவள்ளூர்-கடற்கரை இடையே இரவு 8 மணிக்கு புறப்படும் மின்சார ரெயில் எழும்பூர்-கடற்கரை இடையே ரத்து. செங்கல்பட்டு-கடற்கரை இடையே இரவு 10.10 மணிக்கு புறப்படும் மின்சார ரெயில் எழும்பூர்-கடற்கரை இடையே ரத்து.

செங்கல்பட்டு-கடற்கரை இடையே இரவு 11 மணிக்கு இயக்கப்படும் மின்சார ரெயில், கடற்கரை - செங்கல்பட்டு இடையே இரவு 10.40 மணிக்கு புறப்படும் மின்சார ரெயில்.

கடற்கரை-தாம்பரம் இடையே 11.05 மணி, இரவு 11.30 மணிக்கு இயக்கப்படும் மின்சார ரெயில்கள் கடற்கரை-எழும்பூர் இடையே ரத்து செய்யப்பட்டுள்ளன.

கடற்கரை-தாம்பரம் இடையே இரவு 11.59 மணிக்கு இயக்கப்படும் மின்சார ரெயில், கடற்கரை-செங்கல்பட்டு இடையே நாளை அதிகாலை 3.55 மணிக்கு இயக்கப்படும் மின்சார ரெயில்கள் கடற்கரை- எழும்பூர் நிலையம் இடையே மட்டும் ரத்து செய்யப்பட்டு உள்ளன என்று சென்னை கோட்ட மக்கள் தொடர்பு அதிகாரி ஏழுமலை தெரிவித்துள்ளார்.

சென்னை:

சென்னை தாம்பரம் ரெயில் நிலையம் 3-வது ரெயில் முனையமாக உருவாக்கப்பட்டுள்ளது. கோயம்பேடு புறநகர் பஸ் நிலையம் கிளாம்பாக்கத்துக்கு மாற்றப்பட்ட பிறகு தாம்பரம் சென்னையின் பிரதான ரெயில் முனையமாக மாறியுள்ளது.

தாம்பரம் ரெயில் நிலையத்துக்கு தினமும் 1.5 லட்சம் முதல் 3 லட்சம் பயணிகள் வந்து செல்கின்றனர். 10 ஆண்டுகளுக்கு முன்பே இந்த ரெயில் நிலையத்தில் கூடுதல் நடைமேடைகள் அமைக்கப்பட்டு, விரிவாக்கம் செய்யப்பட்டது.

இங்கிருந்து நாகர்கோவில், செங்கோட்டை, புதுச்சேரி மற்றும் வெளிமாநிலங்களுக்கு ரெயில்கள் இயக்கப்பட்டு வருகின்றன.

தாம்பரம் ரெயில் நிலையத்தில் தற்போது 8 பிளாட்பாரங்கள் உள்ளன. முதல் இரு பிளாட்பாரங்கள் தாம்பரம்-சென்னை கடற்கரை இடையேயான மின்சார ரெயில்களை இயக்கவும், 3, 4-வது பிளாட்பாரங்கள் செங்கல்பட்டு மார்க்கமாக செல்லும் மின்சார ரெயில்களை இயக்கவும் பயன்படுத்தப்படுகின்றன.

மீதமுள்ள பிளாட்பாரங்கள் விரைவு மற்றும் சரக்கு ரெயில்களை இயக்க பயன்படுத்தப்படுகின்றன. இனிவரும் காலங்களின் தேவையை கருத்தில் கொண்டு, தாம்பரம் ரெயில் நிலையத்தில் கூடுதல் பிளாட்பாரங்கள் மற்றும் இணைப்பு பாதைகள் அமைக்கும் பணிகள் மேற்கொள்ளப்பட்டு வருகின்றன.

மேலும் தாம்பரம் ரெயில் நிலையம் தற்போது புதுப்பிக்கப்பட்டு நவீனமயமாக்கப்பட்டு வருகிறது. இதற்காக சென்னை தாம்பரம்-பல்லாவரம் இடையே பல மின்சார ரெயில்கள் ரத்து செய்யப்பட்டு பணிகள் நடைபெற்று வந்தது. குறிப்பிட்ட நேரத்தில் மட்டும் மின்சார ரெயில்கள் இயக்கப்பட்டன.

இந்த நிலையில் தாம்பரம் ரெயில் நிலையத்தில் பராமரிப்பு பணிகள் முடிவடைந்ததால் நாளை முதல் சென்னை கடற்கரை-செங்கல்பட்டு இடையே மின்சார ரெயில்கள் வழக்கம்போல் இயக்கப்படும் என்று அதிகாரிகள் தெரிவித்துள்ளனர்.

தாம்பரம் ரெயில்வே பணிமனை மற்றும் ரெயில் நிலையத்தில் மறுசீரமைப்பு பணிகள் நடைபெற்று வருகின்றன. தாம்பரம் வழியாக செல்லும் விரைவு ரெயில்கள் 10 முதல் 15 கி.மீ. வேகத்தில் இயக்கப்பட்டு வந்த நிலையில், தற்போது 35 கி.மீ. வேகத்தில் இயக்க அனுமதிக்கப்படும்.

இதுதவிர கூடுதலாக ஒரு பிளாட்பாரம் அமைக்கப்பட்டுள்ளது. இதனால் தாம்பரத்தில் இருந்து சிறப்பு மற்றும் கூடுதல் ரெயில்கள் இயக்கப்படும்.

ரெயில் நிலையத்தின் அடிப்படை கட்டமைப்பு மற்றும் பயணிகளுக்கான அடிப்படை வசதிகள் மேற்கொள்ளப்பட்டு வருகிறது. இதற்கான பணிகள் முழுவீச்சில் நடைபெற்று வருகின்றன.

கடந்த 2 வாரங்களாக மின்சார ரெயில் சேவை ரத்து செய்யப்பட்டதால் பயணிகள் கடும் அவதி அடைந்தனர். கடந்த 15-ந்தேதி முதல் இன்று வரை மின்சார ரெயில்கள் மட்டுமின்றி விரைவு ரெயில்களும், தாம்பரத்தில் நிற்கவில்லை.

இந்த நிலையில், தாம்பரம் ரெயில்வே பணிமனையில் பராமரிப்பு பணிகள் இன்றுடன் நிறைவடைய உள்ளதால் நாளை (19-ந்தேதி) முதல் மின்சார ரெயில்கள் வழக்கம் போல் இயங்கும்.

இவ்வாறு அவர்கள் கூறினார்கள்.

தாம்பரம் ரெயில் நிலையத்தில் பராமரிப்பு பணிகளுக்கு இடையே நேற்று வரை 45 நிமிடத்துக்கு ஒரு ரெயில் தாம்பரம்-சென்னை கடற்கரை இடையே இயக்கப்பட்டது. மற்ற ரெயில்கள் பல்லாவரத்தில் இருந்து சென்னை கடற்கரைக்கு இயக்கப்பட்டன.

ஆனால் இன்று காலையில் தாம்பரம்-பல்லாவரம் இடையே அனைத்து மின்சார ரெயில்களும் ரத்து செய்யப்பட்டன. மேலும் விரைவு ரெயில்களும் செங்கல்பட்டில் நிறுத்தப்பட்டன.

இதனால் இன்று காலையில் தாம்பரம் ரெயில் நிலையத்துக்கு வந்த பயணிகள் கடும் அவதிக்கு உள்ளானார்கள். எந்தவித முன்னறிவிப்பும் இன்றி இன்று ரெயில்கள் ரத்து செய்யப்பட்டதால் தாம்பரம் ரெயில் நிலையத்துக்கு வந்த பயணிகள் ஏமாற்றம் அடைந்தனர்.

வெளியூர்களில் இருந்து தாம்பரத்தில் வந்த பயணிகளும் தாம்பரத்தில் இருந்து மின்சார ரெயில்கள் இயக்கப்படாததால் அவதி அடைந்தனர்.

இதையடுத்து இன்று காலை முதல் தாம்பரத்தில் இருந்து பல்லாவரத்துக்கு கூடுதலாக மாநகர பஸ்கள் இயக்கப்பட்டன. பயணிகள் அதில் ஏறி பயணிகள் பயணம் செய்தனர். பஸ் ஏற வந்த பயணிகளுக்கு அதிகாரிகள் மற்றும் போலீசார் வழிகாட்டி உதவி செய்தனர்.

இன்று பிற்பகல் 12 வரை அனைத்து மின்சார ரெயில்களும் ரத்து செய்யப்படும் என்றும், அதன்பிறகு தாம்பரத்தில் இருந்து பல்லாவரத்துக்கு சில மின்சார ரெயில்கள் இயக்கப்படும் என்றும் அதிகாரிகள் தெரிவித்தனர்.

சென்னை:

தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

சென்னை கடற்கரை-விழுப்புரம் வழித்தடத்தில் பராமரிப்பு பணிகள் நடைபெறுவதால் இரவு நேர மின்சார ரெயில்கள் ரத்து செய்யப்படுகிறது.

தாம்பரத்தில் இருந்து நாளை (ஞாயிற்றுக்கிழமை) இரவு 9.55, 10.10, 10.40, 11.15 மணிக்கு புறப்பட்டு சென்னை கடற்கரை வரும் மின்சார ரெயில், சென்னை எழும்பூர்-சென்னை கடற்கரை இடையே பகுதி நேரமாக ரத்து செய்யப்படுகிறது. அதே போல, சென்னை கடற்கரையில் இருந்து நாளை இரவு 10.30, 11, 11,20, 11.40, 11.59, மற்றும் 19-ம் தேதி அதிகாலை 3.55 மணிக்கு புறப்பட்டு தாம்பரம் செல்லும் மின்சார ரெயில், சென்னை கடற்கரை-எழும்பூர் இடையே பகுதி நேரமாக ரத்து செய்யப்படுகிறது.

செங்கல்பட்டில் இருந்து நாளை இரவு 10.10, 11 மணிக்கு புறப்பட்டு சென்னை கடற்கரை வரும் மின்சார ரெயில், எழும்பூர்-சென்னை கடற்கரை இடையே பகுதிநேரமாக ரத்து செய்யப்படுகிறது. சென்னை கடற்கரையில் இருந்து நாளை இரவு 10.45 மணிக்கு புறப்பட்டு செங்கல்பட்டு செல்லும் மின்சார ரெயில் சென்னை கடற்கரை-எழும்பூர் இடையே பகுதி நேரமாக ரத்து செய்யப்படுகிறது.

திருமால்பூரில் இருந்து நாளை இரவு 8 மணிக்கு புறப்பட்டு சென்னை கடற்கரை வரும் மின்சார ரெயில், எழும்பூர்-சென்னை கடற்கரை இடையே பகுதி நேரமாக ரத்து செய்யப்படுகிறது.

இவ்வாறு அதில் கூறப்பட்டுள்ளது.

சென்னை:

தாம்பரம் ரெயில் நிலையத்தில் பராமரிப்பு பணிகள் நடப்பதால் தாம்பரம்-கடற்கரை- செங்கல்பட்டு மார்க்கத்தில் 50-க்கும் மேற்பட்ட மின்சார ரெயில்கள் ரத்து செய்யப்பட்டுள்ளன.

மேலும் திருச்சி, மதுரை, நெல்லை போன்ற தென் மாவட்டங்களுக்கு செல்லும் சில தொலைதூர எக்ஸ்பிரஸ் ரெயில்கள் செங்கல்பட்டில் இருந்து புறப்பட்டு சென்றன. அந்த ரெயில்களில் எழும்பூர், மாம்பலம், தாம்பரம் ரெயில் நிலையங்களில் இருந்து ஏற வேண்டியவர்கள் மாநகர போக்குவரத்துக் கழக பஸ்களில் பயணித்தனர்.

மின்சார ரெயில்களும் பல்லாவரம் வரை இயக்கப்பட்டது. இதனால் மின்சார ரெயில்களில் சீக்கிரமாக சென்றுவிடலாம் என்று நினைத்தவர்களாலும் அது முடியவில்லை. எனவே பயணிகள் அரசு பஸ்கள் மற்றும் ஆட்டோ, கார்களில் படையெடுத்தனர்.

கிளாம்பாக்கம் பஸ் நிலையத்துக்கு சென்ற பயணிகளும் அதிக அளவில் சென்றதால் ஜி.எஸ்.டி.ரோடு முழுவதும் வாகன நெரிசலில் சிக்கி திணறியது.

குரோம்பேட்டையில் இருந்து செங்கல்பட்டு செல்வதற்கு 2 மணி நேரம் வரை ஆனதாக பயணிகள் தெரிவித்தனர். இந்த சந்தர்ப்பத்தை பயன்படுத்தி ஆட்டோ டிரைவர்கள் கட்டணத்தை கடுமையாக உயர்த்தி வசூலித்தார்கள்.

போக்குவரத்து நெரிசல் அதிகம் இருந்ததை காரணம் காட்டி ஆட்டோ டிரைவர்கள் கிளாம்பாக்கத்துக்கு சவாரி வர மறுத்தனர். இதனால் அவர்கள் கேட்ட தொகையை கொடுத்து பயணித்தார்கள்.

அரசு பஸ்கள் போதிய அளவில் இல்லாததால் கிளாம்பாக்கம் பஸ் நிலையத்தில் காத்திருந்த பயணிகள் இரவில் வேறு வழியில்லாமல் ஆம்னி பஸ்களை நாடினார்கள். இந்த சந்தர்ப்பத்தை பயன்படுத்தி ஆம்னி பஸ்களில் இரு மடங்கு கட்டணம் வசூலித்தார்கள்.

வழக்கமாக சென்னையில் இருந்து நாகர்கோவிலுக்கு ரூ.700 முதல் ரூ.1500 வரை வசூலிக்கப்படும். நேற்று ரூ.3 ஆயிரம் முதல் 4 ஆயிரம் வரை வசூலிக்கப்பட்டது.

தனி நபராக சென்றவர்கள் கட்டண உயர்வை கண்டு கொள்ளாமல் பயணித்தார்கள். ஆனால் குடும்பமாக சென்றவர்கள் மிகவும் அவதிப்பட்டார்கள்.

நேற்று இரவில் மதுரை செல்லவே ரூ.3,500 கட்டணம் வசூலித்தார்கள். அதிக கட்டணம் வசூலிக்கும் தனியார் பஸ்கள் மீது நடவடிக்கை எடுக்கப்படும், அபராதம் விதிக்கப்படும் என்று போக்குவரத்துத்துறை அதிகாரிகள் கூறுகிறார்கள். ஆனாலும் இந்த மாதிரி அதிக கட்டணம் வசூலிப்பது தொடர்ந்து நடப்பதாக பயணிகள் தெரிவித்தனர்.

செயலிகளில் வெளிப்படையாக வெளியிடப்படும் கட்டணங்கள் அதிகமாக இருந்தால் மட்டும் ஒரு சில பஸ்களுக்கு அபராதம் விதிக்கப்படுகிறது. இது வெறும் கண் துடைப்பு நாடகம் என்றார் தஞ்சையை சேர்ந்த பயணி சிதம்பரம்.

அவர் சென்னையில் இருந்து தஞ்சாவூர் செல்ல ரூ.2,500 கொடுத்து டிக்கெட் வாங்கியதாக தெரிவித்தார்.

சென்னை:

மாநகர போக்குவரத்துக் கழகம் வெளியிட்டுள்ள செய்திக்குறிப்பில் கூறி இருப்பதாவது:-

தாம்பரம் ரெயில் நிலையத்தில் இன்றுமுதல் ஞாயிற்றுக்கிழமை வரை பராமரிப்புப் பணிகள் நடைபெற உள்ளதால், அந்த நாள்களில் காலை 10.30 முதல் பிற்பகல் 2.30 மணி வரையும், இரவு 10 மணி முதல் 11.59 மணி வரையும் சென்னை கடற்கரை ரெயில் நிலையத்தில் இருந்து தாம்பரம், செங்கல்பட்டு செல்லும் ரெயில்கள் பல்லாவரம் ரெயில் நிலையம் வரையும், செங்கல்பட்டில் இருந்து சென்னை கடற்கரை செல்லும் ரெயில்கள் கூடுவாஞ்சேரி வரை மட்டுமே இயக்கப்படும் என தெற்கு ரெயில்வே அறிவித்துள்ளது.

 எனவே, அந்த வழித்தடத்தில் பயணம் செய்யும் பயணிகள் நலன் கருதி மாநகர போக்குவரத்துக் கழகம் சாா்பில் இன்று முதல் ஞாயிற்றுக்கிழமை வரை கூடுதலாக பல்லாவரம் பஸ் நிலையத்தில் இருந்து செங்கல்பட்டுக்கு 30 பஸ்களும், பல்லாவரம் பஸ்நிலையத்தில் இருந்து கூடுவாஞ்சேரிக்கு 20 பஸ்களும், தாம்பரம் பஸ்நிலையத்தில் இருந்து தி.நகர் மற்றும் பிராட்வேக்கு கூடுதலாக 20 பஸ்களும் என மொத்தம் 70 பஸ்கள் இயக்கப்பட உள்ளன.

மேலும், தாம்பரத்தில் ஏற்படும் போக்குவரத்து நெரிசலைத் தவிா்க்கும் விதமாக, கூடுவாஞ்சேரி மாா்க்கத்தில் செல்லும் அனைத்து பஸ்களும் இந்து மிஷன் மருத்துவமனை பஸ் நிறுத்தத்தில் வருகிற 18-ந் தேதி வரை தற்காலிகமாக நின்று செல்ல ஏற்பாடு செய்யப்பட்டுள்ளது.

இவ்வாறு அதில் கூறப்பட்டுள்ளது.

சென்னை:

சென்னையில் போக்குவரத்து நெரிசலை குறைப்பதில் மின்சார ரெயில் சேவை முக்கிய பங்காற்றுகிறது. அந்த வகையில், தெற்கு ரெயில்வேயின் சென்னை ரெயில்வே கோட்டத்தின் கீழ் மின்சார ரெயில்கள் இயக்கப்படுகிறது. தினமும் 600-க்கும் மேற்பட்ட சேவைகள் நடைபெறுகிறது. பயணிகளின் வசதி மற்றும் கோரிக்கைக்கு ஏற்ப புதிய திட்டங்களை ரெயில்வே நிர்வாகம் அறிமுகம் செய்து வருகிறது.

இதற்கிடையே, கோடை காலத்தில், மின்சார ரெயில்களில் ஏசி பெட்டிகளை இணைத்து இயக்க வேண்டும் என பயணிகள் நீண்ட நாட்களாக கோரிக்கை விடுத்து வந்தனர். தொடர்ந்து, சென்னை புறநகர் மின்சார ரெயில்களில் ஏசி ரெயில் பெட்டியை இணைப்பது குறித்து ஆய்வு செய்யுமாறு தெற்கு ரெயில்வேக்கு சென்னை ஒருங்கிணைந்த போக்குவரத்து குழுமம் பரிந்துரை செய்திருந்தது.

எனவே, மின்சார ரெயில்களில் ஏசி பெட்டிகளை இணைப்பதற்கான சாத்தியக்கூறுகளை தெற்கு ரெயில்வே ஆய்வு செய்தது. பின்னர், ஏசி பெட்டிகளை இணைக்க முடிவு செய்து பெட்டிகளை தயாரிப்பதற்கான பணியை தெற்கு ரெயில்வே தொடங்கியது. பெரம்பூரில் உள்ள ஒருங்கிணைந்த ரெயில் பெட்டி தொழிற்சாலையில் (ஐசிஎப்) ஏசி ரெயில் பெட்டிகள் தயாரிக்கும் பணி தீவிரமடைந்துள்ளது.

சென்னை ரெயில்வே கோட்டத்தில் சென்னை கடற்கரை-செங்கல்பட்டு இடையே வரும் நவம்பர் மாதத்தில் இதற்கான சோதனை ஓட்டத்தை நடத்தவும் தெற்கு ரெயில்வே திட்டமிட்டுள்ளது. இதைத்தொடர்ந்து, அடுத்த ஆண்டு ஜனவரி மாதத்தில் பொதுமக்கள் பயன்பாட்டிற்கு ஏ சிபெட்டிகளை கொண்டுவர முடிவு செய்யப்பட்டுள்ளது.

இதுகுறித்து, தெற்கு ரெயில்வே அதிகாரி ஒருவர் கூறியதாவது:-

பெரம்பூரில் உள்ள ஐசிஎப்பில் ஏற்கனவே மும்பை புறநகர் மின்சார ரெயிலுக்காக ஏசி பெட்டிகள் தயாரிக்கப்பட்டு வருகிறது. தெற்கு ரெயில்வேக்கு 12 ஏசி பெட்டிகள் தயாரிக்கும் பணி தீவிரமாக நடந்து வருகிறது. விரைவில் சோதனை ஓட்டம் நடத்தப்படும். அடுத்த ஆண்டு ஜனவரி மாதத்தில் புறநகர் மின்சார ரெயில்களில் ஏசி பெட்டிகளை இணைத்து இயக்க முடிவு செய்யப்பட்டுள்ளது. சென்னை கடற்கரை- செங்கல்பட்டு வழித்தடத்தில் ஏசி வசதி கொண்ட மின்சார ரெயில் பெட்டிகளை இயக்க திட்டமிடப்பட்டுள்ளது.

இவ்வாறு அவர் கூறினார்.

சென்னை:

தாம்பரம் பணிமனையில் கடந்த 23-ம் தேதி முதல் பராமரிப்பு பணி தொடங்கி நடைபெற்று வருகிறது. இந்த பணி வரும் 14-ம் தேதி வரை நடைபெறும் என தெற்கு ரெயில்வே அறிவித்திருந்தது. இந்த நிலையில், பராமாிப்பு பணி வரும் 18-ம் தேதி வரையில் நீட்டிக்கப்படுவதாகவும், அதற்காக மின்சார ரெயில் சேவையில் வரும் 15-ம் தேதி முதல் 18-ம் தேதி வரை புதிய மாற்றம் செய்யப்பட்டிருப்பதாகவும், புதிதாக 8 மின்சார ரெயில் சேவை ரத்து செய்யப்பட்டுள்ளதாகவும் தெற்கு ரெயில்வே தெரிவித்துள்ளது.

இதுகுறித்து, தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

* வரும் 15-ம் தேதி முதல் 18-ம் தேதி வரையில் 7 மின்சார ரெயில் (மெமு) ரத்து செய்யப்பட்டுள்ளது. அதன்படி, விழுப்புரம்-தாம்பரம், விழுப்புரம்-மேல்மருவத்தூர், மேல்மருவத்தூர்-சென்னை கடற்கரை, புதுச்சேரி-சென்னை எழும்பூர், சென்னை எழும்பூர்-புதுச்சேரி, சென்னை கடற்கரை-மேல்மருவத்தூர், மேல்மருவத்தூர்-விழுப்புரம் ஆகிய மின்சார ரெயில்கள் (மெமு) ரத்து செய்யப்பட்டுள்ளது. மேலும், வரும் 15-ம் தேதி முதல் 17-ம் தேதி வரை தாம்பரம்-விழுப்புரம் செல்லும் மின்சார ரெயில் (மெமு) ரத்து செய்யப்படுகிறது.

சென்னை கடற்கரை-பல்லாவரம்-தாம்பரம்

* வரும் 15-ம் தேதி முதல் 17-ம் தேதி வரையில் சென்னை கடற்கரையில் இருந்து காலை 3.55, 4.20, 4.45, 5.10, 5.30, 5.50, 6.10, 6.30, 6.50, 7.10, 7.30, 7.50, 8.10, 8.30, 8.50, 9.10, 9.30, 9.50, 10.10, 10.30, 10.50, 11.10, 11.30, 11.50, மதியம் 12.10, 12.30, 12.50, 1.10, 1.30, 1.50, 2.10, 2.30, 2.50, மாலை 3.10, 3.30, 3.50, 4.10, 4.30, 4.50, 5.10, 5.30, 5.50, 6.10, 6.30, 6.50, இரவு 7.10, 7.30, 7.50, 8.10, 8.30, 8.50, 9.10, 9.30, 9.50, 10.10, 10.30, 10.50, 11.20, 11.59 ஆகிய நேரங்களில் புறப்படும் 59 மின்சார ரெயில்கள் பல்லாவரம் வரை மட்டுமே இயக்கப்படும்.

* மறுமார்க்கமாக, பல்லாவரத்தில் இருந்து காலை 4.25, 4.45, 5.10, 5.35, 6, 6.20, 6.40, 7, 7.20, 7.40, 8, 8.20, 8.40, 9, 9.20, 9.40, 10, 10.20, 10.40, 11, 11.20, 11.40, மதியம் 12, 12.20, 12.40, 1, 1.20, 1.40, 2, 2.20, 2.40, மாலை 3, 3.20, 3.40, 4, 4.20, 4.40, 5, 5.20, 5.40, 6, 6.20, 6.40 இரவு 7, 7.20, 7.40, 8, 8.20, 8.40, 9, 9.20, 9.40, 10, 10.20, 10.40, 11, 11.20, 11.40, 11.59 ஆகிய நேரங்களில் புறப்படும் 59 மின்சார ரெயில்கள் சென்னை கடற்கரை வரை இயக்கப்படும்.

* மேலும், 15-ம் தேதி முதல் 17-ம் தேதி வரையில் சென்னை கடற்கரையில் இருந்து காலை 4.10, 5.05, 5.45, 6.25, 7.05, 7.45, 8.25, மதியம் 12.45, 1.05, 1.45, 2.25, மாலை 3.05, 3.45, 4.25, 5.05, 5.45, 6.25, இரவு 7.05, 7.45, 8.25, 9.05, 9.45 ஆகிய நேரங்களில் புறப்படும் 22 மின்சார ரெயில்கள் தாம்பரம் வரை இயக்கப்படும்.

* மறுமார்க்கமாக, தாம்பரத்தில் இருந்து காலை 3.55, 4.30, 5.35, 6.30, 7.10, 7.45, 8.25, 9.05, 9.45, மதியம் 2.05, 2.25, மாலை 3.05, 3.45, 4.25, 5.05, 5.45, 6.25, இரவு 7.05, 7.45, 8.25, 9.05, 9.45, 10.25, 11.05 ஆகிய நேரங்களில் புறப்படும் 24 மின்சார ரெயில்கள் சென்னை கடற்கரை வரையும் இயக்கப்படும்.

தாம்பரம்- செங்கல்பட்டு

* மேலும், 15-ம் தேதி முதல் 17-ம் தேதி வரையில் தாம்பரத்தில் இருந்து காலை 5, 5.50, 7.30, 9.10, 10.05, 10.55, 11.45 மதியம் 12.35, 1.25, 2.55, மாலை 4.35, 5.25, 6.15 இரவு 10.30, 11.20 ஆகிய நேரங்களில் புறப்படும் 15 மின்சார ரெயில்கள் செங்கல்பட்டு வரை இயக்கப்படும்.

* மறுமார்க்கமாக, செங்கல்பட்டில் இருந்து காலை 3.05, 4, 4.50, 5.40, 9.55, 11.35 மதியம் 1.15, 1.55, 2.45, மாலை 3.35, 4.25, 5.15, 6.05 இரவு 7.45, 8.35, 10.20 ஆகிய நேரங்களில் புறப்படும் மின்சார ரெயில் தாம்பரம் வரை இயக்கப்படும்.

* தாம்பரத்தில் இருந்து காலை 6.40, இரவு 8.45 ஆகிய நேரங்களில் புறப்படும் ரெயில் காஞ்சிபுரம் வரையும், தாம்பரத்தில் இருந்து காலை 8.20, மாலை 3.45, இரவு 9.35 ஆகிய நேரங்களில் புறப்படும் ரெயில் திருமால்பூர் வரையும், தாம்பரத்தில் இருந்து மதியம் 2.15, இரவு 7.05, 7.55 ஆகிய நேரங்களில் புறப்படும் ரெயில் அரக்கோணம் வரையிலும் இயக்கப்படும்.

* இதேபோல, காலை 4.40, 7.30 மாலை 5.15 ஆகிய நேரங்களில் அரக்கோணத்தில் இருந்து புறப்படும் ரெயிலும், காலை 7, 11, இரவு 8 ஆகிய நேரங்களில் திருமால்பூரில் இருந்து புறப்படும் ரெயிலும், காலை 6.10, 9.30 ஆகிய நேரங்களில் காஞ்சிபுரத்தில் இருந்து புறப்படும் ரெயிலும் தாம்பரம் வரை இயக்கப்படும்.

இவ்வாறு அதில் கூறப்பட்டுள்ளது.

ஞாயிற்றுக்கிழமை ரெயில்...

* வரும் 18-ம் தேதி ஞாயிற்றுக்கிழமை சென்னை கடற்கரையில் இருந்து காலை 3.15 மணி முதல் காலை 11.30 மணி வரை அனைத்து மின்சார ரெயில்களும் பல்லாவரம் வரை இயக்கப்படும். மறுமார்க்கமாக, பல்லாவரத்தில் இருந்து காலை 4.05 மணி முதல் மதியம் 12.05 மணி வரை சென்னை கடற்கரை வரை இயக்கப்படும்.

* இதேபோல, கூடுவாஞ்சேரியில் இருந்து காலை 5 மணி முதல் காலை 11.15 மணி வரை இயக்கப்படும் மின்சார ரெயில் செங்கல்பட்டு வரை இயக்கப்படும். அதில் சில ரெயில்கள் அதாவது, கூடுவாஞ்சேரியில் இருந்து காலை 6.50 மணிக்கு புறப்படும் ரெயில் காஞ்சிபுரத்திற்கும், காலை 8.50 மணிக்கு புறப்படும் ரெயில் திருமால்பூருக்கும் இயக்கப்படும்.

* மறுமார்க்கமாக, செங்கல்பட்டில் இருந்து காலை 4 மணி முதல் 11 மணி வரை இயக்கப்படும் மின்சார ரெயில்கள் கூடுவாஞ்சோி வரை இயக்கப்படும். மேலும், திருமால்பூரில் இருந்து காலை 4.40, 7, 7.30 ஆகிய நேரங்களில் புறப்படும் ரெயிலும், காஞ்சிபுரத்தில் இருந்து காலை 6.10, 9.30 ஆகிய நேரங்களில் புறப்படும் ரெயிலும் கூடுவாஞ்சேரி வரை இயக்கப்படும்.

* மதியம் 1 மணிக்கு மேல் மின்சார ரெயில்கள் வழக்கமாக கால அட்டவணைப்படி அனைத்து ரெயில் நிலையங்களுக்கும் இயக்கப்படும்.

பல்லாவரம்-தாம்பரம்...

குறிப்பாக, வரும் 15-ம் தேதி முதல் 17-ம் தேதி வரையில் சென்னை கடற்கரையில் இருந்து காலை 8.30 மணி முதல் மதியம் 12.30 மணி வரையும், இரவு 9.50 மணி முதல் 11.59 மணி வரையும் புறப்படும் ரெயில்கள் பல்லாவரம் வரை மட்டுமே இயக்கப்படும். மறுமார்க்கமாக, பல்லாவரத்தில் இருந்து காலை 10.20 மணி முதல் மதியம் 2.20 மணி வரை புறப்படும் ரெயில் சென்னை கடற்கரை வரை இயக்கப்படும். இதற்கு இடைப்பட்ட நேரத்தில் பல்லாவரம்-தாம்பரம் இடையே மின்சார ரெயில் சேவை ரத்து செய்யப்படுகிறது.

சென்னை:

தாம்பரம் பணிமனையில் பராமரிப்பு பணி மேற்கொள்ளப்படுவதால் நேற்று 2-வது நாளாக பகல் மற்றும் இரவு நேர மின்சார ரெயில்கள் ரத்து செய்யப்பட்டது. நேற்று விடுமுறை தினம் என்பதால் ரெயில் ரத்து செய்யப்பட்டதை அறிந்த பயணிகள் அதிக அளவு தங்கள் கார் மற்றும் இருசக்கர வாகனத்தில் வெளியே சென்றனர். தாம்பரம் பஸ் நிலையத்தில் வழக்கம்போல பரபரப்பாக காணப்பட்டது. மேலும், பல்லாவரம் ரெயில் நிலையம் மற்றும் பஸ் நிலையம் பரபரப்பாக காணப்பட்டது.

தாம்பரத்தில் இருந்து பல்லாவரம் மற்றும் தியாகராய நகர் போன்ற பகுதிகளுக்கு இயக்கப்பட்ட பஸ்களில் கூட்டம் அதிகமாக காணப்பட்டது. இதேபோல, சென்னை கடற்கரை - பல்லாவரம் இடையே எழும்பூர், கிண்டி, நுங்கம்பாக்கம் போன்ற ரெயில் நிலையங்களில் சிறப்பு ரெயிலுக்காக அதிக அளவு பயணிகள் காத்துகிடந்ததை பார்க்க முடிந்தது.

இந்த நிலையில், இன்று (5-ம் தேதி) தொடர்ந்து 3-வது நாளாக பகல் மற்றும் இரவு நேர மின்சார ரெயில்கள் ரத்து செய்யப்பட உள்ளது. கடந்த 23-ம் தேதி முதல் நேற்று வரையில் விடுமுறை நாட்களில் மட்டுமே பகல் மற்றும் இரவு நேர மின்சார ரெயில்கள் ரத்து செய்யப்பட்டது. ஆனால் இன்று (திங்கட்கிழமை) வேலை நாட்களில் மின்சார ரெயில் சேவை ரத்து செய்யப்பட உள்ளது.

விடுமுறை நாட்களில் ரெயில்கள் ரத்து செய்யப்பட்டதால் தாம்பரம் ஜிஎஸ்டி சாலையே ஸ்தம்பித்து போனது. கூடுதல் பஸ்கள் இயக்கப்பட்டாலும், ரெயிலில் பயணிக்கும் பயணிகளின் கூட்டத்திற்கு பஸ்கள் இடம் எவ்வாறு போதும் என்ற அளவிற்கு கூட்டம் அலைமோதியது. இதனால் பயணிகள் மிகவும் அவதி அடைந்தனர். ரெயில் பயணிகளுக்கு விடுமுறை நாள் மிகவும் மோசமான நாளாக அமைந்தது.

இது ஒருபுறம் இருக்க, இன்று வேலை நாள் என்பதால் வேலைக்கு செல்பவர்கள், பள்ளி மற்றும் கல்லூரிக்கு செல்பவர்கள் என காலை முதலே ரெயில் நிலையத்தில் கூட்டம் அலைமோதும். ரெயில்கள் ரத்து செய்யப்படுவதால் வேறு வழி இன்றி பஸ் நிலையங்களை நோக்கி படையெடுப்பார்கள். பஸ் நிலையங்களில் கூட்டம் அதிகரிக்கும்பட்சத்தில், போக்குவரத்து நெரிசல் ஏற்படும். ரெயில் ரத்து செய்யப்படுவதால் சில ரெயில் பயணிகள் தங்கள் கார் மற்றும் இருசக்கர வாகனங்களில் வேலைக்கு செல்ல இருப்பார்கள். இதனால் புறநகர் பகுதியில் அதிக அளவு போக்குவரத்து நெரிசல் ஏற்படும்.

இதுவரையில் விடுமுறை நாட்களிலே பயணிகள் மிகவும் அவதியடைந்தனர். இன்று வேலை நாள் சொல்லவா வேண்டும். இன்று மட்டும் இன்றி தொடர்ந்து வரும் 14-ம் தேதி வரை பகல் மற்றும் இரவு நேர மின்சார ரெயில்கள் ரத்து செய்யப்பட உள்ளது. பயணிகளின் நலனுக்காக ரெயில்வே நிர்வாகம் நடவடிக்கை எடுக்குமா? அல்லது பயணிகள் அனைவரும் தொடர்ந்து இதே அவதி நிலையில்தான் பயணம் செய்ய வேண்டுமா? என்ற கேள்வி எழுந்துள்ளது. இதற்கு ரெயில்வே நிர்வாகம் என்ன தீர்வு கொடுக்கும் என பயணிகள் தங்கள் ஆதங்கங்களை எதிர்பாா்ப்பாக வைத்து காத்திருக்கின்றனர்.