நீங்கள் தேடியது "வன்முறை"

வங்கதேசத்தில் கடந்த ஆண்டு ஆகஸ்ட் மாதம் மானவர்கள் போராட்டத்தால் ஷேக் ஹசீனாவின் ஆட்சி கவிழ்க்கப்பட்டது. தொடர்ந்து அமைதிக்கான நோபல் பரிசு பெற்ற முகமது யூனுஸ் தலைமையிளான இடைக்கால அரசு பொறுப்பேற்றது.

வங்கதேச மக்கள் தொகையில் 7.65 சதவீதம் உள்ள இந்து சிறுபான்மையினர் மீது தொடர் தாக்குதல்கள் நடைபெற தொடங்கியது.

இந்துக்களின் கோவில்கள் தாக்கப்பட்டன. துர்கா பூஜையின்போது இந்த சம்பவங்கள் அதிகம் அரங்கேறின. இந்தியா உள்ளிட்ட நாடுகள் இந்துக்கள் மீதான வன்முறைக்கு கடும் கண்டனம் தெரிவித்தது. இதற்கிடையே இந்துக்களின் போராட்டத்தைத் தூண்டியதாக இஸ்கான் மத அமைப்பை சேர்ந்த சின்மோய் கிருஷ்ணதாஸ் கைது செய்யப்பட்டார்.

இந்நிலையில் வங்கதேசத்தில் இந்துக்கள் மற்றும் பிற சிறுபான்மையினருக்கு எதிரான வன்முறை, அரசியல் ரீதியானது என்றும் [மத] வகுப்புவாத ரீதியானது அல்ல என்று யூனுஸ் அரசு நேற்று அறிக்கை ஒன்றை வெளியிட்டுள்ளது.

அதில், கடந்த ஆண்டு ஆகஸ்ட் 5 ஆம் தேதி முதல் சிறுபான்மை சமூகங்களுக்கு எதிராக தொடர்ந்து தாக்குதல்கள் நடைபெற்று வருவதாக காவல்துறை தரவுகள் அந்த அறிக்கையில் மேற்கோள் கட்டப்பட்டுள்ளது.

இருப்பினும் இந்த தாக்குதல்களில் பல 'வகுப்புவாத ரீதியானவை' என்பதை அரசு ஒப்புக்கொண்டாலும் பெரும்பாலான தாக்குதல்கள் அரசியல் உள்நோக்கம் கொண்டவை என்றே கூறப்பட்டுள்ளது.

மொத்த வன்முறை சம்பவங்களில், 1769  தாக்குதல் மற்றும் நாசவேலை சம்பவங்கள் பதிவு செய்யப்பட்டுள்ளன என்று அறிக்கை கூறுகிறது.

கூற்றுக்களின் அடிப்படையில் இதுவரை 62 வழக்குகளில் காவல்துறையினர் விசாரணையின் அடிப்படையில் குறைந்தது 35 குற்றவாளிகளை கைது செய்துள்ளனர்.

எவ்வாறாயினும், இதில் 1,234 சம்பவங்கள் அரசியல் காரணங்களுக்காகவே நடந்துள்ளன வகுப்புவாத சம்பவங்கள் குறைவு என்றும் காவல்துறை விசாரணையில் தெரியவந்துள்ளதாக அறிக்கை குறிப்பிடுகிறது.

ஆகஸ்ட் 5 முதல் ஜனவரி 8, 2025 வரை 134 வகுப்புவாத வன்முறை சம்பவங்களை போலீசார் கண்டறிந்துள்ளனர். போலீஸ் அதிகாரிகளின் கூற்றுப்படி, 53 வழக்குகள் பதிவு செய்யப்பட்டு 65 குற்றவாளிகள் கைது செய்யப்பட்டனர்.

வகுப்புவாத வன்முறை தொடர்பான புகார்களை நேரடியாகப் பெறவும், சிறுபான்மை சமூகத்தினருடன் தொடர்பைப் பேணவும் காவல்துறை வாட்ஸ்அப் எண்ணையும் வெளியிட்டுள்ளது.

வகுப்புவாத வன்முறைகளில் தொடா்புடைய குற்றவாளிகளை கைது செய்யவும் பாதிக்கப்பட்டவர்களுக்கு இழப்பீடு வழங்கவும் ஏற்கெனவே உத்தரவிடப்பட்டுள்ளது என்று அரசு கூறுகிறது. 

இஸ்லாமாபாத்:

கடந்த 2023-ம் ஆண்டு மே மாதம் 9-ந்தேதி இம்ரான்கான் ஆதரவாளர்கள், அவரை கைது செய்ததற்கு எதிராக போராட்டத்தில் ஈடுபட்டனர். அப்போது வன்முறை ஏற்பட்டது. போராட்டக்காரர்கள் ராணுவ வாகனங்கள், ராணுவ கமாண்டர் ஒருவரின் வீடு உள்ளிட்டவற்றை சேதப்படுத்தினர். வன்முறையில் ஈடுபட்ட குற்றவாளிகள் 100-க்கும் மேற்பட்டவர்கள் அடையாளம் காணப்பட்டனர்.இது தொடர்பான விசாரணை ராணுவ கோர்ட்டில் நடந்து வந்தது. இந்த வன்முறை சம்பவத்தில் ஈடுபட்ட 25 பேருக்கு கடந்த வாரம் சிறை தண்டனை அறிவிக்கப்பட்டு இருந்தது.

இந்த நிலையில் மேலும் 60 குற்றவாளிகளுக்கு நேற்று தண்டனை விவரம் அறிவிக்கப்பட்டது. அவர்கள் 2 ஆண்டு முதல் 10 ஆண்டுகள் வரை சிறை தண்டனை பெற்றனர். இதில் இம்ரான்கானின் மருமகன் ஹாசன் கான் நியாசி முக்கிய குற்றவாளியாக சேர்க்கப்பட்டு இருந்தார். ராணுவ கமாண்டரின் வீட்டை தாக்கிய குற்றத்திற்காக அவருக்கு 10 ஆண்டு ஜெயில் தண்டனை விதிக்கப்பட்டது குறிப்பிடத்தக்கது.

2024 ஆம் ஆண்டில், குறிப்பாக அண்டை நாடான வங்கதேசத்தில் ஷேக் ஹசீனா தலைமையிலான அவாமி லீக் அரசாங்கம் கவிழ்ந்த பிறகு, இந்துக்களுக்கு எதிராக 2,200 வன்முறை சம்பவங்கள் நடந்ததாக வெளியுறவுத்துறை அமைச்சகம் (MEA) தெரிவித்துள்ளது.

இதே காலகட்டத்தில் பாகிஸ்தானிலும் இதுபோன்ற 112 வன்முறை சம்பவங்கள் பதிவாகியுள்ளதாக அரசு குறிப்பிட்டுள்ளது.

இதுகுறித்து வெளியுறவு அமைச்சகம் மக்களவையில் தரவுகளை சமர்ப்பித்தது. அதில், வங்கதேசம் மற்றும் பாகிஸ்தான் ஆகிய இரு நாடுகளுக்கும் கடிதம் எழுதியுள்ளதாகவும், அந்தந்த அரசாங்கங்கள் தங்கள் நாடுகளில் உள்ள இந்துக்களின் பாதுகாப்பு மற்றும் நல்வாழ்வை உறுதி செய்யுமாறு கேட்டுக் கொண்டதாகக் குறிப்பிட்டுள்ளது.

மேலும், "இந்துக்கள் மற்றும் பிற சிறுபான்மையினரின் பாதுகாப்பு மற்றும் நலனை உறுதி செய்ய தேவையான அனைத்து நடவடிக்கைகளையும் வங்கதேச அரசு எடுக்கும் என்பது இந்தியாவின் எதிர்பார்ப்பு" என்று வெளியுறவு அமைச்சகத்தின் அறிக்கையில் தெரிவிக்கப்பட்டுள்ளது.

பாகிஸ்தானில் உள்ள சிறுபான்மையினரின் அவல நிலையை, சர்வதேச அரங்கில் இந்தியா தொடர்ந்து முன்னிலைப்படுத்தி வருகிறது என்று அந்த அறிக்கையில் மேலும் குறிப்பிடப்பட்டுள்ளது.

உத்தரப்பிரதேச மாநிலம் சம்பல் மாவட்டத்தில் 'ஷாஹி ஜமா' மசூதிக்குள் இந்து கோவில் இருப்பதாக கூறி இந்து அமைப்பு தொடர்ந்து வழக்கில் மசூதியை ஆய்வு செய்ய நீதிமன்றம் உத்தரவிட்டது. ஆர்டரை தூக்கிக்கொண்டு கடந்த நவம்பர் 24 ஆம் தேதி  ஆய்வுக்கு வந்த அதிகாரிகள் மீது மக்கள் கற்களை வீசி தாக்கினர்.

அதிகாரிகளுக்குத் துணையாக வந்த போலீஸ் மக்கள் மீது கண்ணீர் புகை குண்டுகளை வீசியது. போராட்டம் கலவரமாக மாறியது. போலீஸ் நடத்திய துப்பாக்கிச்சூட்டில் 5 பேர் கொல்லப்பட்டனர். 20 பேர் படுகாயமடைந்தனர். சம்பல் பகுதிக்குள் டிசம்பர் 10 வரை வெளியாட்கள் நுழைய தடை விதித்த நீதிமன்றம் மசூதி ஆய்வை தள்ளிப்போட்டது.

இந்நிலையில் இந்த சம்பவம் தொடர்பாக உத்தரப் பிரதேசத்தின் பிரதான எதிர்க்கட்சியான சமாஜ்வாதி தலைவர் அகிலேஷ் யாதவ் இன்று நடந்த பாராளுமன்ற குளிர்கால கூட்டத்தொடர் கூட்டத்தில் காட்டமான உபி மற்றும் மத்திய பாஜக அரசுகள் மீது காட்டமான கருத்துக்களைத் தெரிவித்துள்ளார்.

மக்களவையில் கேள்வி நேரத்தில் இருக்கையில் இருந்து எழுந்து சபாநாயகர் ஓம் பிர்லாவை நோக்கி பேசிய அவர், "இது மிகவும் தீவிரமான விஷயம். ஐந்து பேர் உயிரிழந்துள்ளனர்.

சம்பலில் நடந்த வன்முறை திட்டமிடப்பட்ட சதி வேலை, நீண்ட காலமாக சகோதரத்துவத்தின் அடையாளமாக விளங்கும் இடத்தில் மத நல்லிணக்கத்தைச் சீர்குலைக்க அரங்கேறிய சதி. நாடு முழுவதும் பா.ஜ.க.வும் அதன் கூட்டணிக் கட்சிகளும் நடத்தும் இதுபோன்ற ஆராய்ச்சிகள் நாட்டின் சகோதரத்துவத்தை அழித்துவிடும். என்று தெரிவித்தார்.

முன்னதாக சம்பல் அரசு அதிகாரிகள் பாஜக தொண்டர்களை போல் நடந்து கொள்கின்றனர். சம்பல் சம்பவம் மற்ற பிரச்சினைகளிலிருந்து மக்களைத் திசைதிருப்ப பாஜகவின் நன்கு திட்டமிடப்பட்ட உத்தி. எல்லா இடங்களிலும் தோண்ட விரும்புபவர்களால் - ஒரு நாள் நாட்டின் நல்லுறவையும் சகோதரத்துவத்தையும் இழக்க நேரிடும் என்று எச்சரித்தார். அகிலேஷ் பேச்சுக்கு அவையில் இருந்த எம்.பி.க்கள் இருக்கையில் இருந்து எழுந்து எதிர்ப்பு தெரிவித்து கூச்சலிட்டனர்.

மேற்கு ஆப்பிரிக்க நாடான கினியாவில் கால்பந்து போட்டியை பார்த்துக் கொண்டிருந்தபோது திடீரென ரசிகர்களுக்கு இடையில் மோதல் ஏற்பட்டது. இந்த மோதல் வன்முறையாக வெடித்ததில் 100-க்கும் மேற்பட்ட ரசிகர்கள் கொல்லப்பட்டனர்.

கினியாவின் 2-வது மிகப்பெரிய நகர் N'Zerekore. இங்கு சுமார் 2 லட்சம் மக்கள் வசித்தி வருகின்றனர். விடுமுறை தினமான நேற்று (ஞாயிற்றுக்கிழமை) கால்பந்து போட்டி நடைபெற்றது. அப்போது இரண்டு அணி ரசிகர்களுக்கு இடையே கடும் மோதல் ஏற்பட்டது. இந்த மோதல் வன்முறையாக வெடித்தது. இதில் 100-க்கும் மேற்பட்டோர் கொல்லப்பட்டனர்.

வன்முறையில் ஈடுபட்ட ரசிகர்கள் அருகில் உள்ள காவல் நிலையத்தை தீ வைத்து கொளுத்தினர். நடுவர் சர்ச்சைக்குரிய வகையில் தீர்ப்பு வழங்கியதால் கோபம் அடைந்த ரசிர்கள் மைதானத்தை முற்றுகைியட்டு வன்முறையில் ஈடுபட்டனர்.

கினியாவின் ஜுன்டா தலைவர் மமாதி தவும்பௌயா ஏற்பாடு செய்திருந்த கால்பந்து தொடரின் ஒரு பகுதியான இந்த போட்டி நடத்தப்படடுள்ளது. கினியாவில் இது போன்று கால்பந்து தொடர் நடத்தப்படுவது வழக்கம்.

இந்திய அரசியல் அமைப்பு தினம் இன்று கொண்டாடப்படுகிறது. இதனை முன்னிட்டு டெல்லியில் அரசியல் கட்சிகள் மும்முரமாக நிகழ்ச்சிகள் நடத்தி வருகிறது. அந்த வகையில் காங்கிரஸ் சார்பிலும் அரசியலமைப்பு சிறப்புக் கூட்டம் ஏற்பாடு செய்யப்பட்டது. இதில் மக்களவை எதிர்க்கட்சி தலைவர் ராகுல் காந்தி உரையாற்றினார்.

அரசியல் சாசனத்தின் நகலை காட்டி தனது உரையைத் தொடங்கிய ராகுல் காந்தி, மோடி மற்றும் பாஜக அரசு அரசியலமைப்பு தினத்தையொட்டி பாராளுமன்றத்தில் நான் உறுதியாகக் கூறுகிறேன், மோடி அரசியலமைப்பைப் படிக்கவே இல்லை. இந்தப் புத்தகத்தைப் படித்திருந்தால், அவர் தற்போது ஒவ்வொரு நாளும் செய்துவருவதைச் செய்ய மாட்டார்.

அம்பேத்கர், ஜோதிராவ் புலே, புத்தர் மற்றும் காந்திஜி ஆகியோரால் முன்வைக்கப்பட்ட சமூக அதிகாரமளிக்கும் சிந்தனைகள் அரசியல் அமைப்பில் உள்ளது. உண்மை மற்றும் அகிம்சை அரசியலமைப்பில் உள்ளது. இதில் சாவர்க்கரின் குரல் எங்கு உள்ளது? வன்முறையைப் பயன்படுத்த வேண்டும், மக்கள் கொலை செய்ய வேண்டும், பொய்களைப் பயன்படுத்தி அரசாங்கத்தை நடத்த வேண்டும் என்று எங்காவது எழுதப்பட்டிருக்கிறதா? என்று கேள்வி எழுப்பினார்.

ராகுல் காந்தி பேசிக்கொண்டிருந்தபோது மைக் தொழில்நுட்ப கோளாறு காரணமாக செயலிழந்தது. 10 நிமிடங்கள் வரை அவரது பேச்சு தடைபட்டது, மைக் சரியப்பட்ட பின்னர் பேசாத தொடங்கிய அவர், இந்த நாட்டில் தலித்துகள், பழங்குடியினர், பிற்படுத்தப்பட்டோர் , ஏழைகள் என்று யாருக்காக பேசினாலும் மைக் அணைக்கப்படுகிறது,  அப்படி அணைக்கப்படும் போது என்னை இருக்கையில் அமரும்படி ஏராளமானோர் கூறுகின்றனர்.

அவர்களுக்கு நான் சொல்லிக் கொள்வது இதுதான், நான் அமர மாட்டேன். நான் தொடர்ந்து நிற்பேன். உங்கள் விருப்பப்படி மைக்கை அணைத்துக் கொள்ளுங்கள். நான் பேச வேண்டியதை பேசியே தீர்வேன் என்று தெரிவித்தார்.

முன்னதாக மக்களவைத் தேர்தலுக்குப் பிறகு ராகுல் காந்தி மக்களவையில் எதிர்க்கட்சித் தலைவர் ஆன பிறகு, ராகுல் காந்தி பேசும்போது மைக் ஆப் செய்யப்பட்டது, அவரின் பேச்சால் கொதித்த பாஜவினர் அவரை அமரும்படி கூச்சலிட்டனர். ராகுல் காந்தி பேசும்போது மைக்கை ஸ்விட்ச் ஆஃப் செய்வதாக சபாநாயகர் மற்றும் மோடி அரசு மீது காங்கிரஸ் சாட்டியது.

மணிப்பூர் கலவரம் 

ஒரு வருட காலமாக கலவரத்தால் துண்டாடப்பட்டு வரும் மணிப்பூரில் சமீப நாட்களாகத் தாக்குதல் சம்பவங்களும் உயிரிழப்புகளும் அதிகரித்த வண்ணம் உள்ளன. பெண்கள் நிர்வாணமாக ஊர்வலம் நடத்திச் செல்லப்படுவது, பாலியல் வன்கொடுமை சம்பவங்கள், கொலைகள் என சுமார் 240 பேர் கொல்லப்பட்டனர். 60 ஆயிரத்துக்கும் மேற்பட்ட மக்கள் முகாம்களில் தஞ்சம் அடைந்தனர்.

இந்நிலையில் குக்கி மற்றும் மெய்தேய் ஆகிய இரு சமூகங்களைச் சேர்ந்த ஆயுதமேந்திய கிளர்ச்சியாளர்கள் கடந்த வாரம் முதல் தொடர் தாக்குதலில் ஈடுபட்டு வருகின்றனர். மணிப்பூர் தலைநகர் இம்பால் -இல் இருந்து 120 கிலோமீட்டர் தொலைவில் உள்ள ஜிர்பாம் மாவட்டத்தில் வன்முறைச் சம்பவங்கள் அரங்கேறி வருகின்றன.

வன்முறைச் சம்பவங்கள்

அப்பகுதியில் உள்ள கிராமங்களில் நுழைந்து வீடுகளுக்குத் தீ வைப்பது, கிராமத்தினரைச் சித்திரவதை செய்து கொல்வது என வெறிச்செயல்களில் ஈடுபட்டு வருகின்றனர். நிலைமையைச் சமாளிக்க முடியாமல் பாதுகாப்புப் படை திணறி வருவதால் கூடுதலாக 2000 மத்திய ஆயுதக் காவல் படையினரை மணிப்பூருக்கு அனுப்ப மத்திய அரசு உத்தரவிட்டுள்ளது. இதுவரை 11 கிளர்ச்சியாளர்களைப் பாதுகாப்பு [படை கொன்றுள்ளது.

கடந்த திங்களன்று ஜிர்பாம் பகுதியில் இரண்டு முதியவர்கள் உயிருடன் தீ வைத்து எரிக்கப்பட்டனர். மூன்று குழந்தைகள் உட்பட 6 பேர் காணாமல் போயினர். முன்னதாக ஜிர்பாமில் பகுதியில் குகி-ஜோ சமூகத்துடன் தொடர்புடைய மார் பழங்குடி சமூகத்தினர் அதிகம் வசிக்கும் அரமாய் தெங்கோல் பகுதியில் கடந்த நவம்பர் 7 ஆம் தேதி கிளர்ச்சியாளர்கள் புகுந்து அங்கிருந்த வீடுகளை தீ வைத்து எரித்தனர்.

ஆசிரியை 

இந்த வன்முறைக்குப் பின்னர் அன்றைய இரவு மார் சமூக பெண்ணான ஜொசாங்கிம் (வயது 31) என்பவரின் உடல் நேற்றிரவு கண்டெடுக்கப்பட்டது. டியூ ஆங்கில ஜூனியர் உயர்நிலை பள்ளியில் ஆசிரியையாக பணியாற்றி வந்திருக்கிறார். இவருக்கு 3 குழந்தைகள் உள்ளனர்.

வீட்டுக்குள் ஆயுதங்களுடன் வந்த மெய்தி கிளர்ச்சிக்குழுவை சேர்ந்த சிலர் தன்னுடைய மனைவியை பாலியல் பலாத்காரம் செய்து நள்ளிரவு 9 மணியளவில் உயிருடன் தீ வைத்து கொளுத்தி விட்டு வீட்டில் இருந்த பொருட்களை கொள்ளையடித்ததாக ஆசிரியையின் கணவர் போலீசில் புகார் அளித்திருந்தார். 

பயங்கரவாத குழுவை சேர்ந்த சிலர், அவருடைய மனைவியை பாலியல் பலாத்காரம் செய்து, நேற்றிரவு 9 மணியளவில் உயிருடன் தீ வைத்து கொளுத்தி விட்டனர். அவர்களுடைய வீட்டில் வைத்து நடந்த இந்த சம்பவத்திற்குப் பின்னர், அந்த குழுவினர், வீட்டில் இருந்த பொருட்களைக் கொள்ளையடித்து விட்டு, தீ வைத்து கொளுத்தி விட்டு சென்றது என எப்.ஐ.ஆரில் தெரிவித்து உள்ளார். மர்ம கும்பல், வீட்டுக்கு தீ வைத்து தப்பி செல்லும் வீடியோவும் இணையத்தில் பரவியது.

இந்நிலையில் உயிரிழந்த ஆசிரியையின் பிரேத பரிசோதனை அறிக்கையின்மூலம் உறைய வைக்கும் உண்மைகள் வெளிவந்துள்ளன. அவரின் உடல் அசாமில் உள்ள சில்சார் [Silchar] மருத்துவக்கல்லூரி மருத்துவமனையில் வைத்து பிரேத பரிசோதனைக்கு உட்படுத்தப்பட்டது.

 போஸ்ட் மார்ட்டம் 

அதன்படி ஆசிரியையும் உடலில் 99 சதவீதம் தீக்காயங்கள் இருந்தன. எலும்பு பகுதிகள் எரிந்தும்,உடைந்தும், முகத்தின் ஒரு பகுதியும் சில பகுதிகள் தொலைந்தும் உள்ளது. கையின் மேல் வலது மூட்டு மற்றும் கீழ் மூட்டு காணாமல் போயுள்ளது. அவரது மண்டை ஓடு கடுமையாக எரிந்தும் உடைந்து நொறுங்கி தனியாக பிரிந்த நிலையிலும் காணப்பட்டுள்ளது.

கழுத்து திசுக்கள் கருகியுள்ளன. அவர் சித்திரவதை செய்யப்பட்டதற்கு சாட்சியாக வலது தொடையின் பின்புறத்தில் 1 cm x 0.75 cm அளவில் தொடங்கும் துளைவலது தொடையின் மேல்பகுதி வழியாக 2 cm x 1 cm அளவில் திறந்து முடிகிறது.

இடது தொடையில் இறக்கப்பட்ட 5 cm நீளமான இரும்பு ஆணி கண்டெடுக்கப்பட்டுள்ளது. மூன்றாம் டிகிரி தீ காயங்கள் அதிர்ச்சியில் அவரது உயிர் பிரிந்துள்ளது. உடல் எரிந்தும் சில பாகங்கள் தொலைந்தும் உள்ளதால் ஆசிரியை பாலியல் வன்கொடுமை செய்யப்பட்டாரா என்பதை உறுதிப்படுத்த முடியவில்லை

அமெரிக்காவில் வரும் நவம்பர் 5 ஆம் தேதி அதிபர் தேர்தல் வாக்குப்பதிவு நடைபெறுகிறது.ஆளும் ஜனநாயக கட்சி சார்பில் கமலா ஹாரிசும் குடியரசுக் கட்சி சார்பில் டோன்லடு டிரம்ப்பும் களத்தில் உள்ளனர். இந்நிலையில் சிறப்புரிமை மூலம் தபால் ஓட்டு உள்ளிட்ட, முன்கூட்டியே வாக்களிக்கும் நடைமுறைகளின்படி ஏற்கனவே கணிசமான அளவு வாக்குகள் பதிவாகி வருகின்றன. அதன்படி அதிபர் ஜோ பைடனும் தனது வாக்கினை செலுத்தினார்.

இந்நிலையில் வாக்குகளுடன் கூடிய வாக்குப் பெட்டிகள் மர்ம நபர்களால் எரிக்கப்பட்ட சம்பவம் பரபரப்பை ஏற்படுத்தி உள்ளது. ஒரேகான் மாகாணத்தில் உள்ள போர்ட்லாண்ட் பகுதியில் உள்ள 2 வாக்குப் பெட்டிகளுக்கு தீவைக்கப்பட்டுள்ளது. இதைத்தொடர்ந்து தலைநகர் வாஷிங்க்டன் மாகாணத்தில் உள்ள வான்கூவர் பகுதியில் அமைக்கப்பட்டிருந்த வாக்குப் பெட்டிகளுக்கும் தீ வைக்கப்பட்டுள்ளது.

இரு சம்பவங்களிலும் தீயணைத்துப்புத்துறை துரிதமாக செயல்பட்டு தீயை அனைத்தது. இருப்பினும் உள்ளே இருந்த நூற்றுக்கணக்கான வாக்குச்சீட்டுகள் தீயில் புகைந்து சேதமடைந்தன. இதனால் சொற்ப வாக்குச்சீட்டுகளை மட்டுமே சேதமின்றி மீட்க முடிந்ததது.

இதனையடுத்து இந்த சம்பவங்கள் குறித்து எப்.பி.ஐ. விசாரித்து வருகிறது. இரண்டு சம்பவங்களும் ஒரே மாதிரியாக நடந்துள்ளதால் இதை செய்தது ஒரே கும்பலா என்ற கோணத்தில் விசாரணை தொடங்கியுள்ளது. இதற்கிடையே செலுத்தப்பட்ட வாக்குகளை மீண்டும் உறுதி செய்ய நடவடிக்கை எடுக்கப்படும் என்று அதிகாரிகள் தெரிவித்துள்ளனர். மேலும் தேர்தல் நேர வன்முறை கண்டிக்கத்தக்கது என்றும் அரசு சார்வில் தெரிவிக்கப்பட்டுள்ளது.

ஆந்திராவின் கர்னூல் அருகே தேவரக்கட்டு பகுதியில் ஆண்டுதோறும் நடக்கும் பன்னி திருவிழாவின் முக்கிய அம்சமான சண்டையிடும் சடங்கில், இந்தாண்டு 70 பேர் மண்டை உடைந்து மருத்துவமனையில் அனுமதிக்க பட்டுள்ளனர்.

தசரா பண்டிகையையொட்டி பல ஆண்டுகளாக இந்த திருவிழா நடைபெற்று வருகிறது. தேவரகட்டு மலையில் மலைமல்லேஸ்வர சுவாமி கோவில் உள்ளது. வழக்கம் போல் தசரா தினத்தன்று நள்ளிரவு 12 மணிக்கு மாளம்மா, மல்லேஸ்வர சுவாமிக்கு கல்யாணம் நடந்தது. அதன்பின், மலையின் சுற்றுவட்டாரப் பகுதியில் சிலைகள் ஊர்வலமாகச் சென்றன. இந்த உற்சவ சிலைகளை பெறுவதற்காக 5 கிராம மக்கள் ஒரு குழுவாகவும், மற்ற 3 கிராம மக்கள் மற்றொரு குழுவாகவும் சேர்ந்து சண்டையிடுவர்.

பல கிராமத்தினர் குழுவாக பிரிந்து சண்டையிட்டு கொள்ளும் இந்த சடங்கை பாதுகாப்பாக நடத்துவதற்கு 800 போலீசார் குவிக்கப்பட்டிருந்தனர். ஆனால் போலீசாரின் கட்டுப்பாட்டையும் மீறி அந்த திருவிழாவில் வன்முறை வெடித்தது. அப்போது இரு பிரிவினருக்கு இடையே நடந்த அதிகார மோதலில் காயமடைந்தவர்கள் மருத்துவமனையில் சிகிச்சை பெற்று வருகின்றனர்.

அமெரிக்காவில் தலைவிரித்தாடும் துப்பாக்கி கலாச்சாரம் கொத்து கொத்தாக மக்களின் உயிர்களைப் பறித்து வரும் நிலையில் தற்போது மேலும் ஒரு துயர சம்பவம் நிகழ்ந்துள்ளது. அலபாமா மாகாணத்தில் இன்று நடத்த துப்பாக்கிச்சூட்டில் 4 பேர் உயிரிழந்தனர். மேலும் டசன் கணக்கான மக்கள் படுகாயமடைந்து மருத்துவமனையில் சிகிச்சை பெற்று வருகின்றனர்.

ஆயுதமேந்திய மர்ம நபர்கள் நேற்று இரவு 11 மணியளவில்  பிரம்பிங்கம் [Birmingham] மாவட்டத்தில் உள்ள பைவ் பாயிண்ட்ஸ் [Five Points] பகுதியில் துப்பாக்கிச்சூடு நடத்தியுள்ளனர். தகவல் அறிந்து சம்பவ இடத்துக்கு வந்த போலீசார் நடைபாதையில் குண்டடிபட்டு மயக்கமாகக் கிடந்த இரண்டு ஆண்கள் மற்றும் பெண்ணை பார்த்துள்ளனர். மூவரும் சம்பவ இடத்திலேயே உயிரிழந்ததாக உறுதிசெய்யப்பட்டுள்ளது. மேலும் குண்டடிபட்ட மற்றொரு நபர் உள்ளூர் மருத்துவமனையில் சிகிச்சை பலனின்றி உயிரிழந்தார். துப்பாக்கிச்சூடு நடத்தியவர்களை தேடும் பணியில் போலீஸ் தீவிரம் காட்டி வருகிறது.

அமெரிக்காவில் இந்த வருடம் மட்டும் இதுபோன்ற 403 துப்பாக்கிச்சூடு சம்பவங்கள் [mass shootings] பதிவு செய்யப்பட்டுள்ளன. இந்த வன்முறைகளில் இந்த ஒரே வருடத்தில் சுமார் 12,416 பேர் உயிரிழந்துள்ளதாக கன் வயலன்ஸ் ஆர்கைவ் [GVA] என்ற அமைப்பின் புள்ளிவிவரங்கள் உறுதிப்படுத்தியுள்ளன.

 மணிப்பூருக்காக 1 நொடி கூட மோடி செலவிடவில்லை.. மன்னிக்கவே முடியாத தோல்வி - கார்கே காட்டம்

மணிப்பூரில் பழங்குடி அந்தஸ்து தொடர்பாக மெய்தி மற்றும் குக்கி இனக்குழு மகக்ளுடையிலான மோதல் கலவரமாக வெடித்து 220 க்கும் மேற்பட்டவர்கள் உயிரிழந்தனர். கடந்த ஆண்டு மே மாதம் தொடங்கிய வன்முறை 16 மாதங்கள் ஆகியும் இன்னும் கட்டுப்படுத்தமுடியாமல் இருந்து வருகிறது.

இதுவரை எந்த தீர்வும் காணப்படாமல் இன்றளவும் கலவரங்கள் தொடர்ந்து வருகின்றன. சுமார் 70,000 மக்கள் தங்கள் வீடுகளை விட்டு முகாம்களில் வாழ்ந்து வருகின்றனர். இரு சமூகத்தைச் சேர்ந்த ஆயுதமேந்திய கிளர்ச்சியாளர்கள் மாறி மாறி தாக்குதல்களில் ஈடுபட்டு வருகின்றனர். தலைநகர் இம்பாலில் ஆளுநர் மாளிகையி முற்றுகை இட்டு மாணவர்கள் போராட்டம் நடத்தி வருகின்றனர். மீண்டும் மணிப்பூரில் பதற்றமான சூழல் உருவாகியுள்ள நிலையில் பிரதமர் மோடியை காங்கிரஸ் தலைவர் மல்லிகார்ஜுன கார்கே கடுமையாக விமர்சித்துள்ளார்.

இதுகுறித்து அவர் வெளியிட்டுள்ள எக்ஸ் பதிவில்,

கடந்த 16 மாதங்களில் மோடி மணிப்பூருக்கு 1 நொடி கூட செலவிடவில்லை. இன்னும் வன்முறை கட்டுப்படாத முடியாத அளவுக்கு உள்ளது. இவை அனைத்தும் மணிப்பூர் விஷயத்தில் மோடியின் படுதோல்வியையே காட்டுகிறது. மோடியின் மோசமான தோல்வி என்பது மன்னிக்கவே முடியாதது.

மணிப்பூர் முதல்வர் உடனடியாக பதவி நீக்கம் செய்யப்பட வேண்டும். மணிப்பூரில் பாதுகாப்புச் சூழலுக்கு மத்திய அரசு முழு பொறுப்பேற்ப வேண்டும். மணிப்பூர் வன்முறையை விசாரிக்கும் சிபிஐ, என்ஐஏ மற்றும் பிற அமைப்புகளை மோடி அரசு தவறாகப் பயன்படுத்தக்கூடாது.

உள்துறை அமைச்சர் அமித் ஷாவும் மணிப்பூரில் பாதுகாப்பை உறுதிப்படுத்தத் தவறியுள்ளார். மணிப்பூரைத் தவிர மற்ற மாநிலங்களின் தேர்தல் பேரணிகளில் கலந்துகொண்டு அரசியல் செய்வதில் மோடி மும்முரமாக இருக்கிறார். எங்கள் மாநிலத்தில் நிலவும் வன்முறையை நிறுத்த பிரதமர் மோடி ஏன் விரும்பவில்லை? என்பதே மணிப்பூர் மக்களின் கேள்வியாக உள்ளது என்று தெரிவித்துள்ளார். 

மணிப்பூரில் பழங்குடி அந்தஸ்து தொடர்பாக மெய்தி மற்றும் குக்கி இனக்குழு மக்ளுடையிலான மோதல் கலவரமாக வெடித்து 220 க்கும் மேற்பட்டவர்கள் உயிரிழந்தனர். கடந்த வருடம் முதல் நடந்து வரும் இந்த கலவரத்தில் இரண்டு குக்கி சமூகப் பெண்கள் நிர்வாணமாக ஊர்வலம் அழைத்து செல்லப்பட்ட வீடியோ வெளியாகி அதிர்ச்சியை ஏற்படுத்தியது. கடந்த ஆண்டு மே மாதம் தொடங்கிய வன்முறை 16 மாதங்கள் ஆகியும் இன்னும் கட்டுப்படுத்தமுடியாமல் இருந்து வருகிறது.

இதுவரை எந்த தீர்வும் காணப்படாமல் இன்றளவும் கலவரங்கள் தொடர்ந்து வருகின்றன. சுமார் 70,000 மக்கள் தங்கள் வீடுகளை விட்டு முகாம்களில் வாழ்ந்து வருகின்றனர். இரு சமூகத்தைச் சேர்ந்த ஆயுதமேந்திய கிளர்ச்சியாளர்கள் மாறி மாறி தாக்குதல்களில் ஈடுபட்டு வருகின்றனர். இந்நிலையில் இந்த தாக்குதல்களைக் கட்டுப்படுத்தக் கோரி தலைநகர் இம்பாலில் ஆளுநர் மாளிகையை முற்றுகையிட அனைத்து மாணவர் அமைப்பை சேர்ந்த பள்ளிகள் கல்லூரிகள் மற்றும் பல்கலைக்கழகங்களமாணவர்கள் பேரணி மேற்கொண்டனர்.

அப்போது சிஆர்பிஎப் வீரர்களின் கான்வாய் வாகனத்தின் மீது மாணவர்கள் தாக்குதல் நடத்தியதால் பரபரப்பு ஏற்பட்டது. கான்வாய் வானத்தின் மீது கற்களை வீசி சிஆர்பிஎப் வீரர்களை மாணவர்கள் விரட்டிய வீடியோ வெளியாகி உள்ள நிலையில் ஆளுநர் மாளிகை முன் நூற்றுக்கணக்கான மாணவர்கள் குவிந்துள்ளதால் தலைநகரில் பதற்றமான சூழல் நிலவுகிறது. மணிப்பூர் முதல்வர் பதவி விலக வேண்டும்  உள்ளிட்ட கோஷத்தை  அவர்கள் எழுப்பி வருகின்றனர்.முன்னதாக வங்கதேசத்தில் ஆட்சியிலிருந்த ஷேக் ஹசீனா அரசை கண்டித்து அந்நாட்டின் மாணவர்கள் நடத்திய போராட்டம் உலக அளவில் அதிர்வலையை ஏற்படுத்தியது குறிப்பிடத்தக்கது.