நீங்கள் தேடியது "5 shops"

கருப்பூர்:

சேலம் மாநகரம் கருப்பூர் போலீஸ் நிலைய எல்லைக்குட்பட்ட தண்ணீர் தொட்டி பஸ் நிறுத்தம், டோல்கேட் பகுதியில் மளிகை கடைகள், மெடிக்கல் ஷாப், எலக்ட்ரானிக்ஸ் கடை, ஹார்டுவேர் கடைகள் உள்ளன. இதில் 5 கடைகளில் நள்ளிரவில் கொள்ளை நடந்துள்ளது.

பணம்-பொருட்கள் திருட்டு

கடைகளின் பூட்டை உடைத்து புகுந்த மர்ம ஆசாமிகள் கடைகளில் இருந்த ரூ.20 ஆயிரம் பணம் திருடப்பட்டிருந்தது மற்றும் மளிகை பொருட்கள், செல்போன்கள் ஆகியவற்றை திருடி சென்றுள்ளனர்.

இன்று காலை வழக்கம் போல் கடைகளை திறப்பதற்கு வந்த ஊழியர்கள் கடையின் பூட்டு உடைக்கப்பட்டுள்ளது பார்த்து அதிர்ச்சி அடைந்தனர்.

சி.சி.டி.வி. காமிராக்கள் காட்சி ஆய்வு

இதுபற்றிய தகவலின் பேரில் கருப்பூர் போலீசார் சம்பவ இடத்திற்குச் சென்று விசாரணை செய்தனர். தடயவியல் நிபுணர்களும் வந்து தடயங்களை சேகரித்தனர்.

தொடர்ந்து போலீசார் அப்பகுதிகளில் கடையில் வைக்கப்பட்டுள்ள சி.சி.டி.வி. காமிராக்களில் பதிவான காட்சிகளை ஆய்வு செய்து வருகின்றனர். கடந்த 3 மாதங்களாக கருப்பூர் சுற்று பகுதிகளில் கொள்ளை சம்பவங்கள் நடந்த வண்ணம் உள்ளன.

இதுவரை 63 பவுன் நகை, பணம் திருடு போய் உள்ளன. போலீசார் குற்றவாளிகளை கண்டுபிடிக்க முடியாமல் போலீசார் திணறி வருகின்றனர்.

இந்த கொள்ளை சம்பவம் அப்பகுதியில் பெரும் பரபரப்பை ஏற்படுத்தி உள்ளது.

சென்னிமலை:

சென்னிமலை பகுதியில் உள்ள ஓட்டல்,பேக்கரி, பழ முதிர் நிலையங்கள், பேன்சி ஸ்டோர்ஸ், மளிகை கடைகளில் தடை செய்யப்பட்ட பிளாஸ்டிக் பைகள், புகையிலை பொருட்கள் விற்பனை செய்யப்படுகிறதா என சென்னிமலை வட்டார உணவு பாதுகாப்பு அலுவலர் நீலமேகம் திடீர் ஆய்வு செய்தார்.

ஆய்வில் அரசால் தடை செய்யப்பட்ட பிளாஸ்டிக் பைகள், பிளாஸ்டிக் கவர்கள் பறிமுதல் செய்தனர். மேலும் தடை செய்யப்பட்ட பிளாஸ்டிக் விற்பனை செய்த பேன்சி ஸ்டோர், பழமுதிர் நிலையம், உணவகங்களுக்கு தலா ரூ.2,000 வீதம் 5 கடைகளுக்கு அபராதம் விதித்து நோட்டீஸ் வழங்கினர்.

மேலும் பாஸ்ட் புட் கடையில் சில்லி சிக்கன், மீன் சில்லிக்கு அதிகமாக கலர் பயன்படுத்தியதற்காக ரூபாய் 1,000 அபராதம் விதித்தனர்.

இந்த அபராத தொகையை ஆன்லைன் மூலமாகவோ அல்லது ஸ்டேட் பேங்க் மூலமாகவோ செலுத்த வேண்டும் என நோட்டீஸ் அளித்தனர்.

மேலும் இது போன்று தடை செய்யப்பட்ட பிளாஸ்டிக் கேரி பேக், பிளாஸ்டிக் கவர்கள் பயன்படுத்தக் கூடாது எனவும், பார்சல் கொடுப்பதற்கும் உண்பதற்கும் வாழை இலை மட்டுமே பயன்படுத்த வேண்டும் எனவும், பாலித்தீன் பைகளுக்கு பதிலாக துணி பைகளை பயன்படுத்தப்பட வேண்டும், சூடான சாம்பார் ரசம் போன்ற குழம்புகளை சில்வர் கவர் அல்லது அலுமினியம் பாயில் கவரில் கட்டி கொடுக்க வேண்டும் என உணவகங்களுக்கு அறிவுரை வழங்கினார்.

மேலும் மளிகை கடைகள், பழமுதிர் நிலையங்கள் போன்ற அனைத்து கடைகளிலும் தடை செய்யப்பட்ட பாலித்தீன் பைகள் விற்பனை செய்யக்கூடாது எனவும் பொது மக்களுக்கு உணவுப் பொருட்களை போட்டுக் கொடுக்கக் கூடாது எனவும் தடை செய்யப்பட்ட புகையிலை பொருட்களை விற்பனை செய்யக்கூடாது எனவும் அறிவுறுத்தினார்.

இது போன்று சென்னிமலை ஒன்றியத்திற்குட்பட்ட அனைத்து பகுதிகளிலும் தொடர்ந்து திடீர் ஆய்வு மேற்கொள்ளப்படும் என தெரிவித்தார்.

பரமத்தி வேலூர்:

நாமக்கல் மாவட்டம் பரமத்தி வேலூர் பகுதி களில் கடந்த 3 தினங்களுக்கு முன்பு சுமார் 4 வீடுகளில் புகுந்து பீரோவை உடைத்து பீரோவில் இருந்த நகைகள்,பணம், வெள்ளிப் பாத்திரங்களை மர்மநபர்கள் கொள்ளையடித்தனர்.

இந்த பரபரப்பு அடங்கும் முன் மர்மநபர்கள் மீண்டும் 5 கடைகளில் கைவரிைச காட்டி உள்ளனர். நேற்று நள்ளிரவு சுமார் 2 மணி அளவில் ேஜடர்பாளையம் கொத்தமங்கலத்தில் உள்ள ஒரு கடையிலும், ஆனங்கூர் மெயின் ரோட்டில் உள்ள 2 மளிகை கடைகளின் ஷட்டரின் பூட்டை உடைத்து ஒரு மளிகை கடையில் ரூ. 10 ஆயிரத்தையும் மற்றொரு மளிகை கடையில் இருந்த பொருட்களையும் மர்ம நபர்கள் அள்ளிக் கொண்டு சென்று விட்டனர். அதேபோல் பிலிக்கல் பாளையத்தில் உள்ள 2 கடைகளில் பூட்டை உடைத்து உள்ளே புகுந்து கடையில் இருந்த பணம் மற்றும் பொருட்களை அள்ளிச் சென்று விட்டனர்.

இது குறித்து கடை உரிமையாளர்கள் கொடுத்த புகாரின்பேரில் ஜேடர் பாளையம் போலீசார் வழக்கு பதிவு செய்து 5 கடைகளில் பூட்டை உடைத்து கொள்ைளயடித்த மர்ம நபர்கள் குறித்து தீவிர விசாரணை நடத்தி வருகின்றனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.