என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "Deve Gowda"
கர்நாடக மாநிலம் சிக்மகளூரு மாவட்டம் கடூர் தாலுகா எகட்டி கிராமத்தில் முன்னாள் எம்.எல்.ஏ.வும், ஜனதா தளம்(எஸ்) கட்சி மூத்த தலைவருமான ஒய்.எஸ்.வி.தத்தாவின் மனைவியின் நினைவு நாளில் கலந்துகொள்வதற்காக ஜனதா தளம்(எஸ்) கட்சி தேசிய தலைவர் தேவேகவுடா எகட்டி கிராமத்துக்கு நேற்றுவந்தார்.
உள்ளாட்சி தேர்தலில் ஜனதா தளம்(எஸ்) கட்சிக்கு வாக்களித்த மக்களுக்கு என்னுடைய நன்றியை தெரிவித்து கொள்கிறேன். மாநிலத்தில் உள்ளாட்சி தேர்தல் சில மாவட்டங்களில் மட்டும் தான் நடந்துள்ளது. இதில் பெரும்பாலான பகுதிகளில் எந்த கட்சிக்கும் தனி மெஜாரிட்டி கிடைக்கவில்லை. மெஜாரிட்டி கிடைக்காத பகுதிகளில் காங்கிரஸ்-ஜனதா தளம்(எஸ்) கட்சிகள் கூட்டணி அமைக்கும். பா.ஜனதாவுடன் கூட்டணி என்ற பேச்சுக்கே இடமில்லை. நாங்கள், பா.ஜனதா தவிர வேறு எந்த கட்சியுடன் வேண்டுமானாலும் கூட்டணி வைத்து கொள்வோம்.
கர்நாடகத்தில் தற்போது நடந்த நகர உள்ளாட்சி தேர்தல் முடிவுகள், அடுத்த ஆண்டு (2019) நடக்கும் பாராளுமன்ற தேர்தலுக்கு முன்னோட்டமாக அமையும் என்று சிலர் கூறுகிறார்கள். இந்த தேர்தல் முடிவுகளை பாராளுமன்ற தேர்தலுக்கு முன்னோட்டமாக எடுத்துக் கொள்ள முடியாது.
இவ்வாறு அவர் கூறினார். #DeveGowda
முன்னாள் பிரதமர் தேவேகவுடாவை பெங்களூரு பத்மநாபநகரில் உள்ள இல்லத்தில் இந்தியாவுக்கான இங்கிலாந்து தூதரக அதிகாரிகள் நேரில் சந்தித்து பேசினர். இந்த சந்திப்புக்கு பிறகு தேவேகவுடா நிருபர்களுக்கு அளித்த பேட்டியில் கூறியதாவது:-
கர்நாடகத்தில் கூட்டணி ஆட்சி கவிழ்ந்துவிடும் என்று பத்திரிகைகளில் செய்திகள் வெளியாகியுள்ளன. அது தொடர்பாக இங்கிலாந்து தூதரக அதிகாரிகள் என்னை சந்தித்து விவாதித்தனர். அரசியல் நிலவரம் குறித்து அவர்கள் என்னிடம் இருந்து சில தகவல்களை பெற்று சென்றனர். சித்தராமையா தலைமையில் பெங்களூருவில் இன்று (அதாவது நேற்று) நடக்கும் ஒருங்கிணைப்பு குழு கூட்டத்தில் அனைத்து விஷயங்களும் விவாதிக்கப்படும்.
காங்கிரஸ் மற்றும் ஜனதா தளம்(எஸ்) கட்சிகள் தற்போதைய சூழ்நிலையில் பா.ஜனதாவுடன் செல்ல தயாராக இல்லை. அதனால் குமாரசாமி தலைமையிலான கூட்டணி ஆட்சியில் எந்த குழப்பமும் இல்லை. தரம்சிங் முதல்-மந்திரி ஆகும்போதே, அந்த பதவிக்கு மந்திரி ஆர்.வி.தேஷ்பாண்டேவின் பெயரும் அடிபட்டது.
அவருக்கு நல்ல அனுபவம் உள்ளது. அதனால் முதல்-மந்திரி பதவிக்கு தற்போது ஆர்.வி.தேஷ்பாண்டே பெயர் அடிபடுகிறது. இதில் என்ன தவறு உள்ளது?. ராமகிருஷ்ண ஹெக்டே மந்திரிசபையில் நானும், ஆர்.வி.தேஷ்பாண்டேவும் ஒன்றாக பணியாற்றினோம்.
இவ்வாறு தேவேகவுடா கூறினார். #DeveGowda #kumaraswamy
பெங்களூரு:
காங்கிரஸ் தலைவர் பி.எல்.சங்கர், நேரு பல்கலைக்கழக பேராசிரியர் வேலேரியன் ரோட்ரிக் ஆகியோர் எழுதிய இந்திய பாராளுமன்றம் என்ற ஆங்கில புத்தகத்தின் கன்னட மொழியாக்க புத்தகம் வெளியீட்டு விழா பெங்களூருவில் நடந்தது.
இதில் முன்னாள் பிரதமரும், மதசார்பற்ற ஜனதா தளத்தின் தலைவருமான தேவேகவுடா கலந்து கொண்டு பேசினார். அவர் கூறியதாவது:-
நேரு இருந்த காலம் வரை காங்கிரஸ் கட்சி தனிப்பெரும் அரசியல் அதிகாரம் பெற்ற கட்சியாக இருந்து வந்தது. 1960-ம் ஆண்டுகளில் மொழிவாரிய மாநிலம் பிரிக்கப்பட்டதற்கு பிறகு பிராந்திய கட்சிகள் வளர ஆரம்பித்தன.
அவற்றின் எழுச்சியாலும், ஜாதி ரீதியாக கட்சிகள் வளர்ச்சி பெற்றதாலும், காங்கிரஸ் கட்சி தனது செல்வாக்கை இழக்க தொடங்கியது. இது தொடர்ந்ததால் காங்கிரஸ் கட்சி பலவீனமான ஒன்றாக மாறிவிட்டது.
காங்கிரஸ் கட்சி வலுவாக இருந்த அந்த காலகட்டத்தில் பிரதமராக இருந்த நேரு வலுவான ஜனநாயக அடித் தளத்தை ஏற்படுத்தினார். ஆனால் இன்று ஆட்சியில் இருப்பவர்கள் நேரு நாட்டுக்கு என்ன செய்தார் என்று கேட்கும் நிலை ஏற்பட்டுள்ளது.
இன்றைய ஜனநாயக நடைமுறையில் யார் வேண்டுமானாலும் ஆட்சிக்கு வரலாம். ஆனால் ஜனநாயக அமைப்பை ஒருபோதும் மாற்ற முடியாது. ஜனநாயக நடைமுறைகள் என்பது ஒரு கட்சி பாராளுமன்றத்திலோ, சட்டசபையிலோ அதிக எண்ணிக்கையை கொண்டிருப்பதால் மட்டும் நடந்து விடாது. எதிர்க் கட்சிகள் அதில் முக்கிய பங்களிப்பு இருந்தால் தான் அது ஜனநாயகமாக இருக்க முடியும்.
இவ்வாறு தேவேகவுடா பேசினார்.
மதச்சார்பற்ற ஜனதா தளம் தலைவர் தேவேகவுடா பெங்களூரில் நேற்று பேட்டியளித்தார். அவர் கூறியதாவது:-
கர்நாடகாவில் விரைவில் உள்ளாட்சித் தேர்தல் நடைபெற உள்ளது. இந்த தேர்தலில் காங்கிரசுடன் கூட்டணி அமைப்பது பற்றி மாநில காங்கிரஸ் தலைவர் தினேஷ் குண்டுராவுடன் பேச்சு நடத்தினேன்.
உள்ளாட்சி தேர்தலில் கூட்டணி வைத்தால் இரு கட்சி தொண்டர்களிடமும் குழப்பம் ஏற்படும் நிலை உள்ளது. எனவே உள்ளாட்சி தேர்தலில் மதச்சார்பற்ற ஜனதா தளம் தனித்து போட்டியிடும்.
ஆட்சி செய்வதில் இரு கட்சிகளின் கூட்டணி நீடிக்கும். அதில் எந்தவித குழப்பமும் இல்லை. எனவே தனித்து போட்டியிடுவதால் ஆட்சிக்கு எந்த பிரச்சினையும் இல்லை.
நாங்கள் உள்ளாட்சி தேர்தலில் தனித்து போட்டியிடுவதை காங்கிரஸ் கட்சி புரிந்து கொள்ளும் என்று நம்புகிறேன். எனவே எங்கள் கூட்டணியில் எந்த பிளவும் ஏற்படாது.
உள்ளாட்சி தேர்தலுக்காக மட்டுமே இந்த முடிவு எடுக்கப்பட்டுள்ளது.
இவ்வாறு தேவேகவுடா கூறினார். #DeveGowda #JDS #Congress
கர்நாடக பா.ஜனதா தலைவர் எடியூரப்பா பெங்களூருவில் நிருபர்களுக்கு பேட்டி அளிக்கையில் கூறியதாவது:-
இதன் மூலம் தனி மாநில கோரிக்கைக்கான விஷ விதையை குமாரசாமியே விதைத்தார் என்பது தேவேகவுடாவுக்கு தெரியவில்லையா?. குமாரசாமி சென்னப்பட்டணாவில் பேசும்போது, சாதி மற்றும் பணத்திற்கு ஆசைப்பட்டு வாக்களித்தீர்கள் என்று பேசினார். இதன்மூலம் தனிமாநில கோரிக்கைக்காக வடகர்நாடக மக்களை தூண்டிவிட்டதே முதல்-மந்திரி தான் என்று சொன்னால் அது மிகையாகாது. இதுபற்றி தேவேகவுடாவுக்கு எதுவும் தெரியவில்லையா?.
வட கர்நாடகத்தில் இருந்து மாநில அரசுக்கு எவ்வளவு வருவாய் வருகிறது என்று குமாரசாமி பேசினார். அதுபற்றி தேவேகவுடா ஏன் எதுவும் பேசவில்லை. வட கர்நாடகத்தில் அமைதி குலைய குமாரசாமி தான் காரணம். அவருக்கு அறிவுரை கூறுவதை விட்டுவிட்டு தேவேகவுடா, என் மீது குறை கூறுவது சரியல்ல. தேவேகவுடா பொறுப்பு இல்லாமல் பேசுவதை கைவிட்டு கர்நாடகம் உடையாமல் இருக்க தனது மகனுக்கு அறிவுரை கூற வேண்டும்.
இவ்வாறு எடியூரப்பா கூறினார்.
கர்நாடகத்தில் காங்கிரஸ்-ஜனதா தளம்(எஸ்) கூட்டணி ஆட்சி அமைந்துள்ளது. முதல்-மந்திரியாக ஜனதாதளம் (எஸ்) கட்சியை சேர்ந்த குமாரசாமியும், துணை முதல்-மந்திரியாக காங்கிரஸ் கட்சியை சேர்ந்த பரமேஸ்வரும் பதவி ஏற்றுள்ளனர். வருகிற 5-ந்தேதி பட்ஜெட் தாக்கல் செய்ய குமாரசாமி முடிவு செய்துள்ளார். இதற்கு முன்னாள் முதல்-மந்திரி சித்தராமையா கடும் எதிர்ப்பு தெரிவித்து உள்ளார். இதுகுறித்து சித்தராமையா தனது ஆதரவாளர்களிடம் இந்த கூட்டணி ஆட்சி 5 ஆண்டுகள் நீடிக்காது என்று பேசிய வீடியோ வெளியாகி பெரும் பரபரப்பை ஏற்படுத்தியுள்ளது.
சித்தராமையாவின் இந்த கருத்துக்கு குமாரசாமி கடும் அதிருப்தியை வெளிப்படுத்தினார். இதனால் காங்கிரஸ்-ஜனதா தளம்(எஸ்) கூட்டணியில் விரிசல் ஏற்பட்டுள்ளதாக பரவலாக பேசப்பட்டது. இதற்கிடையே சித்தராமையாவின் செயல்பாட்டால் தேவேகவுடாவும் கடும் அதிருப்தி அடைந்துள்ளார். இதுகுறித்து தேவேகவுடா டெல்லியில் நிருபர்களுக்கு பேட்டி அளிக்கையில் கூறியதாவது:-
குமாரசாமி பதவி ஏற்பு விழாவில் தேசிய ஜனநாயக கூட்டணியில் இல்லாத 6 கட்சிகளின் தலைவர்கள் கலந்து கொண்டனர். அவர்கள் தங்களின் மாநிலங்களில் கூட்டாக நாடாளுமன்ற தேர்தலை சந்திக்க தேவை இல்லை. உத்தரபிரதேசத்தில் பகுஜன் சமாஜ் மற்றும் சமாஜ்வாதி கட்சிகள் தலா 40 இடங்களை பகிர்ந்து கொள்வது குறித்து இன்னும் பேச்சுவார்த்தை நடத்தி வருகிறது.
மேற்கு வங்காளத்தில் திரிணாமுல் காங்கிரஸ் மற்றும் காங்கிரஸ் கட்சிகள் கூட்டணி அமைத்து நாடாளுமன்ற தேர்தலை சந்திக்க முடிவு செய்துள்ளன. ஆனால் பிற மாநிலங்களை எடுத்துக் கொண்டால் கர்நாடகத்தில் காங்கிரஸ், ஜனதா தளம்(எஸ்) கூட்டணி அமைத்து தேர்தலை சந்திக்க முடிவு செய்துள்ளோம்.
சில சிறிய அளவிலான கருத்து வேறுபாடுகள் இருந்தாலும் கூட, தொகுதி பங்கீடு குறித்து இதுவரை நாங்கள் விவாதிக்கவில்லை. அகில இந்திய காங்கிரஸ் தலைவர் ராகுல் காந்தியும், குமாரசாமியும் பேசி இதை முடிவு செய்வார்கள். நானும் சில கட்சிகளின் தலைவர்களை சந்திக்க உள்ளேன். கர்நாடகத்தில் பகுஜன் சமாஜ் கட்சிக்கு ஒரு நாடாளுமன்ற தொகுதியை ஒதுக்க முடிவு செய்துள்ளோம்.
இதற்கு பதிலாக உத்தரபிரதேசத்தில் எங்கள் கட்சிக்கு ஒரு இடத்தை வழங்குமாறு பகுஜன் சமாஜ் கட்சியிடம் வலியுறுத்துவேன். கேரளாவில் ஒரு இடத்தை எல்.டி.எப். கூட்டணி எங்களுக்கு ஒதுக்கும். ஜனதா தளம்(எஸ்) கட்சியை காங்கிரஸ் குறைவாக மதிப்பிடக்கூடாது. மாநில கட்சிகளுக்கு காங்கிரஸ் உரிய மதிப்பளிக்க வேண்டும்.
இவ்வாறு தேவேகவுடா கூறினார். #siddaramaiah #devagowda
ஓசூர்:
கிருஷ்ணகிரி மாவட்டம் ஓசூர் அருகே உள்ள கனிமங்கலம் கிராமத்தில் புதிதாக கரகம்மா மற்றும் லகுமம்மா தேவி கோவில் அமைக்கப்பட்டுள்ளது. இதன் கும்பாபிஷேக விழா டைபெற்றது. இந்த விழா கணபதி ஹோமம், நவக்கிரக ஹோமம், யாகசாலை பூஜை, கலச ஸ்தாபனம் ஆகிய நிகழ்ச்சிகளுடன் தொடங்கியது.
விழாவின் முக்கிய நிகழ்ச்சியான சண்டி ஹோமம் மற்றும் சிறப்பு பூஜைகள் நடைபெற்றது. தொடர்ந்து கோபுர கலசத்திற்கு புனித நீர் ஊற்றி கும்பாபிஷேகம் நடந்தது. இந்த விழாவில், முன்னாள் பிரதமரும், ஜனதா தளம்(எஸ்) கட்சியின் தேசிய தலைவருமான தேவேகவுடா கலந்து கொண்டு சாமி தரிசனம் செய்தார். முன்னதாக அவருக்கு விழா கமிட்டி சார்பில் மேள, தாள முழக்கத்துடன் வரவேற்பு அளிக்கப்பட்டது. பின்னர் அவர் நிரூபர்களுக்கு பேட்டியளித்தார்.
தமிழகத்திற்கு காவிரி நீர் வழங்குவதில் எந்த சிக்கலும் இல்லை. நீதிமன்றம் குறிப்பிட்டதை விட, அதிக அளவில் தமிழகத்திற்கு தண்ணீர் திறந்து விடப்பட்டுள்ளது. அதற்கு கர்நாடகாவில் கனமழை பெய்து வருவதே காரணமாகும். மேலும் 177 டி.எம்.சி. தண்ணீர் வழங்குவதை கர்நாடகம் தடை செய்யாது. காவிரி விவகாரத்தில் எந்த பிரச்சினையும் இல்லை.
எங்கள் பகுதியில் (மண்டியா) 4 அணைகள் உள்ளன. இந்த அணைகளில் 10 நாட்களுக்கு ஒருமுறை, நீர்மட்டம் குறித்து ஆராய்ந்து முடிவெடுக்கும் உரிமை, ஆணையத்திடம் உள்ளது. நீர் இருப்பு குறித்து ஆராய்ந்து, என்ன மாதிரியான பயிர்களை நடவு செய்ய வேண்டும் என்று அவர்கள் விவசாயிகளுக்கு ஆலோசனை வழங்குவார்கள். அதன்படி விவசாயிகள் ஒத்துழைப்பு தந்து, பயிர்களை நடவு செய்ய வேண்டும்.
காவிரி விவகாரத்தில், நடிகர் கமல்ஹாசனின் நிலைப்பாடு மீண்டும் பேச்சுவார்த்தை என்பதாக இருப்பினும், இது இரு மாநில விவசாயிகளின் வாழ்வாதாரம் என்பதால், அனைத்து தரப்பும் விவாதித்து முடிவெடுக்க வேண்டும். கர்நாடக மாநிலத்தில் விவசாய முறையை மாற்றி அமைக்க வேண்டியுள்ளது. இது சம்பந்தமாக, கர்நாடக முதல் மந்திரி குமாரசாமி, பிரதமர் மோடி மற்றும் மத்திய நீர்வளத்துறை செயலாளரிடம் பேச்சுவார்த்தை நடத்தி வருகிறார்.
இவ்வாறு அவர் கூறினார்.
பேட்டியின்போது, தமிழக இளைஞர் நலம் மற்றும் விளையாட்டு மேம்பாட்டுத்துறை அமைச்சர் பாலகிருஷ்ணரெட்டி, ஓசூர் நகர அ.தி.மு.க. செயலாளர் எஸ்.நாராயணன் ஆகியோர் உடனிருந்தனர். தேவேகவுடாவின் வருகையையொட்டி, ஓசூர் துணை போலீஸ் சூப்பிரண்டு மீனாட்சி மேற்பார்வையில் போலீசார் பாதுகாப்பு பணியில் ஈடுபட்டிருந்தனர். #DeveGowda #Cauverywater
பெங்களூர்:
பிரதமர் மோடி சமீபத்தில் தான் உடற்பயிற்சி, யோகாசனம் செய்வது போன்ற வீடியோவை டுவிட்டரில் வெளியிட்டு கர்நாடக முதல்-மந்திரி குமாரசாமிக்கு பிட்னஸ் சவால் விடுத்தார்.
அதற்கு குமாரசாமி, நான் தினமும் உடற்பயிற்சி செய்கிறேன். எனது பிட்னசை விட கர்நாடகாவின் பிட்னஸ்தான் முக்கியம் என பதில் அளித்து இருந்தார். ஆனால் குமாரசாமி இது தொடர்பாக போட்டோ, வீடியோ எதுவும் வெளியிடவில்லை.
இந்த நிலையில் பிரதமர் மோடிக்கு சவால்விடும் வகையில் 86 வயதான தேவேகவுடா, தான் உடற்பயிற்சி செய்யும் புகைப்படங்களை வெளியிட்டுள்ளார். தேவேகவுடா பெங்களூரில் உள்ள தனது வீட்டில் ஜிம் அமைத்து தினமும் உடற்பயிற்சி, யோகாசனம், நடைபயிற்சி செய்து வருகிறார்.
அவருக்கு கார்த்திக் என்ற பயிற்சியாளர் உடற்பயிற்சி பயிற்றுனராக இருந்து உதவி வருகிறார்.
இதுபற்றி தேவேகவுடா கூறுகையில், “எனக்கு வயதாகி விட்டதால் இயல்பாகவே சில பிரச்சினைகள் வந்து விட்டன. அதை உடற்பயிற்சியினால் சரி செய்து வருகிறேன். சைவ உணவையே சாப்பிடுகிறேன். மது, புகைபழக்கம் கிடையாது. நீண்ட நாள் வாழ எனக்கு ஆசை இல்லை. உடலை ஆரோக்கியமாக வைத்துக் கொள்ளவே உடற்பயிற்சி செய்கிறேன்” என்றார்.
பயிற்சியாளர் கார்த்திக் கூறும்போது, “தேவேகவுடாவுக்கு 86 வயது. ஆனாலும், 40 வயதானவர்களுக்கு இணையாக ஆரோக்கியமாக உள்ளார்” என்றார். #devegowda #pmmodi
அப்போது முதல்-மந்திரியாக பதவி ஏற்க உள்ள குமாரசாமிக்கு சந்திரசேகரராவ் சால்வை அணிவித்து வாழ்த்து தெரிவித்தார். மேலும் கர்நாடகத்தில் ஜனதா தளம்(எஸ்)-காங்கிரஸ் கூட்டணி அரசு அமைவதற்கும் சந்திரசேகரராவ் வாழ்த்து தெரிவித்தார். பின்னர் சிறிது நேர உரையாடலுக்கு பிறகு அவர் ஐதராபாத் புறப்பட்டு சென்றார்.
பெங்களூரு:
கர்நாடகாவில் மதச்சார் பற்ற ஜனதா தளமும், காங்கிரசும் கூட்டணி அமைத்து ஆட்சி அமைக்கின்றன. குமரசாமி நாளை முதல்-மந்திரியாக பதவி ஏற்கிறார்.
இந்த விழாவில் கலந்து கொள்ளுமாறு பாரதிய ஜனதாவுக்கு எதிராக உள்ள அனைத்து கட்சிகளுக்கும் மதச்சார்பற்ற ஜனதாதளம் அழைப்பு விடுத்துள்ளது.
பாரதிய ஜனதாவுக்கு எதிராக எதிர்க்கட்சிகளை ஒருங்கிணைக்கும் வகையில் இந்த அழைப்பு விடுக்கப்பட்டிருப்பதாக பார்க்கப் படுகிறது.
இது சம்பந்தமாக மதச்சார்பற்ற ஜனதாதளம் கட்சி தலைவரும், முன்னாள் பிரதமருமான தேவேகவுடா அளித்த பேட்டி வருமாறு:-
கேள்வி: பதவி ஏற்பு விழாவிற்கு பாரதிய ஜனதாவுக்கு எதிரான அனைத்து கட்சிகளையும் அழைத்திருக்கிறீர்கள். குறிப்பாக பிராந்திய கட்சிகளுக்கு அழைப்பு விடுக்கப்பட்டுள்ளது. இதற்கு என்ன காரணம்?
பதில்: நாங்கள் விடுத்த அழைப்புக்கு பல்வேறு வகையில் விளக்கங்கள் வரலாம். நாங்கள் பாரதிய ஜனதாவுக்கு எதிரான அனைத்து கட்சிகளுக்கும் அழைப்பு விடுத்து இருக்கிறோம்.
இதில் சில கட்சிகள் காங்கிரசை கூட எதிர்க்கின்றன. எங்களுடைய பொது திட்டம் என்பது 2019 பாராளுமன்ற தேர்தலில் பாரதிய ஜனதாவை வெளியேற்ற வேண்டும் என்பதாகும். எனவே அவர்கள் அனைவரையும் ஒரே அணியில் திரட்ட வேண்டும் என்று நான் கருதுகிறேன்.
இது சாதாரண விஷயம் அல்ல. நாங்கள் ஒன்று சேர்வதன் மூலம் பாரதிய ஜனதாவுக்கு எதிரான சக்திகள் அனைத்தும் ஒரே அணியில் இருப்பதற்கான தகவலை தெரிவிக்கும்.
கே: பாரதிய ஜனதாவுக்கு எதிராக காங்கிரஸ் அல்லாத கூட்டணி அமைவதற்கு வாய்ப்பு இருக்கிறதா?
ப: தற்போது நாங்கள் கர்நாடகாவில் காங்கிரசுடன் கூட்டணி அமைத்துள்ளோம். பாரதிய ஜனதாவுக்கு எதிராக காங்கிரஸ் அல்லாத அணி அமைவது சாத்தியம் இல்லை. காங்கிரஸ் இந்த அணியில் இருப்பதுதான் ஒரே வழி.
காங்கிரஸ் அதிக இடங்களில் வெற்றி பெற்றால் அவர்கள் பல கட்சிகளுடன் சேர்ந்து ஆட்சி அமைக்கலாம். ஆனால் என்னை பொறுத்தவரை இந்த விவகாரங்களில் வேறு எதிலும் தலையிட விரும்ப வில்லை.
கே: காங்கிரஸ் உங்கள் கட்சிக்கு நிபந்தனையற்ற ஆதரவு வழங்கி இருப்பது ஆச்சரியத்தை அளிக்கிறது. இது எப்படி நடந்தது?
ப: தேர்தலின் போது காங்கிரஸ் என்னை கடுமையாக தாக்கியது. அதில் நான் வேதனை அடைந்தேன். தேர்தல் முடிவு வந்ததும் நாங்கள் எதிர்க்கட்சியாக இருப்பதற்கு தயாரானோம். அதே நேரத்தில் கடந்த ஒரு ஆண்டில் எனக்கும், எனது கட்சிக்கும் ஏற்பட்ட அவமதிப்புகளை மறந்து விட்டு நாட்டு நலனுக்காக ஒன்று சேர்ந்திருக்கிறோம்.
கே: கர்நாடக அரசியல் நாடகம் குறித்தும் சனிக் கிழமை சட்டசபை நிகழ்வுகள் குறித்தும் என்ன நினைக்கிறீர்கள்?
ப: இந்த விஷயத்தை பொருத்தவரை நீதி அமைப்புக்கு வெற்றி கிடைத்திருக்கிறது. சுப்ரீம் கோர்ட்டு ஜனநாயகத்தை காப்பாற்றி குதிரை பேரத்தை தடுத்து இருக்கிறது. இதன் மூலம் மக்களுக்கு நீதிமன்றம் மீது நம்பிக்கை ஏற்படுத்தப்பட்டுள்ளது. நள்ளிரவில் விசாரணை நடத்தி தீர்வு கண்டது நீதி அமைப்பின் வலுவை காட்டுகிறது.
கே: காங்கிரஸ் - மதச்சார் பற்ற ஜனதாதளம் கூட்டணி நீண்ட காலம் நீடிக்கும் என்று நம்புகிறீர்களா?
ப: பழைய காயங்களை இப்போது பார்ப்பது தேவையற்றது. நனோ, குமாரசாமியோ இதற்கு முந்தைய தவறுகளை இப்போது செய்யமாட்டோம். மதசார்பற்ற தன்மையை காப்பாற்ற வேண்டும் என்பதற்காகவும், நாட்டின் நலனுக்காகவும் நாங்கள் செயல்படுவோம்.
இவ்வாறு அவர் கூறினார். #Karnatakaassemblyelection #DeveGowda #BJP
பெங்களூர்:
காங்கிரஸ் கட்சி ஆதரவுடன் கர்நாடகா புதிய முதல்-மந்திரியாக குமாரசாமி வருகிற 23-ந்தேதி பதவி ஏற்கிறார்.
இந்த நிலையில் முன்னாள் பிரதமரும், மதச்சார்பற்ற ஜனதா தள தலைவரும், குமாரசாமியின் தந்தையுமான தேவேகவுடா ஆங்கில பத்திரிகை ஒன்றுக்கு அளித்த பேட்டியில் கூறியதாவது:-
எனது மகன் குமாரசாமி முதல்-மந்திரியாவது மிகுந்த மகிழ்ச்சி அளிக்கிறது. மதச்சார்பற்ற தன்மையுள்ள ஒரு ஆட்சியை உருவாக்க முடிந்தது எனக்கு நிம்மதியை தருகிறது. வகுப்பு வாத கட்சியை தடுத்து நிறுத்தக் கூடிய உறுப்பினர்களின் எண்ணிக்கையை பெற்று இருந்தது திருப்தி அளிக்கிறது. இதற்கு மாநில கட்சி உதவியாக இருந்தது.
எங்கள் கட்சிக்கு மெஜாரிட்டி கிடைக்காது என்று நாங்கள் எதிர்பார்த்ததுதான் எதிர்க்கட்சி வரிசையில் இருக்க தயாராக இருந்ததுதான். உண்மை. ஆனாலும் சூழல் வித்தியாசமாக அமைந்தது. மதச்சார்பற்ற அணிகள் ஒன்று இணையும் நிலை உருவானது. காங்கிரஸ் நிபந்தனையற்ற ஆதரவை எங்களுக்கு அளித்தது மகிழ்ச்சி அளித்தது.
2006-ம் ஆண்டு எனது மகன் பா.ஜனதாவுடன் இணைந்து ஆட்சி அமைத்தார். இதனால் அவர் எப்படி எல்லாம் பாதிக்கப்பட்டார் என்பதை அறிந்து இருந்தார். தற்போது பா.ஜனதாவுடன் கூட்டணி அமைக்க மாட்டோம் என்பதில் உறுதியாக இருந்தார். ஏற்கனவே செய்த தவறை மீண்டும் இந்த முறை செய்யமாட்டேன் என்று தெரிவித்தார். இதன் மூலம் தன் மீது இருந்த கறையை நீக்கி தற்போது சுத்தப்படுத்திக் கொண்டார்.
காங்கிரஸ்- மதச்சார்பற்ற ஜனதா தளம் இடையே இதற்கு முன்பு முழுமையான ஆட்சி அமையவில்லை. ஆனால் தற்போது அது மாதிரியான சூழ்நிலை இல்லை. தற்போது அமைய இருக்கும் புதிய அரசு 5 ஆண்டு காலம் பதவியில் இருக்கும் என்று நம்புகிறேன்.
காங்கிரஸ் மூத்த தலைவர்களில் ஒருவரான குலாம்நபி ஆசாத் 14-ந் தேதியே பெங்களூர் வந்துவிட்டார். 15-ந்தேதி ஓட்டு எண்ணிக்கையான போதே அவர் எங்களை தொடர்பு கொண்டு பேசினார். மதச்சார்பற்ற கட்சியான அவர்கள் முன்னேற்றம் காணும் வகையில் விவாதித்தனர். இதன் மூலம் பா.ஜனதாவின் திட்டத்தை முறியடிக்க முடிந்தது.
பெரும்பான்மை இல்லாமல் ஆட்சி அமைத்ததால் பா.ஜனதா பாடம் கற்றுக் கொள்ள வேண்டும் குதிரை பேரத்தை நம்பி ஆட்சி அமைத்து இருக்கக் கூடாது. நம்பர் இல்லாமல் பா.ஜனதாவின் கணக்கீட்டு முறை தவறானது.
எங்களது அடுத்த இலக்கு 2019 பாராளுமன்ற தேர்தலில் மதச்சார்பற்ற கட்சிகள் அனைத்தும் ஒன்று சேர வேண்டும். அதற்கான நேரம் இதுதான்.
பா.ஜனதாவுக்கு எதிராக மாநில கட்சிகள் அனைத்தும் ஒரே அணியில் திரள வேண்டும்.
இவ்வாறு தேவேகவுடா கூறியுள்ளார்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
