நீங்கள் தேடியது "France Protests"

பாரீஸ்:

பிரான்ஸ் தலைநகர் பாரீஸ், புறநகர் பகுதியான நான்டென் நகரில் கடந்த செவ்வாய்க்கிழமை போலீசார் துப்பாக்கியால் சுட்டதில் காரை ஓட்டி சென்ற நகேல் என்ற 17 வயது ஆப்பிரிக்க வம்சாவளியை சேர்ந்த சிறுவன் இறந்தான்.

போலீசாரின் இந்த நடவடிக்கையை கண்டித்து பொதுமக்கள் போராட்டத்தில் குதித்தனர். இதனால் பிரான்சில் பல நகரங்களில் வன்முறை சம்பவங்கள் நிகழ்ந்தன. கார்கள் மற்றும் வாகனங்கள் தீ வைத்து எரிக்கப்பட்டன. பள்ளிகள் மற்றும் அரசு கட்டிடங்கள், குப்பைத்தொட்டிகள் போன்றவை தீ வைக்கப்பட்டது.கடைகள் சூறையாடப்பட்டது. பாரீசில் உள்ள சாம்ப்ஸ் எலிசீஸ் பகுதியில் போராட்டக்காரர்கள் கார்களுக்கு தீ வைத்தல், கடைகளை அடித்து நொறுக்குதல் போன்ற செயல்களில் ஈடுபட்டனர்.

பிரான்ஸ் முழுவதும் 6-வது நாளாக இந்த கலவரம் நீடித்து வருகிறது. போராட்ட காரர்கள் கல்வீசி தாக்குதல் நடத்தியதில் 24 போலீசார் காயம் அடைந்தனர். வன்முறை சம்பவங்களில் ஈடுபட்டதாக இதுவரை 3 ஆயிரத்துக்கும் மேற்பட்டவர்கள் கைது செய்யப்பட்டு உள்ளனர்.

இந்த நிலையில் பாரீசில் உள்ள ஹேலெஸ் ரோச்சின் மேயர் வின்சென்ட் ஜீன்ப்ரூன் இல்லத்தில் போராட்டக்காரர்கள் நேற்று தாக்குதலில் ஈடுபட்டனர். தீப்பற்றி எரியும் காரை போராட்டக்காரர்கள் ஓட்டிச்சென்று மேயர் இல்லத்தில் மோத விட்டனர். இதில் மேயரின் மனைவி, மற்றும் அவரது குழந்தை காயம் அடைந்ததாக கூறப்படுகிறது. இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.,இது கோழைத்தனமான தாக்குதல் என மேயர் வின்சென்ட் ஜீன்ப்ரூன் தெரிவித்து உள்ளார்.

பிரான்சில் கலவரத்தை கட்டுக்குள் கொண்டு வர 45 ஆயிரத்துக்கும் மேற்பட்ட போலீசார் குவிக்கப்பட்டு உள்ளனர்.

பிரான்சில் 17 வயது சிறுவன் சுட்டுக்கொல்லப்பட்டதற்கு எதிர்ப்பு தெரிவித்து சுவிட்சர்லாந்து உள்ளிட்ட அண்டை நாடுகளிலும் போராட்டம் நடந்து வருகிறது. சுவிட்சர்லாந்து பகுதியில் 100-க்கும் மேற்பட்ட கும்பல் அங்கிருந்து கடைகளை சூறையாடினார்கள். இது பற்றி அறிந்ததும் போலீசார் அங்கு விரைந்து வந்து போராட்டக்காரர்களை விரட்டியடித்தனர். இந்த சம்பவம் தொடர்பாக 6 இளைஞர்களை கைது செய்து விசாரித்து வருகின்றனர்.

பிரான்ஸ் தலைநகர் பாரீஸ் நகரின் புறநகர் பகுதியை சேர்ந்த கருப்பின சிறுவன் சுட்டுக் கொல்லப்பட்டதை கண்டித்து போராட்டங்கள் வெடித்த நிலையில், பிரான்சின் முக்கிய நகரங்களில் வன்முறை பரவியது. கடந்த 5 நாட்களாக போராட்டக்காரர்கள் தொடர்ந்து பல்வேறு போராட்டங்களை நடத்தி வருகின்றனர்.

இந்நிலையில் சமூக வலை தளங்களில் பரவி வரும் ஒரு வீடியோவில் வன்முறைக்கு நடுவே ஒரு வாலிபர் 'சான்ட்விச்'-ஐ ருசித்து சாப்பிடுவது போன்று காட்சிகள் உள்ளது. அதில், பொது மக்களுக்கும், பாதுகாப்பு படையினருக்கும் பயங்கர மோதல் ஏற்பட்டு கொண்டிருக்கிறது. போலீசார் கண்ணீர் புகை குண்டுகளை வீசுகின்றனர். அப்போது எதை பற்றியும் கவலைபடாமல் ஒரு வாலிபர் தனியாக அமர்ந்து 'சான்ட்விச்'-ஐ ருசித்து சாப்பிட்டு கொண்டிருக்கிறார்.

இதை அங்கிருந்த ஒருவர் வீடியோ எடுத்து இணையத்தில் பதிவிட, அது வைரலாகியது. இதைப்பார்த்த இணைய பயனர்கள் தங்களது கருத்துக்களை பதிவிட்டு வருகிறார்கள்.

பிரான்சின் பாரிஸ் புறநகர்ப் பகுதியான நான்டெர்ரே நகரில் காரில் சென்ற 17 வயது இளைஞனை போலீசார் சுட்டுக்கொன்ற சம்பவம் பெரும் பதற்றத்தை ஏற்படுத்தி உள்ளது. போக்குவரத்து விதிகளை மீறி, போலீசாரின் உத்தரவை மீறி காரை இயக்க முயற்சித்ததால் துப்பாக்கி சூடு நடத்தப்பட்டதாக கூறப்பட்டுள்ளது. கொல்லப்பட்ட சிறுவனின் பெயர் நிஹெல் என தெரியவந்துள்ளது.

சிறுவன் கொல்லப்பட்டதைக் கண்டித்து நான்டெர்ரே நகரில் தொடங்கிய போராட்டம் நாடு முழுவதும் பரவியது. கடந்த 5 நாட்களாக நிகழ்ந்த இந்த போராட்டத்தின்போது, ஏராளமான வாகனங்கள், அரசு கட்டிடங்கள் தீ வைத்து எரிக்கப்பட்டுள்ளன. வன்முறையை ஒடுக்க பிரான்ஸ் அரசு தீவிர நடவடிக்கை எடுத்து வருகிறது. சில இடங்களில் போலீசார் மற்றும் போராட்டக்காரர்கள் இடையே மோதல் ஏற்பட்டது. முக்கிய நகரங்களில் 40 ஆயிரத்துக்கும் மேற்பட்ட போலீசார் மற்றும் ராணுவ வீரர்கள் பாதுகாப்புக்காக நிறுத்தப்பட்டு உள்ளனர். வன்முறை தொடர்பாக 2000க்கும் மேற்பட்டோர் கைது செய்யப்பட்டுள்ளனர்.

இந்நிலையில், போலீசார் நடத்திய துப்பாக்கிச்சூட்டில் கொல்லப்பட்ட நிஹலின் இறுதிச்சடங்கு நேற்று நடைபெற்றது. நிஹலின் உடல் நான்டெர்ரே நகரில் உள்ள இஸ்லாமிய மத வழிபாட்டு தலத்தில் வைக்கப்பட்டு தொழுகை செய்யப்பட்டது. பின்னர் உடல் ஊர்வலமாக எடுத்துச் செல்லப்பட்டு, நான்டெர்ரேயில் உள்ள ஒரு மலை உச்சியில் உள்ள கல்லறையில் அடக்கம் செய்யப்பட்டது. இதில், நிஹெலின் தாயார் மற்றும் ஏராளமான இளைஞர்கள் பங்கேற்று கண்ணீர்மல்க அஞ்சலி செலுத்தினர்.

ஊர்வலம் வந்தபோது நூற்றுக்கணக்கானோர் சாலையோரம் நின்று அஞ்சலி செலுத்தினர். கல்லறை பகுதியில் பத்திரிக்கையாளர்கள் தடை செய்யப்பட்டனர். சில பத்திரிகையாளர்கள் செல்ல முயன்றபோது காவல்துறையினர் அவர்களை வெளியேற்றினர்.

நிஹல் இறுதிச்சடங்கின் போது வன்முறை அதிகரிக்கலாம் என்பதால் போலீசார் அதிக அளவில் பாதுகாப்பு பணியில் ஈடுபடுத்தப்பட்டிருந்தனர். 

பாரீஸ் :

பிரான்ஸ் தலைநகர் பாரீசில் உள்ள நாந்த்ரே என்ற இடத்தில் போலீசார் வழக்கமான ரோந்து பணியில் ஈடுபட்டு இருந்தனர். அப்போது அங்குள்ள சாலையில் வாகனங்கள் நிறுத்தப்படுவதற்கான சிவப்பு நிற சிக்னல் போடப்பட்டிருந்தது.

ஆனால் அதனை பொருட்படுத்தாமல் அந்த வழியாக கார் ஒன்று வேகமாக சென்றது. காரை நிறுத்தும்படி போலீசார் கூறியும் அந்த கார் நிற்கவில்லை. இதனால் அந்த காரை நோக்கி போலீசார் துப்பாக்கியால் சுட்டனர். கார் டிரைவர் மீது துப்பாக்கி குண்டு பாய்ந்ததால் நிலை தடுமாறி ஓடிய கார் சற்று தள்ளி நின்றது.

இதனையடுத்து கார் அருகே சென்று பார்த்த பிறகு காரை ஓட்டி சென்றது ஆப்பிரிக்க நாட்டை சேர்ந்த 17 வயது சிறுவன் என்பதும், போலீசார் சுட்டதில் அவன் காரிலேயே உயிரிழந்ததும் தெரிய வந்தது.

இதற்கிடையே இந்த சம்பவம் குறித்த வீடியோ சமூக வலைதளத்தில் பரவி நாடு முழுவதும் அதிர்ச்சியை ஏற்படுத்தியது. இதனால் சிறுவன் கொல்லப்பட்ட நாந்த்ரே பகுதியில் பொதுமக்கள் போராட்டத்தில் குதித்தனர்.

பின்னர் இந்த போராட்டம் தலைநகர் பாரீஸ், நாந்த்ரே, துலூஸ், லில்லி உள்ளிட்ட நகரங்களுக்கும் பரவியது. அப்போது பல இடங்களில் போராட்டக்காரர்கள் வன்முறையில் ஈடுபட்டனர். அதன்படி போலீஸ் நிலையங்கள், பள்ளிக்கூடங்கள் போன்ற அரசுக்கு சொந்தமான பல கட்டிடங்கள் சேதப்படுத்தப்பட்டன.

மேலும் கார்கள், குப்பைத்தொட்டிகள் போன்றவை தீ வைத்து கொளுத்தப்பட்டன. இதனால் நாடு முழுவதும் போர்க்களம் போல காட்சி அளித்து வருகிறது.

இந்த வன்முறையின்போது போலீசாருக்கும், போராட்டக்காரர்களுக்கும் இடையே மோதல் நடைபெற்றது. அப்போது சரமாரியாக கற்களை எறிந்து தாக்கியதில் 24 போலீசார் படுகாயம் அடைந்தனர். இதனால் போராட்டக்காரர்கள் மீது கண்ணீர் புகை குண்டு வீசியும், தடியடி நடத்தியும் போலீசார் கலைத்தனர். மேலும் போராட்டத்தில் ஈடுபட்ட 150 பேர் கைது செய்யப்பட்டனர்.

இந்தநிலையில் தலைநகர் பாரீஸ், சம்பவம் நடந்த நாந்த்ரே உள்ளிட்ட முக்கிய நகரங்களில் ஆயிரக்கணக்கான ராணுவ வீரர்கள் குவிக்கப்பட்டு உள்ளனர். இதனால் அங்கு தொடர்ந்து பதற்றம் நீடித்து வருகிறது.

பிரான்சில் போக்குவரத்து போலீசார் கூறியும் காரை நிறுத்த தவறிய 17 வயது இளைஞனை போலீசார் சுட்டுக்கொன்ற சம்பவம் பெரும் பதற்றத்தை ஏற்படுத்தி உள்ளது. தலைநகர் பாரிசின் மெற்கு பகுதியில் உள்ள நான்டெர்ரே நகரில் இந்த சம்பவம் நடந்துள்ளது. போலீசாரின் இந்த செயலைக் கண்டித்து போராட்டம் வெடித்துள்ளது.

இது தொடர்பாக சமூக ஊடகங்களில் ஒரு வீடியோ பரவி வருகிறது. அதில், கார் ஓட்டுநரை நோக்கி போலீஸ் அதிகாரி ஒருவர் துப்பாக்கியால் குறிபார்ப்பது தெரிகிறது. துப்பாக்கி சூடு சத்தம் கேட்கிறது. அதன் பின்னர் அந்த கார் மோதி நிற்பதை வீடியோவில் காண முடிகிறது.

உடனடியாக ஆம்புலன்ஸ் வரவழைக்கப்பட்டு அந்த இளைஞனுக்கு அவசர கால சிகிச்சை அளிக்கப்பட்டது. எனினும், மார்பில் புல்லட் பாய்ந்திருந்ததால் சிறிது நேரத்தில் பலியானான். விசாரணையில் அவன் பெயர் நேல் எம் என தெரியவந்தது. அவனை சுட்டுக் கொன்றதாக குற்றம் சாட்டப்பட்ட அதிகாரியை பிடித்து விசாரித்து வருகின்றனர். அவர் மீது கொலை குற்றம் சுமத்தப்பட்டுள்ளது.

போலீஸ்காரர்களை காயப்படுத்தும் நோக்கத்துடன் நேல் எம் தனது காரை அவர்களை நோக்கி ஓட்டிச் சென்றதாக போலீஸ் தரப்பில் தெரிவித்துள்ளனர்.

ஆனால், இணையத்தில் பரவி வரும் காட்சிகள், அதற்கு நேர்மாறாக உள்ளன. அதில், இரண்டு அதிகாரிகள் வாகனத்தை நிறுத்த முயற்சிப்பதையும், ஒருவர் தனது ஆயுதத்தால் ஜன்னல் வழியாக டிரைவரை நோக்கிச் சுடுவதையும் காண முடிகிறது.

வீடியோவில் உள்ள ஒருவர் "உன் தலையில் சுடப்போகிறோம்" என்று கூறுவதைக் கேட்க முடிவதாகவும், ஆனால் அதை யார் கூறுகிறார்கள் என்பது தெளிவாகத் தெரியவில்லை என்றும் செய்திகள் தெரிவிக்கின்றன.

துப்பாக்கி சூடு நடந்தபோது மேலும் இருவர் காரில் இருந்திருக்கின்றனர். அதில் ஒருவர் தப்பி ஓட, மற்றொருவர் போலீசாரால் கைது செய்யப்பட்டு தடுத்து வைக்கப்பட்டுள்ளார்.

இந்த செய்தியும், வீடியோ காட்சிகளும் வெளியானதும், நான்டெர்ரே பகுதியில், மக்கள் மிகுந்த கோபத்துடன், போராட்டங்களில் ஈடுபட்டுள்ளனர். கார்கள் மற்றும் குப்பைத் தொட்டிகளை எரித்தனர். பேருந்து நிழற்குடைகளை அழித்தனர். ஒரு சிலர் காவல் நிலையம் அருகே பட்டாசு வெடித்தனர்.

போராட்டக்காரர்களை கலைக்க, போலீசார் கண்ணீர் புகை குண்டுகளை பயன்படுத்தினர். அவர்களில் சிலர், இரவு முழுவதும் தடுப்புகளை உருவாக்கினர். சட்டம் ஒழுங்கை கருத்தில் கொண்டு 20 பேர் கைது செய்யப்பட்டுள்ளனர்.