நீங்கள் தேடியது "Higher Education Guidance Program"

கோவில்பட்டி:

கோவில்பட்டி நேஷனல் பொறியியல் கல்லூரியில் வெற்றிக்கு வழி உயர்கல்வி வழிகாட்டல் நிகழ்ச்சி கல்லூரி வளாகத்தில் நடைபெற்றது. இதில் வெற்றிக்கு வழி எனும் தலைப்பில் கல்வி ஆலோ சகர் ஜெயப்பிரகாஷ் காந்தி சிறப்பு விருந்தினராக கலந்து கொண்டு மாணவர்க ளிடையே கலந்துரையாடி ஆலோசனைகளை வழங்கி னார்.

பகுப்பாய்வுத் திறன்

அப்போது சிறப்பு விருந்தினர் ஜெயப்பிரகாஷ் காந்தி பேசியதாவது:-

இன்றைய சூழ்நிலையில் பிளஸ்-2 வகுப்பு நிறைவு செய்துள்ள மாணவர்கள் தங்களுடைய தகுதி, தனித்திறன், பொது அறிவு உள்ளிட்ட ஆளுமைப் பண்பு களை வளர்த்துக் கொண்டால் மட்டுமே பட்டப்படிப்பு பயிலும் போதே பணி வாய்ப்பினை உறுதி செய்து கொள்ள முடியும்.

படிக்கும் போதே கணிப்பொறி மொழி சார்ந்த திறன்சார் போட்டிகளில் வெற்றி பெற்றால் மட்டுமே வரும் காலங்களில் வேலை வாய்ப்பை உறுதி செய்ய முடியும். பொறியியல் பட்டப்படிப்பினை தேர்வு செய்து படிப்பதன் மூலமாக பகுப்பாய்வுத் திறன் மற்றும் நேர்காணல் உள்ளிட்ட அத்தியாவசிய திறன்களை வளர்த்துக் கொள்ளலாம்.

இவ்வாறு அவர் பேசினார்.

கலந்து கொண்டவர்கள்

நிகழ்ச்சியில் தென் மாவட்டங்களில் உள்ள பள்ளிகளில் பிளஸ்-2 முடித்துள்ள மற்றும் பிளஸ்-2 சேர்ந்துள்ள சுமார் 600-க்கும் மேற்பட்ட மாணவ- மாணவிகள் கலந்துகொண்டனர்.

ஏற்பாடுகளை கல்லூரி தாளாளர் கே.ஆர். அருணாச்சலம், இயக்குனர் எஸ். சண்முகவேல், முதல்வர் கே. காளிதாச முருகவேல் ஆகியோர்களின் ஆலோசனையின்படியும் அறிவியல் மற்றும் மானுட வியல் துறைத்தலைவர் நீலகண்டன் வழிகாட்டுதலின் படியும் நிகழ்ச்சி ஒருங்கி ணைப்பாளர்கள் பாஸித்தா பர்வீன், ராமசுப்பு, ராஜ் குமார் மற்றும் சிவக்குமார் மற்றும் கல்லூரிப் பேராசி ரியர்கள் செய்திருந்தனர்.

குடியாத்தம்:

குடியாத்தம் காந்தி நகரில் உள்ள தனியார் திருமண மண்டபத்தில் தமிழக அரசின் ஆதிதிராவிட நலத்துறை மற்றும் மக்கள் மறுமலர்ச்சி தடம் என்ற தன்னார்வ அமைப்பு இணைந்து விழுதுகளை வேர்களாக்க என்ற உயர்கல்வி வழிகாட்டல் நிகழ்ச்சிகளை நடத்தியது.

இந்நிகழ்ச்சிக்கு வேலூர் மாவட்ட ஆதிதிராவிடர் மற்றும் பழங்குடியினர் நல அலுவலர் ராமச்சந்திரன் தலைமை தாங்கினார். மக்கள் மறுமலர்ச்சி தடம் மண்டல ஒருங்கிணைப்பாளர் டாக்டர் ரவிச்சந்திரன் முன்னிலை வகித்தார். குடியாத்தம் உதவி கலெக்டர் வெங்கட்ராமன் வாழ்த்துரை வழங்கினார்.

இந்நிகழ்ச்சியில் விஜயகுமார், மன்னர்மன்னன் ஆகியோர் மாணவர்களுக்கு உயர்கல்வி வழிகாட்டல் நிகழ்ச்சியை நடத்தினார்கள். நிகழ்ச்சியில் தாசில்தார்கள் விஜயகுமார், முரளிதரன் உள்பட பல்வேறு துறை அரசு அதிகாரிகள் கலந்து கொண்டனர். முடிவில் குடியாத்தம் தனி வட்டாட்சியர் சந்தோஷ் நன்றி கூறினார்.

முன்னதாக உயர்கல்வி வழிகாட்டல் நிகழ்ச்சியை தொடங்கி வைத்த மாவட்ட வருவாய் அலுவலர் ராமமூர்த்தி பேசியதாவது:-

தமிழ்நாடு அரசு கல்விக்காக அதிக முக்கியத்துவம் தந்து சிறப்பான திட்டங்களை செயல்படுத்தி வருகிறது ஒரு நாடு முன்னேற கல்வி மருத்துவம், தொழில் துறை முன்னேற்றம் இருக்க வேண்டும். அதுபோல் தமிழ்நாடு அரசு மக்கள் நலஅரசு இந்த 3 துறைகளிலும் சிறப்பான திட்டங்களை செயல்படுத்தி வருகிறது.

மாணவர்கள் கல்வி கற்க வறுமை தடை இல்லை மாணவர்கள் கல்வி கற்பதற்காக ஒவ்வொரு கிராமத்திலும் பள்ளிகள் உள்ளன.

அவர்கள் உயர் கல்வி படிக்க பல்வேறு வழிகாட்டும் நிகழ்ச்சிகளை தமிழக அரசு நடத்திக் கொண்டு வருகிறது. மாணவர்கள் அந்த வழிகாட்டல் நிகழ்ச்சியில் கலந்துகொண்டு என்னென்ன படிப்புகள் உள்ளன அந்த படிப்புகளை படித்த பின் என்னென்ன வேலை வாய்ப்புகள் உள்ளன என்பதை தெரிந்து கொள்ள வேண்டும்.

மாணவர்கள் நன்றாக படித்து நுழைவுத்தேர்வு எழுதி போட்டியான இந்த உலகத்தில் வேலை வாய்ப்பு பெற வேண்டும் முதல் முயற்சி தோல்வி அடைந்தாலும் கவலைப்படக்கூடாது மாணவர்கள் தொடர்ந்து போட்டி தேர்வுகளை எழுதிக் கொண்டால் நிச்சயம் வெற்றி நிச்சயம் இவ்வாறு அவர் பேசினார்.

கோவில்பட்டி:

கோவில்பட்டி நேஷனல் பொறியியல் கல்லூரியில் சிலையும் நீயே.. சிற்பியும் நீயே.. எனும் உயர்கல்வி வழிகாட்டல் நிகழ்ச்சி கல்லூரி வளாகத்தில் நடைபெற்றது. கல்வி ஆலோசகர் ஆர்.அஸ்வின் சிறப்பு விருந்தினராக கலந்து கொண்டு மாணவர்களிடையே கலந்துரை யாடி ஆலோசனை களை வழங்கி கூறியதாவது:-

அரசு பள்ளியோ, தனியார் பள்ளியோ, எங்கு படித்தாலும் நன்றாக, கடுமையாக உழைத்தால், இந்தியாவின் தலை சிறந்த கல்விநிலையங்களில் தங்களது உயர்கல்வி படிப்பினை பயின்று வாழ்க்கையில் உயர்ந்த நிலைக்கு வரலாம். அது போன்ற கல்வி நிலையங்களில் பயில்வதற்கான நுழைவுத் தேர்வுக்கான தயாரிப்பு முறைகள் குறித்தும் விளக்கமாக எடுத்துரைத்தார்.

இன்றைய சூழ்நிலையில் பிளஸ்-2 வகுப்பு நிறைவு செய்துள்ள மாணவர்கள் தங்களுடைய தகுதி, தனித்திறன், பொது அறிவு உள்ளிட்ட ஆளுமைப்பண்புகளை வளர்த்துக் கொண்டால் மட்டுமே உயர்கல்வி பயிலும் போதே பணிவாய்ப்பினை உறுதி செய்து கொள்ள முடியும். பொறியியல் பட்டப் படிப்பினை தேர்வு செய்து படிப்பதன் மூலமாக பகுப்பாய்வுத் திறன் மற்றும் நேர்காணல் உள்ளிட்ட அத்தியாவசிய திறன்களை வளர்த்துக் கொள்ளலாம் .எந்த தொழில் சார் படிப்பினை தேர்ந்தெடுத்தாலும் அடிப்படை கணினி குறியீட்டு முறை பற்றிய புரிதல் மிக அவசியம். ஏதேனும் ஒரு கணினி மொழியில் புலமை பெற்றுருத்தல் அவசியம்

இவ்வாறு அவர் கூறினார்.

நிகழ்ச்சியில் தூத்துக்குடி, நெல்லை, தென்காசி, விருதுநகர், மதுரை உள்ளிட்ட மாவட்டங்களில் இருந்து, இந்தாண்டு பிளஸ்-2 வகுப்பை நிறைவு செய்த சுமார் 600-க்கும் மேற்பட்ட மாணவ- மாணவிகள், பெற்றோர்களுடன் கலந்து கொண்டு பயன்பெற்றனர்.

நிகழ்ச்சியில் ஆன்லைன் அப்ஜெக்ட்டிவ் டெஸ்ட்-இல் வெற்றி பெற்ற மாணவ- மாணவிகளுக்கு பாராட்டு சான்றிதழும் அதிக எண்ணிக்கை யிலான மாணவர்களை ஊக்கப்படுத்தி எழுதச் செய்த கோவில்பட்டி அரசு மகளிர் மேல்நிலைப் பள்ளி, கோவில்பட்டி நாடார் மேல்நிலைப் பள்ளி, விக்கிரமசிங்கபுரம் கேம்ப்ரிட்ஜ் மெட்ரிகுலேஷன் மேல்நிலைப் பள்ளிக்கு தலா ரூபாய் 2,500/- மதிப்புள்ள காசோலை வழங்கப்பட்டது.

இதற்கான ஏற்பாடுகளை கல்லூரி தாளாளர் கே.ஆர்.அருணாச்சலம், இயக்குனர் எஸ்.சண்முகவேல், முதல்வர் கே.காளிதாச முருகவேல் ஆகியோர்களின் வழிகாட்டு தலின்படியும் அறிவியல் மற்றும் மானுடவியல் துறைத்தலைவர் எம்.ஏ.நீலகண்டன் ஆலோசனை யின் படியும் நிகழ்ச்சி ஒருங்கிணைப்பாளர்கள் எஸ்.தாளமுத்து, எஸ்.சசிரேகா, பி.அன்ன ராஜ், எஸ்.சுபாஷ், கல்லூரிப் பேராசிரியர்கள் மற்றும் மாணவர்கள் செய்திருந்தனர்.

திருச்செந்தூர்:

திருச்செந்தூர் ஆதித்தனார் கலை மற்றும் அறிவியல் கல்லூரியில் தமிழக அரசின் நான் முதல்வன் திட்டம் மற்றும் நாட்டு நலப்பணித்திட்ட அணி எண்கள் 43 மற்றும் 48 இணைந்து அரசு பள்ளி 12-ம் வகுப்பு மாணவர்களுக்கு உயர்கல்வி வழிகாட்டுதல் நிகழ்ச்சியை நடத்தியது. கல்லூரி முதல்வர் து.சி. மகேந்திரன் தலைமை தாங்கினார்.

இதில் கல்லூரியின் நோக்கம், வரலாறு மற்றும் அதன் முன்னாள் மாணவர்கள் பற்றி விரிவாக எடுத்துரைத்தனர். கல்லூரி செயலர் ச. ஜெயக்குமார் வாழ்த்தி பேசினார். அரசு பள்ளி மாணவர்களுக்கு உயா் கல்வி பற்றியும், கல்வி நிலையங்கள் பற்றியும், உயர்கல்விக்கான அரசு உதவி தொகை மற்்றும் வேலைவாய்ப்பு பற்றியும் நாட்டு நலப்பணித்திட்ட மாணவர்களால் எடுத்துரைக்கப்பட்டது.

மாணவர்களுக்கு கல்லூரியில் உள்ள இயற்பியல், வேதியியல், விலங்கியல், கணினி அறிவியல் துறை ஆய்வகங்கள், நூலகம், சிவந்தி பண்பலை மற்றும் உடற்பயிற்சி கூடம் ஆகியவற்றை காண்பித்து மாணவர்கள் விளக்கினார்கள்.

நிகழ்ச்சியில் 6 அரசு மேல்நிலைப்பள்ளியை சேர்ந்த 60 மாணவர்களும், 7 ஆசிரியர்களும் கலந்து கொண்டனர். முனைவர் ஜிம் ரீவ்ஸ் சைலன்ட் நைட் வரவேற்றார். முனைவர் முத்துக்கிருஷ்ணன் நன்றி கூறினார். நிகழ்ச்சிக்கான ஏற்பாடுகளை நாட்டு நலப்பணித்திட்ட அலுவலர்கள், பேராசிரியை கவிதா மற்றும் பேராசிரியர் அபுல்கலாம் ஆசாத் ஆகிேயார் செய்திருந்தனர்.