நீங்கள் தேடியது "பாஜனதா"

புதுடெல்லி:

பா.ஜனதா தலைவராக இருந்து வரும் அமித்ஷா மத்திய மந்திரியாக நியமிக்கப்பட்டு உள்ளார். நேற்று அவர் மந்திரியாக பதவி ஏற்றுக் கொண்டார். பா.ஜனதாவில் ஒருவருக்கு ஒரு பதவி என்ற கொள்கை கடைபிடிக்கப்படுகிறது.


இதனால் அடுத்த பா.ஜனதா தலைவர் யார் என்ற கேள்வி எழுந்து உள்ளது.

தற்போது மூத்த தலைவர்களில் ஒருவராக விளங்கும் ஜே.பி.நட்டா பா.ஜனதாவின் புதிய தலைவராக நியமிக்கப்பட வாய்ப்பு இருப்பதாக தகவல் வெளியாகி உள்ளது.

58 வயதான ஜே.பி.நட்டா இமாசலபிரதேச மாநிலத்தைச் சேர்ந்தவர். மோடி அரசில் சுகாதார துறை மந்திரியாக இருந்துள்ளார்.

தற்போதைய துணைத் தலைவர் ஓ.பி.மாத்தூர், பொதுச்செயலாளர் புபேந்திர யாதவ் ஆகியோரின் பெயர்களும் தலைவர் பதவிக்கு அடிபடுகின்றன.

புதுக்கோட்டை:

சிவகங்கை பாராளுமன்ற தொகுதியில் தி.மு.க., காங்கிரஸ் கூட்டணி சார்பில் போட்டியிட்ட கார்த்தி சிதம்பரம் வெற்றி பெற்றார். இதையடுத்து கார்த்தி சிதம்பரம் நேற்று புதுக்கோட்டையில் உள்ள தி.மு.க. அலுவலகத்திற்கு வந்தார். அங்கு அவர் தி.மு.க., காங்கிரஸ் கட்சியின் மூத்த நிர்வாகிகளை சந்தித்து வாழ்த்து பெற்றார்.

பின்னர் அவர் நிருபர்களுக்கு பேட்டி அளித்தார். அப்போது அவர் கூறியதாவது:-

சிவகங்கை தொகுதியில் தி.மு.க. கூட்டணி கட்சி சார்பில் வாங்கி உள்ள ஓட்டுகள் தான் கூட்டணி கட்சி உடைய ஓட்டு வங்கி என்று கருதக்கூடாது. ஓட்டு வங்கி மக்களின் மனநிலையை பொறுத்து மாறும், தற்போது வாங்கி உள்ள வாக்குகளை தக்க வைக்கும் வகையில் கூட்டணி கட்சியினர் செயல்பட வேண்டும்.


என் மீதுள்ள வழக்குகளை காரணம் காட்டி பா.ஜனதா அரசு என்னை எப்போதும் மிரட்ட முடியாது. தேர்தல் பிரசாரத்தின்போது கல்வி கடன் ரத்து, விவசாய கடன் ரத்து என பல்வேறு வாக்குறுதிகளை அளித்ததால் வாக்குகள் பெற்றும், மத்தியில் காங்கிரஸ் கட்சி ஆட்சிக்கு வரவில்லை. சிவகங்கை, புதுக்கோட்டை உள்ளிட்ட 7 மாவட்டங்கள் பயன்பெறும் வகையில் காவிரி-குண்டாறு இணைப்பு திட்டத்தை நிறைவேற்றுவதற்கு ரூ.9 ஆயிரம் கோடி நிதி தேவை.

அதை பெறுவதற்கு தொடர்ந்து மத்திய, மாநில அரசிடம் நான் வலியுறுத்துவேன். ராகுல்காந்திதான் என்றைக்கும் காங்கிரஸ் கட்சியின் தலைவராக இருப்பார். ரஜினிகாந்த் கூறிய கருத்து என்ன என்று எனக்கு தெரியவில்லை. வரும் காலங்களில் நோட்டா என்ற ஒன்று இருக்க கூடாது.

இவ்வாறு அவர் கூறினார்.

ஆலந்தூர்:

தி.மு.க. தலைவர் மு.க. ஸ்டாலின் தூத்துக்குடி செல்வதற்கு முன் சென்னை விமான நிலையத்தில் நிருபர்களுக்கு பேட்டி அளித்தார். அப்போது அவர் கூறியதாவது:-

தெலுங்கானா முதல்வர் சந்திரசேகர் ராவ் 3வது அணி உருவாக்க தமிழகம் வரவில்லை. அவர் ஆலயங்களை வழிபட வந்தார். அவருடனான சந்திப்பு மரியாதை நிமித்தமானது.


சந்திர சேகரராவ் வருகை எந்த தாக்கத்தையும் ஏற்படுத்தாது என்று தமிழிசை சொல்லி இருக்கிறார். அவர் வருகை தாக்கத்தை ஏற்படுத்தவில்லை, என்று தமிழிசை கூறியதில் ‘ க்’கை எடுத்துவிடுங்கள். அது தாகத்தை ஏற்படுத்தியுள்ளது.

இவ்வாறு அவர் கூறினார்.

பெங்களூரு:

கர்நாடக முதல்-மந்திரி குமாரசாமி பெங்களூருவில் நிருபர்களுக்கு பேட்டி அளித்தார். அப்போது அவர் கூறியதாவது:-

நாங்கள் ஜனநாயகத்தை சிதைக்கும் பணியை செய்யவில்லை. என்னால் ஜனநாயகம் சிதைந்துவிட்டது என்று சொல்ல எடியூரப்பாவுக்கு தகுதி இல்லை. எனக்கு எதிராக எடியூரப்பா போட்ட வழக்குகளை கடந்த 12 ஆண்டுகளாக எதிர்கொண்டு வருகிறேன்.


வருமானவரி சோதனை நடத்திய அதிகாரிகளுக்கு பணம் சிக்கியுள்ளதா?. 10 ரூபாயாவது கிடைத்ததா?. எதற்காக இந்த சோதனை நடத்த வேண்டும். உள்நோக்கத்துடன் வருமான வரித்துறையினர் இந்த சோதனையை நடத்தி இருக்கிறார்கள். பா.ஜனதா தலைவர்களின் வீடுகளில் சோதனை நடத்தாதது ஏன்?. பா.ஜனதா தலைவர்கள் அனைவரும் ஏழைகள். பணம் இல்லாமல் கைகூப்பி கும்பிட்டுக் கொண்டு ஓட்டு கேட்கிறார்கள். நாங்கள் அனைத்து வகையான போராட்டத்திற்கும் தயாராக உள்ளோம். துமகூரு தொகுதி பிரச்சினை முடிந்தது. போட்டி வேட்பாளர் முத்தஹனுமேகவுடா தனது மனுவை வாபஸ் பெற்றுள்ளார். பா.ஜனதா, கொள்ளையடிக்கும் கலாசாரம் கொண்டது. முன்னாள் முதல்-மந்திரி எடியூரப்பா, ஆர்.அசோக் என்னென்ன செய்தனர் என்பது எனக்கு தெரியும்.

இவ்வாறு குமாரசாமி கூறினார். #LokSabhaElections2019 #Kumaraswamy

சென்னை:

தமிழ்நாட்டில் தி.மு.க. கூட்டணியில் காங்கிரசுக்கு 10 இடங்கள் ஒதுக்கப்பட்டுள்ளது. அ.தி.மு.க. கூட்டணியில் இருக்கும் பா.ஜனதாவுக்கு 5 தொகுதிகள் கிடைத்துள்ளன.

தி.மு.க. கூட்டணியில் காங்கிரஸ் தவிர அனைத்து கட்சிக்கும் வேட்பாளர்களை அறிவித்துவிட்டனர். இதுபோல் அ.தி.மு.க. கூட்டணியில் உள்ள பா.ஜனதா வேட்பாளர்கள் பட்டியலும் இன்னும் வெளியிடப்படவில்லை.

தமிழக காங்கிரஸ் சார்பில் தயாரிக்கப்பட்டுள்ள வேட்பாளர்கள் பட்டியலை தமிழ்நாடு காங்கிரஸ் தலைவர் கே.எஸ்.அழகிரி டெல்லி சென்று கட்சி மேலிடத்தில் ஒப்படைத்தார். இதுபோல் தமிழக பா.ஜனதா தலைவர் தமிழிசை சவுந்தரராஜன் தமிழ்நாட்டில் போட்டியிட வாய்ப்புள்ளவர்கள் பட்டியலை கட்சி மேலிடத்தில் கொடுத்து இருக்கிறார்.

காங்கிரஸ் வேட்பாளர்கள் பட்டியலை மத்திய காங்கிரஸ் செயற்குழு நேற்று பரிசீலனை செய்தது. இதில் தமிழ்நாடு உள்பட வேறு சில மாநிலங்களுக்கான வேட்பாளர்கள் பட்டியலும் இறுதி செய்யப்பட்டுள்ளது. இறுதி பட்டியல் காங்கிரஸ் தலைவர் ராகுல்காந்தி ஒப்புதலுக்காக அவரிடம் ஒப்படைக்கப்பட்டுள்ளது.

இதேபோல் பா.ஜனதா சார்பில் தமிழகத்தில் போட்டியிடுவோரின் இறுதி பட்டியலும் தயாராகிவிட்டது. இது கட்சி மேலிட பரிசீலனையில் உள்ளது.

தமிழக காங்கிரஸ், பா.ஜனதா வேட்பாளர்கள் பட்டியல் வெளியாகிறது. மாலைக்குள் இந்த பெயர் விபரங்கள் அறிவிக்கப்படும் என்று டெல்லி வட்டாரங்கள் தெரிவிக்கின்றன.


தமிழக பா.ஜனதா தலைவர் தமிழிசை சவுந்தரராஜன் அளித்த பேட்டியில், ‘‘இன்று மதியம் பா.ஜனதா வேட்பாளர்கள் பட்டியல் வெளியாக வாய்ப்புள்ளது’’ என்று தெரிவித்துள்ளார்.

தமிழக காங்கிரஸ் தலைவர் கே.எஸ்.அழகிரி, ‘‘காங்கிரஸ் பட்டியலில் பெண் பெயரும் இடம் பெறும்’’ என்று கூறியுள்ளார். எனவே குஷ்பு போட்டியிடுவாரா? என்ற எதிர்பார்ப்பும் ஏற்பட்டுள்ளது. #LSPolls #Congress #BJP

திருவனந்தபுரம்:

அகில இந்திய காங்கிரஸ் தலைவர் ராகுல்காந்தி நேற்று நாகர்கோவிலில் நடந்த பாராளுமன்ற தேர்தல் பிரசார கூட்டத்தில் கலந்து கொண்டு பேசினார்.

அதன்பிறகு அவர் ஹெலிகாப்டர் மூலம் இங்கிருந்து திருவனந்தபுரம் புறப்பட்டுச் சென்றார். ராகுல் கேரளாவில் பல்வேறு நிகழ்ச்சிகளில் இன்று கலந்து கொள்கிறார். திருவனந்தபுரத்தில் பேட்டி அளித்த ராகுல்காந்தி கூறியதாவது:-


படித்தவர்கள் அதிகம் உள்ள கேரளாவில் வசிக்கும் மக்கள் வேலைக்காக வெளிநாடுகளுக்கு செல்கிறார்கள். காங்கிரஸ் ஆட்சி அமையும்போது கேரளாவில் தொழில் வளம் பெருக செய்வோம். மத்திய அரசுக்கு எதிரான போராட்டத்தை கேரளாவில் இருந்து தொடங்குவோம்.

பா.ஜனதா கூட்டணியில் உள்ள சில தலைவர்களே மோடி மீது அதிருப்தியில் உள்ளனர். மத்தியில் காங்கிரஸ் ஆட்சி அமைப்பது உறுதி. காங்கிரஸ் ஆட்சியில் மக்களுக்கு நன்மைகள் செய்வோம்.

இவ்வாறு அவர் கூறினார். #ParliamentElection #RahulGandhi

புதுடெல்லி:

தீவிரவாதிகளுக்கு இந்திய விமானப்படை பதிலடி கொடுத்தது பற்றி பா.ஜனதா பொதுச்செயலாளர் ராம் மாதவ் கூறியதாவது:-

புல்வாமாவில் இந்திய வீரர்கள் பலியான சம்பவம் ஒவ்வொரு இந்தியன் மத்தியில் ஆவேசத்தையும் கோபத்தையும் ஏற்படுத்தியது. தீவிரவாதிகளுக்கு பதிலடி கொடுக்க வேண்டும் என்று விரும்பினார்கள். அதன்படி இந்திய விமானப்படை தக்க பதிலடி கொடுத்துள்ளது. நமது படைகள் எப்போதும் உலகத்தரம் வாய்ந்தது என்பதை நிரூபித்துள்ளது. வீரர்களுக்கு வீர வணக்கம்.

இதில் பிரதமர் மோடி அரசியல் ரீதியாகவும் அனைத்து கட்சிகளின் கருத்து வேறுபாடுகளை களைந்து மக்களின் நம்பிக்கையை பெற்றுள்ளார்.

இவ்வாறு அவர் கூறினார். #PMModi #RamMadhav

மும்பை:

சமூக ஆர்வலர் அன்னா ஹசாரே மராட்டிய மாநிலம் அகமத் நகரில் உள்ள தனது சொந்த கிராமமான ராலேகான் சித்தியில் காலவரையற்ற உண்ணாவிரத போராட்டத்தில் ஈடுபட்டுள்ளார்.

லோக்பால், லோக் ஆயுக்தாவுக்கு நீதிபதிகள் நியமிக்க கோரியும், மராட்டிய மாநிலத்தில் விவசாயிகள் பிரச்சினையை தீர்க்க கோரியும் அன்னா ஹசாரே கடந்த 30-ந்தேதி போராட்டத்தை தொடங்கினார்.

அவர் இன்று 7-வது நாளாக உண்ணாவிரதம் இருந்தார்.

இந்த நிலையில் 2014 பாராளுமன்ற தேர்தலில் வெற்றி பெற பா.ஜனதா என்னை பயன்படுத்திக் கொண்டது என்று அன்னா ஹசாரே குற்றம்சாட்டி உள்ளார். இது தொடர்பாக அவர் நிருபர்களிடம் கூறியதாவது:-

2014 தேர்தலில் வெற்றி பெற பா.ஜனதா என்னை பயன்படுத்திக் கொண்டது. லோக்பாலுக்கான எனது போராட்டம் மூலம்தான் பா.ஜனதாவும், ஆம் ஆத்மியும் ஆட்சியை பிடித்தன. இப்போது இவர்கள் இருவர் மீதும் எனக்கு சிறிதளவு கூட மரியாதை இல்லை.

பிரதமர் மோடியின் அரசு மக்களை தவறாக வழி நடத்துகிறது. மராட்டிய மாநில அரசும் கடந்த 4 ஆண்டுகளாகவே பொய்களை கூறி வருகிறது. இன்னும் எத்தனை நாட்களுக்குத்தான் பொய்களை கூற முடியும். இந்த அரசு நாட்டு மக்களை கைவிட்டுவிட்டது.

2011 மற்றும் 2014-ல் என்னுடைய போராட்டங்களினால் பயன் அடைந்தவர்கள் இன்று எனது கோரிக்கைகளை ஏற்க மறுத்து வருகிறார்கள்.

இவ்வாறு அன்னா ஹசாரே கூறியுள்ளார். #AnnaHazare #BJP

திருவனந்தபுரம்:

கேரளாவில் கம்யூனிஸ்டு கூட்டணி ஆட்சி முதல் மந்திரி பினராயி விஜயன் தலைமையில் நடந்து வருகிறது.

அங்கு பிரதான எதிர்கட்சியாக காங்கிரஸ் கட்சி உள்ளது. பா.ஜனதா கட்சிக்கு ஓ.ராஜகோபால் என்ற ஒரேஒரு எம்.எல்.ஏ. மட்டுமே உள்ளார். இதனால் அந்த கட்சி கேரள அரசியலில் தன்னை பலப்படுத்திக் கொள்ள பல்வேறு திட்டங் களை வகுத்து செயல்பட்டு வருகிறது.

சமீபத்தில் சபரிமலை கோவிலில் இளம்பெண்கள் தரிசனம் செய்யும் விவகாரத்தில் பா.ஜனதா பெரிய அளவில் போராட்டம் நடத்தி ஆளும் கம்யூனிஸ்டு கட்சிக்கு நெருக்கடியை கொடுத்தது. மேலும் சபரிமலை விவகாரததின் மூலம் தனது கட்சியின் செல்வாக்கை உயர்த்தவும், அதை பாராளுமன்ற தேர்தலில் ஓட்டாக மாற்றவும் வியூகம் வகுத்து செயல்படுகிறது.

இந்த நிலையில் பாராளுமன்ற தேர்தலில் பிரபலங்களை களம் இறக்கினால் எளிதில் வெற்றி பெறலாம் என்று பா.ஜனதா கணக்கு போட்டு உள்ளது. கேரளாவை பொருத்தவரை ஏற்கனவே நடிகர் சுரேஷ்கோபி பா.ஜனதாவின் மேல்சபை எம்.பி.யாக உள்ளார்.

இந்த நிலையில் மலையாள பட உலகில் சூப்பர் ஸ்டாராக திகழும் மோகன்லாலை தங்கள் வலையில் வீழ்த்த பா.ஜனதா காய்களை நகர்த்தியது. ஏற்கனவே மத்திய அரசின் பல திட்டங்களையும், செயல்பாடுகளையும் மோகன்லால் வரவேற்று இருந்ததால் அவரை பாராளுமன்ற தேர்தலில் தங்கள் கட்சி சார்பில் எப்படியும் களம் இறக்க வேண்டும் என்று அந்த கட்சி விரும்புகிறது. இதற்கு ஏற்ப கேரளாவில் உள்ள 20 பாராளுமன்ற தொகுதிகளில் எந்த தொகுதியில் வேண்டுமானாலும் மோகன்லால் போட்டியிடலாம் என்று அந்த கட்சி தலைவர்கள் கூறிவந்தனர். இதனால் திருவனந்தபுரம் எம்.பி. தொகுதியில் மோகன்லால் போட்டியிட உள்ளதாக சமீபகாலமாக பரபரப்பு நிலவி வந்தது.

இந்த நிலையில் தான் பா.ஜனதா சார்பில் பாராளுமன்ற தேர்தலில் திருவனந்தபுரம் தொகுதியில் போட்டியிடுவதாக வந்த செய்திகளை நடிகர் மோகன்லால் மறுத்துள்ளார்.

இது தொடர்பாக மோகன்லால் அளித்த பேட்டியில் கூறியதாவது:-

நான் தேர்தலில் போட்டியிடப்போவதாக நிறைய கிசுகிசுக்கள் எழுந்துள்ளது. ஆனால் நான் தொடர்ந்து ஒரு நடிகனாக இருக்கவே விரும்புகிறேன். என் தொழிலில் எனக்கு முழு சுதந்திரம் உள்ளது.

அரசியல் என்பது எனக்கு டீ குடிக்கிற மாதிரிதான். அரசியல் பற்றி எனக்கு அதிகமாக எதுவும் தெரியாது என்பதால் எனக்கு அரசியலில் ஈடுபடும் எண்ணம் இல்லை. எனக்கு அரசியல் ஒத்துவராது. அதனால் தேர்தலில் நிற்க எனக்கு விருப்பம் இல்லை. அதேபோல பா.ஜனதா கட்சியில் சேரும் எண்ணமும் இல்லை.

அரசியல் கட்சிகள் தங்களுக்கு விருப்பமான நபர்களை தேர்தலில் போட்டியிட வேண்டும் என்று கூறுவது வழக்கமான ஒன்றுதான். அதற்காக அவர்களை குறைகூற முடியாது. அதேசமயம் அது பற்றிய முடிவை அந்த நபர்தான் எடுக்க வேண்டும். அதன்படி அரசியலில் எனக்கு விருப்பம் இல்லை.

எனக்கு கலைதான் 99 சதவீத வாழ்க்கை. நான் நடித்து முடிக்க வேண்டிய படங்கள் நிறைய உள்ளது. அதில் எனது கவனத்தை செலுத்தி வருகிறேன். எனவே அதில் இருந்து விலகி அரசியலில் ஈடுபட முடியாது. தொடர்ந்து நடிகனாக இருக்கவே விரும்புகிறேன்.

இவ்வாறு அவர் கூறினார்.

நடிகர் மோகன்லாலுக்கு பிரபல மலையாள இயக்குனர் பிரியதர்‌ஷன் நெருங்கிய நண்பர் ஆவார். இதே போல பல திரையுலக நண்பர்களும் அவருக்கு உள்ளனர். தனது நண்பர்கள் வட்டாரத்திலும் தனக்கு அரசியலில் ஈடுபட விருப்பம் இல்லை என்றே மோகன்லால் கூறி உள்ளார். #Mohanlal #BJP

ஆலந்தூர்:

மத்திய மந்திரி பொன். ராதாகிருஷ்ணன் சென்னை விமான நிலையத்தில் நிருபர்களிடம் கூறியதாவது:-


நேற்று பிரதமருக்கு ம.தி.மு.க. கருப்பு கொடி காட்டியது பிரதமருடைய பெயருக்கோ, புகழுக்கோ, எந்த பாதகமும் விளைவிக்கவில்லை. தமிழக மக்களுக்கு தேவையான எய்ம்ஸ் மருத்துவமனைக்கு பிரதமர் அடிக்கல் நாட்டி சென்றுள்ளார்.

இதற்கு முன்பும், லட்சக்கணக்கான மக்களுக்கு வேலை தர, பாதுகாப்பு உபகரணங்கள் போன்ற தொழிற்சாலைகள் ஆயிரக்கணக்கான கோடி ரூபாய் முதலீட்டில் மத்திய அரசு திட்டங்களை ஏற்படுத்தி தந்திருக்கிறது. இதையெல்லாம் அவர்களால் ஏற்றுக்கொள்ள முடியவில்லை.

பா.ஜனதா அரசும், பிரதமர் மோடியும் தமிழகத்துக்கு அங்கீகாரம், வேலைவாய்ப்பு, போன்ற நல்ல திட்டங்களை கொடுத்துள்ளார். இதற்கு நேர்மாறாக சில கட்சிகள் எதிராக செயல்படுகிறார்கள். இது தமிழ்நாட்டு மக்களுக்கு செய்யும் துரோகம்.

நேற்று பிரதமர் கலந்துகொண்ட நிகழ்ச்சியில் தமிழ்த்தாய் வாழ்த்து ஒலிபரப்பவில்லை என்ற சர்ச்சையை ஏற்றுக்கொள்ள முடியாது. பா.ஜனதாவும், பிரதமர் மோடியும் தமிழ்த்தாய் வாழ்த்துக்கும், தமிழுக்கும், தமிழ்த்தாய்க்கும் எந்த அவமானமும் வர விட மாட்டார்கள். ஏற்றுக்கொள்ளவும் மாட்டார்கள்.

கிழக்கு கடற்கரை சாலை விரிவாக்கத்துக்கு மாநில அரசின் ஒப்புதலை பெற்று இருக்கிறோம். அதற்கான வேலைகள் துரிதமாக நடைபெற்றுக் கொண்டிருக்கிறது.

தமிழகத்தில் மெகா கூட்டணி அமைக்கிறவர்களின் செல்வாக்கு மக்கள் மத்தியில் என்ன என்று தேர்தல் நேரத்தில் பார்ப்போம். பா.ஜனதா கூட்டணி உரிய நேரத்தில் அமைக்கப்படும். வருகிற பாராளுமன்ற தேர்தலில் பா.ஜனதா கூட்டணி குறைந்தபட்சம் தமிழகத்தில் 30 தொகுதிகளில் வெற்றி பெறும்.

நாட்டின் நலன் கருதி, தமிழக மக்களின் நலன் கருதி கூட்டணி அமைக்கப்படும். அடுத்த மாதம் 10-ந்தேதி திருப்பூருக்கும், 19-ந்தேதி கன்னியாகுமரிக்கும் பிரதமர் வர இருக்கிறார்.

இவ்வாறு அவர் கூறினார். #PonRadhakrishnan #BJP

சென்னை:

பாராளுமன்ற தேர்தலுக்கு இன்னும் சுமார் 75 நாட்களே உள்ளதால் அதை சந்திக்க அனைத்து கட்சிகளும் தயாராகி வருகின்றன.

தமிழ்நாட்டில் எதிர்கட்சியான தி.முக. காங்கிரசுடன் கூட்டணி வைக்கப்போவதாக அறிவித்துவிட்டது.


பா.ஜனதாவுடன் அ.தி.மு.க. கூட்டணி சேரலாம் என்று கூறப்படுகிறது. என்றாலும் அது இன்னும் உறுதி செய்யப்படவில்லை.

வருகிற 18-ந்தேதி பா.ஜனதா மூத்த தலைவர் பியூஸ்கோயல் சென்னை வந்து இது தொடர்பாக பேச்சுவார்த்தை நடத்த உள்ளார். அதன்பிறகே பா.ஜனதா கூட்டணி பற்றிய முழு விவரம் தெரியவரும்.

இந்த நிலையில், துணை முதல்-அமைச்சர் ஓ.பன்னீர்செல்வம் இன்று சென்னை விமான நிலையத்தில் தேர்தல் கூட்டணி சம்பந்தமான கேள்விக்கு பதில் அளித்தார். அவரது பேட்டி:-

கே:- பா.ஜனதாவுடன் 2004-ல் அ.தி.மு.க. கூட்டணி வைத்தது. தி.மு.க.வும் கூட்டணி வைத்திருக்கிறது. பழைய நண்பர்களை கூட்டணியில் சேர்க்க கதவு திறந்து இருப்பதாக பிரதமர் மோடி கூறியுள்ளார். அதை ஏற்று பா.ஜனதாவுடன் அ.தி.மு.க. மீண்டும் கூட்டணி அமைக்குமா?

ப:- தேர்தல் நேரத்தில் எதுவும் நடக்கலாம். இப்போது எந்த முடிவும் எடுக்கப்படவில்லை.

கே:- பிரதமர் வர இருக்கிறார். வருகிற 18-ந்தேதி தமிழகம் வரும் மத்திய மந்திரி பியூஸ்கோயல் உங்களை சந்திக்க இருப்பதாகவும், அ.தி.மு.க., பா.ஜனதா கூட்டணி உறுதியாகி விட்டதாகவும், இடங்கள் ஒதுக்கப்பட்டு விட்டதாகவும் கூறப்படுகிறதே?

ப:- பிரதமர் வருவதோ, சந்திப்பதோ இன்னும் அதிகாரப்பூர்வமாக அறிவிக்கப்படவில்லை. பியூஸ் கோயல் எங்களை சந்திப்பது பற்றியும் எந்த தகவலும் இல்லை. சில ஊடகங்கள் அவர்களாகவே இது போன்ற செய்திகளை வெளியிடுகிறார்கள்.

கேள்வி: கொடநாடு பிரச்சினையில் முதல்-அமைச்சர் மீது குற்றச்சாட்டு கூறப்பட்டுள்ளதே?

பதில்:- இது 2 வருடங்களுக்கு முன்பு நடந்த சம்பவம். சக்தியற்ற எதிர்கட்சிகள் அரசியல் ரீதியாக எங்களை சந்திக்க முடியாமல் ஆதாரமற்ற குற்றச்சாட்டுகளை பரப்பி வருகின்றன. அரசியல் ஆதாயம் தேட நினைக்கிறார்கள். அது நடக்காது.

எதிர்க்கட்சிகளின் பொய்யான ஆதாரமற்ற குற்றச்சாட்டுகளை நாங்கள் எதிர்கொள்வோம். நியாயம் எங்கள் பக்கம் உள்ளது. இதுபோன்ற ஆதாரமற்ற குற்றச்சாட்டுகளை பரப்புவோர் மீது சட்டப்படி நடவடிக்கை எடுக்கப்படும்.

கே:- உள்ளாட்சி தேர்தல் நடைபெறாததற்கு அ.தி.மு.க.தான் காரணம் என்று மு.க.ஸ்டாலின் கூறி இருக்கிறாரே?

ப:- உள்ளாட்சி தேர்தலை எதிர்கொள்ள முடியாமல், கோர்ட்டுக்கு சென்றது தி.மு.க.தான். நாங்கள் தேர்தலை சந்திக்க பயப்படவில்லை.

இவ்வாறு அவர் கூறினார். #OPS #BJP

நெல்லை:

ம.தி.மு.க. பொதுச் செயலாளர் வைகோ நெல்லையில் நிருபர்களிடம் கூறியதாவது:-

முன்னாள் பிரதமர் வாஜ்பாயுடன், பிரதமர் மோடியை ஒப்பிட முடியாது. வாஜ்பாய் நாட்டு மக்களின் நலனுக்காக பல்வேறு திட்டங்களை தீட்டியவர். ஆனால் மோடி மக்கள் விரோத ஆட்சியை நடத்தி வருகிறார்.

மேலும் மக்களிடையே இந்துத்துவா, ஆர்.எஸ்.எஸ். கொள்கைகளை திணித்து வருகிறார். தமிழ்நாட்டில் உள்ள டெல்டா மாவட்டங்களில் மீத்தேன் திட்டம் உள்ளிட்டவற்றை கொண்டு வந்து பாலைவனமாக்க திட்டமிட்டு உள்ளார். தமிழக மக்களுக்கு நல்ல திட்டம் எதையும் கொண்டு வரவில்லை. அழிக்கக்கூடிய திட்டங்களை தான் கொண்டு வருகிறார். இதற்கு தமிழக அரசு உதவியாக உள்ளது.

வருகிற பாராளுமன்ற தேர்தலில் மாநில கட்சிகளுடன் கூட்டணி வைத்து அதன்மூலம் காங்கிரஸ் கட்சி ஆட்சியை பிடிக்கும். அதன்மூலம் அண்ணா, கருணாநிதி கண்ட மாநில சுயாட்சியும், சமூக நீதி பாதுகாப்பும் கிடைக்கும். மோடி கார்ப்பரேட் கம்பெனிகளுக்கு ஆதரவாக செயல்படுகிறார். இதனால் நடுத்தர மக்களும், விவசாயிகளும், வியாபாரிகளும் வெறுப்பில் உள்ளனர். எனவே பா.ஜனதா கட்சிக்கு பாராளுமன்ற தேர்தலில் 140 இடங்கள் கூட கிடைக்காது. படுதோல்வி அடையும்.

முதல்-அமைச்சர் எடப்பாடி பழனிசாமி, மக்களுக்கு எதிரான திட்டங்களையே நடைமுறைப்படுத்தி விட்டு, தற்போது மக்களை ஏமாற்றிவிடலாம் என்ற தந்திரத்தில் ரூ.1,000 பொங்கல் பரிசு வழங்குவதாக அறிவித்து உள்ளார். மக்கள் அவரை பற்றி நன்றாக புரிந்து வைத்து உள்ளனர். அவருடைய ஆட்சி 2019ம் ஆண்டு இறுதி வரை நடக்குமா என்பதே சந்தேகம்தான்.

இவ்வாறு அவர் கூறினார். #Vaiko #MDMK