நீங்கள் தேடியது "சஸ்பெண்ட்"

சென்னை:


இதனையடுத்து அவர் திமுகவில் இருந்து தற்காலிகமாக நீக்கப்பட்டார். இதற்கான அறிவிப்பை திமுக பொதுச்செயலாளர் அன்பழகன் வெளியிட்டார். அவர் தனது அறிக்கையில், நடிகர் ராதாரவி கழக கட்டுப்பாட்டை மீறியும் கழகத்திற்கு அவப்பெயர் ஏற்படும் வகையிலும் செயல்பட்டு வருவதால், திமுகவின் அடிப்படை உறுப்பினர் உள்ளிட்ட அனைத்துப் பொறுப்புகளில் இருந்தும் அவர் தற்காலிகமாக நீக்கி வைக்கப்படுவதாக கூறியிருந்தார்.

இந்நிலையில், நடிகர் ராதாரவிக்கு திமுக தலைவர் மு.க.ஸ்டாலினும் கண்டனம் தெரிவித்துள்ளார். இது தொடர்பாக அவர் இன்று வெளியிட்டுள்ள டுவிட்டர் பதிவில், “பெண்ணுரிமை முன்னிறுத்தும் திமுகவில் அங்கம் வகிக்கும் நடிகர் ராதாரவியின் திரைத்துறை சார்ந்த பெண் கலைஞர்கள் குறித்த கருத்து ஏற்க இயலாதது. கடும் கண்டனத்திற்குரியது. கழகத்தினர் யாவரும் கண்ணியம் குறையாத வகையில் கருத்துகளை தெரிவிக்க வேண்டும். மீறுவோர் மீது நடவடிக்கை எடுக்கப்படும்” என குறிப்பிட்டுள்ளார். #RadhaRavi #MKStalin #DMK

விருதுநகர்:

விருதுநகர் மாவட்டம் சாத்தூர் பகுதியைச் சேர்ந்த கூலி தொழிலாளியின் 24 வயதுடைய மனைவி 2-வது முறையாக கர்ப்பமானார். இவர் சாத்தூரில் உள்ள தனியார் ஆஸ்பத்திரியில் சிகிச்சை பெற்று வந்தார்.

இந்த நிலையில் கர்ப்பிணியை சோதனை செய்தபோது அவருக்கு ரத்தசோகை இருப்பது கண்டறியப்பட்டது. இதையடுத்து டாக்டர்கள் அவருக்கு ரத்தம் ஏற்றவேண்டும் என்று அறிவுறுத்தினர்.

2 வாரங்களுக்கு முன்பு சிவகாசி அரசு ஆஸ்பத்திரியில் உள்ள ரத்த வங்கியில் இருந்து ரத்தம் தானமாக பெறப்பட்டு கர்ப்பிணிக்கு செலுத்தப்பட்டது. ரத்தம் ஏற்றிய நாளில் இருந்து அவர் சோர்வாகவே காணப்பட்டார். குடும்பத்தினரும் இதனை கண்டு கொள்ளவில்லை.


இதனால் அதிர்ச்சியடைந்த டாக்டர்கள் சாத்தூர் அரசு ஆஸ்பத்திரிக்கு தகவல் தெரிவித்தனர். அங்கு நடைபெற்ற சோதனையிலும் எச்.ஐ.வி. உறுதி செய்யப்பட்டது.

கர்ப்பிணி பெண்ணுக்கு செலுத்தப்பட்ட ரத்தத்தில் எச்.ஐ.வி. பாதிப்பு இருந்ததே இதற்கு காரணம் என விசாரணையில் தெரியவந்தது.

இதையடுத்து விருதுநகர் மாவட்ட மருத்துவ பணிகள் இணை இயக்குநர் மனோகரன், துணை இயக்குநர் பழனிச்சாமி ஆகியோர் சம்பந்தப்பட்ட ரத்த வங்கி பொறுப்பாளர்களிடம் விசாரணை நடத்தினர். 5 மணி நேரத்திற்கு மேலாக விசாரணை நடத்தப்பட்டது. விசாரணையின் முடிவில் ரத்த வங்கி ஊழியர் வளர்மதி சஸ்பெண்ட் செய்யப்பட்டுள்ளார்.  #HIV #HIVBlood

சேலம்:

சேலம் அஸ்தம்பட்டியை சேர்ந்தவர் வெள்ளையன் (வயது 40). இவர் தலைவாசல் போலீஸ் நிலையத்தில் ஏட்டாக பணி புரிந்து வருகிறார்.

இந்தநிலையில் முதலமைச்சர் எடப்பாடி பழனிசாமி வருகையையொட்டி வெள்ளையனும் ஓய்வில்லாமல் தொடர்ந்து பாதுகாப்பு பணியில் ஈடுபட்டிருந்ததாக கூறப்படுகிறது.

இதனால் ஆத்திரம் அடைந்த வெள்ளையன், இன்ஸ்பெக்டர் குமாரவேல் பாண்டியனிடம் தகராறில் ஈடுபட்டார். இது குறித்து மாவட்ட போலீஸ் சூப்பிரண்டு அலுவலகத்திற்கு தகவல் கொடுக்கப்பட்டது. விசாரித்து அறிக்கை தரும்படி எஸ்.பி. அலுவலகத்தில் கூறியதால் விசாரணைக்கு ஆஜராகும் படி இன்ஸ்பெக்டர் கூறினார்.

இதனால் நேற்று காலை போலீஸ் நிலையத்திற்கு வந்த வெள்ளையனிடம் விசாரணை நடத்தப்பட்டது. அப்போது பாதியில் வெளியேறிய அவர் மீண்டும் மாலையில் போலீஸ் நிலையத்திற்கு குடிபோதையில் தள்ளாடியபடி வந்தார்.

அப்போது வி‌ஷம் குடித்து விட்டதாக கூறிய அவர் திடீரென தரையில் விழுந்தார். சிறிது நேரத்தில் அங்கு வந்த 108 ஆம்புலன்ஸ் குழுவினர் அவரை மீட்டு ஆத்தூர் அரசு மருத்துவமனையில் சிகிச்சைக்கு சேர்த்தனர். அங்கு அவர் சிகிச்சையை ஏற்க மறுத்ததால் சேலம் அரசு ஆஸ்பத்திரியில் சிகிச்சைக்கு சேர்க்கப்பட்டார்.

சேலம் அரசு ஆஸ்பத்திரியில் டாக்டர்கள் பரிசோதனை செய்த போது அதிக அளவில் வெள்ளையன் மது குடித்திருந்ததும் வி‌ஷம் குடித்ததாக நாடகமாடியதும் தெரிய வந்தது.

மேலும் போலீசார் நடத்திய விசாரணையில் அதிகாரிகளை மிரட்ட வெள்ளையன் வி‌ஷம் குடித்ததாக கூறியது தெரிய வந்தது. இதையடுத்து குடி போதையில் இருந்த அவருக்கு தொடர்ந்து சிகிச்சை அளிக்கப்பட்டு வருகிறது.

ஏற்கனவே சங்ககிரி போலீஸ் நிலையத்தில் பணி புரிந்த போது உயர் அதிகாரிகளுடன் அடிக்கடி தகராறில் ஈடுபட்டதால் 2006-ம் ஆண்டு செப்டம்பர் மாதம் தலைவாசல் போலீஸ் நிலையத்திற்கு வெள்ளையன் மாற்றப்பட்டார். தற்போதும் அங்கும் அவர் உயர் அதிகாரிகளிடம் தகராறில் ஈடுபட்டதால் சஸ்பெண்டு செய்யப்படுவார் என கூறப்படுகிறது. #tamilnews

புதுடெல்லி:

சி.பி.ஐ. இயக்குநர் அலோக் வர்மா, சிறப்பு இயக்குநர் ராகேஷ் அஸ்தானா ஆகியோர் இடையே மோதல் இருந்து வந்த நிலையில், ராகேஷ் அஸ்தானா 3 கோடி ரூபாய் லஞ்சம் பெற்றதாக அவர் மீது சி.பி.ஐ. வழக்குப்பதிவு செய்துள்ளது.
 
இந்த வழக்கில் தொடர்புடைய சி.பி.ஐ. கூடுதல் காவல் கண்காணிப்பாளர் தேவேந்திர குமார் நேற்று கைது செய்யப்பட்டார். ராகேஷ் அஸ்தானா மீது சாதாரண பிரிவுகளில் வழக்குப்பதிவு செய்யப்பட்டுள்ள நிலையில், தேவேந்திர குமார் மீது லஞ்ச ஒழிப்பு சட்டத்தின் கீழ் வழக்குப்பதிவு செய்யப்பட்டுள்ளது.

இதற்கிடையே, தன்மீது முதல் தகவல் அறிக்கை பதிவு செய்ய கூடாது என சி.பி.ஐ. சிறப்பு இயக்குநர் ராகேஷ் அஸ்தானா இன்று டெல்லி நீதிமன்றத்தை அணுகினார். அவரது மனுவின் மீது இன்று விசாரணை நடத்திய நீதிபதி, இவ்விவகாரத்தில் சி.பி.ஐ. இயக்குநர் அலோக் வர்மாவின் முடிவு என்ன? என்பது தெளிவாகும் வரை ராகேஷ் அஸ்தானா மீதான குற்றச்சாட்டின் பேரில் மேல்நடவடிக்கை எடுக்க தடை விதித்து, மறுவிசாரணையை வரும் 29-ம் தேதிக்கு ஒத்திவைத்தார்.

நேற்று கைதான தேவேந்திர குமார் வீட்டில் நடைபெற்ற சோதனையில் பிரபல மாட்டிறைச்சி ஏற்றுமதியாளர் மொயீன் குரைஷி என்பவர் தொடர்பான வழக்கை விசாரித்த அதிகாரியாவார்.

இன்னொரு தொழிலதிபரான சத்தீஷ் சனா என்பவர் மீதான வழக்கு விசாரணையை நீர்த்துப்போகச் செய்வதற்காக தேவேந்திர குமார் உள்ளிட்டவர்கள் முயற்சித்ததற்கான ஆதாரங்கள் சிக்கியுள்ளன.

தேவேந்திர குமாரை இன்று பிற்பகல் கோர்ட்டில் ஆஜர்படுத்திய அதிகாரிகள் அவரிடம் மேற்கொண்டு விசாரிக்க வேண்டியுள்ளதால் விசாரணை காவலில் ஒப்படைக்குமாறு நீதிபதியை கேட்டுக் கொண்டனர். அவரை 7 நாட்கள் காவலில் வைத்து விசாரிக்க அனுமதியளித்து நீதிபதி உத்தரவிட்டார்.

இந்நிலையில், அலுவலக நடைமுறைகளின்படி தேவேந்திர குமார் பணியிடை நீக்கம் செய்யப்பட்டதாக சி.பி.ஐ. தலைமையகம் இன்று மாலை அறிவித்துள்ளது. #CBIDSP #DevenderKumar #CBIcustody #DevenderKumarsauspended

கோவை:

கோவை அரசு கலை கல்லூரியில் எம்.ஏ. வரலாறு பிரிவில் முதலாமாண்டு படித்து வருபவர் மாணவி மாலதி.

இவர் கடந்த 28-ந் தேதி சுதந்திர போராட்ட வீரர் பகத்சிங் பிறந்த நாள் நிகழ்ச்சி நடத்தியதற்காக கல்லூரியில் இருந்து ‘சஸ்பெண்டு’ செய்யப்பட்டுள்ளார்.

பகத்சிங் பற்றி கல்லூரியில் அனைத்து பிரிவு மாணவ, மாணவிகளும் தெரிந்து கொள்ளும் வகையில் பிறந்த நாள் நிகழ்ச்சி நடத்துவதற்கு, கல்லூரி முதல்வரிடம் அனுமதி கேட்டேன். அதற்கு மறுப்பு தெரிவித்த முதல்வர் துறை தலைவர் அனுமதி பெற்று எனது துறையில் மட்டும் நடத்துமாறு கூறினார்.

துறை தலைவர் விடுமுறையில் இருந்ததால் வகுப்பாசிரியரிடம் அனுமதி கேட்ட போது அவர் மறுத்துவிட்டு, இனிப்பு மட்டும் வழங்கி கொள் என கூறினார். பகத்சிங் பற்றி அனைத்து பிரிவு மாணவ, மாணவிகளுக்கும் தெரிய வேண்டும் என கருதி நான் 100-க்கும் மேற்பட்ட மாணவ, மாணவிகளை திரட்டி நிகழ்ச்சி நடத்தினேன்.

இதற்காக 1-ந் தேதி நான் சஸ்பெண்டு செய்யப்பட்டதாக ஆசிரியர் கூறினார். ஆனால் முறைப்படி எனக்கு எந்த தகவலும் தெரிவிக்கவில்லை. சஸ்பெண்ட் கடிதமும் தரவில்லை. இதுகுறித்து கேட்ட போது எனது வீட்டு முகவரிக்கு சஸ்பெண்டு உத்தரவு அனுப்பியிருப்பதாக கூறினார்கள். ஆனால் அதுவும் வரவில்லை.

இதனால் 9-ந் தேதி நான் வகுப்புக்கு சென்றேன். அப்போது நான் சஸ்பெண்ட் செய்யப்பட்டிருப்பதாக கூறி முதல்வர் அலுவலகத்தில் இருந்து சஸ்பெண்ட் உத்தரவு நகலை எடுத்து வந்து காட்டினர்.

அந்த உத்தரவில் 1-ந் தேதியில் இருந்து இடைநீக்கம் செய்யப்பட்டுள்ளதாகவும், விசாரணை அறிக்கை பெறும் வரை இடைநீக்கம் செய்யப்படுவதாகவும் கூறப்பட்டிருந்தது.

நான் பொதுநல மாணவர் எழுச்சி இயக்கத்தில் பொறுப்பில் உள்ளேன். நான் சஸ்பெண்ட் செய்யப்பட்டுள்தற்கான காரணம் இதுவரை எனக்கு முறைப்படி தெரிவிக்கவில்லை. விசாரணை குறித்தும் இதுவரை எனக்கு தகவல் தெரிவிக்கவில்லை. அதோடு உத்தரவு நகலை ரேஸ்கோர்ஸ் போலீசுக்கும் அனுப்பப்பட்டுள்ளது. இது தவறானது.

இவ்வாறு அவர் கூறினார்.

மாணவி மாலதி மீதான நடவடிக்கை குறித்து கல்லூரி முதல்வர் சித்ரா கூறியதாவது:-

கல்லூரியில் தனிப்பட்ட மாணவி கூறியதற்காக அனைத்து பிரிவு மாணவர்களையும் அழைத்து நிகழ்ச்சி நடத்த முடியாது. அவ்வாறு செய்தால் ஒவ்வொரு பிரிவிலும் யாராவது நிகழ்ச்சி நடத்த வேண்டும் என கேட்பார்கள். எனவே தான் துறை தலைவர் அனுமதி பெற்று அந்த துறையில் மட்டும் நடத்துமாறு கூறினேன்.

ஆனால் மாலதி அனுமதி பெறாமலேயே பிற மாணவ, மாணவிகளை அழைத்து கூட்டம் கூட்டி, பொது அமைதிக்கு இடையூறு ஏற்படுத்தி உள்ளார். இதனாலேயே அவர் சஸ்பெண்ட் செய்யப்பட்டுள்ளார்.

வருகிற 22-ந் தேதி ஒழுங்கு நடவடிக்கை குழு விசாரணை நடைபெற உள்ளது. அதனடிப்படையில் அடுத்தக்கட்ட நடவடிக்கை எடுக்கப்படும். சஸ்பெண்ட் உத்தரவு நகல் போலீஸ் நிலையத்துக்கு அனுப்பப்படுவது வழக்கமான நடைமுறைதான்.

இவ்வாறு அவர் கூறினார். #Malathi #BhagatSingh