நீங்கள் தேடியது "slug 158947"

எம்ஜி மோட்டார் நிறுவனத்தின் கார் மாடல்கள் விற்பனை இந்தியாவில் கணிசமாக அதிகரித்து வருகிறது. மேலும் கார் மாடல்களை அதிக போட்டியானவையாக மாற்ற எம்ஜி மோட்டார் அடிக்கடி அப்டேட்களை வழங்கி வருகிறது. இந்த ஆண்டு துவக்கத்தில் எம்ஜி நிறுவனம் 2023 ஹெக்டார் மாடலை அறிமுகம் செய்தது.

புதிய 2023 எம்ஜி ஹெக்டார் ஃபேஸ்லிஃப்ட் மாடல் ஏராளமான மாற்றங்களை கொண்டிருந்தது. எனினும், இந்த காரின் அலாய் வீல் அதற்கு முந்தைய வெர்ஷனில் இருந்ததை போன்றே வழங்கப்பட்டது. ஏற்கனவே வெளியான தகவல்களின் 2023 எம்ஜி ஹெக்டார் மாடல் புதிய அலாய் வீல் டிசைன் கொண்டிருக்கும் என கூறப்பட்டது.

எனினும், இது நடக்காமலேயே இருந்தது. தற்போது வெளியாகி இருக்கும் தகவல்களில் எம்ஜி நிறுவனம் இந்த நிலையை விரைவில் மாற்ற இருப்பது உறுதியாகி இருக்கிறது. 2023 ஹெக்டார் மாடல் விற்பனையகம் ஒன்றில் நிறுத்தி வைக்கப்பட்டு இருக்கும் புகைப்படம் இணையத்தில் வெளியாகி உள்ளது. அதில், 2023 ஹெக்டார் மாடல் புதிய அலாய் வீல் டிசைன் கொண்டிருக்கிறது.

அந்த வகையில், 2023 எம்ஜி ஹெக்டார் மாடல் புதிய அலாய் வீல்களை பெற்று இருக்கிறது. இந்த மாடலில் அலாய் வீல் மட்டுமின்றி என்ஜின் ஆப்ஷன்கள் பிஎஸ்6 2 புகை விதிகளுக்கு ஏற்ப அப்டேட் செய்யப்பட்டு இருக்கிறது. முன்னதாக 2023 எம்ஜி ஹெக்டார் மாடலின் விலை ரூ. 14 லட்சத்து 73 ஆயிரம், எக்ஸ்-ஷோரூம் என துவங்கி அதிகபட்சம் ரூ. 22 லட்சத்து 43 ஆயிரம் வரை நிர்ணயம் செய்யப்பட்டு இருக்கிறது.

புதிய 2023 எம்ஜி ஹெக்டார் மாடலின் விலை இதை விட ரூ. 60 ஆயிரம் வரை அதிகமாக நிர்ணயம் செய்யப்படும் என கூறப்படுகிறது. 2019 வாக்கில் அறிமுகம் செய்யப்பட்ட எம்ஜி ஹெக்டார் 2021 ஆண்டில் ஃபேஸ்லிஃப்ட் செய்யப்பட்டது. இதில் காஸ்மெடிக் மாற்றங்கள், புதிய அம்சங்கள் வழங்கப்பட்டு இருந்தது.

Photo Courtesy: Rushlane

ஹூண்டாய் இந்தியா நிறுவனம் முற்றிலும் புதிய அல்கசார் மாடலின் டர்போ பெட்ரோல் வேரியண்டை இந்திய சந்தையில் அறிமுகம் செய்தது. புதிய வேரியண்ட் விலை ரூ. 16 லட்சத்து 75 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த வேரியண்டில் 1.5 லிட்டர் டர்போ பெட்ரோல் என்ஜின் வழங்கப்பட்டு இருக்கிறது.

இதே என்ஜின் அல்கசார் மாடலின் நான்கு வேரியண்ட்களிலும் வழங்கப்பட்டு இருக்கிறது. இத்துடன் மேனுவல் மற்றும் ஆட்டோமேடிக் டிரான்ஸ்மிஷன் ஆப்ஷனாக வழங்கப்படுகிறது. இந்த காரின் வினியோகம் விரைவில் துவங்க இருக்கிறது. புதிய அல்கசார் மாடலில் உள்ள 1.5 லிட்டர் டர்போ பெட்ரோல் என்ஜின் பழைய 2.0 லிட்டர் என்ஜினுக்கு மாற்றாக வழங்கப்பட்டுள்ளது.

புதிய டர்போ பெட்ரோல் என்ஜின் பிஎஸ்6 2 விதிகளுக்கு ஏற்ற வகையில் E20 எரிபொருளில் இயங்கும் படி உருவாக்கப்பட்டு இருக்கிறது. இந்த என்ஜின் 158 ஹெச்பி பவர், 253 நியூட்டன் மீட்டர் டார்க் இழுவிசையை வெளிப்படுத்துகிறது. இதே என்ஜின் புதிய வெர்னா மற்றும் கிரெட்டா மாடல்களிலும் வழங்கப்பட உள்ளது. டிரான்ஸ்மிஷனை பொருத்தவரை 6 ஸ்பீடு மேனுவல் மற்றும் DCT யூனிட் வழங்கப்படுகிறது.

அல்கசார் மாடலில் தொடர்ந்து 1.5 லிட்டர் டீசல் என்ஜின் வழங்கப்பட்டு இருக்கிறது. இத்துடன் மேனுவல் மற்றும் ஆட்டோமேடட் கியர்பாக்ஸ் ஆப்ஷன்கள் வழங்கப்படுகிறது. இரு என்ஜின்களும் ஐடில் ஸ்டார்ட் / ஸ்டாப் தொழில்நுட்பத்தை ஸ்டாண்டர்டு அம்சமாக கொண்டுள்ளன. இத்துடன் இந்த காரில் புதிய முன்புற கிரில், ரிவைஸ்டு லேம்ப் டிசைன் வழங்கப்பட்டு இருக்கிறது.

மஹிந்திரா நிறுவனம் இந்திய சந்தைில் தனது வாகனங்களை பிஎஸ்6 2 விதிகளுக்கு ஏற்ப அப்டேட் செய்ய துவங்கி இருக்கிறது. தற்போது பொலிரோ நியோ மாடலில் மேம்பட்ட டீசல் என்ஜின் வழங்கப்பட்டு இருக்கிறது. அப்டேட் செய்யப்பட்டதை அடுத்து புதிய பொலிரோ நியோ மாடலின் விலை உயர்த்தப்பட்டு இருக்கிறது.

பொலிரோ நியோ மாடலில் 1.5 லிட்டர் டீசல் என்ஜின் வழங்கப்பட்டு இருக்கிறது. இந்த என்ஜின் 100 ஹெச்பி பவர், 260 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. புதிய மாடலில் உள்ள என்ஜின் பிஎஸ்6 2 மற்றும் E 20 எரிபொருளுக்கு ஏற்ற வகையில் உருவாக்கப்பட்டு இருக்கிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்பட்டுள்ளது.

லிமிடெட் எடிஷன் தவிர பிஎஸ்6 2 என்ஜின் கொண்ட மற்ற வேரியண்ட்களின் விலை ரூ. 15 ஆயிரம் வரை அதிகரித்து இருக்கிறது. அதன்படி மஹிந்திரா பொலிரோ நியோ விலை தற்போது ரூ. 9 லட்சத்து 63 ஆயிரம், எக்ஸ்-ஷோரூம் என துவங்குகிறது. இந்த எஸ்யுவி மாடல் N4, N8, N10 மற்றும் N10 (O) வேரியண்ட்களில் கிடைக்கிறது.

சமீபத்தில் வெளியான தகவல்களின் படி பொலிரோ நியோ மாடலின் வேரியண்ட் விரைவில் மாற்றியமைக்கப்படும் என தெரியவந்துள்ளது. இந்த எஸ்யுவி மாடல்- N4 (O), N8 R, N10 (R) மற்றும் N10 (O) (R) போன்ற வேரியண்ட்களில் கிடைக்கும் என தெரிகிறது. எனினும், இவை எப்போது அறிமுகம் செய்யப்படும் என்பது பற்றிய தகவல்கள் மர்மமாகவே உள்ளது.

டொயோட்டா நிறுவனம் இந்திய சந்தையில் வெல்ஃபயர் மாடல் விலையை திடீரென உயர்த்தி இருக்கிறது. இந்திய சந்தையில் சிபியு மாடலாக விற்பனை செய்யப்படும் வெல்ஃபயர் எம்பிவி மாடலின் விலை ரூ. 2 லட்சத்து 10 ஆயிரம் வரை அதிகரிக்கப்பட்டு இருக்கிறது. டொயோட்டா வெல்ஃபயர் ஒற்றை, ஃபுல்லி லோடட் ஹைப்ரிட் வேரியண்ட் வடிவில் விற்பனை செய்யப்டுகிறது.

விலை உயர்வின் படி டொயோட்டா வெல்ஃபயர் விலை தற்போது ரூ. 96 லட்சத்து 55 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. 2020 பிப்ரவரி மாத வாக்கில் அறிமுகம் செய்யப்பட்ட டொயோட்டா வெல்ஃபயர் 7 சீட்டர் எம்பிவி வடிவில் கிடைக்கிறது. இதுவரை வெல்ஃபயர் மாடலின் விலை ரூ. 17 லட்சம் வரை உயர்த்தப்பட்டு இருக்கிறது.

ஸ்லைடிங் ரியர் கதவுகளை கொண்ட டொயோட்டா வெல்ஃபயர் மாடலில் இரண்டாம் அடுக்கு இருக்கைகள் ரிக்லைனிங், ஹீடிங் மற்றும் கூலிங் வசதிகளை கொண்டிருக்கிறது. இத்துடன் 3 ஜோன் கிளைமேட் கண்ட்ரோல், 16 நிற ரூஃப் லைட்கள், டுவின் சன்ரூஃப், ஹீடெட் ஸ்டீரிங் வீல், ரியர் எண்டர்டெயின்மெண்ட் ஸ்கிரீன் உள்ளிட்டவை வழங்கப்பட்டு இருக்கிறது.

டொயோட்டா வெல்ஃபயர் மாடலில் 2.5 லிட்டர் பெட்ரோல் ஹைப்ரிட் பவர்டிரெயின் மற்றும் இரண்டு எலெக்ட்ரிக் மோட்டார்கள் வழங்கப்பட்டுள்ளன. இதன் பெட்ரோல் என்ஜின் 115 ஹெச்பி பவர் வெளிப்படுத்துகிறது. முன்புறம் மற்றும் ஆக்சிலில் பொருத்தப்பட்ட எலெக்ட்ரிக் மோட்டார்கள் முறையே 140 ஹெச்பி மற்றும் 67 ஹெச்பி பவர் வெளிப்படுத்துகின்றன.

மஹிந்திரா நிறுவனம் இந்திய சந்தையில் XUV300 மாடலை புதிய என்ஜின்களுடன் அப்டேட் செய்தது. அந்த வகையில், XUV300 மாடல் தற்போது பிஎஸ்6 2 மற்றும் RDE விதிகளுக்கு ஏற்ப அப்டேட் செய்யப்பட்டு உள்ளது. என்ஜின் அப்டேட் செய்யப்பட்டு இருப்பதை அடுத்து மஹிந்திரா நிறுவனம் XUV300 பிஎஸ்6 2 விலையை அதன் முந்தைய வெர்ஷனை விட அதிகரித்து இருக்கிறது.

அதன்படி மஹிந்திரா XUV300 பிஎஸ்6 2 விலை ரூ. 8 லட்சத்து 41 ஆயிரம், எக்ஸ்-ஷோரூம் என துவங்குகிறது. புதிய மஹிந்திரா XUV300 மாடலில் 1.2 லிட்டர் பெட்ரோல் என்ஜின் மற்றும் 1.5 லிட்டர் டீசல் என்ஜின் வழங்கப்பட்டு இருக்கிறது. இவற்றில் பெட்ரோல் என்ஜின் 109 ஹெச்பி பவர், 200 நியூட்டன் மீட்டர் டார்க் இழுவிசையை வெளிப்படுத்துகிறது.

டீசல் என்ஜின் 115 ஹெச்பி பவர், 300 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு மேனுவல் மற்றும் AMT டிரான்ஸ்மிஷன் வழங்கப்படுகிறது. இரு என்ஜின்களும் தற்போது பிஎஸ்6 2 மற்றும் RDE விதிகளுக்கு ஏற்ப அப்டேட் செய்யப்பட்டு உள்ளன. இந்தியாவில் ஏப்ரல் 1, 2023 முதல் புதிய புகை விதிகள் அமலுக்கு வருகின்றன.

இந்திய சந்தையில் XUV300 அப்டேட் செய்யப்பட்டு இருப்பதை அடுத்து அதன் விலைகளும் மாறி இருக்கின்றன. மஹிந்கிரா XUV300 மேனுவல் கியர்பாக்ஸ் கொண்ட பெட்ரோல் W4 மற்றும் W6 வேரியண்ட்களின் விலையில் எவ்வித மாற்றமும் மேற்கொள்ளப்படவில்லை. இவற்றின் விலை முறையே ரூ. 8 லட்சத்து 41 ஆயிரம், ரூ. 9 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளன.

மஹிந்திரா XUV300 பெட்ரோல் AMT வேரியண்ட் W6 விலை தற்போது ரூ. 20 ஆயிரம் அதிகரித்து ரூ. 10 லட்சத்து 71 ஆயிரம் என மாறி இருக்கிறது. பெட்ரோல் என்ஜின் கொண்ட மற்ற வேரியண்ட்களின் விலை ரூ. 15 ஆயிரம் வரை அதிகரித்து இருக்கிறது. டீசல் என்ஜின் கொண்ட W4, W6 மற்றும் W8 வேரியண்ட்களின் விலை ரூ. 20 ஆயிரம் உயர்ந்துள்ளது. W8(O) விலை ரூ. 22 ஆயிரம் அதிகரித்து இருக்கிறது.

கடையநல்லூர்:

செங்கோட்டை தாலுகா அச்சன்புதூரை சேர்ந்தவர் சங்கரநாராயணன். இவருடைய மனைவி முருகம்மாள் (வயது 62). இந்த தம்பதிக்கு சங்கர் என்ற மோகன் (45), உதயமூர்த்தி (38) உள்பட 3 மகன்கள் உள்ளனர்.

கார் விபத்தில் பலி

சங்கரநாராயணன் கடந்த 10 ஆண்டுகளுக்கு முன்பு இலத்தூர் விலக்கு பகுதியில் நடந்த ஒரு விபத்தில் சிக்கி உயிரிழந்தார். இதுதொடர்பான வழக்கு நெல்லை கோர்ட்டில் நடந்து வருகிறது. அந்த வழக்கு தொடர்பாக கோர்ட்டில் ஆஜராவதற்காக நேற்று காலையில் முருகம்மாள் தனது இளைய மகன் உதயமூர்த்தியுடன் மோட்டார் சைக்கிளில் அச்சன்புதூர்-சிவராம்பேட்டை சாலையில் சென்றார்.

அப்போது அவர்களுக்கு பின்னால் வந்த கார் ஒன்று மோட்டார் சைக்கிள் மீது பயங்கரமாக மோதி விட்டு நிற்காமல் சென்று விட்டது. இதில் முருகம்மாள் தூக்கி வீசப்பட்டு சம்பவ இடத்திலேயே பரிதாபமாக உயிரிழந்தார். உதயமூர்த்தி பலத்த காயம் அடைந்தார்.

சொத்து தகராறில் கொலை

இதுகுறித்து இலத்தூர் போலீசார் நடத்திய விசாரணையில், அது விபத்து இல்லை என்பதும், சொத்து தகராறில் முருகம்மாளை அவரது மூத்த மகன் மோகன் காரை ஏற்றி கொலை செய்தது தெரியவந்தது. மோகனுக்கும், அவரது தாய் முருகம்மாளுக்கும் இடையே நீண்ட நாட்களாக சொத்து தகராறு இருந்து வந்துள்ளது. இதில் ஆத்திரமடைந்த அவர் முருகம்மாளை காரை ஏற்றி கொல்ல திட்டமிட்டுள்ளார். இதற்காக தனது நண்பர் ஒருவரின் காரை வாங்கி கொண்டு நெல்லைக்கு சென்று வருவதாக கூறி சென்றுள்ளார். முருகம்மாள் தனது இளையமகனுடன் சென்று கொண்டிருந்த நேரத்தில் அச்சன்புதூர் காட்டுப்பகுதியில் வைத்து காரால் இடித்துவிட்டு தப்பிச்சென்றுள்ளார் என்பது விசாரணையில் கண்டுபிடிக்கப்பட்டது.

கேரளா தப்பியோட்டம்

இதையடுத்து அவரை இன்ஸ்பெக்டர் வேல்கனி தலைமையிலான தனிப்படை தீவிரமாக தேடி வருகின்றனர். அவரது செல்போன் சிக்னலை வைத்து போலீசார் ஆய்வு செய்தபோது மோகன் கேரளாவிற்கு தப்பிச்சென்றது தெரியவந்ததுள்ளது. இதையடுத்து கேரளாவுக்கு தனிப்படை விரைந்துள்ளது.

டாடா மோட்டார்ஸ் நிறுவனம் இந்திய சந்தை வாகன உற்பத்தியில் 50 லட்சம் யூனிட்கள் எனும் புதிய மைல்கல் எட்டி இருக்கிறது. 40 லட்சம் வாகனங்களை உற்பத்தி செய்ததில் இருந்து வெறும் 2.5 ஆண்டுகளில் இந்த மைல்கல்லை டாடா மோட்டார்ஸ் எட்டியிருக்கிறது. முன்னதாக 2020 வாக்கில் டாடா மோட்டார்ஸ் நிறுவனம் 40 லட்சம் வாகனங்களை உற்பத்தி செய்து இருப்பதாக அறிவித்து இருந்தது.

2004 ஆம் ஆண்டு பத்து லட்சம் வாகனங்களை உற்பத்தி செய்திருந்த டாடா மோட்டார்ஸ், அதன் பின் 2010 மற்றும் 2015 ஆம் ஆண்டுகளில் முறையே 20 லட்சம் மற்றும் 30 லட்சம் வாகனங்களை உற்பத்தி செய்தது. உற்பத்தி மைல்கல்கள் சந்தையில் டாடா மோட்டார்ஸ் வாகனங்களுக்கு கிடைக்கும் வரவேற்பை எடுத்துக்காட்டும் வகையில் அமைந்து வருகிறது. டாடா மோட்டார்ஸ் நிறுவனம் முந்தைய மைல்கல்களை 5 முதல் 6 ஆண்டுகளில் எட்டி வந்தது. தற்போது 40-இல் இருந்து 50 லட்சம் வாகனங்கள் எனும் இந்த இடைவெளி 2.5 ஆண்டுகளாக மாறி இருக்கிறது.

"டாடா மோட்டார்ஸ் நிறுவனத்தின் வரலாற்றில் இந்த நாள் சிறப்பு வாய்ந்தது. இன்று உற்பத்தியில் 50 லட்சம் யூனிட்கள் எனும் மைல்கல்லை எட்டியிருக்கிறோம். இந்த பயணம், ஒவ்வொரு பத்து லட்சம் யூனிட்களிலும் அதிக ஏற்ற, இறக்கங்கள் நிறைந்தது. ஆனாலும், இந்தியாவை ஒவ்வொரு புதிய வாகனத்தின் மூலம் தொடர்ந்து மாற்றி வருகிறோம். ஒவ்வொரு புதுமையான எண்ணமும் இந்தியாவை வளர்க்கும் வகையிலேயே இருந்து வந்தது."

"பல்வேறு புதிய தொழில்நுட்பங்களை அறிமுகம் செய்வதில் வாடிக்கையாளர்கள் மத்தியில் அறியப்படும் டாடா மோட்டார்ஸ், வாடிக்கையாளர்கள் தொடர்ந்து அளித்து வரும் ஆதரவுக்கு நன்றிகளை தெரிவித்துக் கொள்கிறோம். வாடிக்கையாளர்கள் இன்றி இந்த சாதனை இல்லை. இந்த மைல்கல்லை எங்களின் ஊழியர்கள், வினியோகஸ்தர்கள், சேனல் பார்ட்னர்கள் மற்றும் அரசாங்கத்திற்கு அர்பணிக்கிறோம்," என்று டாடா மோட்டார்ஸ் பயணிகள் வாகன பிரிவு நிர்வாக இயக்குனர் சைலேஷ் சந்திரா தெரிவித்தார்.

பிஎம்டபிள்யூ இந்தியா நிறுவனம் தனது 5 சீரிஸ் மாடல்களில் முற்றிலும் புதிய வேரியண்டை அறிமுகம் செய்து இருக்கிறது. பிஎம்டபிள்யூ 520d M ஸ்போர்ட் ஆடம்பர செடான் மாடலின் புதிய வேரியண்ட் விலை ரூ. 68 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய வேரியண்ட் அறிமுகம் செய்யப்பட்டு இருப்பதோடு பிஎம்டபிள்யூ நிறுவனம் மூன்று வேரியண்ட்களின் விற்பனையை நிறுத்தி விட்டது.

இவற்றில் 50 ஜாரெ M எடிஷன், 530d M ஸ்போர்ட் மற்றும் 520d M லக்சரி லைன் போன்ற மாடல்கள் இடம்பெற்றுள்ளன. இதன் காரணமாக பிஎம்டபிள்யூ 5 சீரிஸ் மாடல் தற்போது 530i M ஸ்போர்ட் மற்றும் 520d M ஸ்போர்ட் என இரண்டு வேரியண்ட்களில் மட்டுமே கிடைக்கிறது. இவற்றில் 520d M ஸ்போர்ட் விலை 530d M ஸ்போர்ட் மாடலை விட ரூ. 5 லட்சத்து 60 ஆயிரம் குறைவு ஆகும். இதில் 2.0 லிட்டர் டீசல் என்ஜின் உள்ளது. இந்த என்ஜின் 188 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது.

முந்தைய 530i M ஸ்போர்ட் மாடலில் 2.0 லிட்டர் பெட்ரோல் என்ஜின் வழங்கப்பட்டு இருந்தது. இந்த என்ஜின் 248 ஹெச்பி பவர், 350 நியூட்டன் மீட்டர் டார்க் இழுவிசையை வெளிப்படுத்துகிறது. இந்த வேரியண்டின் விலை தற்போது மாற்றப்பட்டு, ரூ. 90 ஆயிரம் வரை உயர்த்தப்பட்டு இருக்கிறது. 2023 துவங்கியதில் இருந்து பிஎம்டபிள்யூ இந்தியா நிறுவனம் ஐந்து புதிய மாடல்களை அறிமுகம் செய்து இருக்கிறது. இவற்றில் புதிய 7 சீரிஸ், i7 EV, X7, 3 சீரிஸ் கிரான் லிமோசின் மற்றும் sX1 போன்ற மாடல்கள் அடங்கும்.

டொயோட்டா கிர்லோஸ்கர் மோட்டார் நிறுவனம் இந்திய சந்தையில் தனது இன்னோவா ஹைகிராஸ் மாடலின் புதிய வேரியண்ட்-ஐ அறிமுகம் செய்தது. புதிய வேரியண்ட் இன்னோவா ஹைகிராஸ் VX (O) என அழைக்கப்படுகிறது. இது VX மற்றும் ZX வேரியண்ட்களின் இடையில் நிலைநிறுத்தப்பட்டு இருக்கிறது.

புதிய ஹைகிராஸ் VX (O) 7 சீட்டர் விலை ரூ. 26 லட்சத்து 73 ஆயிரம் என்றும் 8 சீட்டர் விலை ரூ. 26 லட்சத்து 78 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. இன்னோவா ஹைகிராஸ் VX (O) மாடலின் 7-சீட்டர் மற்றும் 8-சீட்டர் ஹைப்ரிட் பவர்டிரெயின் ஆப்ஷனில் மட்டுமே கிடைக்கிறது.

இன்னோவா ஹைகிராஸ் VX வேரியண்டில் உள்ள அனைத்து அம்சங்களுடன் புதிய VX (O) வேரியண்டில் பானரோமிக் சன்ரூஃப், மூட் லைட்டிங், எல்இடி ஃபாக் லேம்ப்கள், 10 இன்ச் இன்ஃபோடெயின்மெண்ட் யூனிட், வயர்லெஸ் ஆப்பிள் கார்பிளே, ஆறு ஏர்பேக் உள்ளிட்ட அம்சங்கள் வழங்கப்பட்டு இருக்கிறது.

புதிய ஹைகிராஸ் VX (O) வேரியண்டில் 2.0 லிட்டர் பெட்ரோல் ஹைப்ரிட் என்ஜின் வழங்கப்பட்டு இருக்கிறது. இந்த என்ஜின் 111 ஹெச்பி பவர், 206 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் CVT டிரான்ஸ்மிஷன் யூனிட் வழங்கப்பட்டு உள்ளது. புதிய வேரியண்ட் அறிமுகம் செய்யப்பட்டதோடு, இன்னோவா ஹைகிராஸ் விலை ரூ. 75 ஆயிரம் வரை உயர்த்தப்பட்டு இருக்கிறது.

ஹோண்டா நிறுவனம் இந்திய சந்தையில் ஐந்தாம் தலைமறை சிட்டி ஃபேஸ்லிஃப்ட் மாடலை அறிமுகம் செய்து இருக்கிறது. புதிய ஹோண்டா சிட்டி ஃபேஸ்லிஃப்ட் மாடலின் விலை ரூ. 11 லட்சத்து 49 ஆயிரம் என துவங்கி, அதிகபட்சம் ரூ. 20 லட்சத்து 39 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய சிட்டி ஃபேஸ்லிஃப்ட் மாடலில் சிறு காஸ்மடிக் மாற்றங்கள், அதிக உபகரணங்கள், எண்ட்ரி லெவல் வேரியண்ட்கள் மற்றும் புதிய நிற ஆப்ஷன்கள் வழங்கப்பட்டுள்ளன. புதிய ஹோண்டா சிட்டி மாடலுக்கான முன்பதிவு ஏற்கனவே துவங்கி நடைபெற்று வருகிறது. இந்த காருக்கான ஆன்லைன் முன்பதிவு கட்டணம் ரூ. 5 ஆயிரம் ஆகும். ஆஃப்லைனில் முன்பதிவு செய்யும் போது ரூ. 21 ஆயிரம் கட்டணமாக வசூலிக்கப்படுகிறது.

ஹோண்டா சிட்டி ஃபேஸ்லிஃப்ட் மாடல் முழுமையாக சிறிதளவு காஸ்மடிக் மாற்றங்கள் செய்யப்பட்டுள்ளது. இதன் பம்ப்பர்கள் டுவீக் செய்யப்பட்டு, கிரில் மெல்லியதாகவும் க்ரோம் பார் வழங்கப்பட்டு இருக்கிறது. கிரில் டிசைன் மேம்படுத்தப்பட்டு, டாப் வேரியண்ட்களில் ஹனிகொம்ப் பேட்டன், பேஸ் வேரியண்ட்களில் செங்குத்தாக ஸ்லாட்கள் வழங்கப்பட்டுள்ளன.

சிட்டி ஃபேஸ்லிஃப்ட் மாடலில் புதிய எண்ட்ரி லெவல் வேரியண்ட் சேர்க்கப்பட்டு இருக்கிறது. புதிய SV வேரியண்ட் மேனுவல் டிரான்ஸ்மிஷன் ஆப்ஷனில் மட்டுமே கிடைக்கிறது. இதன் பெட்ரோல் மாடல் தற்போது- SV, V, VX மற்றும் ZX என நான்கு வேரியண்ட்களில் கிடைக்கிறது. SV வேரியண்ட் தவிர மற்ற வேரியண்ட்களில் CVT கியர்பாக்ஸ் வழங்கப்படுகிறது.

உபகரணங்களை பொருத்தவரை சிட்டி ஃபேஸ்லிஃப்ட் மாடலில் ADAS அம்சங்களான- அடாப்டிவ் குரூயிஸ் கண்ட்ரோல், லேன் கீப் அசிஸ்ட், ஆட்டோனோமஸ் பிரேகிங் உள்ளிட்டவை வழங்கப்பட்டு இருக்கிறது. முன்னதாக இந்த அம்சங்கள் சிட்டி ஹைப்ரிட் மாடலில் மட்டுமே வழங்கப்பட்டு இருந்தது குறிப்பிடத்தக்கது. தற்போது பெட்ரோல் மாடல்களிலும் இந்த அம்சங்கள் வழங்கப்பட்டுள்ளன.

டாப் எண்ட் மாடல்களில் ஆறு ஏர்பேக், டயர் பிரெஷர் மாணிட்டரிங் சிஸ்டம், ரெயின் சென்சிங் வைப்பர்கள், ஆம்பியண்ட் லைட்டிங், வயர்லெஸ் சார்ஜர் மற்றும் வயர்லெஸ் ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி வழங்கப்பட்டு இருக்கிறது.

புதிய ஹோண்டா சிட்டி ஃபேஸ்லிஃப்ட் மாடலில் 1.5 லிட்டர் NA பெட்ரோல் என்ஜின் மற்றும் 6 ஸ்பீடு மேனுவல் அல்லது CVT கியர்பாக்ஸ் ஆப்ஷன்கள் வழங்கப்படுகின்றன. இந்த என்ஜின் 121 ஹெச்பி பவர் வெளிப்படுத்தும் திறன் கொண்டிருக்கிறது. இத்துடன் அட்கின்சன் சைக்கிள் 1.5 லிட்டர் பெட்ரோல் ஹைப்ரிட் என்ஜின் வழங்கப்பட்டு இருக்கிறது.

ஹைப்ரிட் என்ஜினுடன் eCVT டிரான்ஸ்மிஷன் வழங்கப்படுகிறது. இந்த பிரிவு மாடல்களில் ஸ்டிராங் ஹைப்ரிட் பவர்டிரெயின் கொண்ட ஒற்றை கார் மாடலாக புதிய ஹோண்டா சிட்டி உள்ளது. புதிய காரில் உள்ள பெட்ரோல் மற்றும் பெட்ரோல் ஹைப்ரிட் என்ஜின்கள் RDE மற்றும் E20 விதிகளுக்கு ஏற்ப உருவாக்கப்பட்டு இருக்கிறது.

இந்திய சந்தையில் புதிய ஹோண்டா சிட்டி ஃபேஸ்லிஃப்ட் மாடல் ஸ்கோடா ஸ்லேவியா, ஃபோக்ஸ்வேகன் விர்டுஸ், மாருதி சுசுகி சியாஸ் மற்றும் ஹூண்டாய் வெர்னா போன்ற கார்களுக்கு போட்டியாக அமைகிறது. ஹூண்டாய் நிறுவனம் தனது புதிய வெர்னா மாடலை மார்ச் 21 ஆம் தேதி அறிமுகம் செய்ய இருக்கிறது.

ஹூண்டாய் நிறுவனம் முற்றிலும் புதிய வெர்னா மாடலை அறிமுகம் செய்யும் பணிகளில் தொடர்ந்து ஈடுபட்டு வருகிறது. புதிய கார் அதன் ப்ரோடக்ஷன் வடிவில் இன்னும் அறிமுகம் செய்யப்படவில்லை. எனினும், இந்த காரின் உற்பத்தி சென்னையில் உள்ள ஹூண்டாய் ஆலையில் துவங்கி விட்டதாக கூறப்படுகிறது.

இந்திய சந்தையில் மார்ச் 21 ஆம் தேதி புதிய ஹூண்டாய் வெர்னா விலை விவரங்கள் அறிவிக்கப்பட உள்ளன. இதே நாளில் இந்த காரின் சர்வதேச வெளியீடு நடைபெற இருக்கிறது. இந்தியாவில் சில விற்பனையாளர்கள் ஹூண்டாய் வெர்னா மாடலுக்கான முன்பதிவு மற்றும் வினியோக விவரங்களை தெரிவித்துள்ளதாக கூறப்படுகிறது.

கடந்த மாத துவக்கத்தில் புதிய ஹூண்டாய் வெர்னா மாடலுக்கான முன்பதிவு துவங்கி நடைபெற்று வருகிறது. முன்பதிவு விற்பனை மையங்கள் மற்றும் ஆன்லைனில் நடைபெற்று வருகிறது. புதிய மாடல் அறிமுகமாவதை ஒட்டி, ஏற்கனவே தற்போதைய வெர்னா மாடலை முன்பதிவு செய்தவர்கள் புதிய மாடல் வாங்க முன்பதிவை மாற்றி உள்ளனர்.

விலை விவரங்கள் மார்ச் 21 ஆம் தேதி அறிவிக்கப்பட உள்ள நிலையில், புதிய வெர்னா மாடலின் வினியோகம் ஒவ்வொரு வேரியண்ட் மற்றும் பகுதிக்கு ஏற்ப ஏப்ரல் மாத மத்தியில் துவங்கும் என தகவல்கள் வெளியாகி உள்ளன.

ஹோண்டா கார்ஸ் இந்தியா நிறுவனம் மார்ச் 2 ஆம் தேதி இந்திய சந்தையில் புதிய சிட்டி ஃபேஸ்லிஃப்ட் மாடல் விலை விவரங்களை அறிவிக்க இருக்கிறது. புதிய மேம்பட்ட ஹோண்டா சிட்டி மாடல் புகைப்படங்கள் ஏற்கனவே அந்நிறுவன வலைத்தளத்தில் வெளியாகி இருக்கிறது. மேலும் இந்த காரின் வேரியண்ட் விவரங்களும் இடம்பெற்று விட்டது.

புதிய ஹோண்டா சிட்டி மாடல் SV, V, VX மற்றும் ZX என நான்கு வேரியண்ட்களில் கிடைக்கிறது. தற்போது இந்த கார் ரேடியண்ட் ரெட் மெட்டாலிக், பிளாட்டினம் வைட் பியல், கோல்டன் பிரவுன் மெட்டாலிக், லூனார் சில்வர் மெட்டலிக் மற்றும் மீடிராய்டு கிரே மெட்டாலிக் என ஐந்து வித நிறங்களில் கிடைக்கிறது. இந்த நிற ஆப்ஷன்களுடன் புதிதாக புளூ நிற வேரியண்ட் சேர்க்கப்படும் என கூறப்படுகிறது.

2023 ஹோண்டா சிட்டி மாடலில் 1.5 லிட்டர் டீசல் என்ஜினுக்கு நிறுத்தப்படுகிறது. இதற்கு மாற்றாக 1.5 லிட்டர் NA பெட்ரோல் மோ்டார் மற்றும் 6 ஸ்பீடு மேனுவல் மற்றும் CVT யூனிட் வழங்கப்படுகிறது. இத்துடன் 1.5 லிட்டர் NA பெட்ரோல் மோட்டார் உடன் ஹைப்ரிட் மோட்டார் மற்றும் e-CVT யூனிட் வழங்கப்படுகிறது.

மேம்பட்ட புதிய ஹோண்டா சிட்டி மாடலில் காஸ்மடிக் அப்டேட்கள், ரிடிசைன் செய்யப்பட்ட முன்புற மற்றும் பின்புற பம்ப்பர்கள், புதிய கிரில், அலாய் வீல் உள்ளிட்டவை வழங்கப்படுகிறது. அம்சங்களை பொருத்தவரை புதிய ஹோண்டா சிட்டி மாடலில் வயர்லெஸ் ஆப்பிள் கார்பிளே மற்றும் ஆண்ட்ராய்டு ஆட்டோ, ரெயின்-சென்சிங் வைப்பர்கள், ஆம்பியண்ட் லைட்டிங் மற்றும் ரிவைஸ்டு இண்டீரியர் வழங்கப்படுகிறது.