நீங்கள் தேடியது "slug 223297"

ஊட்டி

நீலகிரி மாவட்டத்தில் தோட்டக்கலைத்துறையில் பணியாற்றி வரும் பூங்கா மற்றும் பண்ணை பணியாளர்களின் சிறப்பு காலமுறை ஊதியத்தை, காலமுறை ஊதியமாக மாற்றி வழங்க வேண்டும். தோட்டக்கலைத்துறையில் தினக்கூலி பணியாளர்களாக பணியாற்றும் பண்ணை மற்றும் பூங்கா பணியாளர்களுக்கு தினசரி ரூ.400 ஆக உள்ள ஊதியத்தை ரூ.700 ஆக உயர்த்த வேண்டும் என்பது உள்பட 10 அம்ச கோரிக்கைகளை வலியுறுத்தி கடந்த சில மாதங்களாக போராட்டத்தில் ஈடுபட்டு வருகின்றனர்.

இதுகுறித்து தமிழக அரசு எந்த நடவடிக்கையும் எடுக்காததால், கடந்த 23-ந் தேதி முதல் தோட்டக்கலை துறை ஊழியர்கள் பணிகளைப் புறக்கணித்து ஊட்டி அரசு தாவரவியல் பூங்காவில் தினசரி உள்ளிருப்பு போராட்டத்தில் ஈடுபட்டு வருகின்றனர்.

இந்த நிலையில் தோட்டக்கலைத் துறை ஊழியர்களின் கோரிக்கைகள் குறித்து சமீபத்தில் நடந்த பேச்சுவார்த்தையில் எந்தவித உடன்பாடும் ஏற்படாததால், தோட்டக்கலைத்துறை ஊழியர்கள் ஒவ்வொரு நாளும் ஒரு போராட்டத்தில் ஈடுபட்டு வருகின்றனர்.

இந்த நிலையில் நேற்று உண்ணாவிரதம், கஞ்சி தொட்டி திறப்பு மற்றும் முதல்-அமைச்சருக்கு மனு அனுப்புதல் என முத்தரப்பு போராட்டத்தை கையில் எடுத்தனர். இதன்படி ஊழியர்கள் அனைவரும் கையெழுத்திட்டு முதல்-அமைச்சருக்கு மனு அனுப்பினர்.

தோட்ட தொழிலாளர்களின் பிரச்சினைக்கு விரைந்து தீர்வு காணாவிட்டால் மலர்கண்காட்சி தடையில்லாமல் நடக்குமா என்று சந்தேகம் எழுந்துள்ளதாக உள்ளூர் பொதுமக்கள் மற்றும் சுற்றுலா பயணிகள் தெரிவித்துள்ளனர். தோட்டக்கலைத் துறை ஊழியர்கள் போராட்டத்தால் தினசரி பூங்கா பணிகள் முடங்கி கிடக்கிறது.

மேலும் குப்பைகள் தேங்கி கிடக்கிறது. தோட்டக்கலை துறை ஊழியர்களின் ஒரு சில கோரிக்கைகளை நிறைவேற்ற பரிசீலனை செய்வதாக மாவட்ட நிர்வாகம் தரப்பில் தெரிவிக்கப்பட்டது. ஆனால் அனைத்து கோரிக்கைகளையும் நிறைவேற்றினால் தான் பணிக்கு திரும்புவோம் என்று ஊழியர்கள் உறுதியாக தெரிவித்து விட்டனர். இதனால் மலர் கண்காட்சியை ஒப்பந்த முறையில் பணியாளர்களை வைத்து நிறைவேற்றலாமா என்று மாவட்ட நிர்வாகம் மற்றும் தோட்டக்கலை துறை அதிகாரிகள் ஆலோசனை செய்து வருவதாக கூறப்படுகிறது.

ஊழியர்கள் போராட்டத்தால் தாவரவியல் பூங்காவில் தினசரி பணிகள் தடைபட்டுள்ளது. புல்வெளி மைதானத்தில் குப்பைகள் குவிந்து கிடக்கிறது. இந்த நிலையில் சீசன் தொடங்கி இருப்பதால் தினசரி 8 ஆயிரம் சுற்றுலா பயணிகள் தற்போது தாவரவியல் பூங்காவுக்கு வந்து செல்கின்றனர். பூங்கா ஊழியர்கள் கோரிக்கை குறித்து தோட்டக்கலை துறை அதிகாரிகள் தமிழக அரசுக்கு கலெக்டர் மூலமாக அறிக்கையை அனுப்பி உள்ளனர். ஆனால் இதுவரை தமிழக அரசு இதுகுறித்து எந்தவித அறிவிப்பும் வெளியிடவில்லை. இதனால் வேறு வழியில்லாமல், என்ன செய்வது என்று தெரியாமல் அரசு தாவரவியல் பூங்கா புல் மைதானத்தில் உள்ள குப்பைகளை அதிகாரிகளே அகற்றி வருகின்றனர். நேற்று காலை 8 மணி அளவில் மழைக்கு மத்தியில் குடைகளை பிடித்தவாறு உதவி தோட்டக்கலைத்துறை அதிகாரிகள் ராதாகிருஷ்ணன், பாலசங்கர், அனிதா மற்றும் அதிகாரிகள் குப்பைகளை அள்ளி அப்புறப்படுத்தினர்.

கூடலூர்

நீலகிரி கூடலூர் வனச்சரகத்துக்கு உட்பட்ட அள்ளூர்வயல் தனியார் எஸ்டேட்டில் உள்ள ஏலக்காய் தோட்டத்தில் சிக்மாயாரை சேர்ந்த சுந்தரமூர்த்தி என்பவர் நேற்று வேலை பார்த்துக்கொண்டிருந்தார். அப்போது புதர் மறைவில் இருந்த காட்டுப்பன்றி திடீரென சுந்தரமூர்த்தியை தாக்கியது. இதில் அவருக்கு இடது காலில் படுகாயம் ஏற்பட்டது. இதுகுறித்து தகவல் அறிந்து வந்த கூடலூர் வனத்துறையினரும், பொதுமக்களும் அவரை மீட்டு கூடலூர் அரசு ஆஸ்பத்திரியில் சிகிச்சைக்காக கொண்டு சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.

நீலகிரி

கோத்தகிரி-மேட்டுப்பாளையம் சாலையில் கீழ் கைத்தளா பகுதியில் விரிவாக்க பணி நடைபெற உள்ளதால், ஆக்கிரமிப்பு வீடுகளை அகற்ற நோட்டீஸ் வழங்கப்பட்டு உள்ளது. நீலகிரி மாவட்டத்தில் வருகிற மே மாதம் கோடை விழா நடைபெறுகிறது. இதை கண்டு ரசிக்க ஏராளமான சுற்றுலா பயணிகள் வருகை தருவார்கள். அப்போது போக்குவரத்து நெரிசல் ஏற்படுவதை தடுக்கும் வகையில் மேட்டுப்பாளையம்-ஊட்டி சாலை ஒரு வழிப்பாதையாக மாற்றப்பட்டு, அனைத்து வாகனங்களும் கோத்தகிரி வழியாக சமவெளி பகுதிகளுக்கு செல்லும். நீலகிரியில் உள்ள சுற்றுலா தலங்கள் குறித்து சுற்றுலா பயணிகள் தெரிந்து கொள்ளும் வகையில் அறிவிப்பு பலகைகள் மற்றும் வழிகாட்டி பலகைகள் சாலையோரங்களில் வைக்கும் பணி நடந்து வருகிறது. இந்தநிலையில் கோத்தகிரி-மேட்டுப்பாளையம் சாலை அரவேனு கீழ் கைத்தளா பகுதியில் உள்ள குறுகிய வளைவை விரிவாக்கம் செய்ய அதிகாரிகள் முடிவு செய்தனர். ஆனால், நெடுஞ்சாலைத்துறைக்கு சொந்தமான அந்த இடத்தை ஆக்கிரமித்து வீடுகள், கடைகள் அமைக்கப்பட்டு உள்ளது. இதனால் சாலை விரிவாக்கம் செய்வதில் சிக்கல் உள்ளதால், அந்த இடத்தை காலி செய்யுமாறு சம்பந்தப்பட்ட நபர்களுக்கு நோட்டீஸ் அனுப்பப்பட்டு உள்ளது. இதுகுறித்து நெடுஞ்சாலைத்துறை உதவி கோட்ட பொறியாளர் அனுப்பியுள்ள நோட்டீசில் கூறப்பட்டு உள்ளதாவது:- கோத்தகிரி நெடுஞ்சாலைத்துறை உட்கோட்டத்திற்கு உட்பட்ட கோத்தகிரி-மேட்டுப்பாளையம் சாலை கைத்தளாவில் நில அளவை செய்ததில், நெடுஞ்சாலை இடத்தில் வீடுகள் ஆக்கிரமிப்பில் உள்ளது. அந்த இடத்தில் சாலை மேம்பாடு பணிகள் நடைபெற உள்ளதால், தாங்களாகவே உடனடியாக ஆக்கிரமிப்புகளை அகற்றி கொள்ள வேண்டும் என அறிவுறுத்தப்படுகிறது. தவறும் பட்சத்தில் காவல்துறை மூலம் ஆக்கிரமிப்புகள் அகற்றப்பட்டு, அதற்குண்டான செலவு சம்பந்தப்பட்டவர்களிடம் இருந்து வசூலிக்கப்படும். இவ்வாறு அதில் கூறப்பட்டு உள்ளது. இந்த நோட்டீஸ் அப்பகுதியில் உள்ள 25 ஆக்கிரமிப்பு வீடுகளின் உரிமையாளர்களுக்கு வழங்கப்பட்டு உள்ளது. மேலும் ஜக்கனாரை ஊராட்சி தலைவர், கீழ் கைத்தளா பகுதியில் அகற்றப்படும் வீடுகளுக்கு மாற்றாக வேறு பகுதியில் நிலம் வழங்க நடவடிக்கை எடுக்குமாறும் நெடுஞ்சாலைத்துறை சார்பில் கடிதம் அனுப்பப்பட்டு உள்ளது.

ஊட்டி,

நீலகிரி மாவட்டம் ஊட்டி அரசு மருத்துவக்கல்லூரி ஆஸ்பத்திரியில் முதலாம் ஆண்டு மாணவ- மாணவிகளுக்கான வெள்ளை அங்கி அணிவிக்கும் நிகழ்ச்சி மற்றும் தமிழ் மன்ற தொடக்க விழா நடந்தது. அமைச்சர் ராமச்சந்திரன் முன்னிலை வகித்தார்.

அமைச்சர் மா.சுப்பிரமணியன் தலைமை தாங்கி மாணவ- மாணவிகளுக்கு வெள்ளை அங்கி வழங்கினார். அதனை தொடர்ந்து மாணவ- மாணவிகள் உறுதிமொழி எடுத்துக் கொண்டனர்.

விழாவில் அமைச்சர் மா.சுப்பிரமணியன் பேசிய தாவது:-

தமிழ்நாட்டை பொறுத்த வரை ஒரே நாளில் 11 மருத்துவக்கல்லூரிகள் திறந்துவைக்கப்பட்டது. இது தமிழ்நாட்டிற்கு கிடைத்த ஒரு மிகப்பெரிய பெருமைக்குரியதாகும். இந்தியாவில் 36 மாநிலங்கள் இருந்தபோதிலும் தமிழ்நாட்டில் ஒரே நாளில் 11 மருத்துவக்கல்லூரி திறந்து வைக்கப்பட்டது ஒரு வரலாற்று சிறப்பு என்றே கூறலாம்.இன்றைய தினம் இத்தலார் பகுதியில் 2 புதிய மருத்துவக்கல்லூரி கட்டமைப்புகள் கட்ட அடிக்கல் நாட்டப்பட்டுள்ளது. அப்பகுதியில் உள்ள வளரினம் பெண்கள், கர்ப்பிணி தாய்மார்களுக்கு ரத்த பரிசோதனை மேற்கொள்ளப்பட்டு வருகிறது.

நீலகிரி மாவட்டத்தில் உள்ள மக்கள் உயர் சிகிச்சைக்காக வெளி மாவட்டத்திற்கு செல்ல வேண்டிய சூழ்நிலையை தவிர்க்க வேண்டும் என்ற நோக்கத்தில் முதல்-அமைச்சர் மு.க.ஸ்டாலின், அரசு மருத்துவக்கல்லூரி மருத்துவமனை கட்டுமான பணிகள் விரைந்து முடிக்க வேண்டும் என்று அறிவுறுத்தியதின் அடிப்படையில் மருத்துவமனை கட்டுமான பணிகள் நடைபெற்று வருகின்றன.

நீலகிரி மாவட்டத்தில் உள்ள மருத்துவக்கல்லூ ரியில் 150 மாணவர்களுக்கு இடம் ஒதுக்கீடு செய்யப்பட்டு இந்த ஆண்டும் சேர்ந்து மொத்தம் 300 மாணவர்கள் பயின்று வருகின்றனர்.

இதில் கடந்த ஆண்டு முதலாம் ஆண்டு 99 சதவீதம் மாணவ- மாணவிகள் தேர்ச்சி பெற்றுள்ளனர். அரசு பள்ளியில் பயின்ற மாணவர்களுக்கு 7.5 சதவீத இட ஒதுக்கீட்டில் மடிக்க ணினி மற்றும் பாடப்புத்த கங்கள் வழங்கப்பட்டு வருகிறது. இன்றைய தினம் 13 மாணவர்களுக்கு வழங்கப்பட்டுள்ளது.

சிறிய மாவட்டமான இந்த நீலகிரி மாவட்டத்தில் உள்ள 600 படுக்கை வசதிகள் கொண்ட இந்த மருத்துவமனை வருகிற ஜூலை மாதம் திறக்கப்படும்.

இவ்வாறு அவர் கூறினார்.

தொடர்ந்து மா.சுப்பி ரமணியன் மாணவ- மாணவிக ளுக்கான தனி உடற்பயிற்சி கூடத்தினையும் திறந்து வைத்து பார் வையிட்டார்.

ஊட்டி

பயிர் கடன், நகைக்கடன் மற்றும் மகளிர் குழு கடன் தள்ளுபடிக்கு உரிய தொகையை வட்டியுடன் வழங்க வேண்டும், ரேஷன் கடை பணியாளர்களின் பிரச்சினைகளை கண்டறிய குழு அமைத்து நடவடிக்கை எடுக்க வேண்டும் என்பது உள்பட 12 அம்ச கோரிக்கைகளை நிறைவேற்ற வலியுறுத்தி முதல்-அமைச்சர் கவனத்தை ஈர்க்கும் வகையில் தமிழ்நாடு மாநில தொடக்க கூட்டுறவு வங்கி அனைத்து பணியாளர்கள் சங்கம் சார்பில் ஊட்டி பிங்கர்போஸ்ட்டில் உள்ள கூட்டுறவு இணை பதிவாளர் அலுவலகம் முன்பு நேற்று ஆர்ப்பாட்டம் நடைபெற்றது. இதற்கு நீலகிரி மாவட்ட செயலாளர் நாகராஜ் தலைமை தாங்கினார். ஆர்ப்பாட்டத்தில் கடன் தள்ளுபடியில் விதிமீறல், நகை ஏல நடவடிக்கையில் நஷ்டம் என்று கூறி பணியாளர்கள், செயலாளர் பொதுப்பணி நிலைத்திறன் அமைப்பில் கோரிக்கைகளை முழுமையாக நிறைவேற்ற வேண்டும் என கோஷங்கள் எழுப்பி வலியுறுத்தினர். இதில் ஏராளமானோர் கலந்துகொண்டனர்.

நீலகிரி

முதுமலை பெண்ணையில் பொம்மதேவர் கோவில் திருவிழாவில் கிராம மக்கள் பாரம்பரிய நடனமாடினர். பொம்மதேவர் கோவில் நீலகிரி மாவட்டம் முதுமலை புலிகள் காப்பகத்தில் உள்ள பெண்ணை பகுதியில் ஆதிவாசி மற்றும் மவுண்டாடன்செட்டி சமூகத்தினர் வசித்து வருகின்றனர். இவர்களின் குலதெய்வ கோவிலான பொம்ம தேவர் கோவில் வனப்பகுதியில் உள்ளது. ஒவ்வொரு ஆண்டும் பொம்ம தேவருக்கு திருவிழா நடத்தப்பட்டு வருகிறது. இந்தநிலையில் மாற்றிடம் வழங்கும் திட்டத்தின் கீழ் பல குடும்பங்கள் சன்னக்கொல்லி பகுதியில் மறுகுடியமர்வு செய்யப்பட்டு உள்ளனர். இந்தநிலையில் பொம்மதேவர் கோவில் திருவிழா பெண்ணை வனப்பகுதியில் கடந்த 2 நாட்களாக நடைபெற்றது. நேற்று முன்தினம் மாலை 5 மணிக்கு சிறப்பு பூஜைகள் நடந்தது. தொடர்ந்து விடிய விடிய விசேஷ பூஜைகள் நடைபெற்றது. 2-வது நாள் காலை 10 மணிக்கு அருள்வாக்கும், தொடர்ந்து தேங்காய் உடைத்தல் நிகழ்ச்சியும் நடந்தது. பின்னர் சுவாமிக்கு வாழைக்குலைகள் படையல் செய்யப்பட்டது.

ஊட்டி,

நீலகிரி மாவட்டத்தில் பேக்க ரிகளில் தயாரிக்க ப்படும் கேக்குகள், காரம் மற்றும் இனிப்பு வகைகளில் அதிகப்ப டியான வண்ண ங்கள் கலக்கப்படுவதாக ஏராளமான புகார்கள் வந்தன.

இதைத்தொடர்ந்து மாவட்ட கலெக்டர் அம்ரித் உத்தரவின் பேரில் உணவு பாதுகாப்பு துறையின மாவட்ட நியமன அலுவலர் டாக்டர் சுரேஷ் மற்றும் குன்னூர் உணவு பாதுகாப்பு அலுவலர் நந்தகுமார் ஆகியோர் நேரில் பார்வையிட்டு ஆய்வு மேற்கொண்டனர்.

அதன் அடிப்படையில் நீலகிரி மாவட்டம் குன்னூர் பகுதியில் ஆய்வு மேற்கொண்ட போது சுகாதாரமற்ற முறையில் உணவுப்பொருள் தயாரித்த ஒரு பேக்கரியில் இருந்த 2 பாக்கெட்டுகள், சாக்லேட் பார்களை பறிமுதல் செய்து அழித்தனர். மேலும் பேக்கரி கடைக்கு ரூ.2 ஆயிரம் அபராதம் விதித்தனர்.

இதுகுறித்து மாவட்ட நியமன அலுவலர் சுரேஷ் கூறியதாவது:-

நீலகிரி மாவட்டத்தில் உள்ள அனைத்து பேக்க ரியில் தயாரிக்கப்படும் இனிப்பு, கார வகைகள் மற்றும் கேக்குகளில் பரிந்துரைக்கப்பட்ட அளவு மட்டுமே வண்ணங்கள் சேர்க்கப்பட வேண்டும். மாறாக அதிகப்படியான அளவு வண்ணங்கள் சேர்க்க ப்படும் பேக்கரி களின் மீது கடுமையான நடவடிக்கை எடுக்கப்படும்.

மேலும் அனைத்து உணவு வணிகர்களும் தங்களின் உணவகங்கள் மற்றும் பேக்கரிகளில் உணவுப்பொருட்களை சுகாதாரமாக தயாரிக்க வேண்டும். பூச்சிகளை பிடித்து அழிக்கும் எந்திரங்களை தங்கள் வளாகங்களில் பொருத்தியிருக்க வேண்டும். பேப்பர்களில் எண்ணை பலகாரங்களை அடுக்கி வைக்கவோ, பஜ்ஜி போண்டா போன்ற உணவுப்பொருட்களை பேப்பரில் வைத்து பரிமாறவோ கூடாது.

இவ்வாறு அவர் கூறினார்.

ஊட்டி,

நீலகிரி மாவட்டம் கோத்தகிரி அருகே அரவேனு மூன்ரோடு சக்கத்தாகம்பை வசித்து வரும் செந்தாமரை என்பவர் மகன் சந்தோஷ் (வயது 32).

இவர் தனியார் தேயிலை தொழிற்சாலையில் லாரி ஓட்டுநரக பணிபுரிந்து வந்தார். இவருக்கு திருமணமாகவில்லை. இந்தநிலையில் சந்தோஷ் மேட்டுப்பாளையம்-கோத்தகிரி சாலையில் கொட்டக்கம்பையில் இருந்து அரவேனு பகுதிக்கு லாரியை ஓட்டி சென்றார்.

அப்போது அவருக்கு திடீரென குறைந்த ரத்த அழுத்தம் காரணமாக உடல் நலக்குறைவு ஏற்பட்டு லாரியை ஓட்டிய போதே மயக்கமடைந்ததாக கூறப்படுகிறது. இதனால் கட்டுப்பாட்டை இழந்த லாரி சாலையோர பள்ளத்தில் கவிழ்ந்து விபத்துக்கு உள்ளானது. இதில் படுகாயம் அடைந்த சந்தோஷ் சம்பவ இடத்திலேயே பரிதாபமாக உயிரிழந்தார். இதுகுறித்து தகவலறிந்த போலீசார் சம்பவ இடத்திற்கு சென்று உடலை மீட்டு பிரேத பரிசோதனைக்காக கோத்தகிரி அரசு மருத்துவமனைக்கு அனுப்பி வைத்தனர். இந்த சம்பவம் குறித்து வழக்குப்பதிவு செய்து விசாரணை நடத்தி வருகின்ற

ஊட்டி,

நீலகிரி கூடலூர் தாலுகா ஓவேலி பேரூராட்சி ஆரோட்டுப்பாறை மற்றும் சுற்றுவட்டார பகுதியை சேர்ந்த 2 பேரை ஊருக்குள் புகுந்து காட்டு யானை தாக்கி கொன்றது. இதனால் காட்டு யானையை பிடிக்க கோரி கிராம மக்கள் தொடர் போராட்டத்தில் ஈடுபட்டனர்.

தொடர்ந்து அதிகாரிகள் பேச்சுவார்த்தை நடத்தினர். பின்னர் முதுமலையில் இருந்து கும்கி யானைகள் வரவழைக்கப்பட்டு, ஊருக்குள் புகுந்த காட்டு யானையை விரட்டும் பணி மேற்கொள்ளப்பட்டது. ஊருக்குள் வராதவாறு வனத்துறையினர் தொடர் கண்காணிப்பில் ஈடுபட்டனர். இதனால் பொதுமக்கள் நிம்மதி அடைந்தனர்.

இந்தநிலையில் சமீபத்தில் 2 பேரை கொன்ற காட்டு யானை ஊருக்குள் புகுந்தது. இதனால் ஆரோட்டுப்பாறை மக்கள் அச்சமடைந்தனர் இதைத்தொடர்ந்து கூடலூர் வன அலுவலர் கொம்மு ஓம்காரம் உத்தரவின் பேரில், உதவி வன பாதுகாவலர் கருப்பையா மேற்பார்வையில் வனச்சரகர் யுவராஜ்குமார் தலைமையில் வனவர்கள் சுதீர் குமார், வீரமணி உள்ளிட்ட 25-க்கும் மேற்பட்ட வன ஊழியர்கள் காட்டு யானையை விரட்டும் பணியில் ஈடுபட்டனர்.

இந்த நிலையில் நியூ ஹோப் போலீஸ் நிலையம் பகுதியில் ந காட்டு யானை முகாமிட்டது. பின்னர் இரவு, பகலாக வனத்துறையினர் அப்பகுதியில் முகாமிட்டு ஊருக்குள் வராத வகையில் கண்காணிப்பு மேற்கொண்டனர்.

நேற்று பல்வேறு கட்ட நடவடிக்கைக்கு பிறகு பச்சக்காடு வழியாக டெலோவுஸ் வனப்பகுதிக்குள் காட்டு யானையை விரட்டினர். இதனால் பொதுமக்கள் மட்டுமின்றி வனத்துறையினரும் நிம்மதி அடைந்தனர்.

இதுகுறித்து வனத்துறையினர் கூறும் போது, சந்தன மலை முருகன் கோவில் பங்குனி உத்திர திருவிழா உள்பட பல்வேறு கோவில்களில் விழாக்கள் நடைபெற்று வருகிறது. இதனால் அசம்பாவிதங்கள் ஏற்படாமல் இருக்க இரவு, பகலாக வனத்துறையினர் கண்காணிப்பு பணியில் ஈடுபட்டு வருகின்றனர் என்றனர்.

ஊட்டி,

கோடை சீசன் நீலகிரி மாவட்டத்தில் ஆண்டுதோறும் ஏப்ரல், மே மாதங்களில் கோடை சீசன் நடைபெறுகிறது. கோடை விழாவில் பல்வேறு நிகழ்ச்சிகள் நடத்தப்படுகிறது

அதன் ஒரு பகுதியாக ஏப்ரல் மாதம் 14-ந் தேதி (தமிழ் புத்தாண்டு) முதல் ஜூன் மாதம் வரை மெட்ராஸ் ரேஸ் கிளப் சார்பில் ஊட்டியில் புகழ்பெற்ற குதிரை பந்தயம் நடத்தப்படுகிறது. கடந்த ஆண்டு தொடர் மழை காரணமாக அனைத்து போட்டிகளையும் நடத்த முடியாமல் போனது.

இதனால் நடப்பாண்டில் முன்கூட்டியே 1-ந் தேதி முதல் (அதாவது நேற்று) குதிரை பந்தயத்தை நடத்த திட்டமிடப்பட்டது. இதற்காக மைதானத்தை தயார் செய்யும் பணிகள் தீவிரமாக நடந்து வந்தத

இந்தநிலையில் நேற்று 136-வது குதிரை பந்தயம் ஊட்டியில் தொடங்கியது. முதல் நாளான நேற்று 8 போட்டிகள் நடத்த திட்டமிடப்பட்டது. பந்தயங்களில் பங்கேற்ற குதிரைகள் இலக்கை நோக்கி சீறிப்பாய்ந்து ஓடின. முதல் போட்டியில் சாண்டாமரினா ஸ்டார் குதிரை வெற்றி பெற்றது. நீலகிரி முனிசிபாலிட் கோப்பைக்கான போட்டியில் 10 குதிரைகள் பங்கேற்றன. இதில் ராயல் ஐகான் குதிரை வெற்றி பெற்றது.

குதிரையின் உரிமையாளர் எம்.ஏ.எம்.ராமசாமி அறக்கட்டளைக்கு ரூ.3 லட்சத்து 71 ஆயிரத்து 250, பயிற்சியாளர் பி.சுரேசுக்கு ரூ.45 ஆயிரம், ஜாக்கி சி.உமேசுக்கு ரூ.33,750 பரிசுத்தொகை மற்றும் கோப்பை வழங்கப்பட்டது.

ஊட்டி நகராட்சி ஆணையாளர் காந்திராஜன் வெற்றி பெற்ற குதிரையின் பயிற்சியாளர், ஜாக்கிக்கு கோப்பையை வழங்கினார்.

இதைத்தொடர்ந்து மதியம் 12 மணியளவில் திடீரென கோடை மழை பெய்ய தொடங்கியது. மழை காரணமாக வெல்கம் கோப்பைக்கான 7 மற்றும் 8-ம் போட்டிகள் ரத்து செய்யப்பட்டன

. குதிரை பந்தயத்தில் 37 ஜாக்கிகள், 24 பயிற்சியாளர்கள் கலந்துகொண்டனர். இதில் மொத்தம் ரூ.6 கோடியே 70 லட்சம் பரிசுத்தொகை வழங்கப்படுகிறது. ஊட்டியில் குதிரை பந்தயம் மே மாதம் 28-ந் தேதி வரை நடக்கிறது.

கோத்தகிரி,

நீலகிரி மாவட்டம் சோலூர் மட்டம் மதுவிலக்கு அமலாக்கபிரிவு சிறப்பு இன்ஸ்பெக்டர் முருகன் தலைமையிலான போலீசார் சோலூர்மட்ட காவல் நிலையத்திற்குட்பட்ட பகுதிகளில் ரோந்து பணியில் ஈடுபட்டனர்.

அப்போது அங்கு சந்தேகத்திற்கிடமாக முதியவர் ஒருவர் நின்று கொண்டிருந்தார். போலீசார் அவரை பிடித்து விசாரித்த போது முன்னுக்குப்பின் முரணாக பதில் அளித்தார். இதையடுத்து அவரை போலீஸ் நிலையம் அழைத்து சென்று விசாரித்தனர்.

விசாரணையில் அவர் சோலூர்மட்டத்தை சேர்ந்த சுடலைமணி(65) என்பதும், மது விற்பதற்காக அங்கு நின்றிருந்ததும் தெரியவந்தது. இதையடுத்து போலீசார் அவரை கைது செய்தனர். மேலும் அவரிடம் இருந்து 9 மதுபாட்டில்கள் பறிமுதல் செய்யப்பட்டது.

ஊட்டி,

நீலகிரி மாவட்டம் கூடலூரை சேர்ந்தவர் எட்வின் ஜார்ஜ்(வயது58).

இவர் கூடலூர்-தேவர்சோலை ரோடு பகுதியில் சொந்தமாக கடை நடத்தி வருகிறார்.

சம்பவத்தன்று இரவு இவர் கடையை பூட்டி விட்டு வீட்டிற்கு சென்றார். பின்னர் மறுநாள் காலை வழக்கம் போல கடையை திறக்க வந்தார். அப்போது கடையின் பூட்டு உடைக்கப்பட்டு திறந்து கிடந்தது.

இதை பார்த்து அதிர்ச்சியான அவர் உள்ளே சென்று பார்த்தார். அப்போது, கடையில் இருந்த ரூ.14 ஆயிரம் மதிப்பிலான பொருட்கள் திருடு போய் இருந்தது.

இவர் கடையை பூட்டி சென்றதை நோட்டமிட்ட நபர்கள் அதன்பின்னர் கடையை உடைத்து உள்ளே நுழைந்து பொருட்களை திருடி சென்றது தெரியவந்தது.

இதுகுறித்து எட்வி ன்ஜார்ஜ் கூடலூர் போலீசில் புகார் அளித்தார். அதன் பேரில் போலீசார் வழக்குப்பதிவு செய்து விசாரணை நடத்தினர். விசாரணையில் கடையை உடைத்து பொருட்களை திருடியது கூடலூர் யானைசெத்தகொல்லியை சேர்ந்த மனோகரன்(37) என்பது தெரியவந்தது.

இதையடுத்து போலீசார் அவரை கைது செய்தனர். பின்னர் அவரை கோர்ட்டில் ஆஜர்படுத்தி ஜெயிலில் அடைத்தனர்.