நீங்கள் தேடியது "slug 223809"

மஹிந்திரா அண்ட் மஹிந்திரா நிறுவனம் தனது பொலிரோ மாடல் 2023 நிதியாண்டில் மட்டும் விற்பனையில் 1 லட்சம் யூனிட்களை கடந்துள்ளதாக அறிவித்து இருக்கிறது. 2000-ம் ஆவது ஆண்டு இந்திய சந்தையில் விற்பனைக்கு அறிமுகம் செய்யப்பட்ட மஹிந்திரா பொலிரோ மாடல் இதுவரை விற்பனையில் 14 லட்சம் யூனிட்களை கடந்துள்ளது.

2021 மத்தியில் அறிமுகம் செய்யப்பட்ட மஹிந்திரா பொலிரோ நியோ மாடலும் பொலிரோ சீரிஸ் விற்பனை அதிகரிக்க உதவி இருக்கிறது. இந்தியாவில் விற்பனையான டாப் 30 யுடிலிட்டி வாகனங்கள் பட்டியலில் மஹிந்திரா நிறுவனத்தின் பொலிரோ மாடல் மொத்தத்தில் 1 லட்சத்து 577 யூனிட்கள் விற்பனையாகி ஏழாவது இடம்பிடித்துள்ளதாக தகவல் வெளியாகி உள்ளது.

பொலிரோ மற்றும் பொலிரோ நியோ மாடல்கள் இணைந்து மாதம் 8 ஆயிரத்து 381 யூனிட்கள் விற்பனையாகி இருக்கிறது. இதன் மூலம் வருடாந்திர விற்பனை அடிப்படையில் 54 சதவீதம் வளர்ச்சியை பொலிரோ மாடல் பதிவு செய்துள்ளது.

இந்திய சந்தையில் பொலிரோ மாடல் B4, B6, மற்றும் B6 (O) என மூன்று வேரியண்ட்களில் கிடைக்கிறது. இவற்றின் விலை ரூ. 9 லட்சத்து 92 ஆயிரம் என்று துவங்குகிறது. இதன் டாப் எண்ட் மாடல் விலை ரூ. 11 லட்சத்து 03 ஆயிரம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

"விற்பனையில் 14 லட்சம் யூனிட்களை கடந்து இருப்பதன் மூலம் பொலிரோ மாடல் எஸ்யுவி என்பதை கடந்து, இந்தியாவின் ஊரக மற்றும் வளர்ந்து வரும் நகர்ப்புறங்களில் மிகவும் பிரபலமான பெயராகவும் மாறி இருக்கிறது. 2023 நிதியாண்டில் ஒரு லட்சம் யூனிட்கள் எனும் விற்பனை எங்களது வாடிக்கையாளர்களின் வைத்திருக்கும் நம்பிக்கையை வெளிப்படுத்தி இருக்கிறது," என்று மஹிந்திரா அண்ட் மஹிந்திரா நிறுவனத்தின் ஆட்டோமோடிவ் பிரிவு தலைவர் வீஜே நக்ரா தெரிவித்துள்ளார்.

மஹிந்திரா நிறுவனம் தனது ஸ்கார்பியோ N விலையை இந்தியாவில் மீண்டும் உயர்த்தி இருக்கிறது. இந்த ஆண்டில் மட்டும் ஸ்கார்பியோ N விலை மாற்றப்படுவது இரண்டாவது முறை ஆகும். முன்னதாக இந்த ஆண்டு ஜனவரி மாத வாக்கில் ஸ்கார்பியோ N விலை இந்தியாவில் உயர்த்தப்பட்டது. அப்போது இதன் விலை ரூ. 1 லட்சத்து 35 ஆயிரம் வரை உயர்த்தப்பட்டது.

தற்போதைய விலை உயர்வின் படி மஹிந்திரா ஸ்கார்பியோ N விலை ரூ. 13 லட்சத்து 06 ஆயிரம் என்று துவங்குகிறது. இதன் டாப் எண்ட் மாடல் விலை ரூ. 24 லட்சத்து 51 ஆயிரம் என்று மாறி இருக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. 2022-23 வரையிலான காலக்கட்டத்தில் ஸ்கார்பியோ சீரிஸ் மட்டும் 68 ஆயிரத்து 147 யூனிட்கள் விற்பனையாகி இருந்தது.

பிப்ரவரி மாத நிலவரப்படி புதிய ஸ்கார்பியோ N மாடலை வாங்க அதிகபட்சம் 65 வாரங்கள் வரை காத்திருக்க வேண்டிய சூழல் ஏற்பட்டது. மஹிந்திரா ஸ்கார்பியோ N மாடல் 2.0 லிட்டர் டர்போ பெட்ரோல் மற்றும் 2.2 லிட்டர் டீசல் என இருவித என்ஜின் ஆப்ஷன்களில் கிடைக்கிறது. இவை முறையே 198 ஹெச்பி பவர், 380 நியூட்டன் மீட்டர் டார்க் மற்றும் 173 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகின்றன.

இருவித என்ஜின்களுடன் 6 ஸ்பீடு மேனுவல் அல்லது ஆட்டோமேடிக் டிரான்ஸ்மிஷன் மற்றும் 4WD ஆப்ஷனாக வழங்கப்படுகிறது. இந்திய சந்தையில் மஹிந்திரா ஸ்கார்பியோ N மாடல் Z2, Z4, Z6, Z8 மற்றும் Z8L போன்ற வேரியண்ட்களில் கிடைக்கிறது. இந்த மாடல் ஆறு மற்றும் ஏழு பேர் அமரக்கூடிய இருக்கை அமைப்புகளில் கிடைக்கிறது.

இந்திய ஆட்டோமொபைல் துறையின் முன்னோடியும், மஹிந்திரா அண்ட் மஹிந்திரா லிமிடெட் தலைவருமான கேசுப் மஹிந்திரா இன்று அதிகாலை காலமானார்.

மஹந்திரா குழும தலைவர் பதவியை 48 ஆண்டுகளாக வகித்து வந்த கேசுப் மஹிந்திரா, ஆட்டோமொபைல் துறை மட்டுமின்றி தகவல் தொழில்நுட்பம், ரியல் எஸ்டேட், நிதி சேவைகள் மற்றும் மருத்துவம் என பல்வேறு துறைகளில் மஹிந்திரா குழுமம் களமிறங்க முக்கிய காரணமாக விளங்கினார்.

இதுதவிர வில்லிஸ் கார்ப்பரேஷன், மிட்சுபிஷி, இண்டர்நேஷனல் ஹார்வெஸ்டர், யுனைடட் டெக்னாலஜிஸ், பிரிடிஷ் டெலிகாம் உள்பட பல்வேறு சர்வதேச நிறுவனங்களுடன் மஹிந்திரா கூட்டணி அமைக்கவும் முக்கிய பங்கு வகித்தார்.

அமெரிக்காவின் பென்சில்வேனியா பல்கலைக்கழகத்தில் பட்டம் பெற்ற கேசுப் மஹிந்திரா 1947 ஆண்டு வாக்கில் மஹிந்திரா அண்ட் மஹிந்திரா நிறுவனத்தில் இணைந்தார். 1963 வாக்கில் இவர் மஹிந்திரா நிறுவனத்தின் தலைமை பொறுப்பை ஏற்றுக் கொண்டார். 2012 ஆம் ஆண்டு மஹிந்திரா அண்ட் மஹிந்திரா நிறுவனத்தின் நிர்வாக குழு இயக்குனர்களில் ஒருவராக கேசுப் மஹிந்திரா தொடர்ந்தார்.

ஸ்டீல் நிறுவனமாக துவங்கி இன்று உலகளவில் பல்வேறு வியாபாரங்களில் ஈடுபட்டு வரும் வியாபார குழுமமாக மஹிந்திரா அண்ட் மஹிந்திரா நிறுவன மதிப்பு 15.4 பில்லியன் டாலர்களாக உயர்ந்து இருக்கிறது. நிறுவனத்தின் தலைமை பொறுப்பை கேசுப் மஹிந்திரா அன்று துணை தலைவர் மற்றும் நிர்வாக இயக்குனராக இருந்த ஆனந்த் மஹிந்திராவிடம் ஒப்படைத்தார்.

பல்வேறு தனியார் மற்றும் பொதுத் துறை நிறுவனங்களின் நிர்வாக குழுவில் பணியாற்றி இருக்கும் கேசுப் மஹிந்திரா ஹட்கோ நிறுவனர் ஆவார். மேலும் செயில், டாடா ஸ்டீல், டாடா கெமிக்கல்ஸ், இந்தியன் ஒட்டல்ஸ், ஐஎப்சி. ஐசிஐசிஐ மற்றும் ஹெச்டிஎப்சி என பல்வேறு கார்ப்பரேட் நிறுவனங்களின் குழுக்களில் இடம்பெற்று இருக்கிறார்.

கேசுப் மஹிந்திராவின் மறைவுக்கு இரங்கல் தெரிவித்த இந்திய ஆட்டோமொபைல் உற்பத்தியாளர்கள் கூட்டமைப்பு தலைவர் வினோத் அகர்வால், இந்திய ஆட்டோமொபைல் துறை முன்னோடிகளில் ஒருவரை இழந்துவிட்டதாக தெரிவித்து இருக்கிறார். 

மஹிந்திரா நிறுவனம் தனது கார்களில் தேர்வு செய்யப்பட்ட எஸ்யுவி மாடல்களுக்கு அதிகபட்சம் ரூ. 72 ஆயிரம் வரையிலான சலுகைகளை அறிவித்து இருக்கிறது. விருப்பமுள்ள வாடிக்கையாளர்கள் மராசோ, பொலிரோ, பொலிரோ நியோ, தார் 4 வீல் டிரைவ் மற்றும் XUV300 போன்ற மாடல்களை அசத்தல் சலுகைகளுடன் வாங்கிட முடியும். தற்போது அதிக பிரபலமாக இருக்கும் ஸ்கார்பியோ கிளாசிக், ஸ்கார்பியோ N, தார் 2 வீல் டிரைவ், XUV400 EV மற்றும் XUV700 போன்ற மாடல்களுக்கு எவ்வித சலுகையும் அறிவிக்கப்படவில்லை.

இந்த மாத சலுகைகளில் மஹிந்திரா மராசோ மாடலுக்கு ரூ. 72 ஆயிரம் வரையிலான பலன்கள் வழங்கப்படுகிறது. இதில் டாப் எண்ட் M6 மாடலுக்கு தள்ளுபடி வழங்கப்படுகிறது. மிட் ரேஞ்ச் M4பிளஸ் மற்றும் பேஸ் M2 வேரியண்ட்களுக்கு முறையே ரூ. 34 ஆயிரம் மற்றும் ரூ. 58 ஆயிரம் வரையிலான தள்ளுபடி வழங்கப்படுகிறது. மராசோ மாடல் இந்தியாவில் மூன்று வேரியண்ட்களில் கிடைக்கிறது.

மஹிந்திரா பொலிரோ மாடலுக்கு ரூ. 66 ஆயிரம் வரை சலுகைகள் அறிவிக்கப்பட்டுள்ளன. இதில் டாப் எண்ட் B6 (O) வேரியண்டிற்கு ரூ. 51 ஆயிரம் தள்ளுபடி, ரூ. 15 ஆயிரம் மதிப்பிலான அக்சஸரீக்கள் வழங்கப்படுகின்றன. மிட் ரேஞ்ச் மற்றும் எண்ட்ரி லெவல் வேரியண்ட்களுக்கு முறையே ரூ. 24 ஆயிரம் மற்றும் ரூ. 37 ஆயிரம் வரையிலான பலன்கள் வழங்கப்படுகிறது.

இதே போன்று XUV300 மாடலுக்கு ரூ. 52 ஆயிரம் வரையிலான பலன்கள் வழங்கப்படுகின்றன. இதில் W8 டீசல் வேரியண்டிற்கு ரூ. 42 ஆயிரம் தள்ளுபடி, ரூ. 10 ஆயிரம் மதிப்பிலான அக்சஸீர்கள் வழங்கப்படுகின்றன. மஹிந்திரா பொலிரோ நியோ மாடலுக்கு அதிகபட்சம் ரூ. 48 ஆயிரம் வரையிலான சலுகைகள் அறிவிக்கப்படுகின்றன. இதன் டாப் எண்ட் மாடல்களுக்கு ரூ. 36 ஆயிரம் வரையிலான தள்ளுபடி, ரூ. 12 ஆயிரம் வரையிலான அக்சஸரீக்கள் வழங்கப்படுகின்றன.

மஹிந்திரா தார் 4X4 மாடலை வாங்குவோருக்கு ரூ. 40 ஆயிரம் வரையிலான பலன்கள் வழங்கப்படுகின்றன. இது பெட்ரோல் மற்றும் டீசல் என இருவித வேரியண்ட்களுக்கும் பொருந்தும். இந்திய சந்தையில் தார் 4X4 மாடல் இரண்டு வேரியண்ட்களில் கிடைக்கிறது. 

மஹிந்திரா நிறுவனம் தார் எஸ்யுவி உற்பத்தியில் ஒரு லட்சம் யூனிட்களை எட்டியது. மகாராஷ்டிரா மாநிலத்தின் நாசிக் உற்பத்தி ஆலையில் இருந்து ஒரு லட்சமாவது யூனிட் வெளியிடப்பட்டது. இரண்டாம் தலைமுறை மஹிந்திரா தார் மாடல் அறிமுகம் செய்யப்பட்ட 2.5 ஆண்டுகளில் இந்த மைல்கல்லை எட்டி அசத்தியுள்ளது.

அக்டோபர் 2020 வாக்கில் மஹிந்திரா தார் மாடல் அறிமுகம் செய்யப்பட்டது. இது 2010 வாக்கில் அறிமுகமான முதல் தலைமுறை மாடலின் மேம்பட்ட வெர்ஷன் ஆகும். புதிய மஹிந்திரா தார் மாடல் அறிமுகமான முதல் மூன்று வாரங்களில் சுமார் 15 ஆயிரம் முன்பதிவுகளையும், முதல் ஆண்டிற்குள் 75 ஆயிரம் முன்பதிவுகளை பெற்றது.

அறிமுகம் செய்யப்பட்ட ஒரே மாதத்தில் தார் 4x4 மாடல் குளோபல் NCAP பாதுகாப்பு பரிசோதனையில் நான்கு நட்சத்திர குறியீடுகளை பெற்றது. எனினும், இது பழைய டெஸ்டிங் வழிமுறைகளின் கீழ் பரிசோதனை செய்யப்பட்டது. மஹிந்திரா நிறுவனம் இந்த ஆண்டு ஜனவரி மாத வாக்கில் தார் மாடலின் 4x2 வெர்ஷனை அறிமுகம் செய்தது.

மஹிந்திரா தார் மாடல் 1.5 லிட்டர் டீசல் எஞ்சின், 2.0 லிட்டர் பெட்ரோல் மற்றும் 2.2 லிட்டர் டீசல் எஞ்சின் ஆப்ஷன்களில் கிடைக்கிறது. இவை முறையே 118 ஹெச்பி பவர், 300 நியூட்டன் மீட்டர் டார்க் இழுவிசையை வெளிப்படுத்துகிறது. இதன் 2.0 லிட்டர் பெட்ரோல் எஞ்சின் 152 ஹெச்பி பவர், 300 நியூட்டன் மீட்டர் டார்க் இழுவிசையை வெளிப்படுத்துகிறது. இதன் 2.2 லிட்டர் டீசல் எஞ்சின் 130 ஹெச்பி பவர், 300 நியூட்டன் மீட்டர் டார்க் இழுவிசையை வெளிப்படுத்துகிறது.

இதன் 2.0 லிட்டர் பெட்ரோல் மற்றும் 2.2 லிட்டர் டீசல் எஞ்சின்களுடன் 6 ஸ்பீடு மேனுவல் மற்றும் 6 ஸ்பீடு ஆட்டோமேடிக் கியக்பாக்ஸ் வழங்கப்படுகிறது. இதன் டீசல் எஞ்சின் 4WD ஆப்ஷனில் மட்டுமே கிடைக்கிறது. பெட்ரோல் மாடல் 4WD மற்றும் 2WD ஆப்ஷன்களில் கிடைக்கிறது.

மஹிந்திரா அண்ட் மஹிந்திரா நிறுவனம் பொலிரோ மற்றும் பொலிரோ நியோ மாடல்களின் விலையை உயர்த்தி இருக்கிறது. இரு எஸ்யுவி-க்கள் புதிய RDE விதிகளுக்கு ஏற்ப அப்டேட் செய்யப்படுவதால் இவற்றின் விலை ஏப்ரல் 1, 2023 முதல் உயர்த்தப்படுகிறது. பொலிரோ மாடலின் விலை ரூ. 31 ஆயிரம் வரை உயர்ந்திருக்கிறது. பொலிரோ நியோ மாடலின் விலை ரூ. 15 ஆயிரம் வரை உயர்கிறது.

புதிய விலை விவரங்கள்:

பொலிரோ நியோ ரூ. 9 லட்சத்து 63 ஆயிரத்தில் துவங்கி ரூ. 12 லட்சத்து 14 ஆயிரம் என நிர்ணயம் செய்யப்பட்டு இருக்கிறது. பொலிரோ மாடலின் விலை ரூ. 9 லட்சத்து 78 ஆயிரம் என துவங்கி அதிகபட்சம் ரூ. 10 லட்சத்து 79 ஆயிரம் வரை நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

பொலிரோ நியோ மாடலின் N10 லிமிடெட் எடிஷன் வேரியண்ட் தவிர அனைத்து வேரியண்ட்களின் விலையும் ரூ. 15 ஆயிரம் உயர்த்தப்பட்டுள்ளது. பொலிரோ B4 வேரியண்ட் விலை ரூ. 25 ஆயிரம் உயர்த்தப்படுகிறது. இதன் டாப் எண்ட் B6 (O) விலை ரூ. 31 ஆயிரம் அதிகரிக்கப்பட்டு இருக்கிறது. பொலிரோ B6 விலை எவ்வித மாற்றமும் இன்றி ரூ. 10 லட்சம் என்றே விற்பனை செய்யப்படுகிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

மஹிந்திரா பொலிரோ நியோ மாடலில் 1.5 லிட்டர் டீசல் என்ஜின் கொண்டிருக்கிறது. இது 100 பிஎஸ் பவர், 260 நியூட்டன் மீட்டர் டார்க் இழுவிசையை வெளிப்படுத்துகிறது. பொலிரோ மாடலில் 75பிஎஸ் பவர், 210 நியூட்டன் மீட்டர் டார்க் இழுவிசையை வெளிப்படுத்தும் என்ஜின் வழங்கப்பட்டு இருக்கிறது. இரு எஸ்யுவி-க்களுடன் 5 ஸ்பீடு மேனுவல் டிரான்ஸ்மிஷன் ஸ்டாண்டர்டு அம்சமாக வழங்கப்படுகிறது.

மஹிந்திரா நிறுவனம் இந்திய சந்தைில் தனது வாகனங்களை பிஎஸ்6 2 விதிகளுக்கு ஏற்ப அப்டேட் செய்ய துவங்கி இருக்கிறது. தற்போது பொலிரோ நியோ மாடலில் மேம்பட்ட டீசல் என்ஜின் வழங்கப்பட்டு இருக்கிறது. அப்டேட் செய்யப்பட்டதை அடுத்து புதிய பொலிரோ நியோ மாடலின் விலை உயர்த்தப்பட்டு இருக்கிறது.

பொலிரோ நியோ மாடலில் 1.5 லிட்டர் டீசல் என்ஜின் வழங்கப்பட்டு இருக்கிறது. இந்த என்ஜின் 100 ஹெச்பி பவர், 260 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. புதிய மாடலில் உள்ள என்ஜின் பிஎஸ்6 2 மற்றும் E 20 எரிபொருளுக்கு ஏற்ற வகையில் உருவாக்கப்பட்டு இருக்கிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்பட்டுள்ளது.

லிமிடெட் எடிஷன் தவிர பிஎஸ்6 2 என்ஜின் கொண்ட மற்ற வேரியண்ட்களின் விலை ரூ. 15 ஆயிரம் வரை அதிகரித்து இருக்கிறது. அதன்படி மஹிந்திரா பொலிரோ நியோ விலை தற்போது ரூ. 9 லட்சத்து 63 ஆயிரம், எக்ஸ்-ஷோரூம் என துவங்குகிறது. இந்த எஸ்யுவி மாடல் N4, N8, N10 மற்றும் N10 (O) வேரியண்ட்களில் கிடைக்கிறது.

சமீபத்தில் வெளியான தகவல்களின் படி பொலிரோ நியோ மாடலின் வேரியண்ட் விரைவில் மாற்றியமைக்கப்படும் என தெரியவந்துள்ளது. இந்த எஸ்யுவி மாடல்- N4 (O), N8 R, N10 (R) மற்றும் N10 (O) (R) போன்ற வேரியண்ட்களில் கிடைக்கும் என தெரிகிறது. எனினும், இவை எப்போது அறிமுகம் செய்யப்படும் என்பது பற்றிய தகவல்கள் மர்மமாகவே உள்ளது.

மஹிந்திரா நிறுவனம் இந்திய சந்தையில் XUV300 மாடலை புதிய என்ஜின்களுடன் அப்டேட் செய்தது. அந்த வகையில், XUV300 மாடல் தற்போது பிஎஸ்6 2 மற்றும் RDE விதிகளுக்கு ஏற்ப அப்டேட் செய்யப்பட்டு உள்ளது. என்ஜின் அப்டேட் செய்யப்பட்டு இருப்பதை அடுத்து மஹிந்திரா நிறுவனம் XUV300 பிஎஸ்6 2 விலையை அதன் முந்தைய வெர்ஷனை விட அதிகரித்து இருக்கிறது.

அதன்படி மஹிந்திரா XUV300 பிஎஸ்6 2 விலை ரூ. 8 லட்சத்து 41 ஆயிரம், எக்ஸ்-ஷோரூம் என துவங்குகிறது. புதிய மஹிந்திரா XUV300 மாடலில் 1.2 லிட்டர் பெட்ரோல் என்ஜின் மற்றும் 1.5 லிட்டர் டீசல் என்ஜின் வழங்கப்பட்டு இருக்கிறது. இவற்றில் பெட்ரோல் என்ஜின் 109 ஹெச்பி பவர், 200 நியூட்டன் மீட்டர் டார்க் இழுவிசையை வெளிப்படுத்துகிறது.

டீசல் என்ஜின் 115 ஹெச்பி பவர், 300 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு மேனுவல் மற்றும் AMT டிரான்ஸ்மிஷன் வழங்கப்படுகிறது. இரு என்ஜின்களும் தற்போது பிஎஸ்6 2 மற்றும் RDE விதிகளுக்கு ஏற்ப அப்டேட் செய்யப்பட்டு உள்ளன. இந்தியாவில் ஏப்ரல் 1, 2023 முதல் புதிய புகை விதிகள் அமலுக்கு வருகின்றன.

இந்திய சந்தையில் XUV300 அப்டேட் செய்யப்பட்டு இருப்பதை அடுத்து அதன் விலைகளும் மாறி இருக்கின்றன. மஹிந்கிரா XUV300 மேனுவல் கியர்பாக்ஸ் கொண்ட பெட்ரோல் W4 மற்றும் W6 வேரியண்ட்களின் விலையில் எவ்வித மாற்றமும் மேற்கொள்ளப்படவில்லை. இவற்றின் விலை முறையே ரூ. 8 லட்சத்து 41 ஆயிரம், ரூ. 9 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளன.

மஹிந்திரா XUV300 பெட்ரோல் AMT வேரியண்ட் W6 விலை தற்போது ரூ. 20 ஆயிரம் அதிகரித்து ரூ. 10 லட்சத்து 71 ஆயிரம் என மாறி இருக்கிறது. பெட்ரோல் என்ஜின் கொண்ட மற்ற வேரியண்ட்களின் விலை ரூ. 15 ஆயிரம் வரை அதிகரித்து இருக்கிறது. டீசல் என்ஜின் கொண்ட W4, W6 மற்றும் W8 வேரியண்ட்களின் விலை ரூ. 20 ஆயிரம் உயர்ந்துள்ளது. W8(O) விலை ரூ. 22 ஆயிரம் அதிகரித்து இருக்கிறது.

மஹிந்திரா நிறுவனத்தின் XUV400 எலெக்ட்ரிக் எஸ்யுவி மாடல் இந்திய சந்தையில் நல்ல வரவேற்பை பெற்று வருகிறது. அறிமுகம் செய்யப்பட்டதில் இருந்து XUV400 மாடல் அதிக பிரபலமாக உள்ளது. இந்தியாவில் XUV400 எலெக்ட்ரிக் எஸ்யுவி-யை அறிமுகம் செய்யும் போதே, விசேஷமாக டிசைன் செய்யப்பட்ட XUV400 ஏலத்தில் விற்பனை செய்யப்படும் என மஹிந்திரா அறிவித்தது. அதன்படி ஏலத்தில் விற்பனையாகும் தொகை தொண்டு நிறுவனத்திற்கு வழங்கப்படும் என்றும் மஹிந்திரா அறிவித்து இருந்தது.

இந்த நிலையில், மஹிந்திரா நிறுவனம் ஸ்பெஷல் எடிஷன் XUV400 மாடலை ஏலத்தில் ரூ. 1 கோடிக்கு விற்பனை செய்து இருக்கிறது. ரூ. 1 கோடிக்கு விற்பனை செய்யப்பட்ட மஹிந்திரா XUV400 காரை மஹிந்திரா அண்ட் மஹிந்திரா நிறுவன தலைவர் ஆனந்த் மஹிந்திரா ஐதராபாத்தை சேர்ந்த கருணாகர் குந்தவரம் என்பவரிடம் வழங்கினார். இவர் ஸ்பெஷல் எடிஷன் மஹிந்திரா XUV400 மாடலை ரூ. 1 கோடியே 75 ஆயிரத்திற்கு ஏலத்தில் வாங்கி இருக்கிறார்.

ஏலத்தில் கிடைக்கும் தொகை முழுவதும் பூமியின் வளர்ச்சி நிதிக்காக வழங்கப்படுகிறது. ஸ்பெஷல் எடிஷன் மஹிந்திரா XUV400 மாடல் மஹிந்திரா மூத்த டிசைன் பிரிவு அலுவலர் பிரதாப் போஸ் மற்றும் புகழ்பெற்ற ஆடை வடிவமைப்பாளர் ரிம்ஸிம் டடு இணைந்து உருவாக்கி உள்ளனர். இந்த ஸ்பெஷல் எடிஷன் XUV400 மாடல் "ரிம்ஸிம் டடு X போஸ்" எடிஷன் என அழைக்கப்படுகிறது.

இந்த கார் ஆர்க்டிக் புளூ பெயிண்ட் செய்யப்பட்டு இருக்கிறது. காரின் முன்புறம் மற்றும் பின்புறத்தில் டுவின் பீக் லோகோ காப்பர் ஃபினிஷ் செய்யப்பட்டு உள்ளது. இந்த XUV400 மாடலின் சில பகுதிகளில் "ரிம்ஸிம் டடு X போஸ்" லோகோ இடம்பெற்று இருக்கிறது. ஸ்பெஷல் எடிஷன் தவிர மஹிந்திரா XUV400 முன்பதிவு ஏற்கனவே துவங்கி நடைபெற்று வருகிறது. இந்த காரின் விலை ரூ. 15 லட்சத்து 99 ஆயிரம் என துவங்கி டாப் எண்ட் மாடல் விலை ரூ. 18 லட்சத்து 99 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்திய சந்தையில் புதிய மஹிந்திரா XUV400 மாடல்- எவரஸ்ட் வைட், ஆர்க்டிக் புளூ, நபோளி பிளாக், கேலக்ஸி கிரே மற்றும் இன்ஃபினிட்டி புளூ என ஐந்து விதமான நிறங்களில் கிடைக்கிறது. புதிய XUV400 மாடலை வாங்க இதுவரை சுமார் 15 ஆயிரத்திற்கும் மேற்பட்டோர் முன்பதிவு செய்துள்ளனர். 

மஹிந்திரா தார் ஆஃப் ரோடர் மாடலின் ரியர் வீல் டிரைவ் (RWD) வெர்ஷன் சமீபத்தில் அறிமுகம் செய்யப்பட்டது. புதிய தார் மாடல் விலை ரூ. 9 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. மஹிந்திரா தார் RWD வினியோகம் துவங்கி நடைபெற்று வருகிறது.

இந்த நிலையில், ஏற்கனவே விற்பனை செய்யப்பட்டு வரும் மஹிந்திரா தார் 4WD வேரியண்ட்களுக்கு அந்நிறுவனம் ரூ. 1 லட்சம் வரையிலான தள்ளுபடி வழங்குகிறது. இவற்றில் ரூ. 45 ஆயிரம் தள்ளுபடி அல்லது ரூ. 60 ஆயிரம் வரையிலான அக்ச்ஸரீக்கள் வழங்கப்படுகிறது.

இத்துடன் ரூ. 10 ஆயிரம் வரை கார்ப்பரேட் போனஸ், ரூ. 15 ஆயிரம் வரை எக்சேன்ஜ் போனஸ் வழங்கப்படுகிறது. இவற்றுடன் இன்சூரன்ஸ் பலன்கள், மூன்று ஆண்டுகளுக்கு பராமரிப்பு பேக்கேஜ் உள்ளிட்டவை வழங்கப்படுகிறது. எனினும், இந்த பலன்கள் MY2022 LX பெட்ரோல் AT 4WD வேரியண்டிற்கு மட்டுமே வழங்கப்படுகிறது.

இந்திய சந்தையில் மஹிந்திரா தார் 4WD MY2022 LX பெட்ரோல் AT வேரியண்ட் விலை ரூ. 15 லட்சத்து 82 ஆயிரம், எக்ஸ்-ஷோரூம் ஆகும். இதுதவிர மஹிந்திரா தார் RWD மற்றும் 4WD வெர்ஷன்களின் காத்திருப்பு காலம் முறையே 18 மாதங்கள் மற்றும் நான்கு மாதங்களாக உள்ளது. தற்போது அறிவிக்கப்பட்டு இருக்கும் சலுகைகள் ஒவ்வொரு பகுதி, மாடல், விற்பனை மையம் என பல்வேறு விஷயங்களை பொருத்து வேறுப்படும்.

மஹிந்திரா நிறுவனம் இந்திய சந்தையில் தனது பொலிரோ நியோ எஸ்யுவி மாடலை 2021 வாக்கில் அறிமுகம் செய்தது. இந்த கார் மஹிந்திரா ஏற்கனவே விற்பனை செய்து வந்த TUV300 காரின் ரிபேட்ஜ் செய்யப்பட்ட வெர்ஷன் ஆகும். இந்த நிலையில், மஹிந்திரா பொலிரோ பிளஸ் 9 சீட்டர் எஸ்யுவி மாடல் சாலைகளில் சோதனை செய்யப்படும் போது எடுக்கப்பட்ட ஸ்பை படங்கள் இணையத்தில் வெளியாகி உள்ளது.

ஸ்பை படங்கள் பொலிரோ நியோ பிளஸ் மாடல் கடுமையான போக்குவரத்து நெரிசலில் செல்லும் போது எடுக்கப்பட்டு இருக்கிறது. காரின் டெயில்கேட்டில் பொலிரோ பெயர் மறைக்கப்பட்டு இருக்கிறது. ஸ்பை காரில் மஹிந்திரா லோகோவும் மறைக்கப்பட்டே இருக்கிறது. அதன்படி இந்த காரிலும் மஹிந்திராவின் புதிய டுவின் பீக் லோகோ வழங்கப்படும் என தெரிகிறது.

தற்போதைய தகவல்களின் படி பொலிரோய நியோ பிளஸ் மாடல் மூன்று வித வேரியண்ட்கள், 7-சீட்டர் மற்றும் 9-சீட்டர் என இருவித இருக்கை அமைப்புகளில் கிடைக்கும் என கூறப்படுகிறது. இதன் 9 சீட்டர் வேரியண்ட் மூன்று அடுக்கு இருக்கைகள் - முதல் அடுக்கில் இரண்டு, இரண்டாவது அடுக்கில் மூன்று இருக்கைகள், பின்புறம் நான்கு இருக்கைகள் இருக்கும் என தெரிகிறது. 7 சீட்டர் வேரியண்டில் அனைத்து இருக்கைகளும் முன்புறம் பார்த்தப்படி இருக்கும்.

என்ஜினை பொருத்தவரை தற்போது விற்பனை செய்யப்படும் பொலிரோ நியோ மாடல் 1.5 லிட்டர் எம்ஹாக் டீசல் என்ஜின் கொண்டிருக்கிறது. இந்த என்ஜின் 100 ஹெச்பி பவர், 260 நியூட்டன் மீட்டர் டார்க் இழுவிசையை வெளிப்படுத்துகிறது. அந்த வகையில் நியோ பிளஸ் மாடலில் இதைவிட சற்றே பெரிய என்ஜின் வழங்கப்படும் என எதிர்பார்க்கலாம். இந்த என்ஜின் புதிய RDE விதிகளுக்கு பொருந்தும் வகையில் இருக்கும்.

Photo Courtesy: Rushlane

இந்தியாவை சேர்ந்த எஸ்யுவி உற்பத்தியாளரான மஹிந்திரா தனது BE Rall-E எலெக்ட்ரிக் கான்செப்ட் மாடலை ஃபார்முலா E ஐதராபாத் E-ப்ரிக்ஸ் நிகழ்வில் அறிமுகம் செய்து இருக்கிறது. இத்துடன் XUV.e9 மற்றும் BE.05 EV கான்செப்ட்களையும் இந்திய பயனர்களுக்கு அறிமுகம் செய்தது. இரு கார்களின் உற்பத்தியும் இந்த தசாப்தத்திலேயே துவங்கும் என தெரிகிறது.

மஹிந்திரா BE Rall-E எலெக்ட்ரிக் கான்செப்ட் மஹிந்திரா நிறுவனத்தின் பார்ன் எலெக்ட்ரிக் பிரிவின் புதுவரவு மாடல் ஆகும். இந்த கார் பார்ன் எலெக்ட்ரிக் சீரிசை தழுவிய டிசைன் கொண்டிருக்கிறது. எனினும், இது ஆஃப்-ரோட் மாடலாக உருவாகி வருகிறது. இந்த மாடலில் ஸ்ப்லிட் ஹெட்லேம்ப் டிசைன் உள்ளது.

இத்துடன் சில்வர் பேஷ் பிளேட், சற்றே தடிமனான வீல்ஆர்ச்கள், ஏரோ வீல்கள், மேக்சிஸ் ஆல்-டெரைன் டையர்கள் வழங்கப்பட்டு இருக்கின்றன. இதன் ரூஃப் ரேக் ஸ்பேர் வீல் கொண்டிருக்கிறது. இதன் பின்புறம் மெல்லிய டெயில் லைட்கள், தடிமனான பம்ப்பர் மற்றும் பேஷ் பிளேட் உள்ளது. மற்ற பார்ன் எலெக்ட்ரிக் மாடல்களை போன்றே BE Rall-E கான்செப்ட் மாடலும் IN-GLO ஸ்கேட்போர்டு EV பிளாட்பார்மில் உருவாக்கப்பட்டு இருக்கிறது. இந்த காரின் பேட்டரி விவரங்கள் எதுவும் தற்போது அறிவிக்கப்படவில்லை.

இத்துடன் மஹிந்திரா நிறுவனம் XUV.e9 எலெக்ட்ரிக் எஸ்யுவியை முதல்முறையாக இந்தியாவில் காட்சிப்படுத்தியது. கடந்த ஆண்டு லண்டனில் அறிமுகம் செய்யப்பட்டதை அடுத்து தற்போது இந்தியாவில் இந்த கார் அறிமுகம் செய்யப்பட்டு இருக்கிறது. மஹிந்திராவின் புதிய XUV.e சீரிசில் ஃபிளாக்ஷிப் மாடலாக XUV.e9 இருக்கும்.

இந்த எலெக்ட்ரிக் எஸ்யுவி-இல் எல்இடி டிஆர்எல்கள் காரின் முன்புறம் முழுக்க படர்ந்து இருக்கின்றன. இதன் ஹெட்லேம்ப்கள் செங்குத்தாக முன்புற பம்ப்பர் மீது பொருத்தப்பட்டுள்ளன. இத்துடன் முன்புறம், பக்கவாட்டு மற்றும் பின்புறங்களில் பிளாஸ்டிக் கிளாடிங் காணப்படுகின்றன. இத்துடன் காரை சுற்றி காப்பர் அக்செண்ட்களும் உள்ளன.

இரு கார்களை தொடர்ந்து BE.05 எலெக்ட்ரிக் எஸ்யுவி-யையும் மஹிந்திரா அறிமுகம் செய்தது. இந்த கார் அளவில் 4370mm நீளம், 1900mm அகலம், 1635mm உயரம் மற்றும் 2775mm வீல்பேஸ் கொண்டுள்ளது. 2025 ஆண்டு இறுதியில் இந்த கார் அறிமுகம் செய்யப்படும் என எதிர்பார்க்கலாம். இந்த காரும் IN-GLO பிளாட்ஃபார்மிலேயே உருவாக்கப்பட்டு வருகிறது. இதில் 60 அல்லது 80 கிலோவாட் ஹவர் பேட்டரி வழங்கப்படலாம்.