நீங்கள் தேடியது "மரக்கன்று நடும் விழா"

ஓசூர்,

உலக சுற்றுச்சூழல் தினத்தை முன்னிட்டு, மண் காப்போம் மற்றும் ஈஷா காவேரி கூக்குரல் ஆகிய அமைப்புகளின் சார்பில், மரக்கன்று நடும் விழா நேற்று நடைபெற்றது.

ஓசூர் அதியமான் பொறியியற் கல்லூரியில் நடைபெற்ற விழாவில், மாநகராட்சி மேயர் எஸ்.ஏ.சத்யா சிறப்பு விருத்தினராக கலந்துகொண்டு மரக்கன்றுகளை நட்டு விழாவை தொடங்கிவைத்தார். மேலும், இதில் சிறப்பு விருந்தினர்களாக, ஓசூர் முன்னாள் எம்.எல்.ஏ.கே.ஏ.மனோகரன், அதியமான் பொறியியற் கல்லூரி முதல்வர் ஜி.ரங்கநாத் ஆகியோர் கலந்துகொண்டு மரக்கன்றுகளை நட்டு விழாவில் பேசினர். தொடர்ந்து கல்லூரி வளாகத்தில் அமைக்கப்பட்டிருந்த தொல்லியல் கண்காட்சியையும் சிறப்பு விருந்தினர்கள் பார்வையிட்டனர்.

முன்னதாக, நிகழ்ச்சியின் ஒருங்கிணைப்பாளர் நரசிம்மன் வரவேற்றார். இதில், கனிம வளத்துறை உதவி இயக்குனர் வேடியப்பன், வக்கீல் ஆனந்தகுமார்,ரோட்டரி கவர்னர் ராகவன்,தொழிலதிபர்கள், குவாரி உரிமையாளர்கள் சங்கத்தினர் உள்பட பலர் கலந்துகொண்டனர். நிகழ்ச்சியையொட்டி, மாவட்டம் முழுவதும் 2, 10,000 மரக்கன்றுகள் நடப்பட்டது.

ஊட்டி,

ஊட்டி நகராட்சியில் தூய்மை இந்தியா உலக காடுகள் தினத்தை முன்னிட்டு 21-வது வார்டு லோயர் பஜார் பகுதியில் உள்ள நேதாஜி சுபாஷ் சந்திரபோஸ் பூங்காவில் மரக்கன்றுகள் நடபட்டது. இதில் நகராட்சி ஆணை யாளர் காந்திராஜன் கலந்து கொண்டு மரக்கன்றுகளை நட்டார். மேலும் ஊட்டி தீட்டுக்கல் பகுதியிலும் மரக்கன்று நடப்பட்டது. நேற்று ஒரே நாளில் 200 மரக்கன்றுகள் நடப்பட்டது. இதில் நகராட்சி நகர் நல அலுவலர் ஸ்ரீதர், சுகாதார அலுவலர் மகாராஜன் உள்பட பலர் கலந்து கொண்டனர்.

பழனி:

மதுரை மண்டல தேசிய நெடுஞ்சாலை ஆணையம் சார்பில் பழனி அருகே மொல்லம்பட்டி பகுதியில் மரக்கன்றுகள் நடும் விழா நடைபெற்றது. இதற்கு நெடுஞ்சாலை ஆணைய திண்டுக்கல் திட்ட இயக்குனர் கோவிந்தசாமி தலைமை தாங்கினார்.

திண்டுக்கல் மாவட்ட வனஅலுவலர் பிரபு முன்னிலை வகித்தார். பின்னர் சாலையோரத்தில் பள்ளி மாணவர்களை கொண்டு 1000 மரக்கன்றுகள் நடப்பட்டது.

இதுகுறித்து நெடுஞ்சாலை ஆணைய அதிகாரிகள் கூறுகையில், நெடுஞ்சாலையோரம் மரக்கன்றுகள் நட்டு பராமரித்தலே ஆணையத்தின் முக்கிய நோக்கமாகும். மத்திய சாலை போக்குவரத்து துறை சார்பில் நாடு முழுவதும் நேற்று 100 இடங்களில் மரக்கன்றுகள் நடப்பட்டது. 'சுற்றுச்சூழலை நிலைநிறுத்துவோம்' என்ற செய்தியை மக்களிடையே கொண்டு செல்ல மரக்கன்றுகள் நடும் பணி தொடங்கியுள்ளது.

வருகிற சுதந்திர தினத்துக்குள் நாடு முழுவதும் 75 லட்சம் மரக்கன்றுகளை நட நெடுஞ்சாலை ஆணையம் திட்டமிட்டுள்ளது என்றனர்.