நீங்கள் தேடியது "மாணவிகள் கற்பழிப்பு"

விஜயவாடா:

ஆந்திர மாநிலம் எல்லூரு நகரில் ஒரு பெண்கள் விடுதி இயங்கி வருகிறது. அங்கு தங்கிய சில மாணவிகள், விடுதி மேலாளர் தங்களை பாலியல் ரீதியாக துன்புறுத்தியதாகவும், பலாத்காரம் செய்ததாகவும் போலீசில் புகார் அளித்தனர்.

இதையடுத்து இன்ஸ்பெக்டர் தலைமையிலான போலீஸ்குழு விடுதிக்கு சென்று விசாரணை நடத்தினார்கள். அப்போது பல திடுக்கிடும் தகவல்கள் வெளிவந்தன.

பெண்கள் விடுதியை நடத்தி வந்தவர் சசிகுமார். இவர் பிற்படுத்தப்பட்டோர் ஆண்கள் விடுதியின் நல அலுவலராகவும் பணி செய்து வந்துள்ளார்.

சசிகுமாருக்கு எல்லூரு நகரின் மைய பகுதியில் ஒரு ஸ்டூடியோவும் உள்ளது. சசிகுமாரின் விடுதியில் பல்வேறு கல்வி நிறுவனங்களில் படிக்கும் மாணவிகள் வாடகைக்கு தங்கி படித்து வந்துள்ளனர்.

கொரோனா காலத்தில் ஏற்கனவே விடுதி நடத்தியவர்கள் அதை தொடராமல் நிறுத்திவிட்டதால், விடுதி நிர்வாகத்தை சசிகுமார் நடத்தி வந்துள்ளார். அதை அவர் அரசு அனுமதியின்றி நடத்தி வந்துள்ளார். அவர் தனது இரண்டாவது மனைவியை விடுதி வார்டனாகவும், தனது மருமகளை பராமரிப்பாளராகவும் வைத்துள்ளார். மாணவிகள் கொடுத்துள்ள புகாரில் தங்களை படத்துக்கு அழைத்து சென்றதாகவும், பின்னாளில் செக்ஸ் தொந்தரவு கொடுத்து பாலியல் பாலாத்காரம் செய்ததாகவும் கூறி உள்ளனர். அவரது விருப்பத்துக்கு இணங்காதவர்களை தாக்கியும், தண்டித்தும் வந்துள்ளார்.

கடந்த 15-ந்தேதி ஒரு மாணவியை அழகாக போட்டோ எடுத்துத் தருவதாக ஸ்டூடியோவுக்கு அழைத்துச் சென்று பாலியல் பலாத்காரம் செய்ததாகவும், மறுநாள்தான் அவரை விடுதிக்கு கொண்டு வந்துவிட்டதாகவும் புகாரில் கூறி உள்ளார். அவர் இதேபோல பல மாணவிகளை ஸ்டூடியோவுக்கு அழைத்துச் சென்று பலவிதமாக புகைப்படங்கள் எடுத்துக்கொடுத்தும், இனிமையாக பேசியும் தனது வலையில் விழ வைத்துள்ளார். பின்னர் அவர்களிடம் பாலியல் ரீதியாக அத்துமீறி உள்ளார்.

இதுவரை 7 மாணவிகள் அவர் மீது புகார் கொடுத்துள்ளனர். இதையறிந்த சசிகுமார் தலைமறைவாகிவிட்டார். அவர் மீது போக்சோ உள்ளிட்ட பிரிவுகளில் வழக்குப்பதிவு செய்யப்பட்டு உள்ளது. புகாரை அடுத்து பிற்படுத்தப்பட்டோர் நலத்துறை அவரை பணியிடை நீக்கம் செய்து அறிவித்து உள்ளது.

போலீசாரின் விசாரணையில் 14 மாணவிகள் சசிகுமாரின் தாக்குதலுக்கும், பாலியல் துன்புறுத்தலுக்கும் ஆளாகி உள்ளனர் என்று தெரியவந்துள்ளது. மேலும் சிலரும் பாதிக்கப்பட்டிருக்கலாம் என்று கருதப்படுகிறது. சசிகுமாரின் விடுதியில் 45 மாணவிகள் தங்கியுள்ளனர். அவர்களில் 2 பேர் கல்லூரி மாணவிகள், மற்றவர்கள் பள்ளி மாணவிகள். "பாதிக்கப்பட்ட மாணவிகள் அவர்களது பெற்றோர் வசம் ஒப்படைக்கப்பட்டதாகவும், தலைமறைவான சசிகுமாரையும், அவரது அத்துமீறலுக்கு உடந்தையாக இருந்த அவரது 2-வது மனைவியையும் தேடி வருவதாகவும்" போலீஸ் அதிகாரி தெரிவித்தார்.

திருவனந்தபுரம்:

கேரள மாநிலம் கொல்லம் மாவட்டம் கடக்கல் தோட்டத்து வீட்டை சேர்ந்தவர் நீரஜ். இவர் அதே பகுதியை சேர்ந்த 7 மற்றும் 8-ம் வகுப்பு படிக்கும் மாணவிகளுடன் இன்ஸ்டாகிரம் மூலம் தொடர்பை ஏற்படுத்தி கொண்டார்.

பின்னர் அந்த மாணவிகளை தனிமையில் சந்தித்து அவர்களிடம் ஆசை வார்த்தை கூறி வெளியே அழைத்து சென்று பாலியல் பலாத்காரம் செய்துள்ளார். சமீபத்தில் அவர் இதுபோல மாணவி ஒருவரை வெளியே அழைத்து சென்று பாலியல் தொல்லை கொடுத்த போது அக்கம்பக்கத்தினர் பார்த்து போலீசில் புகார் செய்தனர்.

போலீசார் நீரஜை பிடித்து விசாரித்த போது அவர் இதுபோல பல மாணவிகளுக்கு செக்ஸ் தொல்லை கொடுத்தது தெரியவந்தது. இதையடுத்து நீரஜை கைது செய்த போலீசார் அவரை கோர்ட்டில் ஆஜர்படுத்தி ஜெயிலில் அடைத்தனர்.

திருச்சி:

திருச்சியில் புகழ்பெற்ற ஒரு அரசு கலை, அறிவியல் கல்லூரி அமைந்துள்ளது. இங்கு இளங்கலை, முதுகலை பட்டப்படிப்புகள் மற்றும் பி.எச்டி. போன்ற ஆராய்ச்சி படிப்புகளும் உள்ளன. தற்போதைய நிலையில் 6,000-க்கும் மேற்பட்ட மாணவ, மாணவிகள் இந்த கல்லூரியில் கல்வி பயின்று வருகின்றனர். கடந்த ஆண்டு மாணவர் சேர்க்கையில் தமிழகத்தில் நம்பர் ஒன் இடத்தை இந்த கல்லூரி பிடித்துள்ளது. இரண்டாவது இடத்தை தான் சென்னை பிரசிடென்சி கல்லூரி பெற்றது.

மாணவர்கள் மற்றும் பெற்றோரின் அசைக்க முடியாத நம்பிக்கையை பெற்று திகழ்ந்த இந்த கல்லூரி தற்போது ஆங்கிலத்துறை பேராசிரியர் ஒருவரின் காம லீலைகளால் சந்தி சிரிக்கும் நிலைக்கு தள்ளப்பட்டுள்ளது.

புகாருக்கு ஆளான நபர் 1991-ல் தனது 25 வயதில் மேற்கண்ட கல்லூரியில் ஆங்கிலத்துறை பேராசிரியராக பணிக்கு சேர்ந்தார். பின்னர் வேறு சில கல்லூரிகளில் பணியாற்றி விட்டு மீண்டும் இந்த கல்லூரியில் ஆங்கிலத்துறை தலைவராக கடந்த 10 ஆண்டுகளுக்கு மேலாக பணியாற்றி வருகிறார்.

இவரது காம லீலைகள் தற்போது வெளிச்சத்துக்கு வந்து பெரும் அதிர்ச்சி அலைகளை ஏற்படுத்தி உள்ளன. முதலில் இந்த பேராசிரியர் தான் விரும்பும் மாணவியிடம் நைசாக பேச்சு கொடுப்பார். அவரது பின்புலத்தை அறிந்து கொண்டு ஏழ்மை நிலையில் இருந்தால் சில பண உதவிகளையும் செய்வார். அதன் பின்னர் தனது சபல புத்தியை காண்பிக்க தொடங்குவார்.

அந்த மாணவி பிஎச்டி படிப்பவராக இருந்தால் ப்ராஜெக்ட் வேலை என தனது வீட்டுக்கு வரவழைப்பார். அங்கே திராட்சை ஜூஸ் கொடுப்பார். அதில் லேசாக மது அல்லது மயக்க மருந்து கலந்து கொடுத்ததாக கூறப்பட்டது. உடன்பாடு ஏற்பட்டால் படுக்கையில் வைத்து சீரழித்து விடுவாராம்.

இவ்வாறு பல மாணவிகளை இந்த பேராசிரியர் சீரழித்ததாக கூறப்படுகிறது. ஆனால் பாதிக்கப்பட்ட மாணவிகள் அவமானம் கருதி வெளியே சொல்லாமல் தவிர்த்து வந்தனர். வேறு சிலர் கல்லூரிகளை மாற்றிக்கொண்டு சென்று விட்டனர். எதிர்த்து கேட்கும் மாணவிகளிடம் பெயில் ஆகிவிடுவேன் என மிரட்டி தப்பித்து வந்தார்.

இவரின் சேட்டைகள் நாளுக்கு நாள் அதிகரிக்க அவரது மனைவி மற்றும் குழந்தைகள் அவரை விட்டு பிரிந்து சென்று விட்டனர். இது இன்னும் அந்த பேராசிரியருக்கு சாதகமாக போய்விட்டது. வீட்டில் தனியாக இருந்ததால் எந்த நேரத்திலும் மாணவிகளை வீட்டுக்கு வரவழைத்து அத்துமீறி உள்ளார்.

இதில் எம்.ஏ. ஆங்கிலம் முதலாம் ஆண்டு படிக்கும் ஒரு மாணவியை மயக்கி தனது வலையில் வீழ்த்தினார். பின்னர் அந்த மாணவியிடம் உன்னை திருமணம் செய்து கொள்கிறேன் என ஆசைவார்த்தை கூறி பல நாட்கள் பலாத்காரம் செய்துள்ளார். இதில் கர்ப்பம் தரித்த அந்த மாணவி கடும் அதிர்ச்சிக்குள்ளானார். அப்போது அடுத்த ஆண்டு உன்னை திருமணம் செய்து கொள்கிறேன் எனக்கூறி கருக்கலைப்பு செய்து தப்பினார்.

பின்னர் மீண்டும் எம்.ஏ. இரண்டாம் ஆண்டு படிக்கும்போதும் அந்த மாணவி கர்ப்பமடைந்தார். மறுபடியும் பொய்களை அவிழ்த்து விட்டு கருக்கலைப்பு செய்ய வைத்தார். கடைசியாக தற்போது எம்.பில். படித்து வரும் அந்த மாணவி மீண்டும் மூன்றாவது முறையாக அந்த பேராசிரியரிடம் சிக்கி கர்ப்பம் அடைந்தார்.

உடனே மாணவி பேராசிரியரிடம் சென்று திருமணம் செய்து விடுங்கள் என கெஞ்சி கேட்டார். அதற்கு ஒப்புக்கொள்ள மறுத்த பேராசிரியர் கட்டாயப்படுத்தி மிரட்டி மீண்டும் கருக்கலைப்பு செய்துள்ளார்.

மூன்று முறை கருக்கலைப்பு செய்ததால் அந்த மாணவியின் உடல் நலம் கடுமையாக பாதிக்கப்பட்டது. ஒருவித இறுக்கத்தில் இருந்த அந்த மாணவியிடம் சக மாணவர்கள் பேச்சு கொடுத்தபோது கல்லூரி பேராசிரியர் தன்னை சீரழித்த தகவலை கூறி கண்ணீர் விட்டு கதறி அழுதார். இதன் மூலம் பேராசிரியரின் காம லீலைகள் வெளி உலகத்திற்கு அம்பலமாகியுள்ளது. அதிர்ச்சி அடைந்த சக மாணவர்கள் உடனடியாக முதல்வரை சந்தித்து புகார் அளித்தனர்.

உடனே முதல்வர் அந்த பேராசிரியரிடம் விசாரணை நடத்த முற்பட்டார். ஆனால் மேலிட செல்வாக்கை காட்டி தப்பித்து விட்டார். உடனே பாதிக்கப்பட்ட அந்த மாணவி முதல்வரின் தனிப்பிரிவுக்கு புகார் அளித்தார். அதன் பேரில் கல்லூரி கல்வி இயக்குனராக அறிவுறுத்தலின்படி விசாரணை கமிட்டி அமைக்கப்பட்டு அந்த விசாரணை அறிக்கை உயர்கல்வித்துறைக்கு அனுப்பி வைக்கப்பட்டுள்ளது.

ஆனால் விசாரணை அறிக்கை சமர்ப்பிக்கப்பட்டு 10 நாட்களுக்கு மேலாகியும் அவர் மீது நடவடிக்கை எடுக்காமல் இருப்பது மாணவ, மாணவிகள் மற்றும் பேராசிரியர்கள் இடையே கொந்தளிப்பினை ஏற்படுத்தி உள்ளது. பாலியல் புகாருக்கு ஆளாகியுள்ள இந்த துறை தலைவரின் கீழ் 17 பேராசிரியர்கள் பணியாற்றி வருகின்றனர். இந்த 17 பேரும் அவருக்கு எதிராக களத்தில் இறங்கி உள்ளனர்.

இது பற்றி கல்லூரி பேராசிரியர் ஒருவர் கூறும்போது, இந்தக் கல்லூரியின் ஆங்கிலத்துறைக்கு என தனி மவுஸ் உள்ளது. இங்கு பிஎச்டி முடித்த மாணவர்கள் நாட்டின் பல்வேறு பகுதிகளில் உயர்ந்த பொறுப்புகளில் இருக்கிறார்கள். ஒழுக்கத்திலும் தமிழக அளவில் இந்த கல்லூரிக்கு நல்ல பெயர் இருந்தது. தற்போது ஒரு பேராசிரியரின் கீழ்த்தரமான நடவடிக்கையால் மனம் வேதனையாக இருக்கிறது. அவரை சஸ்பெண்ட் செய்து வேறு கல்லூரிக்கு இடமாற்றம் செய்து நடவடிக்கை எடுக்க வேண்டும்.

இருக்கும் மாணவிகளையாவது காப்பாற்ற அரசு ஒத்துழைப்பு அளிக்க வேண்டும். இந்த துறை தலைவரின் சேட்டைகளுக்கு 25 வயது நிரம்பிய கௌரவ பேராசிரியர் ஒருவர் உதவிகள் செய்து வருகிறார். அவர் மீதும் நடவடிக்கை எடுக்க வேண்டும். தனியார் கல்லூரிக்கு இணையாக போட்டி போடும் இந்த கல்லூரியை காப்பாற்ற தமிழக அரசு நடவடிக்கை எடுக்க வேண்டும் என்றார்.