நீங்கள் தேடியது "உடல் நசுங்கி பலி"

சேலம்:

தர்மபுரி மாவட்டம் பென்னாகரம் அருகே உள்ள ஏரியூரை சேர்ந்தவர் மணி கண்டன் (30). இவரது மனைவி செண்பகவள்ளி (27).

இவர்களுக்கு 3 குழந்தைகள் உள்ளனர். இவர்கள் திருச்சியில் தள்ளு வண்டியில் சிப்ஸ் வியாபாரம் செய்து வருகின்றனர். இன்று காலை மணிகண்டன், மனைவி மற்றும் 3 குழந்தை களுடன் மோட்டார் சைக்கிளில் திருச்சியில் இருந்து சேலம் வந்தார். பின்னர் அவர்கள் இன்று காலை கொண்டலாம்பட்டி பட்டர்பிளை மேம்பாலம் பகுதியில் சென்று கொண்டிருந்தனர்.

உடல் நசுங்கி பலி

அப்போது கோவையில் இருந்து சேலம் நோக்கி வந்த அரசு பஸ் கொண்டலாம்பட்டி ரவுண்டானாவில் பயணிகளை இறக்கி விட்டு சேலம் புதிய பஸ் நிலையம் நோக்கி வந்து கொண்டிருந்தது. அப்போது கண் இமைக்கும் நேரத்தில் அரசு பஸ் மோட்டார் சைக்கிள் மீது மோதியது. இதில் மோட்டார் சைக்கிள் பின்னால் அமர்ந்திருந்த செண்பக வள்ளி தூக்கி வீசப்பட்டு கீழே விழுந்தார். அப்போது பஸ்சின் சக்கரம் அவர்மீது ஏறி இறங்கியது. இதில் சம்பவ இடத்திலேயே செண்பகவள்ளி உடல் நசுங்கி பலியானார். இந்த விபத்து குறித்து அன்னதானப்பட்டி போலீசார் வழக்கு பதிவு செய்து விசாரணை நடத்தி வருகின்றனர். கணவன் கண் எதிரே மனைவி விபத்தில் பலியான சம்பவம் பெரும் சோகத்தை ஏற்பத்தியது.

வேலூர்:

வேலூர் புதிய பஸ் நிலையத்தில் பயணிகள் நேற்று இரவு பஸ்சுக்காக காத்திருந்தனர்.

சென்னை தாம்பரத்தில் இருந்து நேற்று நள்ளிரவில் வேலூர் புதிய பஸ் நிலையத்திற்கு அரசு பஸ் வந்தது. அங்குள்ள நடைமேடை அருகே பஸ் மெதுவாக சென்றது.

அப்போது முன் படிக்கட்டில் இருந்து இறங்கிய ஆண் பயணி ஒருவர் தவறி கீழே விழுந்தார். அவர் மீது பஸ்சின் பின்பக்க டயர் ஏறி இறங்கியது.

இதில் உடல் நசுங்கிய அவர் சம்பவ இடத்திலேயே துடிதுடித்து இறந்தார்.

இது குறித்து தகவல் அறிந்த வேலூர் வடக்கு போலீசார் சம்பவ இடத்திற்கு விரைந்து சென்றனர.

விபத்தில் பலியான பயணி யார் என்பது தெரியவில்லை. போலீசார் உடலை கைப்பற்றி பிரேத பரிசோதனைக்காக அடுக்கம்பாறை அரசு ஆஸ்பத்திரிக்கு அனுப்பி வைத்தனர்.

இது குறித்து போலீசார் வழக்கு பதிவு செய்து விசாரணை நடத்தி வருகின்றனர்.

பரமத்திவேலூர்:

நாமக்கல் மாவட்டம் பரமத்திவேலூர் தாலுகா பரமத்தி ஊராட்சி ஒன்றியம், கூடச்சேரி அருகே உள்ள மேட்டூர் பகுதியை சேர்ந்தவர் ராமசாமி. இவரது மகன் பூபதிராஜா (வயது 33), கார் டிரைவர். இவர் பரமத்தி அருகே உள்ள அர்த்தனாரி பாளையம் பகுதியில் உள்ள சாலையில் காரில் சென்றுகொண்டிருந்தார். அப்போது எதிரே அதிவேகமாக வந்த தனியார் கல்லூரி பஸ்சும், காரும் நேருக்கு நேர் பயங்கரமாக மோதியது.

இதில் கார் அப்பளம் போல் நொறுங்கியது. காரை ஓட்டி வந்த பூபதி ராஜாவுக்கு தலை மற்றும் பல்வேறு பகுதிகளில் பலத்த காயம் அடைந்து உயிருக்கு போராடிக் கொண்டிருந்தார். அதைப் பார்த்த அக்கம் பக்கத்தில் இருந்தவர்கள் ஓடி வந்து அவரை காப்பாற்றி ஆம்புலன்ஸ் மூலம் பரமத்தி வேலூர் அரசு மருத்துவ மனைக்கு அனுப்பி வைத்தனர். அங்கு அவரை பரிசோதனை செய்த மருத்துவர்கள், பூபதிராஜா மருத்துவமனைக்கு வரும் வழியிலேயே இறந்து விட்டதாக தெரிவித்தனர்.

இதுகுறித்து புகாரின் பேரில் பரமத்தி போலீஸ் இன்ஸ்பெக்டர் சுரேஷ் வழக்கு பதிவு செய்து விபத்து குறித்து தீவிர விசாரணை நடத்தி வருகின்றார்.

விழுப்புரம்:

அ.ம.மு.க. பொது செயலாளர் டி.டி.வி. தினகரன் இன்று கோட்ட க்குப்பம் பகுதிக்கு வருகிறார். கோட்டக்குப்பம் நகராட்சி அலுவலகத்தில் உள்ள எம்.ஜி.ஆர். திருவுருவச் சிலைக்கு மாலை அணி வித்து மரியாதை செலுத்த உள்ளார். இற்காக அ.ம.மு.க. வினர் புதுச்சேரி -மரக்காணம் கிழக்கு கடற்கரை சாலை யில் கொடி கட்டுவது, தோரணங்கள் மற்றும் வாழைமரங்கள் கட்டுவது போன்ற பணிகளில் கூலித் தொழிலாளர்களை ஈடுபடுத்தி வந்தனர்.

அப்போது பிள்ளை ச்சாவடி பகுதியில் கிழக்கு கடற்கரை சாலையின் ஒருபுறம் கொடி, வாழை மரங்களை கட்டிய ஒட்டை மாரியம்மன் கோவில் வீதியைச் சேர்ந்த சரண் (வயது 18) சாலையை கடக்க முயற்சித்துள்ளார். மரக்காணத்திலிருந்து புதுச்சேரி நோக்கி வந்த வேன் அப்போது சரண் மீது மோதியது. இதில் பலத்த காயமடைந்த சரண் சம்பவ இடத்திலேயே உடல் நசுங்கி பலியானர். தகவலறிந்து விரைந்து வந்த கோட்டக்குப்பம் இன்ஸ்பெக்டர் ராபின்சன் தலைமையிலான போலீசார் உடலை கைப்பற்றி, புதுச்சேரி கனகசெட்டிக்குளத்தில் உள்ள தனியார் மருத்துவக் கல்லூரி மருத்துவமனைக்கு பிரேத பரிசோதனைக்கு அனுப்பிவைத்தனர். போலீசாரின் தொடர் விசாரணையில் விபத்து ஏற்படுத்திய வேன் புதுச்சேரி உப்பளம் பகுதியை சேர்ந்தது என்பதும், வேன் டிரைவர் தப்பி ஓடியதும் போலீசாருக்கு தெரியவந்தது. வேனை கைப்பற்றிய போலீசார் வழக்கு பதிவு செய்து வருகின்னறர்.