நீங்கள் தேடியது "ஜெயக்குமார்"

சென்னை:

அ.தி.மு.க. சார்பில், ஊரக உள்ளாட்சி தேர்தலில் போட்டியிட விரும்புபவர்களுக்கு விருப்ப மனு வினியோகம் நேற்று தொடங்கியது. சென்னை ராயபுரத்தில் விருப்ப மனு வினியோகத்தை முன்னாள் அமைச்சர் ஜெயக்குமார் நேற்று தொடங்கி வைத்தார். கட்சி தொண்டர்கள், நிர்வாகிகளுக்கு மனுக்களை அவர் வழங்கினார்.

இதையடுத்து ஜெயக்குமார் நிருபர்களுக்கு அளித்த பேட்டியில் கூறியதாவது:-

விருப்ப மனுக்களை அனைத்து இடங்களிலும் எழுச்சியோடு தொண்டர்கள் வாங்கிச் செல்கிறார்கள். ஜனநாயக ரீதியில் தேர்தல் நடந்தால் நிச்சயமாக அ.தி.மு.க. மற்றும் தோழமை கட்சிகள் மகத்தான வெற்றியை பெறும். நடைபெற்று முடிந்த ஊரக உள்ளாட்சி தேர்தலில், பல்வேறு ஜனநாயக விரோத செயல்களை அரங்கேற்றியதால் செயற்கையான வெற்றியை தி.மு.க. பெற்றது. தேர்தல் ஆணையம் நியாயமாக, சுதந்திரமாக, ஜனநாயக ரீதியாக, வெளிப்படை தன்மையோடு நடக்க வேண்டும்.

இல்லை என்றால் ஒட்டுமொத்தமாக தேர்தல் ஆணையம், நீதிமன்றத்துக்கு பதில் சொல்ல வேண்டிய நிலை ஏற்படும். எங்களை பொறுத்தவரை தேர்தலை முழுமையாக எதிர்கொண்டு மகத்தான வெற்றியை பெறுவோம்.

இதில் எந்த மாறுபட்ட கருத்தும் இல்லை. தி.மு.க. அரசு மீது மக்களுக்கு வெறுப்பு ஏற்பட்டுள்ளது. எந்த ஒரு ஆட்சியும் 7 மாதத்திலே மக்களின் வெறுப்பை சம்பாதித்தது கிடையாது. மக்களிடையே தி.மு.க. ஆட்சி மீது ஏற்பட்டுள்ள அதிருப்தியும், வெறுப்பும் எங்களுக்கு வாக்குகளாக மாறும்.

தி.மு.க., ஆட்சிக்கு வந்து 7 மாதம் ஆகிவிட்டது. என்ன வாக்குறுதியை நிறைவேற்றினார்கள்? மறைந்த முதல்-அமைச்சர் ஜெயலலிதா திட்டங்கள் எல்லாம் மூடுவிழா செய்யும் நிலையை உருவாக்கி உள்ளனர்.

இவ்வாறு அவர் கூறினார்.

சென்னையில் மீன்வளத்துறை அமைச்சர் டி.ஜெயக்குமார் நேற்று நிருபர்களுக்கு பேட்டியளித்தார். அப்போது அவரிடம், ‘ஜெயலலிதா மரணம் குறித்து, அமைச்சர் சி.வி.சண்முகம் தெரிவித்த கருத்துகள் குறித்து நிருபர்கள் கேள்வி எழுப்பினர். அதற்கு அமைச்சர் டி.ஜெயக்குமார் அளித்த பதில் வருமாறு:-

அமைச்சர் என்ற முறையில் சி.வி.சண்முகம் தெரிவித்த கருத்து நல்ல விஷயம் தான். அதனை நான் வரவேற்கிறேன். அந்த கருத்தில் விசாரணைக்கு உட்பட்டு நடத்தவேண்டும் என்றுதான் கூறியிருக்கிறார். விசாரணைக்குழு அமைக்க வேண்டும் என்பது தனி. மாநில அமைப்பு இதனை நடத்தலாம்.

சி.வி.சண்முகம் தெரிவித்த கருத்தை, ஜெயலலிதா மரணம் குறித்து விசாரிக்கும் விசாரணை ஆணையம் பரிசீலனைக்கு எடுத்து விசாரிக்கட்டும். அதில் தவறு இல்லை.

ஜெயலலிதா மரணம் தொடர்பான விவகாரத்தை திசை திருப்பவேண்டும் என்பதற்காக சி.வி.சண்முகம் இந்த கருத்தை தெரிவிக்கவில்லை. ஜெயலலிதா சிகிச்சை பெற்றபோது சசிகலா குடும்பம் 75 நாட்கள் ஆஸ்பத்திரியில் 5 நட்சத்திர ஓட்டல் போன்று பல அறைகளை வாடகைக்கு எடுத்து தங்கியிருந்து, சாப்பிட்டதால் தான் ரூ.1¼ கோடி கட்டணம் வந்தது.

ஜெயலலிதா சாப்பிட்டது கிடையாது. இதுதான் சட்டத்துறை அமைச்சரின் கருத்து. அமைச்சர்களுக்குள் யார் பிளவு ஏற்படுத்த முயன்றாலும் நடக்காது. நாங்கள் அனைவரும் ஒற்றுமையாக இருக்கிறோம்.



விசாரணை ஆணையம் அழைத்து கேட்டாலும், ஆஞ்சியோ செய்திருந்தால் ஜெயலலிதா பிழைத்திருப்பார் என்ற கருத்தை சி.வி.சண்முகம் தெரிவிப்பார். சி.வி.சண்முகம் தெரிவித்த கருத்தை ஆணைய தலைவர் கருத்தில்கொண்டு விசாரிக்கட்டும். அப்பல்லோ ஆஸ்பத்திரியில் போட்ட அறைகளில் அமைச்சர்கள், எம்.பி.க்கள், எம்.எல்.ஏ.க்கள், மாவட்ட செயலாளர் மற்றும் கட்சி நிர்வாகிகள் என நாங்கள் யாருமே தங்கவில்லை. சி.வி.சண்முகம் கூறியது போல அங்கு தங்கியது சசிகலா மற்றும் அவருடைய குடும்பம் தான்.

முன்னாள் பிரதமர் ராஜீவ்காந்தி கொலை வழக்கில் ஜெயின் கமிஷன் அமைக்கபட்டதால் சி.பி.ஐ. விசாரணைக்கு எடுத்துக் கொள்ளாமல் இல்லையே. அதன்படி பார்த்தால் சி.வி.சண்முகம் தெரிவித்த கருத்தில் தவறு இல்லை. இதுதொடர்பாக தமிழக அரசு முடிவு செய்யும். ஒரு நாள் அதிகாரம் கொடுத்தால் மீனவர் பிரச்சினைகளை தீர்த்துவிடுவேன் என்று சீமான் கூறியிருப்பது 2018-ம் ஆண்டின் தலைசிறந்த ‘ஜோக்’.

இவ்வாறு அவர் கூறினார். #jayalalithaadeath #jayalalithaa #Jayakumar #CVShanmugam

விழுப்புரம்:

குட்கா விற்க ரூ. 40 கோடி லஞ்சம் பெறப்பட்டதாக வந்த புகாரில் சென்னை மாநகர முன்னாள் போலீஸ் கமி‌ஷனர் ஜார்ஜ் சிக்கினார். அதன்பேரில் சென்னை நொளம்பூரில் உள்ள அவரது வீட்டில் சி.பி.ஐ. அதிகாரிகள் சோதனை நடத்தினார்கள்.

இதுதொடர்பாக ஜார்ஜ் நேற்று நிருபர்களுக்கு பேட்டி அளித்தார்.

அப்போது அவர், சென்னையில் துணை கமி‌ஷனராக இருந்த ஜெயக்குமார் மீது பல்வேறு குற்றசாட்டுகளை கூறினார். ஜெயக்குமார் பணியில் இருந்தபோது குட்கா, ஊழல் போன்ற சட்ட விரோத செயல்கள் நடந்தது. அவர் எந்தவித நடவடிக்கையும் எடுக்கவில்லை.

இந்த ஊழல் தொடர்பான தகவல்களை ஜெயக்குமார் என்னிடம் தரவில்லை. ஊழல் விவகாரம் தொடர்பான அனைத்து விவரங்களும் ஜெயக்குமாருக்கு தெரியும். அவர் பணியில் சரியாக செயல்படவில்லை என்று கூறினார்.


ஜார்ஜின் குற்றசாட்டுகள் குறித்து போலீஸ் சூப்பிரண்டு ஜெயக்குமாரிடம் கேட்டபோது அவர் கூறியதாவது:-

குட்கா ஊழல் தொடர்பாக தற்போதைக்கு எந்த கருத்தையும் நான் சொல்ல விரும்பவில்லை. என் நேர்மையை சென்னை மக்கள் நன்கு அறிவர்.

உழைப்பது என் கடைமை என்றாலும் இந்த குற்றசாட்டு தொடர்பாக பதில் சொல்ல வேண்டியது அவசியமாகி உள்ளது.

முன்னாள் கமி‌ஷனர் ஜார்ஜ் தான் குற்றம் அற்றவர் என்பதை நிரூபிக்க வேண்டும். அதை விடுத்து பிற அதிகாரிகள் மீது பழிபோடக்கூடாது.

பழிவாங்கும் நோக்கத்துடன் என் மீது ஜார்ஜ் குற்றம்சாட்டுகிறார். அவதூறு பரப்பி வருகிறார்.

என் மீது எந்த குற்றமும் இல்லை. நான் இதை எங்கே நிரூபிக்கவேண்டுமோ அங்கு நிரூபிப்பேன்.

இவ்வாறு அவர் கூறினார். #GutkhaScam #George #Jayakumar

சென்னை:

அ.தி.மு.க. அவைதலைவர் மதுசூதனனுக்கும் அமைச்சர் டி.ஜெயக்குமாருக்கும் மோதல் இருந்தது. கோஷ்டி பூசல் ஏற்பட்டு உள்ளது. ஆர்.கே.நகர் இடைத்தேர்தல் தொடங்கி தற்போது நடைபெறும் கூட்டுறவு மீனவர் சங்க தேர்தல் வரை இருவருக்கும் வருகிறது.

மதுசூதனன் அ.தி.மு.க. வின் மூத்த உறுப்பினர் மட்டுமின்றி கட்சியின் அவை தலைவராகவும் இருப்பதால் அமைச்சர் ஜெயக்குமார் அரசியல் மீறல்களை பொறுத்துக்கொள்ள முடியாமல் ஆவேசம் அடைந்துள்ளார்.

தொடந்து தனக்கும் தனது ஆதரவாளர்களுக்கும் ஏற்பட்டு வரும் அவமரியாதையை தாங்கி கொள்ள முடியாத மதுசூதனன் இன்று முதலமைச்சர் எடப்பாடி பழனிசாமியை நேரில் சந்தித்து பேசினார்.

கிரீன்வேஸ் சாலையில் உள்ள முதல்வரின் வீட்டில் இந்த சந்திப்பு நடந்தது. அப்போது ஆர்.கே.நகர் தொகுதி மற்றும் வட சென்னை வடக்கு மாவட்டத்தில் அமைச்சர் ஜெயக்குமாரின் அரசியல் தலையீடு குறித்து எடுத்துக்கூறியுள்ளார்.

அவைத்தலைவர் என்ற மரியாதை தரப்படவில்லை. ஜெயக்குமார் அவரது மாவட்டத்தை விட்டு என்னுடைய மாவட்டத்துக்குள் தேவையில்லாமல் நுழைந்து அரசியல் நடத்துகிறார்.

வடசென்னை தெற்கு மாவட்டத்தில் தான் அவர் தனது செல்வாக்கை காட்டிக் கொள்ள வேண்டும். என் மாவட்டத்தில் வந்து குழப்பங்களை ஏற்படுத்துவதால் தேவையற்ற பிரச்சினைகள் உருவாகிறது. அவரின் நடவடிக்கையை கட்டுப்படுத்த வேண்டும் என்று மதுசூதனன் முதல்- அமைச்சரிடம் முறையிட்டுள்ளார்.

அவர் மீது நடவடிக்கை எடுக்காத பட்சத்தில் நான் வேறு முடிவை எடுக்க வேண்டிய நிலை ஏற்படும் என்றும் மதுசூதனன் தெரிவித்ததாக அவரது ஆதரவாளர் ஒருவர் கூறினார்.

முதல்வர் எடப்பாடி பழனிசாமி-மதுசூதனன் சந்திப்பு குறித்து வட சென்னை வடக்கு மாவட்ட நிர்வாகி ஒருவர் கூறியதாவது:-

ஆர்.கே.நகர் இடைத்தேர்தலில் வெங்கடேஷ் பாபு எம்.பி.யை பொறுப்பாளராக அமைச்சர் ஜெயக்குமார் நியமித்து மதுசூதனனை தோல்வி அடையச் செய்தார். அந்த தேர்தலில் மறைமுகமாக மதுசூதனனை தோற்கடிக்க எல்லா முயற்சிகளையும் அவர் மேற்கொண்டார்.

அதன்பின்னர் வியாசர்பாடி மூர்த்திங்கர் தெருவில் கட்டப்பட்டுள்ள குடிசை மாற்று வாரிய வீடுகள் ஒதுக்குவதில் மதுசூதனன்-ஜெயக்குமார் இடையே பிரச்சினை ஏற்பட்டது. துணை-முதல்வர் ஓ.பன்னீர் செல்வத்திடம் மதுசூதனன் ஆதரவு மாவட்ட செயலாளர் ரஜேஷ் மூலம் ஒரு பட்டியல் கொடுக்கப்பட்டது.

அதேபோல அமைச்சர் ஜெயக்குமாரும் தனது ஆதரவளர்கள் பட்டியலை கொடுத்துள்ளார். இரண்டு பேர் கொடுத்த பட்டியலையும் ஓ.பி.எஸ். தேர்வு செய்யாமல் அங்கு குடியிருந்த மக்கள் மற்றும் நேரடியாக மனு கொடுத்தவர்களுக்கு அவர் வீடுகளை ஒதுக்கினார்.


அந்த விழாவில் பங்கேற்க வந்த ஓ.பி.எஸ், ஜெயக்குமாரின் பேச்சைக் கேட்டு பங்கேற்காமல் பாதி வழியில் திரும்பி சென்றார்.

ஆர்.கே.நகரில் நடந்த மற்றொரு கோவில் விழாவில் ஓ.பி.எஸ் -ஐ பங்கேற்க மதுசுதனன் அழைத்து இருந்தார். அந்த நிகழ்ச்சியில் அவரை பங்கேற்கவிடாமல் மூன்று முறை தள்ளிவைக்கப்பட்டது. இதுவும் மதுசூதனனுக்கு ஓ.பி.எஸ் மீது வருத்தத்தை அதிகரித்தது.

தற்போது மீனவர் கூட்டுறவு சங்க தேர்தலில் உச்சகட்ட மோதல் நடந்து வருகிறது. ஆர்.கே.நகர் தொகுதிக்கு உட்பட்ட 29 சங்கங்களுக்கு மாவட்ட செயலாளர் ராஜேஷ் தான் வேட்பாளர்களை நிறுத்த வேண்டும்.

ஆனால் அதிலும் ஜெயக்குமார் உள்ளே நுழைந்து பிரச்சினையை ஏற்படுத்தி வருகிறார். உட்கட்சிக்குள் மோதிக்கொள்வதை பார்த்து தினகரன் ஆதரவாளர்கள் உள்ளே புகுந்தனர். மீனவர் சங்க தேர்தலில் கைகலப்பு ஏற்பட்டது அங்கு மதுசூதனன் சென்றபோது அவரை போலீசார் தடுத்தனர். அமைச்சர் ஜெயக்குமாரின் உத்தரவின் பேரில் போலீசார் இந்த நடவடிக்கையை எடுத்தனர்.

ஆளும் கட்சியினரை போலீசார் அடக்குமுறை செய்வதை மதுசூதனன் ஏற்கவில்லை. மதுசூதனனின் எந்த கோரிக்கையையும் ஓ.பி.எஸ் கண்டுகொள்ளாததால் அவர் இப்போது முதல்வரை நாடியுள்ளார்.

இவ்வாறு அவர் கூறினார். #ADMK #Madhusudanan #jayakumar

சென்னை:

திமுக தலைவர் கருணாநிதி மறைவையடுத்து நடிகர் சங்கம் சார்பில் நினைவேந்தல் கூட்டம் நடைபெற்றது. இதில் பேசிய நடிகர் ரஜினிகாந்த், அதிமுக உருவாக கருணாநிதி காரணமாக இருந்தார் என்றும், அதிமுகவின் ஆண்டு விழாவில் அண்ணா, எம்ஜிஆரின் புகைப்படத்தோடு கருணாநிதியின் புகைப்படத்தையும் வைக்க வேண்டும் என்றும் கூறியிருந்தார். மேலும் கருணாநிதிக்கு இறுதி மரியாதை செலுத்த முதலமைச்சர் வராததையும் விமர்சித்தார்.

இந்நிலையில்  அமைச்சர் ஜெயக்குமார் இன்று பத்திரிகையாளர்களை சந்தித்தபோது ரஜினியின் கருத்துக்கு பதிலடி கொடுத்தார். அவர் கூறியதாவது:-


எம்ஜிஆர், ஜெயலலிதா ஆகியோர் இருந்தபோது ரஜினி இப்படி பேசியிருப்பாரா? அப்போது பேசியிருந்தால் பாராட்டியிருக்கலாம். அவர்கள் மறைந்தபிறகு இப்போது பேசுவது கோழைத்தனமானது. மறைந்த தலைவரின் இறப்பை சாதகமாக்கிக்கொள்ள ரஜினி நினைக்கிறார்.

இவ்வாறு அவர் கூறினார். #MinisterJeyakumar #Rajinikanth

விழுப்புரம்:

விழுப்புரம் மாவட்ட காவல்துறை சார்பில் ஆன்-லைன் பாஸ்போர்ட் சேவையை விரைவுபடுத்துதல் குறித்து போலீசாருக்கான பயிற்சி வகுப்பு நேற்று காலை மாவட்ட போலீஸ் சூப்பிரண்டு அலுவலகத்தில் நடைபெற்றது.

இந்த பயிற்சி வகுப்பிற்கு மாவட்ட போலீஸ் சூப்பிரண்டு ஜெயக்குமார் தலைமை தாங்கி போலீசாருக்கு பல்வேறு அறிவுரைகளை வழங்கினார். அப்போது அவர் கூறியதாவது:-

ஆன்-லைன் மூலம் இ-சேவை பாஸ்போர்ட் கோரி பொதுமக்கள் விண்ணப்பித்தால் 3 நாட்களில் அவர்களுடைய சான்றிதழ்களை சரிபார்க்கும் பணியை முடிக்க வேண்டும். டிஜிட்டல் கையெழுத்து பாஸ்போர்ட் கேட்டு விண்ணப்பித்தவர்களிடம் இருந்து அவர்களுடைய சான்றிதழ்களை போலீசார் பெற வேண்டிய நிலை உள்ளது. இந்த கையெழுத்தை வெளிமாவட்டம் மற்றும் வெளிமாநிலங்களில் பணிபுரிவோர் வந்து போட்டு செல்ல காலதாமதம் ஏற்படுவதால் அவர்களுக்கு பாஸ்போர்ட் தருவதற்கும் தாமதம் ஏற்படுகிறது.

மற்ற மாவட்டங்களில் 5 நாட்களுக்குள் இ-சேவை பாஸ்போர்ட் அளிக்கப்படுகிறது. விழுப்புரம் மாவட்டத்தில் 30 நாட்களுக்கு மேல் ஆவதாக தெரியவந்துள்ளது. எனவே சான்றிதழ் சரிபார்ப்பு பணியை உடனுக்குடன் முடித்து விரைவாக பொது மக்களுக்கு பாஸ்போர்ட்டு கிடைக்க போலீசார் விரைந்து நடவடிக்கை எடுக்க வேண்டும்.

இதற்காக மாவட்டத்தில் உள்ள 56 போலீஸ் நிலையங்களில் பாஸ்போர்ட் சேவை பணியை மேற்கொள்ளும் போலீசாருக்கு கையடக்க கணினிகள் வழங்கப்பட்டுள்ளது. அதன் மூலம் விரைவாக பாஸ்போர்ட் சேவை பணியை முடிக்க வேண்டும். மாவட்டத்தில் ஒரு மாதத்திற்கு 2,500 பேருக்கு பாஸ்போர்ட் பெற்றுத்தரப்படுகிறது. இதை மேலும் அதிகரிக்க செய்ய வேண்டும். இவ்வாறு அவர் கூறினார். இதில் கூடுதல் போலீஸ் சூப்பிரண்டு முகிலன், தனிப்பிரிவு இன்ஸ்பெக்டர் கிருஷ்ணமூர்த்தி உள்பட பலர் கலந்து கொண்டனர். 

சென்னை:

சென்னையை அடுத்த புழலில் காங்கிரஸ் சார்பில் காமராஜர் பிறந்த நாள் விழா பொதுக்கூட்டம் மற்றும் நலத்திட்ட உதவிகள் வழங்கும் விழா நடந்தது.

விழாவில் தமிழக முன்னாள் காங்கிரஸ் தலைவர் ஈ.வி.கே.எஸ்.இளங்கோவன் நலத்திட்ட உதவிகளை வழங்கி பேசினார். அப்போது அவர் கூறியதாவது:-

இப்படியும் ஒரு தலைவர் வாழ்ந்து இருக்கிறார் என்று பெருமையோடு சொல்லும் வகையில் வாழ்ந்து இன்னும் வழிகாட்டியாக இருப்பவர் பெருந்தலைவர் காமராஜர்.

யார் காமராஜர்? என்று கேட்டால் இன்று ஐ.ஏ.எஸ், ஐ.பி.எஸ், விஞ்ஞானிகளாக உயர்ந்து இருக்கிறார்கள் அல்லவா? அவர்கள் வடிவில் தான் காமராஜர் உள்ளார். காங்கிரஸ்காரர்களால் மட்டுமே பொற்கால ஆட்சியை தர முடியும்.

நாங்கள் எல்லாம் இந்த பொதுக் கூட்டத்தில் கலந்து கொள்வதற்காக காரில் வந்து வலதுபுறமாக திரும்பி பொதுக்கூட்ட மேடையில் இருக்கிறோம்.

கூடிய விரைவில் தமிழக அமைச்சர்கள் சிலர் குறிப்பாக ஜெயக்குமார் போன்றவர்கள் இந்த வழியாக போலீஸ் வேனில் வருவார்கள். இடது புறமாக திரும்பி ஜெயிலுக்குள் செல்வார்கள்.

காங்கிரசுக்கு சமாதி கட்டுவதாக பேசுகிறார்கள். கோடி கோடியாக கொள்ளையடிக்கும் அவர்களுக்கு தெரிந்தது உண்மைகளை புதைப்பது தான். அதனால் தான் காங்கிரசுக்கு சமாதி கட்டுவோம் என்கிறார்கள். அது முடியுமா உங்களால்?

தம்பிதுரை தமிழ்நாட்டில் தேசிய கட்சிக்கும் இடமில்லை என்கிறார். அவரைப் போன்றவர்கள் இவ்வளவு உயர்ந்த நிலைக்கு வந்தது காங்கிரசின் தயவால் என்பதை மறந்துவிடக் கூடாது.


விழாவில் அகில இந்திய காங்கிரஸ் செய்தி தொடர்பாளர் நடிகை குஷ்பு பேசியதாவது:-

காமராஜரை போன்ற எளிமையான தலைவர்களை காங்கிரசில் மட்டுமே பார்க்க முடியும். தியாகம் செய்து வளர்ந்த கட்சி காங்கிரஸ்.

தமிழகத்தில் தொண்டர்களின் தலைவராக இளங்கோவன் இருக்கிறார். அவரிடம் இருந்து மக்கள் நிறைய எதிர்பார்க்கிறார்கள். மக்களின் எதிர்பார்ப்பையும், தொண்டர்களின் எதிர்பார்ப்பையும் நிறைவேற்றும் தகுதி படைத்த தலைவர் இளங்கோவன் தான்.

மோடி ஆட்சிக்கு வந்தால் ஒவ்வொரு குடும்பத்துக்கும் ரூ.15 லட்சம் வங்கியில் போடுவேன் என்றார். ஆனால் வங்கிகளில் இருக்கும் பணத்தை தான் பிடுங்குகிறார்கள். பா.ஜனதா ஆட்சியின் சாதனை என்பது மக்கள் படும் வேதனைதான்.

இவ்வாறு அவர் கூறினார்.

நிகழ்ச்சியில் தமிழக காங்கிரஸ் பொருளாளர் நாசே.ராமச்சந்திரன், அகில இந்திய காங்கிரஸ் கமிட்டி உறுப்பினர்கள் வீ.ஆர்.சிவராமன், ரங்கபாஷ்யம், நாசே.ராஜேஷ், முன்னாள் மாவட்ட தலைவர் பாலமுருகன், கடல் தமிழ்வாணன், எம்.பி.குணா, உள்பட பலர் கலந்து கொண்டனர். #Kamarajarbirthday #EVKSElangovan