நீங்கள் தேடியது "slug 96947"

பூதலூர்:

தஞ்சை மாவட்டம் திருக்காட்டுப்பள்ளியை அடுத்த பழமார் நேரிமாதா கோவில் தெருவைச்சேர்ந்த ஜெயபால். விவசாயி, இவரது மனைவி. இவர்களுக்கு மகள் சுவேதா. இவர் 2 அடி உயரம் மட்டுமே உள்ளார்.

திருக்காட்டுபள்ளியை அடுத்த அலமேலுபுரம் பூண்டி சின்னராணி உயர் நிலைப்பள்ளியில் மாணவி சுவேதா 10-ம் வகுப்பு படித்து வந்தார்.

தனது உயரம் குறைவாக இருந்த போதிலும் சக மாணவிகள், ஆசிரியர்கள் தந்த ஊக்கத்தால் மாணவி சுவேதா விடாமுயற்சியுடன் படித்து 10-ம் வகுப்பு தேர்வு எழுதினார்.

நேற்று வெளியான தேர்வு முடிவுகளில் மாணவி சுவேதா 291 மதிப்பெண்கள் பெற்று தேர்ச்சி பெற்றுள்ளார். பள்ளியில் 10-ம் வகுப்பு தேர்வு எழுதிய 76 மாணவர்களும் தேர்ச்சி பெற்றுள்ளனர். இவர்களில் சிறப்பாக சுவேதாவும் தேர்ச்சி பெற்றுள்ளார்.

தனது தேர்ச்சி பற்றி தெரிந்து கொள்ள பள்ளிக்கு வந்த சுவேதாவை பள்ளி தலைமை ஆசிரியர் வினோலா, மற்றும் அருட் சகோதரிகள் ஆசிரியர்கள் பாராட்டினர்.

பழமார்நேரி ஆர்.சி தொடக்கப்பள்ளியில் ஒன்றாம் வகுப்பு முதல் 5-ம் வகுப்பு வரை படித்தேன். அதன் பின்னர் அலமேலுபுரம் பூண்டி தொடக்கப்பள்ளியில் படித்தேன். சுக மாணவிகள், ஆசிரியர்கள் என்னிடம் வேறுபாடு காட்டாமல் நன்றாக பாடங்களை சொல்லிக் கொடுத்ததால் நான் தேர்ச்சி பெற்றேன். மேலும் பிளஸ்-1 படிப்பேன். அதற்கு கடும் முயற்சி எடுத்து படித்து உயருவேன்.

இவ்வாறு அவர் கூறினார்.

இதுபற்றி மாணவி சுவேதாவின் தாயார் வின்சி கூறும் போது, ‘‘ என் மகள் பிறந்த போதே உயர குறைபாடு தெரிந்து விட்டது. அவளை நாங்கள் வேறுபாடு காட்டாமல் வளர்த்து வந்தோம். 10 வகுப்பு தேர்ச்சி பெற்று மேலும் படிக்கிறேன் என்று சொல்வது மகிழ்ச்சிதான். ஆனால் அரசு என் மகளுக்கு மாற்றுத்திறனாளி சான்றிதழ் வழங்கி உதவித் தொகை வழங்கிட வேண்டும் என்றார். #SSLCExam

ஐதராபாத்:

தெலுங்கானா மாநிலத்தில் இன்டர்மிடியேட் தேர்வு (11 மற்றும் 12-ம் வகுப்பு) பிப்ரவரி-மார்ச் மாதங்களில் நடந்தது. இந்த தேர்வை மொத்தம் 9.47 லட்சம் மாணவ-மாணவிகள் எழுதினார்கள். இந்த தேர்வு முடிவு சமீபத்தில் வெளியானது. இதில் மிகப்பெரிய குளறுபடி காணப்பட்டது.

பாஸ் மதிப்பெண் பெற வேண்டிய 3.28 லட்சம் பேர் தோல்வி அடைந்ததாக தேர்வு முடிவில் தெரிவிக்கப்பட்டது. இதனால் அதிர்ச்சி அடைந்த மாணவ-மாணவிகள் மறு மதிப்பீடு செய்ய கோரி விண்ணப்பித்து உள்ளனர். தேர்வு முடிவு காரணமாக 21 பேர் தற்கொலை செய்து உள்ளனர்.

இதைதொடர்ந்து தெலுங்கானா பள்ளி கல்வித்துறை 3 பேர்கொண்ட குழு விசாரணைக்கு உத்தரவிட்டுள்ளது.

இந்தநிலையில் மாணவி ஒருவருக்கு 99 மதிப்பெண்ணுக்கு பதிலாக 0 மார்க் இருந்த விவரம் வெளியே தெரிய வந்து உள்ளது.

கிரிஜா நவ்யா என்ற மாணவி தெலுங்கு பாடத்தில் 0 மதிப்பெண் பெற்று தோல்வி அடைந்ததாக தெரிவிக்கப்பட்டது.

அவர் வர்த்தக பாடத்தில் 99, சிவிக்ஸ் பாடத்தில் 96, பொருளாதாரம் 95, ஆங்கிலம் 68 பெற்று இருந்தார். தெலுங்கு பாடத்தில் மதிப்பெண் இல்லாமல் தோல்வி அடைந்ததாக முடிவு வெளியானதால் அவர் அதிர்ச்சி அடைந்தார்.

இதைத்தொடர்ந்து அந்த மாணவி தனது மதிப்பெண்ணை மறுமதிப்பீடு செய்ய வேண்டும் என்று முறையிட்டார். அப்போது அவருக்கு 99 மார்க்குக்கு பதிலாக 0 மார்க் போடப்பட்டிருந்த அதிர்ச்சிகரமான தகவல் தெரிய வந்தது.

இதைதொடர்ந்து அவரது தெலுங்கு பேப்பரை மதிப்பீடு செய்த ஆசிரியை உமாதேவியை சஸ்பெண்டு செய்து தெலுங்கானா அரசு நடவடிக்கை எடுத்துள்ளது. அதோடு ரூ.5 ஆயிரம் அபராதமும் விதிக்கப்பட்டது.

தனியார் பள்ளியில் பணிபுரியும் அந்த ஆசிரியையை நீக்கம் செய்து பள்ளி நிர்வாகம் நடவடிக்கை எடுத்தது. #PublicExam

புதுச்சேரி:

புதுவை அருகே கூடப்பாக்கம் ரைஸ் மில் தெருவை சேர்ந்தவர் சுப்ரமணியன் (வயது 46). பொதுப்பணித்துறை ஊழியர். இவர் 7-ம் வகுப்பு வரை மட்டுமே படித்து இருந்ததால் பதவி உயர்வு கிடைப்பதில் சிக்கல் இருந்து வந்தது.

இதனால் படித்து பதவி உயர்வு பெற வேண்டும் என்ற லட்சியத்தோடு கடந்த 2017-ம் ஆண்டு 8-ம் வகுப்பு தேர்வு எழுதி தேர்ச்சி பெற்றார். அதன்பின் 2018-ம் ஆண்டு மார்ச் மாதம் முதன் முதலில் 10-ம் வகுப்பு தேர்வு எழுதினார். அதில் அறிவியல், சமூக அறிவியல் பாடத்தில் தேர்ச்சி பெற்றார். மற்ற 3 பாடங்களில் தோல்வி அடைந்தார்.

பின்னர் தொடர் முயற்சியால் ஜூன் மாதம் நடந்த துணை தேர்வில் 3 பாடங்கள் எழுதினார். இதில் தமிழ் பாடத்தில் மட்டும் தேர்ச்சி பெற்றார். அதன்பின் செப்டம்பர் மாதம் ஆங்கிலம் மற்றும் கணித பாடங்களுக்கான தேர்வை எழுதினார். ஆனால் அப்போது தோல்வி அடைந்தார்.

இதையடுத்து கடந்த மார்ச் மாதம் இதே பாடங்களுக்கான தேர்வு எழுதினார். அதே நேரத்தில் அவருடைய மகள் திரிகுணாவும் எஸ்.எஸ்.எல்.சி. தேர்வு எழுதினார்.

நேற்று தேர்வு முடிவு வெளியான நிலையில் திரிகுணா 471 மதிப்பெண்கள் எடுத்து பள்ளி அளவில் 2-ம் இடத்தில் தேர்ச்சி பெற்றார். ஆங்கிலம், கணித பாடங்களில் தேர்வு எழுதிய அவரது தந்தை சுப்ரமணியனும் தேர்ச்சி பெற்றார்.

ஒரே நேரத்தில் எஸ்.எஸ்.எல்.சி. தேர்வில் தந்தையும், மகளும் தேர்ச்சி பெற்றதற்காக அவர்களுக்கு பாராட்டுகள் குவிந்தன. #SSLC #SSLCResult

சென்னை:

தமிழ்நாட்டில் 10-ம் வகுப்பு பொதுத்தேர்வு கடந்த மார்ச் மாதம் 14-ந்தேதி தொடங்கி 29-ந்தேதி வரை நடைபெற்றது.

இந்த ஆண்டு மாநிலம் முழுவதும் பள்ளிகள் மூலமாகவும், தனி தேர்வுகள் மூலமாகவும் 9 லட்சத்து 76 ஆயிரத்து 19 பேர் தேர்வு எழுதி இருந்தனர். இவர்களில் மாணவிகள் எண்ணிக்கை 4 லட்சத்து 68 ஆயிரத்து 570. மாணவர்கள் எண்ணிக்கை 4 லட்சத்து 69 ஆயிரத்து 289.

விடைத்தாள்கள் திருத்தும் பணி முடிவடைந்து இன்று தேர்வு முடிவுகள் வெளியிடப்பட்டன.

10-ம் வகுப்பில் மொத்தம் 95.2 சதவீதம் மாணவ-மாணவிகள் தேர்ச்சி அடைந்துள்ளனர். இது கடந்த ஆண்டை விட அதிகமாகும். கடந்த ஆண்டு 94.5 சதவீதம் மாணவ-மாணவிகள்தான் தேர்ச்சி அடைந்து இருந்தனர்.

இந்த ஆண்டு மாணவிகள் 97 சதவீதம் பேர் தேர்ச்சி அடைந்துள்ளனர். மாணவர்கள் 93.3 சதவீதம் பேர் தேர்ச்சி அடைந்துள்ளனர். மாணவர்களை விட மாணவிகள் 3.7 சதவீதம் பேர் அதிகமாக தேர்ச்சி பெற்றுள்ளனர்.

இந்த ஆண்டு மாநிலம் முழுவதும் 12,548 பள்ளிகளில் படிக்கும் மாணவ-மாணவிகள் பொதுத் தேர்வை எழுதி இருந்தனர். இந்த பள்ளிகளில் 6,100 பள்ளிகள் 100 சதவீத தேர்ச்சி பெற்று சாதனை படைத்துள்ளன.

அரசு பள்ளிகளில் 92.48 சதவீதம் அளவுக்கு மாணவர்கள் தேர்ச்சி பெற்றுள்ளனர். அரசு உதவி பெறும் பள்ளிகளில் 94.53, மெட்ரிக் பள்ளிகள் 99.05, இருபாலர் பள்ளிகளில் 95.42 சதவீதம் தேர்ச்சி கிடைத்துள்ளது.

பெண்கள் பள்ளிகளில் 96.89 சதவீதமும், ஆண்கள் பள்ளிகளில் 88.94 சதவீதமும் தேர்ச்சி கிடைத்துள்ளது.

பாட வாரியாக தேர்ச்சியை கணக்கிட்டால் மொழி பாடத்தில் 96.12 சதவீத பேரும், ஆங்கிலத்தில் 93.35 சதவீத பேரும், கணிதம் பாடத்தில் 96.46 சதவீதம் பேரும், அறிவியல் பாடத்தில் 98.56 சதவீதம் பேரும், சமூக அறிவியலில் 97.07 சதவீதம் பேரும் தேர்ச்சி பெற்றுள்ளனர்.

தேர்வு எழுதிய 4,816 மாற்றுத் திறனாளி மாணவர்களில் 4,395 பேர் தேர்ச்சி பெற்றுள்ளனர். சிறைக் கைதிகளில் 152 பேர் 10-ம் வகுப்பு தேர்வு எழுதி இருந்தனர். அவர்களில் 110 பேர் வெற்றி பெற்றுள்ளனர்.

இன்று காலை 9.30 மணிக்கு 10-ம் வகுப்பு தேர்வு முடிவுகள் வெளியிடப்பட்டதும் அவற்றை 3 இணைய தளங்கள் மூலம் மாணவ-மாணவிகள் பார்த்தனர். இதன் மூலம் மாணவ-மாணவிகள் உடனுக்குடன் தேர்வு முடிவுகளை தெரிந்து கொண்டனர்.

மேலும் பள்ளிகளுக்கும் மின்னஞ்சல் மூலம் தேர்வு முடிவுகள் அனுப்பப்பட்டு இருந்தன. தனித்தேர்வர்களுக்கு எஸ்.எம்.எஸ். மூலம் தேர்வு முடிவுகள் அனுப்பப்பட்டன.

இவை தவிர கலெக்டர் அலுவலகங்களிலும், நூலங்களிலும் இலவசமாக தேர்வு முடிவுகளை தெரிந்து கொள்ள வசதிகள் செய்யப்பட்டு இருந்தன. இதனால் மாணவ-மாணவிகள் மிக எளிதாக தேர்வு முடிவுகளை தெரிந்து கொள்ள முடிந்தது.

வெற்றி பெற்ற மாணவ-மாணவிகள் தாங்கள் படித்த பள்ளி அல்லது தேர்வு எழுதிய பள்ளியின் தலைமை ஆசிரியர் மூலம் மதிப்பெண் பட்டியலை பெற்றுக் கொள்ளலாம். வருகிற 2-ந்தேதி முதல் மதிப்பெண் பட்டியல்களை இணைய தளத்தில் இருந்து பதிவிறக்கம் செய்து பெற்றுக் கொள்ளலாம் என்று அறிவிக்கப்பட்டுள்ளது.

மே 6-ந்தேதி முதல் மாணவர்கள் www.dge.tn.nic என்ற இணைய தளத்தில் தற்காலிக மதிப்பெண் சான்றிதழை பதிவிறக்கம் செய்து கொள்ளலாம் என்று தேர்வு துறை அதிகாரிகள் அறிவித்துள்ளனர்.

சி.பி.எஸ்.சி. தேர்வு முடிவுகள் மே மாத இறுதியில் வெளியாகும் என்று எதிர்பார்க்கப்படுகிறது. சி.பி.எஸ்.சி. 12-ம் வகுப்பு தேர்வு முடிவுகளை மே மாதம் மூன்றாவது வெளியிட முடிவு செய்துள்ளனர்.

சி.பி.எஸ்.சி. 10-ம் வகுப்பு தேர்வு முடிவுகளை மே மாதம் நான்காவது வாரம் வெளியிட திட்டமிட்டுள்ளனர். இந்த ஆண்டு முதல் 10-ம் வகுப்பு சி.பி.எஸ்.சி. மாணவர்களுக்கு சான்றிதழுடன் மதிப்பெண் பட்டியலும் சேர்த்து வழங்க ஏற்பாடுகள் செய்து வருகிறார்கள். #SSLC #SSLCResult

புதுச்சேரி:

கடந்த மார்ச் மாதம் 10-ம் வகுப்பு பொதுத்தேர்வு நடந்தது. இந்த தேர்வு முடிவுகள் இன்று வெளியானது. இதுகுறித்து புதுவை அரசின் பள்ளி கல்வி இயக்ககம் வெளியிட்டுள்ள செய்திக்குறிப்பில் கூறியிருப்பதாவது:-

10-ம் வகுப்பு பொதுத்தேர்வில் புதுவை, காரைக்காலை சேர்ந்த 16 ஆயிரத்து 520 மாணவ, மாணவிகள் தேர்வு எழுதினர். இதில் 8 ஆயிரத்து 192 மாணவர்களும், 8 ஆயிரத்து 328 மாணவிகள் ஆவர்.

இன்று வெளியான தேர்வு முடிவுகளின்படி அரசு, தனியார் பள்ளிகளில் படித்த 16 ஆயிரத்து 119 மாணவ, மாணவிகள் தேர்ச்சி பெற்றுள்ளனர். இதில் 7ஆயிரத்து 908 மாணவர்களும், 8 ஆயிரத்து 211 மாணவிகளும் தேர்ச்சி பெற்றுள்ளனர். அரசு பள்ளிகளில் சென்ற ஆண்டைவிட 7 சதவீத தேர்ச்சி அதிகரித்துள்ளது. அனைத்து பள்ளிகளின் தேர்ச்சி 97.57 சதவீதமாகும்.

இது கடந்த ஆண்டைவிட 3.2 சதவீதம் அதிகம். அரசு பள்ளிகளை பொறுத்தவரை தேர்ச்சி சதவீதம் 94.85 சதவீதமாகும். இது கடந்த ஆண்டைவிட 6.79 சதவீதம் அதிகம். புதுவை, காரைக்காலில் 302 அரசு, தனியார் பள்ளிகள் உள்ளது. இதில் 100 சதவீத தேர்ச்சியை 190 பள்ளிகள் பெற்றுள்ளது. புதுவையில் 156 பள்ளிகள் 100 சதவீத தேர்ச்சி பெற்றுள்ளது. காரைக்காலில் 34 பள்ளிகள் 100 சதவீத தேர்ச்சி பெற்றுள்ளது.

புதுவை, காரைக்காலில் 110 அரசு பள்ளிகள் உள்ளது. இதில் 43 அரசு பள்ளிகள் 100 சதவீத தேர்ச்சி பெற்றுள்ளது. புதுவையில் 35 அரசு பள்ளிகளும், காரைக்காலில் 8 அரசு பள்ளிகளும் 100 சதவீத தேர்ச்சி பெற்றுள்ளது.

புதுவை, காரைக்காலில் அரசு, தனியார் பள்ளிகளில் கணித பாடத்தில் 25 மாணவர்களும், அறிவியலில் 18 மாணவர்களும், சமூக அறிவியலில் 81 மாணவர்களும் 100-க்கு 100 மதிப்பெண் பெற்றுள்ளனர்.

450 முதல் 499 வரை ஆயிரத்து 252 மாணவர்களும், 400 முதல் 449 வரை 2 ஆயிரத்து 506 மாணவர்களும், 350 முதல் 399 வரை 3 ஆயிரத்து 36 மாணவர்களும் 300 முதல் 349 வரை 3 ஆயிரத்து 288 மாணவர்களும், 250 முதல் 299 வரை 3 ஆயிரத்து 117 மாணவர்களும், 200 முதல் 249 வரை 2 ஆயிரத்து 552 மாணவர்களும் மதிப்பெண் பெற்றுள்ளனர்.

இவ்வாறு அந்த செய்திக்குறிப்பில் கூறப்பட்டுள்ளது. #studentspassed #pudhucherryexamsresult #tenthexamsresult

சென்னை:

எஸ்.எஸ்.எல்.சி. பொதுத் தேர்வு கடந்த மாதம் (மார்ச்) 14-ந் தேதி தொடங்கி 29-ந் தேதியுடன் முடிவடைந்தது. இந்த தேர்வை தமிழகம் மற்றும் புதுச்சேரியில் பள்ளி மாணவர்கள் மற்றும் தனித்தேர்வர்கள் என மொத்தம் 9 லட்சத்து 97 ஆயிரத்து 794 மாணவ- மாணவிகள் எழுதினார்கள்.

தேர்வு முடிவுகளை மாணவ-மாணவிகள் www.tnresults.nic.in, www.dge1.tn.nic.in, www.dge2.tn.nic.in என்ற இணையதளங்களில் பதிவு எண், பிறந்த தேதி ஆகியவற்றை பதிவு செய்து பார்க்கலாம்.


இந்த ஆண்டு 98.53% தேர்ச்சி அடைந்து திருப்பூர் மாவட்டம் முதலிடம் பிடித்துள்ளது. இதைத்தொடர்ந்து ராமநாதபுரம் மாவட்டம் 98.48% பெற்று இரண்டாவது இடத்தையும், நாமக்கல் மாவட்டம்   98.45% பெற்று மூன்றாவது இடத்தையும் பிடித்துள்ளது. 89.98% தேர்ச்சி பெற்று  வேலூர் மாவட்டம் கடைசி இடம் பிடித்துள்ளது.  

பாடவாரியாக தேர்ச்சி விகிதம் பின்வருமாறு:

தமிழ்- 96.12%
ஆங்கிலம்- 97.35%
கணிதம்- 96.46%
அறிவியல்- 98.56%
சமூக அறிவியல்- 97.07%

இதையடுத்து 6,100 பள்ளிகள் 100% தேர்ச்சி அடைந்துள்ளன. இந்த ஆண்டும் மாணவர்களை விட மாணவிகளே 3.7% அதிகம் தேர்ச்சி அடைந்துள்ளனர்.

மேலும் இந்த பொதுத்தேர்வில் 152  சிறை கைதிகள் தேர்வு எழுதினர்.  இதில் 110 பேர் தேர்ச்சி அடைந்துள்ளனர். இதேபோல் தேர்வு எழுதிய 4,816 மாற்றுத்திறனாளிகளுள் 4,395 பேர் தேர்ச்சி அடைந்துள்ளனர்.

சென்னை:

எஸ்.எஸ்.எல்.சி. பொதுத் தேர்வு கடந்த மாதம் (மார்ச்) 14-ந் தேதி தொடங்கி 29-ந் தேதியுடன் முடிவடைந்தது. இந்த தேர்வை தமிழகம் மற்றும் புதுச்சேரியில் பள்ளி மாணவர்கள் மற்றும் தனித்தேர்வர்கள் என மொத்தம் 9 லட்சத்து 97 ஆயிரத்து 794 மாணவ- மாணவிகள் எழுதினார்கள்.

ரேங்க் பட்டியல் முறையை கல்வித்துறை ரத்து செய்து, தேர்ச்சி சதவீதத்தை மட்டுமே வெளியிட்டு வருகிறது. அதன் அடிப்படையில் தான், இந்த ஆண்டும் தேர்வு முடிவு வெளியிடப்படுகிறது.

தேர்வு முடிவுகளை மாணவ-மாணவிகள் www.tnresults.nic.in, www.dge1.tn.nic.in, www.dge2.tn.nic.in என்ற இணையதளங்களில் பதிவு எண், பிறந்த தேதி ஆகியவற்றை பதிவு செய்து பார்க்கலாம்.


தற்போது வெளியான எஸ்.எஸ்.எல்.சி. பொதுத்தேர்வில் 95.2% பேர் தேர்ச்சியடைந்துள்ளனர்.

இதில் 93.3% மாணவர்களும் 97%  மாணவிகளும் தேர்ச்சியடைந்துள்ளனர்.

இந்த ஆண்டும் மாணவர்களை விட மாணவிகள் 3.7 அதிகம் தேர்ச்சியடைந்துள்ளனர். #SSLC #SSLCResult

சென்னை:

எஸ்.எஸ்.எல்.சி. பொதுத் தேர்வு கடந்த மாதம் (மார்ச்) 14-ந் தேதி தொடங்கி 29-ந் தேதியுடன் முடிவடைந்தது. இந்த தேர்வை தமிழகம் மற்றும் புதுச்சேரியில் பள்ளி மாணவர்கள் மற்றும் தனித்தேர்வர்கள் என மொத்தம் 9 லட்சத்து 97 ஆயிரத்து 794 மாணவ- மாணவிகள் எழுதினார்கள்.

ரேங்க் பட்டியல் முறையை கல்வித்துறை ரத்து செய்து, தேர்ச்சி சதவீதத்தை மட்டுமே வெளியிட்டு வருகிறது. அதன் அடிப்படையில் தான், இந்த ஆண்டும் தேர்வு முடிவு வெளியிடப்படுகிறது. இன்று (திங்கட்கிழமை) காலை 9.30 மணிக்கு தேர்வு முடிவை மாணவ-மாணவிகள் தெரிந்து கொள்ளலாம்.

தேர்வு முடிவுகளை மாணவ-மாணவிகள் www.tnr-esults.nic.in, www.dge1.tn.nic.in, www.dge2.tn.nic.in என்ற இணையதளங்களில் பதிவு எண், பிறந்த தேதி ஆகியவற்றை பதிவு செய்து பார்க்கலாம்.

பள்ளி மாணவர்கள் தாங்கள் பயின்ற பள்ளிகளிலும் மதிப்பெண்ணுடன் கூடிய தேர்வு முடிவுகளை தெரிந்து கொள்ளலாம். மேலும் பள்ளி மாணவர்கள் அவர்கள் பயின்ற பள்ளிகளில் சமர்ப்பித்த செல்போன் எண்ணுக்கும், தனித்தேர்வர்கள் ஆன்லைனில் தேர்வுக்கு விண்ணப்பிக்கும்போது கொடுத்திருந்த செல்போன் எண்ணுக்கும் மதிப்பெண் குறுஞ்செய்தியாக அனுப்பப்பட இருக்கிறது.

கடந்த ஆண்டு எஸ்.எஸ்.எல்.சி. தேர்வை 10 லட்சத்து 1,140 பேர் எழுதினார்கள். இதில் 94.5 சதவீதம் பேர் தேர்ச்சி அடைந்து இருந்தனர் என்பது குறிப்பிடத்தக்கது.  #SSLC #ExamResult 

தேனி:

தமிழகம் முழுவதும் பிளஸ்-2 தேர்வு முடிவுகள் இன்று வெளியிடப்பட்டது. தேனி மாவட்டத்தில் தேனி, பெரியகுளம், உத்தமபாளையம் என 3 கல்வி மாவட்டங்கள் உள்ளன. இதில் 136 பள்ளிகள் உள்ளது. 53 அரசு பள்ளிகளும், 83 அரசு உதவி பெறும் பள்ளி மற்றும் மெட்ரிக் பள்ளிகளும் அடங்கும். நடந்து முடிந்த பிளஸ்-2 தேர்வில் தேனி மாவட்டத்தில் 92.54 சதவீத மாணவ-மாணவிகள் தேர்ச்சி பெற்றுள்ளனர். பிளஸ்-2 தேர்வில் தேனி மாவட்டத்தில் 7,488 மாணவர்களும், 7,617 மாணவிகளும் என மொத்தம் 15,105 பேர் தேர்வு எழுதினர்.

இதில் 6,809 மாணவர்களும், 7,169 மாணவிகளும் என மொத்தம் 13,978 பேர் தேர்ச்சி பெற்றுள்ளனர். இது 92.54 சதவீதம் ஆகும்.

இதே போல் திண்டுக்கல் மாவட்டத்தில் 10,495 மாணவர்களும், 11,576 மாணவிகளும் என 22,071 பேர் தேர்வு எழுதினர். இதில் 9,296 மாணவர்களும், 10,743 மாணவிகளும் என மொத்தம் 20,039 பேர் தேர்ச்சி பெற்றுள்ளனர். இது 90.79 சதவீதம் ஆகும்.

பிளஸ்-2 தேர்வு எழுதிய அனைத்து மாணவ- மாணவிகளுக்கும் அவரவர் செல் போன்களிலேயே குறுந் தகவல் மூலம் அவர்கள் பெற்ற மதிப்பெண்கள் அனுப்பி வைக்கப்பட்டது. இதனால மாணவர்கள் சிரமம் இன்றி வீட்டில் இருந்தபடியே தங்கள் மதிப்பெண்ணை தெரிந்து கொண்டனர்.

ஒவ்வொரு பள்ளியிலும் மதிப்பெண் குறித்த விபரத்தை அறிய சிறப்பு ஏற்பாடுகள் செய்யப்பட்டு இருந்தன. #Plus2Results

ஈரோடு:

தமிழகம் முழுவதும் பிளஸ்-2 பொதுத்தேர்வு கடந்த மார்ச் மாதம் 1-ந்தேதி தொடங்கி 19-ந் தேதி முடிவடைந்தது.

இந்த ஆண்டு பிளஸ்-2 பொதுத்தேர்வு 1200 மதிப்பெண்களுக்கு பதிலாக 600 மதிப்பெண்களுக்கு மாணவ-மாணவிகள் தேர்வு எழுதினர்.

தேர்வுகள் முடிவடைந்து வினாத்தாள்கள் திருத்தும் பணி நிறைவடைந்து இன்று தமிழகம் முழுவதும் பிளஸ்-2 பொதுத் தேர்வு முடிவுகள் வெளியிடப்படும் என்று பள்ளிக்கல்வித்துறை அறிவித்திருந்தது.

அதன்படி இன்று காலை 9.30 மணிக்கு பிளஸ்-2 பொதுத் தேர்வு முடிவுகள் வெளியாகின. அதன்படி மாணவ-மாணவிகள் தேர்ச்சி சதவீதத்தில் திருப்பூர் மாவட்டம் மாநில அளவில் 95.37 சதவீதம் பெற்று முதல் இடம் பிடித்தது. ஈரோடு மாவட்டம் 95.23 சதவீதம் பெற்று மாநில அளவில் இரண்டாம் இடம் பிடித்தது. பெரம்பலூர் மாவட்டம் 95.15 சதவீதம் பெற்று 3-ம் இடம் பிடித்தது.

ஈரோடு மாவட்டத்தை பொருத்தவரை 214 பள்ளிகளை சேர்ந்த 11 ஆயிரத்து 490 மாணவர்களும், 12 ஆயிரத்து 826 மாணவிகள் என மொத்தம் 24 ஆயிரத்து 316 மாணவ-மாணவிகள் பிளஸ்-2 பொதுத் தேர்வை எழுதினர்.

இதில் 10 ஆயிரத்து 847 மாணவர்களும், 12 ஆயிரத்து 308 மாணவிகள் என மொத்தம் 23 ஆயிரத்து 155 பேர் தேர்ச்சி பெற்றுள்ளனர். மாணவர்கள் தேர்ச்சி சதவீதம் 94.40, மாணவிகள் தேர்ச்சி சதவீதம் 95.96 என மொத்தம் தேர்ச்சி சதவீதம் 95.23 ஆக உள்ளது.

வழக்கம் போல் இந்த ஆண்டும் மாணவர்களை விட மாணவிகளே அதிகளவில் தேர்ச்சி பெற்று உள்ளனர்.

இன்று வெளியான பிளஸ்-2 முடிவுகளை மாணவர்கள் தங்களது செல்போனில் எஸ்.எம்.எஸ்.மூலமாகவும் பார்த்து தெரிந்து கொண்டனர். அதுமட்டுமின்றி மாணவர்களின் பெற்றோர் செல்போனிலும் மதிப்பெண்கள் வெளியிடப்பட்டன.

மாணவர்கள் படிக்கும் பள்ளிகளிலும் மதிப்பெண்கள் பட்டியல் ஓட்டி வைக்கப்பட்டிருந்தது. இண்டர்நெட் மையங்களிலும் தங்களது மதிப்பெண்களை தெரிந்து கொண்டனர்.

நாளை முதல் 26-ந் தேதி வரை மாணவர்கள் படிக்கும் பள்ளிகளில் மாதிரி ரேங்க் கார்டு வழங்கப்படும். தேர்வில் தேர்ச்சி பெறாத மாணவ-மாணவிகள் ஜூன் மாதம் முதல் வாரத்தில் நடைபெறும் சிறப்பு துணை தேர்வில் பங்கேற்று எழுதலாம் என்று பள்ளி கல்வித்துறை அதிகாரிகள் தெரிவித்தனர்.  #Plus2Results

வேலூர்:

வேலூர் மாவட்டத்தில் 40 ஆயிரத்து 714 மாணவ, மாணவிகள் பிளஸ் 2 தேர்வு எழுதினர். இதில் 34 ஆயிரத்து 800 பேர் தேர்ச்சி பெற்றுள்ளனர். 18 ஆயிரத்து 664 மாணவர்களில் 15 ஆயிரத்து 59 பேரும், 22 ஆயிரத்து 50 மாணவிகளில் 19 ஆயிரத்து 747 பேரும் தேர்ச்சி பெற்றுள்ளனர்.

தேர்ச்சி விகிதம் 85.47 சதவீதம் ஆகும். இதன் மூலம் மாநில அளவில் 32வது இடம். அதாவது கடைசி இடத்தை வேலூர் பிடித்தது. கடந்த ஆண்டு 87 சதவீதம் தேர்ச்சி பெற்று 27வது இடத்தில் இருந்தது.

தேர்ச்சி விகிதம் குறைந்துள்ளதால் வேலூர் மாவட்ட கல்வி அதிகாரிகள், ஆசிரியர்கள் கவலையடைந்துள்ளனர். அடுத்த ஆண்டு தேர்ச்சி விகிதத்தை அதிகரிக்க நடவடிக்கை எடுக்கப்படும் என அதிகாரிகள் தெரிவித்தனர். #Plus2Results

புதுச்சேரி:

தமிழகம், புதுவையில் பிளஸ்-2 பொதுத்தேர்வு கடந்த மார்ச் மாதம் நடைபெற்றது.

இத்தேர்வு முடிவுகள் இன்று வெளியிடப்பட்டது. புதுவை மாநிலத்தில் 92.94 சதவீத மாணவர்கள் தேர்ச்சி பெற்றுள்ளனர்.

இதுதொடர்பாக புதுவை அரசின் கல்வித்துறை வெளியிட்டுள்ள செய்திக்குறிப்பில் கூறியிருப்பதாவது:-

புதுவை மற்றும் காரைக்கால் பகுதியை சேர்ந்த 6 ஆயிரத்து 908 மாணவர்கள், 7 ஆயிரத்து 786 மாணவிகள் என மொத்தம் 14 ஆயிரத்து 694 மாணவர்கள் பிளஸ்-2 தேர்வு எழுதினர்.

இத்தேர்வில் அரசு மற்றும் தனியார் பள்ளிகளில் படித்த 13 ஆயிரத்து 657 மாணவர்கள் தேர்ச்சி பெற்றுள்ளனர். இதில் மாணவர்கள் 6 ஆயிரத்து 236, மாணவிகள் 7 ஆயிரத்து 421. தேர்வு எழுதிய மாணவர்களில் 92.94 சதவீதத்தினர் தேர்ச்சி பெற்றுள்ளனர். இது கடந்த ஆண்டை விட 5.62 சதவீதம் அதிகம்.

புதுவை, காரைக்காலில் அரசு பள்ளிகளை சேர்ந்த 2 ஆயிரத்து 677 மாணவர்கள், 3 ஆயிரத்து 754 மாணவிகள் என மொத்தம் 6 ஆயிரத்து 431 மாணவர்கள் தேர்வு எழுதினர்.

புதுவை, காரைக்காலில் தனியார் பள்ளிகளில் 4 ஆயிரத்து 231 மாணவர்கள், 4 ஆயிரத்து 32 மாணவிகள் என மொத்தம் 8 ஆயிரத்து 263 மாணவர்கள் தேர்வு எழுதினர். இதில் 4 ஆயிரத்து 145 மாணவர்கள், 4 ஆயிரத்து 6 மாணவிகள் என மொத்தம் 8 ஆயிரத்து 151 மாணவர்கள் தேர்ச்சி பெற்றுள்ளனர்.

தனியார் பள்ளிகளின் தேர்ச்சி விகிதம் 98.64 ஆகும். பிராந்தியம் வாரியாக அரசு மற்றும் தனியார் பள்ளிகளில் புதுவையில் 93.80 சதவீத மாணவர்கள் தேர்ச்சி பெற்றுள்ளனர். இது கடந்த ஆண்டை விட 5.71 சதவீதம் அதிகம்.

காரைக்காலில் 88.16 சதவீத மாணவர்கள் தேர்ச்சி பெற்றுள்ளனர். இது கடந்த ஆண்டை விட 5.13 சதவீதம் அதிகம்.

பிராந்தியம் வாரியாக அரசு பள்ளிகளில் புதுவையில் 86.03 சதவீத மாணவர்கள் தேர்ச்சி பெற்றுள்ளனர். இது கடந்த ஆண்டைவிட 12.84 சதவீதம் அதிகம். காரைக்காலில் 84.14 சதவீத மாணவர்கள் தேர்ச்சி பெற்றுள்ளனர்.

இது கடந்த ஆண்டைவிட 8.25 சதவீதம் அதிகம். புதுவை பகுதியில் 53 பள்ளிகள் 100 சதவீத வெற்றியை பெற்றுள்ளது. காரைக்காலில் 4 பள்ளிகள் 100 சதவீத வெற்றியை பெற்றுள்ளது.

இவ்வாறு அந்த செய்திக்குறிப்பில் குறிப்பிடப்பட்டு உள்ளது. #Plus2Result #Plus2Exam #TNResults