என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "பா.ஜனதா"
திருவாரூர் மாவட்டம் முத்துப்பேட்டை ஆசாத் நகர் பகுதியில் மீன்மார்க்கெட் உள்ளது. இது இப்பகுதி மக்களுக்கு இடையூறாக இருப்பதால் அதனை வேறு இடத்துக்கு மாற்ற வேண்டும் என்று பொதுமக்கள் கோரிக்கை விடுத்திருந்தனர்.ஆனால் மீன்மார்க் கெட்டை இடமாற்றம் செய்வது குறித்து எந்த நடவடிக்கையும் எடுக்கவில்லை. இதனை கண்டித்து பா.ஜனதாவினர் மற்றும் பொதுமக்கள் பல்வேறு போராட்டங்கள் நடத்தி உள்ளனர். இருந்த போதிலும் மீன்மார்க்கெட் அகற்றுவது குறித்து அதிகாரிகள் நடவடிக்கை எடுக்கவில்லை.
இதைத் தொடர்ந்து முத்துப்பேட்டை அருகே உள்ள ஜாம்புவான் ஓடை, அரமங்காடு, தில்லைவிளாகம், கல்லடி கொல்லை வடகாடு உள்ளிட்ட 20 கிராம மக்கள் ஒன்றிணைந்து இன்று ஆர்ப்பாட்டம் நடத்தபோவதாக அறிவித்திருந்தனர்.
ஆனால் இவர்கள் ஆர்ப்பாட்டம் நடத்த போலீசார் அனுமதி வழங்கவில்லை. இந்த நிலையில் அதை மீறி இன்று மாணவர்கள், பொதுமக்கள், விவசாயிகள் என அனைவரும் இணைந்து ஆர்ப்பாட்டம் நடத்துவதாக தகவல் பரவியது.
இதனால் தஞ்சை சரக டி.ஐ.ஜி.லோகநாதன் உத்தரவின் பேரில் திருவாரூர் மாவட்ட போலீஸ் சூப்பிரண்டு மயில்வாகனன் தலைமையில் 2 துணை டி.எஸ்.பி., 5 டி.எஸ்.பி.க்கள், 10 இன்ஸ்பெக்டர்கள், பயிற்சி காவலர்கள் என 350-க்கும் மேற்பட்ட போலீசார் பாதுகாப்பு பணியில் ஈடுபட்டனர்.
இந்த நிலையில் பா.ஜனதா மாநில பொதுச்செயலாளர் கருப்பு முருகானந்தம், ஒன்றிய தலைவர் ராஜேந்திரன், முன்னாள் ஒன்றிய தலைவர் ஆறுமுகம் மற்றும் நிர்வாகிகள் ஜெயபால், நித்யானந்தம், ராமு, பாலமுருகன், செந்தில் உள்பட 250 பேரை முன்னெச்சரிக்கையாக முத்துப்பேட்டை போலீசார் கைது செய்தனர்.
மேலும் போராட்டக்காரர்கள் அத்து மீறி ஆர்ப்பாட்டத்தில் ஈடுபட்டு விட கூடாது என்று பல அடுக்கில் போலீசார் பாதுகாப்பு பணியில் ஈடுபட்டுள்ளனர். சம்பவ இடத்துக்கு திருத்துறைப்பூண்டி மகேஸ்குமார், மன்னார்குடி ஆர்.டி.ஓ. பத்மாவதி ஆகியோரும் சென்று பார்வையிட்டனர்.
முத்துப்பேட்டை பகுதியில் போலீசார் குவிக்கப்பட்டுள்ளதால் பரபரப்பு ஏற்பட்டுள்ளது. #tamilnews
நாடாளுமன்ற தேர்தல் அடுத்த ஆண்டு நடைபெற உள்ள நிலையில் வாக்காளர்களையும், கட்சி தொண்டர்களையும் கவரும் விதமாக ‘சக்தி’ என்ற திட்டத்தை நேற்று பெங்களூரு காங்கிரஸ் அலுவலகத்தில் முன்னாள் மத்திய மந்திரி ப.சிதம்பரம் தொடங்கிவைத்தார்.
அதன்பிறகு ப.சிதம்பரம் நிருபர்களுக்கு பேட்டி அளித்தார். அப்போது அவர் கூறியதாவது:-
நாட்டில் காங்கிரஸ் கட்சியின் பலத்தை அதிகப்படுத்தும் நோக்கத்தில் ‘சக்தி’ என்ற திட்டம் தொடங்கப்பட்டு உள்ளது. இதனால் சாதாரண தொண்டர்களுடன் எந்த நேரத்திலும் கட்சியின் தேசிய தலைவர் ராகுல்காந்தி தொடர்பு கொண்டு பேச முடியும் என்ற சூழல் ஏற்படும்.
கர்நாடகத்தில் பூத் கமிட்டி மட்டத்தில் காங்கிரஸ் பலவீனமாக இருக்கிறது. அதனால் தான் நடந்து முடிந்த கர்நாடக சட்டசபை தேர்தலில் காங்கிரஸ் தோல்வியை தழுவியது. பூத் கமிட்டி மட்டத்தில் இருந்து கட்சிக்கு சக்தி கொடுக்க தான், புதிதாக சக்தி திட்டம் கொண்டுவரப்பட்டு இருக்கிறது.
கர்நாடகம், குஜராத் மாநிலங்களுக்கு நடந்த சட்டசபை தேர்தல்களில் பா.ஜனதாவை விட காங்கிரஸ் கூடுதல் ஓட்டுகளை பெற்றது. ஆனால் பா.ஜனதாவை விட காங்கிரஸ் குறைந்த தொகுதிகளில் வெற்றி பெற்றது. கர்நாடகத்தில் பா.ஜனதாவை விட காங்கிரஸ் கட்சி 7 லட்சம் ஓட்டுகள் கூடுதலாக பெற்றது. தேர்தல் முடிவுகளில் காங்கிரஸ் கட்சிக்கு 36 சதவீத ஓட்டுகளும், பா.ஜனதாவுக்கு 34 சதவீத ஓட்டுகளும் கிடைத்தது.
அப்படி இருந்தும் காங்கிரஸ் இல்லாத இந்தியாவை உருவாக்க போவதாக பா.ஜனதா தலைவர்கள் கூறி வருகிறார்கள். காங்கிரஸ் இல்லாத நாட்டை உருவாக்க யாராலும் முடியாது. அது ஒருபோதும் நடக்காது. ஆனால் பா.ஜனதா இல்லாத இந்தியாவை உருவாக்குவதே காங்கிரசின் லட்சியம் ஆகும். அந்த காலம் வெகு தொலைவில் இல்லை. பா.ஜனதா இல்லாத இந்தியாவை உருவாக்குவதை காங்கிரஸ் தொண்டர்கள் சாத்தியமாக்குவார்கள்.
இவ்வாறு ப.சிதம்பரம் கூறினார். #Chidambaram #Tamilnews
பாரதீய ஜனதா கட்சி ஆளும் மத்தியபிரதேசம், ராஜஸ்தான் மற்றும் சத்தீஷ்கார் மாநிலங்களில் இந்த ஆண்டின் (2018) இறுதியில் சட்டமன்ற தேர்தல் நடைபெற உள்ளது. அதன்தொடர்ச்சியாக அடுத்த ஆண்டு (2019) நாடாளுமன்ற பொதுத்தேர்தல் நடைபெற உள்ளது
இந்த தேர்தல்களில் வெற்றி பெறுவது குறித்து விவாதிப்பதற்காக பாரதீய ஜனதா கட்சியின் தேசிய செயற்குழு கூட்டம் அடுத்த மாதம் (ஆகஸ்டு) 18 மற்றும் 19-ந் தேதிகளில் நடைபெறுகிறது.
அக்கட்சியின் கொள்கைப்படி 3 மாதங்களுக்கு ஒரு முறை செயற்குழு கூட்டம் நடத்தப்பட வேண்டும். ஆனால் கட்சித்தலைவர் அமித்ஷா நாடு முழுவதும் சுற்றுப்பயணம் செய்து கட்சி நிர்வாகிகளை சந்திக்கும் நிகழ்ச்சிகளில் கலந்து கொண்டு வருகிறார். இதனால் 3 மாதங்களுக்கு ஒருமுறை செயற்குழு கூட்டம் நடத்தப்படவில்லை என்று கட்சி நிர்வாகி ஒருவர் தெரிவித்தார்.
மத்தியில் பாரதீய ஜனதா மீண்டும் ஆட்சிக்கு வந்தால் அரசியல் சாசனம் திருத்தி எழுதப்படும் என்றும், இந்தியா ‘இந்து பாகிஸ்தான்’ஆகிவிடும் என்றும் திருவனந்தபுரம் தொகுதி காங்கிரஸ் எம்.பி. சசிதரூர் சமீபத்தில் கூறியது பெரும் சர்ச்சையை ஏற்படுத்தியது. அவரது கருத்துக்கு பாரதீய ஜனதா கண்டனம் தெரிவித்தது.
இந்த நிலையில், திருவனந்தபுரத்தில் உள்ள சசிதரூரின் அலுவலகம் நேற்று தாக்கப்பட்டது. பாரதீய ஜனதா கட்சியின் இளைஞர் அணியினர் இந்த தாக்குதலை நடத்தியதாக போலீசார் தெரிவித்தனர்.
இதுபற்றி தனது டுவிட்டர் பதிவில் கருத்து தெரிவித்துள்ள சசிதரூர், “பாரதீய ஜனதாவின் இளைஞர் அணியைச் சேர்ந்தவர்கள் திருவனந்தபுரத்தில் உள்ள எனது தொகுதி அலுவலகத்துக்கு வந்து பெயர் பலகை, நுழைவாயில் கதவு, சுவர் உள்ளிட்ட இடங்களில் கருப்பு நிற என்ஜின் எண்ணெயை ஊற்றி தாக்குதல் நடத்தியதோடு, நான் பாகிஸ்தானுக்கு போகவேண்டும் என்று கோஷம் எழுப்பிவிட்டு சென்று இருக்கிறார்கள். இந்த சம்பவம் பாரதீய ஜனதாவின் உண்மையான முகத்தை காட்டுகிறது” என்று அதில் குறிப்பிட்டு உள்ளார்.
திருச்சி:
திருச்சி வந்த விடுதலை சிறுத்தைகள் கட்சி தலைவர் தொல்.திருமாவளவன், காமராஜர் பிறந்தநாளையொட்டி திருச்சி சத்திரம் பேருந்து நிலையம் பகுதியில் உள்ள காமராஜர் சிலைக்கு மாலை அணிவித்து மரியாதை செலுத்தினார். பின்னர் அவர் நிருபர்களிடம் கூறியதாவது:-
கல்வி தொடர்பான அதிகாரத்தை மாநில பட்டியலில் இணைக்க வேண்டும். இந்தியா முழுவதும் மத்திய அரசு நீட் தேர்வை ரத்து செய்ய வேண்டும். காவல் துறையில் போதிய ஜனநாயக உரிமை இல்லை. 8மணி நேர பணியை உறுதிப்படுத்த வேண்டும். வார விடுமுறைக்கு அனுமதிக்க வேண்டும்.
ஊழல் தொடர்பாக தமிழக முதல்வர் மக்களுக்கு தெளிவுபடுத்தும் வகையில் அறிக்கையை வெளியிட வேண்டும். ஊழலை ஒழிப்போம் எனக்கூறி ஆட்சிக்கு வந்த பா.ஜ.க. அரசு , அந்த சட்டத்தை நடைமுறைப்படுத்த 4 ஆண்டுகளாக எந்த முயற்சியும் எடுக்கவில்லை. திருத்தம் மட்டுமே செய்துள்ளார்கள் .
டி.டி.வி. தினகரன் ஸ்ரீரங்கம் தொகுதி வேட்பாளரை அறிவித்து பேசியதற்கு வாழ்த்துக்கள். காந்தி மார்க்கெட் வெங்காயமண்டி தொழிலாளர்கள் 260 பேரின் கோரிக்கைகளை பரிசீலனை செய்து அரசு, மாநகராட்சி நிர்வாகம் உரிய நடவடிக்கை எடுக்க வேண்டும்.
பா.ஜ.க.வினர் அ.தி.மு.க.வை பலவீன படுத்துவதற்கான முயற்சியில் ஈடுபட்டு வருகிறார்கள். ஈ.பி.எஸ்., ஓ.பி.எஸ். இருவருக்கும் இடையே இடைவெளி ஏற்படுத்தி வருகின்றனர்.
இவ்வாறு அவர் கூறினார். #thirumavalavan #admk #bjp
காங்கயம்:
திருப்பூர் மாவட்டம் காங்கயத்தில் உள்ள ஒரு திருமண மண்டபத்தில் திருப்பூர் வடக்கு மாவட்ட காங்கிரஸ் கமிட்டி வாக்குச்சாவடி முகவர்கள் கலந்தாய்வு கூட்டம் நடந்தது. கூட்டத்திற்கு திருப்பூர் வடக்கு மாவட்ட தலைவர் ப.கோபி தலைமை தாங்கினார்.
கூட்டத்தில் முன்னாள் எம்.பி.குப்புசாமி, முன்னாள் எம்.எல்.ஏ. பழனிசாமி, மாநில மகிளா காங்கிரஸ் தலைவர் ஜான்சிராணி, மாவட்ட இளைஞர் காங்கிரஸ் தலைவர் சரவணன், பொதுக்குழு உறுப்பினர் காட்டூர் வெங்கடாச்சலம், பொங்கலூர் வட்டார தலைவர் தியாகராஜன், மற்றும் காங்கயம், வெள்ளகோவில், பொங்கலூர், அவினாசி, பல்லடம் ஆகிய வட்டாரங்களை சேர்ந்த நிர்வாகிகள் கலந்து கொண்டனர்.
கூட்டத்தில் கலந்து கொண்ட தமிழக காங்கிரஸ் கமிட்டி தலைவர் திருநாவுக்கரசர் நிருபர்களுக்கு பேட்டி அளித்தார். அப்போது அவர் கூறியதாவது:-
தமிழகத்தில் 18 எம்.எல்.ஏ.க்களை தகுதி நீக்கம் செய்த வழக்கில் சுப்ரீம் கோர்ட்டு தலையிட்டு மூன்றாவதாக மூத்தநீதிபதி ஒருவரை நியமித்து தற்போது வழக்கு விசாரணை தொடங்கி இருப்பது நல்லது. தமிழகத்தில் உள்ளாட்சி தேர்தலை மீண்டும் தள்ளி வைத்து இருப்பது கண்டிக்க தக்கது. உள்ளாட்சி தேர்தல் நடைபெறாததால் மக்கள் தங்களது குறைகளை தெரிவிக்க முடியவில்லை. எனவே உள்ளாட்சி தேர்தலை நடத்த அரசு முன்வர வேண்டும். தற்போது சேலம்-சென்னை 8 வழிச்சாலை விவகாரத்தில் மக்கள் போராடி வருகிறார்கள். மக்கள் விருப்பத்திற்கு எதிராக திட்டத்தை நிறைவேற்ற அரசு முயற்சி செய்யக்கூடாது. பா.ஜனதாவுக்கு தமிழகத்தில் வாய்ப்பு இல்லை. எனவே மக்களுக்கு நன்மை பயக்கும் திட்டங்களை செயல்படுத்தாமல் தமிழக மக்களை தொல்லைகளுக்கு உள்ளாக்கும் திட்டங்களை மட்டுமே செயல்படுத்தி வருகிறது.
தமிழகத்தில் பா.ஜனதா வளர்ந்து விட்டதாக கனவுலகில் மிதந்து வருகிறது. டெல்லி கவர்னர் விஷயத்தில் சுப்ரீம் கோர்ட்டின் தீர்ப்பு வரவேற்கத்தக்கது. அது அனைத்து மாநில கவர்னர்களுக்கும் பொருந்தும். அதன்படி கவனர்கள் நடந்து கொள்ள வேண்டும். தமிழக அரசு வேறு அல்ல. மத்திய அரசு வேறு அல்ல, இரண்டும் பா.ஜனதா அரசுதான். பா.ஜனதா மற்ற மாநிலங்களில் ஒன்றிரண்டு எம்.எல்.ஏ.க்களை வைத்து ஆட்சி நடத்துகிறது. ஆனால் தமிழகத்தில் எம்.எல்.ஏ.க்கள் இல்லாமல் ஆட்சி நடத்தி வருகிறது. தி.மு.க.வுடன் கூட்டணி தொடரும். காங்கயத்தில் இரும்பு தாது எடுக்கும் விவகாரத்தில் மக்கள் பக்கம் காங்கிரஸ் நிற்கும்.
இவ்வாறு அவர் கூறினார். #thirunavukkarasar #bjp
சென்னை:
அகில இந்திய பா.ஜனதா தலைவர் அமித்ஷாவின் தமிழக வருகை ஏற்கனவே 3 முறை தள்ளிப்போய் இருக்கிறது. இப்போது வருகிற 9-ந்தேதி (திங்கள்) தமிழகம் வருகிறார். 8-ந்தேதி இரவே சென்னைக்கு வந்து தங்குகிறார். 9-ந்தேதி காலை 8 மணி முதல் நிர்வாகிகள் சந்திப்பு நிகழ்ச்சி தொடங்குகிறது.
கட்சியின் உயர்மட்டக்குழு நிர்வாகிகள், பாராளுமன்ற, சட்டமன்ற குழுக்களின் பொறுப்பாளர்கள், பூத் கமிட்டி பொறுப்பாளர்கள் உள்பட 15 ஆயிரத்துக்கும் மேற்பட்ட நிர்வாகிகளை சந்திக்கும் வகையில் ஏற்பாடுகள் செய்யப்பட்டு வருகிறது.
தமிழ்நாடு, பாண்டிச்சேரி, அந்தமான் ஆகிய 3 மாநிலங்களை சேர்ந்த நிர்வாகிகளை சென்னையில் சந்திக்கிறார்.
இந்த சந்திப்பின்போது பாராளுமன்ற தேர்தலில் கட்சி எடுக்க வேண்டிய நிலைப்பாடு குறித்து நிர்வாகிகளின் கருத்தை கேட்டறிவார் என்று கூறப்படுகிறது.
மேலும் பாராளுமன்ற தேர்தலில் பணியாற்றுவது குறித்தும் நிர்வாகிகளுக்கு ஆலோசனை வழங்க இருப்பதாக நிர்வாகிகள் தெரிவித்தனர்.
நிகழ்ச்சி முடிந்து இரவில் சென்னையில் தங்குகிறார். மறுநாள் (10-ந்தேதி) டெல்லி புறப்பட்டு செல்கிறார்.
அதிக அளவில் நிர்வாகிகள் பங்கேற்பதால் கூட்டம் நடத்துவதற்கான இடங்களை பா.ஜனதா தலைவர்கள் தேர்வு செய்து வருகிறார்கள். #AmitShah #bjp
புதுக்கோட்டை:
புதுக்கோட்டை மாவட்டம் அரிமளத்தில் காங்கிரஸ் கட்சி செயல்வீரர்கள் கூட்டம் நடந்தது. கூட்டத்தில் முன்னாள் மத்திய அமைச்சர் ப.சிதம்பரம் கலந்து கொண்டு பேசினார். அப்போது அவர் கூறியதாவது:-
காங்கிரஸ் கட்சி உறுப்பினர்கள் சேர்க்கை தற்போது நடந்து வருகிறது. இளைஞர்களை அதிக அளவில் உறுப்பினர்களாக சேர்க்க வேண்டும். தற்போது மத்திய அரசால் செயல்படுத்தப்பட்டு வரும் பயிர் காப்பீட்டு திட்டம் மோசடியான திட்டம். இந்த திட்டம் விவசாயிகளுக்காக கிடையாது. காப்பீட்டு நிறுவனங்கள் லாபம் அடைவதற்காக தான் திட்டம் செயல்படுத்தப்படுகிறது.
தூத்துக்குடி துப்பாக்கி சம்பவம் குறித்து பிரதமர் கண்டனம் தெரிவிக்கவில்லை, முதல்வர் வருத்தம் தெரிவிக்கவில்லை. நேரில் சென்று பார்க்கவில்லை. தமிழக அரசு பொம்மையாக செயல்படுகிறது. மத்திய அரசு ஒரு காலை தூக்க சொன்னால் தமிழக அரசு இரண்டு கால்களையும் தூக்குகிறது.
பா.ஜ.க.வை எதிர்த்து இந்தியா முழுவதும் எதிர்கட்சிகள் அனைத்தும் ஒன்றிணைந்து வருகிறது. காங்கிரஸ் வலுப்பட வேண்டும் என்றால் அதிக அளவில் உறுப்பினர்களை சேர்க்க வேண்டும் .
இவ்வாறு அவர் கூறினார்.
கூட்டத்திற்காக அச்சடிக்கப்பட்டிருந்த அழைப்பிதழ் மற்றும் பிளக்ஸ் பேனர்களில் தமிழக காங்கிரஸ் கட்சி தலைவர் திருநாவுக்கரசர் படம் இடம் பெறவில்லை. இதனால் அதிருப்தியடைந்த அவரது ஆதரவாளர்கள் கூட்டத்தை புறக்கணித்தனர். #pchidambaram #bjp
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
