ஹோண்டாவின் முற்றிலும் புதிய மிட்-சைஸ் எஸ்யுவி வெளியீட்டு தேதி அறிவிப்பு

ஹோண்டா நிறுவனம் தனது புதிய மிட்சைஸ் எஸ்யுவி மாடல், எலிவேட் எனும் பெயரில் இந்திய சந்தையில் அறிமுகம் செய்யப்பட இருப்பதை உறுதிப்படுத்தியது. இதைத் தொடர்ந்து புதிய எலிவேட் எஸ்யுவி மாடல் ஜூன் 6 ஆம் தேதி அறிமுகம் செய்யப்படும் என்று அறிவித்து இருக்கிறது. புதிய ஹோண்டா எலிவேட் எஸ்யுவி மாடல் ஹூண்டாய் கிரெட்டா, கியா செல்டோஸ், மாருதி சுசுகி கிராண்ட் விட்டாரா போன்ற மாடல்களுக்கு போட்டியாக அமைகிறது.

இம்மாத துவக்கத்தில் ஹோண்டா நிறுவனம் பதிய எஸ்யுவி மாடல் பெயரை அறிவித்தது. இதைத் தொடர்ந்து எலிவேட் எஸ்யுவி ஸ்பை படங்கள் இணையத்தில் வெளியாகின. புதிய எலிவேட் மாடல் 360 டிகிரி கேமரா, பெரிய டச் ஸ்கிரீன் இன்ஃபோடெயின்மெண்ட் சிஸ்டம், ஆட்டோமேடிக் கிளைமேட் கண்ட்ரோல், குரூயிஸ் கண்ட்ரோல் மற்றும் சன்ரூஃப் போன்ற அம்சங்களை கொண்டிருக்கும் என்று தெரிகிறது.

காரின் வெளிப்புறம் எல்இடி ஹெட்லேம்ப்கள், டெயில் லைட்கள், எல்இடி டிஆர்எல்கள், ஷார்க் ஃபின் ஆண்டெனா, ரியர் வைப்பர் மற்றும் வாஷர், ரூஃப் ரெயில்கள் வழங்கப்படுகின்றன. இந்த காரில் ஹோண்டா சிட்டி மாடலில் உள்ளதை போன்ற என்ஜின் வழங்கப்படும் என்று கூறப்படுகிறது. இத்துடன் ஹைப்ரிட் பவர்டிரெயின், ADAS சூட் உள்ளிட்டவை வழங்கப்படுகிறது.