செய்திகள்
தமிழகத்தில் அனைத்துப் பள்ளிகளும் ஜூன் 1-ந்தேதி திறப்பு- பள்ளிக் கல்வித்துறை
தமிழகத்தில் அனைத்துப் பள்ளிகளும் ஜூன் 1-ந்தேதி திறக்கப்படும் என்று பள்ளிக் கல்வித்துறை இயக்குனர் அறிக்கை வெளியிட்டுள்ளார். #TNSchoolOpen
சென்னை:
தமிழகத்தில் 12, 11 மற்றும் 10-ம் வகுப்பு மாணவ-மாணவிகள் பொதுத்தேர்வுகள் எழுதினர். அதன்பின் கோடை விடுமுறை விடப்பட்டுள்ளது. அதேபோல் மற்ற வகுப்பு மாணவ- மாணவிகளுக்கும் பொதுவிடுமுறை விடப்பட்டுள்ளது.
பொதுவிடுமுறை முடிந்து ஜூன் 7-ந்தேதி பள்ளிக்கூடம் திறக்கப்படும் என்று அமைச்சர் செங்கோட்டையன் தெரிவித்திருந்தார். இந்நிலையில் ஜூன் 1-ந் தேதியே அரசு மற்றும் தனியார் பள்ளிகள் உள்பட அனைத்து பள்ளிகளும் திறக்கப்படும் என பள்ளிக் கல்வித்துறை இயக்குனர் இளங்கோவன் அறிக்கை வெளியிட்டுள்ளார்.
இதுத்தொடர்பாக அனைத்து பள்ளிகளுக்கும் சுற்றறிக்கை அனுப்பியுள்ளதாகவும் கூறப்படுகிறது. #TNSchoolOpen