வள்ளியூரில் பைக் திருடிய வாலிபர் கைது

வள்ளியூர்:

வள்ளியூர் பகுதியில் கடந்த சில மாதங்களாக பைக் திருட்டு போவது தொடர்ந்து வந்தது. இதுகுறித்து அப்பகுதி பொதுமக்கள் வள்ளியூர் போலீசில் புகார் செய்தனர். 

புகாரில் தேரைகுளம் கல்யாணசுந்தரம் என்பவரது மகன் சிவக்குமார் (வயது22) என்பவர் மீது சந்தேகம் இருப்பதாக கூறியிருந்தனர். 

இதையடுத்து போலீசார் சிவக்குமாரை பிடித்து விசாரணை நடத்தினர். விசாரணையில் அவர் அப்பகுதியில் பைக் திருடியது தெரியவந்தது. இதைத்தொடர்ந்து போலீசார் அவரை கைது செய்து அவரிடம் இருந்து 4 பைக்குகளை மீட்டனர்.