கருணாநிதி நலம் பெற மம்தா பானர்ஜி கடிதம்- மு.க.ஸ்டாலினிடம் திரிணாமுல் காங்.எம்.பி. வழங்கினார்

சென்னை:

தி.மு.க. தலைவர் கருணாநிதி உடல்நலக்குறைவால் காவேரி மருத்துவ மனையில் அனுமதிக்கப்பட்டு சிகிச்சை பெற்று வருகிறார். பல்வேறு கட்சித் தலைவர்கள் ஆஸ்பத்திரிக்கு சென்று மு.க.ஸ்டாலின் மற்றும் டாக்டர்களிடம் கருணாநிதியின் உடல்நலம் பற்றி விசாரித்து வருகிறார்கள்.

மேற்கு வங்காள முதல்வர் மம்தாபானர்ஜி சார்பில் திரிணாமுல் காங்கிரஸ் எம்.பி. டெரிக் ஓ.பிரெய்ன் காவேரி மருத்துவமனைக்கு வந்து கருணாநிதி உடல்நலம் குறித்து கேட்டறிந்தார்.

பின்னர் அவர், ‘‘கருணாநிதி உடல்நலம் தேறி விரைவில் மக்கள் பணியாற்ற தாம் இறைவனை பிரார்த்திக்கிறேன்’’ என்று மம்தாபானர்ஜி கூறியதாக மு.க.ஸ்டாலினிடம் தெரிவித்து, ‘‘கலைஞர் விரைவில் குணமடைய இறைவனை பிரார்த்திக்கிறேன்’’ என்ற வாசகம் அடங்கிய மம்தா பானர்ஜியின் கடிதத்தையும் அவரிடம் வழங்கினார்.

பின்னர் டெரிக் ஓ.பிரெய்ன் நிருபர்களிடம் கூறுகையில், ‘‘தி.மு.க. தலைவர் கருணாநிதி முழு உடல்நலம் பெற மேற்குவங்க மக்களுடன் இணைந்து இறைவனை பிரார்த்திக்கிறோம்’’ என்றார்.  #karunanidhi #mkstalin #trinamoolcongressmp