செய்திகள்
கோபாலபுரம் இல்லத்தில் கருணாநிதி உடல் - மம்தா பானர்ஜி மற்றும் தலைவர்கள் அஞ்சலி
கோபாலபுரம் இல்லத்தில் வைக்கப்பட்டுள்ள திமுக தலைவர் கருணாநிதி உடலுக்கு மேற்கு வங்காள மாநில முதல் மந்திரி மம்தா பானர்ஜி மற்றும் பல்வேறு அரசியல் கட்சி தலைவர்கள் அஞ்சலி செலுத்தினர். #Karunanidhi #RIPKalaignar #கலைஞர் #DMK
சென்னை:
காவேரி மருத்துவமனையில் சிகிச்சைக்காக அனுமதிக்கப்பட்டிருந்த திமுக தலைவர் கருணாநிதி இன்று மாலை 6.10 மணியளவில் காலமானார். இதனை அடுத்து, ஜனாதிபதி, பிரதமர் உள்பட பல தலைவர்கள் அவரது மரணத்திற்கு இரங்கல் தெரிவித்து வருகின்றனர்.
இதற்கிடையே, கருணாநிதியின் உடல் காவேரி மருத்துவமனையில் இருந்து ஆம்புலன்ஸ் மூலம் கோபாலபுரம் இல்லத்துக்கு கொண்டு வரப்பட்டது. வீர வணக்க முழக்கங்களுடன் தொண்டர்கள் வாகனத்தை சூழ்ந்து வந்தனர்.
இந்நிலையில், கோபாலபுரம் இல்லத்தில் வைக்கப்பட்டுள்ள திமுக தலைவர் கருணாநிதி உடலுக்கு மேற்கு வங்காள மாநில முதல் மந்திரி மம்தா பானர்ஜி நேரில் வந்து அஞ்சலி செலுத்தினார்.
மேலும், திமுக தலைவர் கருணாநிதி உடலுக்கு பொது செயலாளர் க.அன்பழகன், விசி கட்சி தலைவர் திருமாவளவன், தமிழக காங்கிரஸ் தலைவர் திருமாவளவன் உள்பட பல்வேறு அரசியல் கட்சி தலைவர்கள் அஞ்சலி செலுத்தினர். #Karunanidhi #RIPKalaignar #கலைஞர் #DMK