பட்டதாரி பெண் கடத்தல் - வாலிபர் மீது தந்தை புகார்

சென்னிமலை:

சென்னிமலை அருகே தொட்டம்பட்டி சேர்ந்தவர் ராஜா என்கிற கருப்பண்ணசாமி (வயது 48). கூலித் தொழிலாளி.

இவரது மகள் அபிராமி (21) பி.எஸ்.சி. பட்டப்படிப்பு முடித்துள்ளார். இவர் சென்னிமலை அருகே உள்ள அத்திக்காடு என்ற இடத்தில் உள்ள தனியார் நிறுவனத்தில் வேலை பார்த்து வருகிறார்.

இவர் கடந்த 23-ந் தேதி காலை வழக்கம் போல் வேலைக்கு சென்றவர் வீடு திரும்பவில்லை. இது குறித்து அபிராமியின் தந்தை ராசு என்கிற கருப்பண்ணசாமி சென்னிமலை போலீசில் புகார் கொடுத்தார்.

அந்த புகாரில் சென்னிமலை அருகே அம்மாபாளையத்தை சேர்ந்த மதியழகன் என்பவரின் மகன் நடராஜ் என்கிற மணிகண்டன் என்பவர் ஆசைவார்த்தை கூறி மகள் அபிராமியை கடத்தி சென்று விட்டதாக புகாரில் தெரிவித்துள்ளார்.

இது குறித்து போலீசார் வழக்குப்பதிவு செய்து விசாரித்து வருகிறார்கள். #tamilnews