பேரணாம்பட்டு அருகே தண்ணீர் தொட்டியில் மூழ்கி 2 சிறுவர்கள் பலி

பேரணாம்பட்டு:

பேரணாம்பட்டு அருகேயுள்ள எரிகுத்தி அருந்ததியர் காலனியை சேர்ந்தவர் குமரேசன். இவரது மகன் புவனேஷ் (4) பேரணாம்பட்டில் உள்ள தனியார் பள்ளியில் எல்.கே.ஜி படித்து வந்தார். அதே பகுதியை சேர்ந்த குமரேசன் உறவினரான சங்கர் மகன் மிதிலேஷ் (2½). இருவரும் நேற்று மாலை சுரேஷ் என்பவரின் வீட்டின் அருகே விளையாடி கொண்டிருந்தனர்.

நீண்ட நேரமாகியும் இருவரும் வீட்டிற்கு திரும்பவில்லை. குழந்தைகள் வீட்டிற்கு வராததால் அதிர்ச்சி அடைந்த பெற்றோர். ஊர் முழுவதும் தேடி பார்த்தனர். குழந்தைகள் கிடைக்கவில்லை. இந்த நிலையில் சுரேஷ் என்பவரின் வீட்டின் முன்பு இருந்த மூடப்படாத குடிநீர் தொட்டியில் இருவரும் மூழ்கி இறந்து கிடந்தது தெரிய வந்தது. குழந்தைகளின் உடலை பார்த்து பெற்றோர்கள் கதறி, அழுதனர். இதுகுறித்து குமரேசன் பேரணாம்பட்டு போலீசில் புகார் செய்தார். சம்பவ இடத்திற்கு விரைந்து வந்த போலீசார். 2 பேரின் உடலையும் மீட்டு பிரேத பரிசோதனைக்காக பேரணாம்பட்டு அரசு ஆஸ்பத்திரிக்கு அனுப்பி வைத்னர். இது குறித்து வழக்குபதிவு செய்து விசாரனை நடத்தி வருகின்றனர். #tamilnews