தங்கம் விலை சவரனுக்கு ரூ.120 உயர்வு

சென்னை:

தங்கம் விலையில் ஏற்றத்தாழ்வு இருந்து வருகிறது. சில நாட்களுக்கு முன்பு பவுன் ரூ.36 ஆயிரத்தை தாண்டியது. இதற்கிடையே நேற்று பவுனுக்கு ரூ.104 குறைந்து ரூ.36 ஆயிரத்துக்கு கீழ் வந்தது. நேற்று ஒரு பவுன் ரூ.35 ஆயிரத்து 944-க்கு விற்றது.

இந்த நிலையில் இன்று தங்கம் விலை மீண்டும் ரூ.36 ஆயிரத்தை தாண்டியது. சென்னையில் இன்று காலை ஆபரணத்தங்கத்தின் விலை பவுனுக்கு ரூ.120 அதிகரித்து ரூ.36 ஆயிரத்து 64-க்கு விற்பனை ஆனது. ஒரு கிராம் ரூ.4 ஆயிரத்து 508 ஆக உள்ளது.

வெள்ளி கிலோவுக்கு ரூ.200 அதிகரித்து ரூ.68 ஆயிரத்து 900 ஆக உள்ளது. ஒரு கிராம் வெள்ளி ரூ.68.90-க்கு விற்பனை செய்யப்படுகிறது.