தர்மபுரி அருகே மோட்டார் சைக்கிள் திருட்டு

தர்மபுரி:

தர்மபுரி கீழ் மசூதி தெருவை சேர்ந்தவர் ஆனந்தராஜ் (வயது 47). இவர் தர்மபுரி உழவர் சந்தைக்கு காய்கறிகள் வாங்கச் சென்றார். அப்போது உழவர் சந்தையின் வெளிப்பகுதியில் நிறுத்தி வைக்கப்பட்டு இருந்த அவருடைய மோட்டார் சைக்கிள் மாயமானது. பல்வேறு இடங்களில் தேடி பார்த்தும் மோட்டார் சைக்கிள் கிடைக்கவில்லை. இதையடுத்து ஆனந்தராஜ் தர்மபுரி டவுன் போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து மோட்டார் சைக்கிள் திருட்டில் ஈடுபட்ட மர்ம நபர்கள் யார்? என்பது குறித்து விசாரணை நடத்தி வருகிறார்கள்.